Chapter 4 - The Rule of the Objects of the Zodiac Signs and Planets

anekaliṅgaprakṛtīni yāni dravyāṇi bhūvyomajalāśrayāṇi |
bhavargabhāgaprabhavāni tāni vakṣye yathāyogavidhi krameṇa ||1||
[Analyze grammar]

bhūmyagnyasṛkchastrasuvarṇatāmradhātvagnijīvāhava-mantrakānām |
kumārabālavyajanātapatraśaktidhvajastenacamūpatīnām ||2||
[Analyze grammar]

ajāvikārīkṣukadudrumādrisaṅketadagdhaprahitakṣatānām |
manaḥśilāgairikaraktapuṣpadravyādhikaśca vihito'jarāśiḥ ||3||
[Analyze grammar]

krīḍāvihārasragapatyanārīvīthīvanodyānasabhāprapānām |
sarpirdadhikṣīrasaśaṣpapuṣpasaṃsthānagolāṅgalakarṣakānām ||4||
[Analyze grammar]

goyuktaśamyāśakaṭākṣacakragandhokṣasatviḍmahiṣa-rṣabhāṇām |
saubhāgyakarmapriyamaṇḍnānāṃ vibhurvṛṣaḥ kośagṛhāśrayāṇām ||5||
[Analyze grammar]

puṃstrīratidyūtavihāraśilpagāndharvagītasmitavāditāni |
vyāyāmacitrāyudhalekhyayodhasaṃvādasanmantritapustakāni ||6||
[Analyze grammar]

dvandvārthayogāstradhanauṣadhāni jñānopadeśavyavahāradhīrāḥ |
naipuṇyavaihārikahastajīvā rāśestṛtīyasya naṭāḥ sadhūrtāḥ ||7||
[Analyze grammar]

nārītapasviśrutivṛddhaviprāḥ saritsitākhyāḥ kumudotpalāni |
dravyāṇi śītāni mṛdudravāṇi svādūni saṃjīvanadarpaṇāni ||8||
[Analyze grammar]

nakrāḥ samaṇḍūkakulīrakūrmāśokāḥ saśaṣpāṇi ca vārijāni |
śvetāḥ śakuntāḥ palajīvinaśca rāśeścaturthasya parigrahāḥ syuḥ ||9||
[Analyze grammar]

śailāṭavīdurgaviṣāsthikāṣṭhatvagmāṃsaromājinatantrakāṇām |
araṇyajānāṃ nakhidantiśṛṅgakṣuttṛṣṭarūkṣauṣṭharasauṣadhīnām ||10||
[Analyze grammar]

vyādheṣuvṛddhipratimukhyabhūtāṃ mlecchāsiśastraurṇikakāṃcanānām |
rugvidviṣanmantrabhṛdragvatāṃ ca siṃho nirukto vibhuraujasānām ||11||
[Analyze grammar]

kanyāratiprārthitasaṅgatahrīcalannitambadravadhūmadhūpāḥ |
mukhyauṣṭharāgāṃjñanamātrabhūṣāstrīkrīḍanādarśa-samudgakāni ||12||
[Analyze grammar]

pradīpikānauśibikauntarīyāstrīśilpakāvyaśrutipatralekhāḥ |
virāgavāṇīmaṇiratnadhūpasaṃkhyānagītādikalāśca ṣaṣṭhe ||13||
[Analyze grammar]

tulādimānākaṣapaṇyavīthīhiraṇyaratnāmbaramauktikānām |
udghoṣikoddeśikasārthavāhavikretṛnairyāṇikamūrtikānām ||14||
[Analyze grammar]

viṭākṣadhūrtānṛtahastajīvidautyārthakṛtyaśrutipaṇḍitānām |
ṣāḍguṇyameyādikalākṣarāṇāṃ tulādharaḥ sampaṭhito'dhikaśca ||15||
[Analyze grammar]

