Chapter 3 - One’s Own Form of the Drekkāṇas

ṣaṭ ṣaḍguṇā rāśitṛtīyabhāgā drekāṇasaṃjñā yavanākhyayā ye |
nānāvidhacchādanacitrarūpāstān sarvaliṅgādiguṇairvidhāsye ||1||
[Analyze grammar]

raktāmbaro raktavapuḥ pracaṇḍaḥ krodhaprahāraḥ kṣatagātrapāṇiḥ |
suvarṇavarmāyudhacitrabāṇo meṣe kuṭhārodyatapāṇirādyaḥ ||2||
[Analyze grammar]

gauraḥ prahārī ripudāruṇākṣaḥ śuklāmbaro vāraṇatulyamūrdhā |
bāṇāyudho dhāturasārthavicca meṣe dvitīyo gurulomaśāṅgaḥ ||3||
[Analyze grammar]

nīlāmbaro nīlavapuḥ pracaṇḍo dṇḍāyudho nīlakirīṭamālī |
balottarāṅgaśca gavākṣitāro meṣe tṛtīyaḥ kalikālakalpaḥ ||4||
[Analyze grammar]

śyāmā kaṭākṣākulacittaśastā nārī kadambākulakaṇṭhamālā |
ādyo vṛṣe tatra kuṭhārahastā sambhāti gopālavināmitāṅgī ||5||
[Analyze grammar]

raktānanā raktabhujaikapādā raktādharoṣṭhī kalaśī pradhānā |
bhakṣye ca pāne ca sadābhiyuktā vṛṣe'parodyānavanābhirāmā ||6||
[Analyze grammar]

narī ma komalāṅgī kakudmatī campakacitramālā |
subhrūlatā sā vṛṣabhāntayātā nitambabimbānuvilambakāñcī ||7||
[Analyze grammar]

dhanurdharo bāṇavicitrapāṇiścitrasrajālaṅkṛtalambahāraḥ |
ādyastṛtīye kṛtaśilpabhāṇḍaḥ śastrāstravidvaddhakirīṭavarmā ||8||
[Analyze grammar]

śyāmā vicitrāmbaracārukāṃcī nārī kalāgītakathābhirāmā |
vīṇāṃ pragṛhyābhiratā prakāmā subhrū vilāsī mithune dvitīyā ||9||
[Analyze grammar]

raktāmbarā raktavilambahāro raktāṅgagauro rabhasapracaṇḍaḥ |
raktāgradaṇḍo naravṛndamukhaḥ śastrāstradhārī mithune tṛtīyaḥ ||10||
[Analyze grammar]

nārī vilāsārpitavalguśabdā jale sthitā padmagṛhītahastā |
kāmāturā campakacārugaurī śuklakavastrā prathamā caturthe ||11||
[Analyze grammar]

sarpāsanā madhyamarūpaśobhī dākṣiṇyabhāvapracurāntarātmā |
ratnākarālaṅkṛtacārumūrtirgaurāṃśukā karkaṭake dvitīyaḥ ||12||
[Analyze grammar]

nilotpalābhā nayanābhirāmā kauśeyacitrābharaṇottarīyā |
bandhyā ca saubhāgyamadotkaṭā ca nārī caturthe vihitā tṛtīyā ||13||
[Analyze grammar]

siṃhodaraḥ siṃhavapuḥ pracaṇḍaḥ śastrāyudhaḥ prauḍhabalābhimānī |
raudrograkarmā piśunāśanepsurādyaḥ prabhūtāgrakaraśca siṃhe ||14||
[Analyze grammar]

nārī pragalbhā viralāgrakeśī śaile parasvāharaṇeṣu dṛptā |
tasya pramāraṃ ca karoti bhīmā siṃhe'parā mauṣṭikatulyaceṣṭā ||15||
[Analyze grammar]

nārī kṛtāṭopavidagdhaceṣṭā yantreṣu śilpārthamaṇikriyāsu |
dantāsanasthā prakaroti cintāṃ siṃhe tṛtīyā dviṣatāṃ vadhena ||16||
[Analyze grammar]

śyāmo naraḥ śilpavidagdhaśāstraḥ saṃkhyānakauśalyakathāvidhijñaḥ |
saubhāgyanaipuṇyavidhau niyuktaḥ kanyādibhāgo'rthaviniścitaḥ syāt ||17||
[Analyze grammar]

nārī surupārtavadigdhagātrī naraṃ prajārthe rahasi smarantī |
sā paṇḍitā yatnavatī janārthaṃ ṣaṣṭhe videśaṃ vrajati dvitīyā ||18||
[Analyze grammar]

nārī vilāsārpitahāvabhāvā smitānanā