śvabhrāhivalmīkaviṣāśmaśastrapraṇaṣṭaduṣṭakṣatagarhitāśca |
sarīsṛpā vṛścikababhrugodhāḥ sarpādayo randhravicāriṇo'nye ||16||
[Analyze grammar]

vadhāripādopahatapraduṣṭadīnānyabhāryāśravapatnyaniṣṭāḥ |
māṃsodarāvasthanṛguhyabhāṇḍasāṅgrāmabhasmādi ca vṛścike syuḥ ||17||
[Analyze grammar]

hayadvipaspandanacakracāpavarmāstrayodhāyudhamantra-bāṇāḥ |
vedāraṇīmantrakahavyabhāṇḍadevartvigācāryahavirdvijāśca ||18||
[Analyze grammar]

jñānopadeśāgamavāgvariṣṭhakāvyasmṛtivyākṛtamaṅgalārthāḥ |
rāṣṭrāṇyamātyāḥ puramantripaurā jaladvijāśve kṛmiśailapādāḥ ||19||
[Analyze grammar]

anye mṛgā vṛkṣalabaṅga vādā |
duṣṭā viśastā makaroragāḥ syuḥ sasīsalohāyasadhātupāśāḥ ||20||
[Analyze grammar]

kusasyadhānyākaranīcadāsasetuplavāraṇyasaritsarāṃsi |
nauvārijīvā mṛgapakṣinighnā mṛgāśrayā yacca jalādhivāsi ||21||
[Analyze grammar]

taḍāgakūpapratibandhabādhapreṣyāśca bhītāḥ śabalāṅkitāṅgāḥ |
kusasyalohāyasakṛṣṇasīsaśvapāka jitrara baddhavṛddhāḥ ||22||
[Analyze grammar]

napuṃsakapravrajitādhamastrīpratyāyiṇo mauṣṭikaduṣṭadhūrtāḥ |
svarāsavādyambudharāvakādyā ghaṭādayaḥ kumbhadhṛtāsrayāḥ ||23||
[Analyze grammar]

gambhīratoyodadhitīrthatīranaupotavāhāstimijātiśaṃkhāḥ |
nārīsvarāgārajalopajīvisnānāmbaraprekṣaṇatarpaṇāni ||24||
[Analyze grammar]

yajñadvijeṣṭāmaṇimuktiśaṅkhaprabālatoyāni vibhūṣaṇāni |
purāṇavedavratanītidharmadravyāṇi mīnadvayasaṃśrayāṇi ||25||
[Analyze grammar]

grāmyasthalāraṇyajalasvabhāvaṃ vāyvagnibhūmyaṅgajalāśrayaṃ yat |
dravyaṃ gṛhaṃ tādṛśameva yadyat tattasya vidvān parikalpayeta ||26||
[Analyze grammar]

dravyāṇyanekākṛtalakṣaṇāni grāhyāṇi rāśiprabhavairvikāraiḥ |
grahasyayadyasya samānabhāvaṃ dravyaṃ pṛthak tasya hi saṃvidhāsye ||27||
[Analyze grammar]

nṛpāṭavīśailasuvarṇatāmrasiṃhānalavyālaviṣaurṇikānām |
siṃhāsanakravyamarūṣṭakāṣṭhadravyākarāṇāṃ prabhurucyate'rkaḥ ||28||
[Analyze grammar]

strīcitranidrāratibhojapeyaśītadravasvādurasauṣadhīnām |
sragvastrabhūmermaṇimauktikānāṃ prabhuḥ śaśāṅko lavaṇāmbujānām ||29||
[Analyze grammar]

māṅgalyapadmadvijadevayajñadhānyākarasthāna-gṛhātmajānām |
suvarṇayānāsanapauṣṭikānāṃ prabhurgururmantrimahattarāṇām ||30||
[Analyze grammar]

vajrādiratnākaragosutastrīvivāhagandhāmbarabhūṣaṇānām |
saubhāgyasaurabhyasumaṇḍapānāṃ prabhurnidhīnāṃ dhanināṃ ca śukraḥ ||31||
[Analyze grammar]

camūnṛpastenahatāhatānāṃ viṣāgniśastrakṣatajākṣatānām |
suvarṇadhātvākarapuṣpajāticāmīkarāṇāṃ kṣitisūnurīśaḥ ||32||
[Analyze grammar]

nānāpaṇadravyaviyuktiyuktinaipuṇyaśilpaśrutivaidyakānām |
prahāsamantrārthaviśabditānāṃ prabhurbudhaścaityavanaspatīnām ||33||
[Analyze grammar]

mṛtāntabaddhāhavavṛddhanīcakustrīkaṣaṇḍhālasadīkṣitānam |
vidīnadāsyāṃjanaśītalānāṃ kṛtsnādhamānāṃ prabhurarkasūnuḥ ||34||
[Analyze grammar]

yasya svarāśiprabhavaṃ hi yadvad dravyaṃ grahasyedaṃ hitaṃ |
vācyaṃ ca tatsthānabalakrameṇa kriyādisaṃsiddhiphaleṣu vācyam ||35||
[Analyze grammar]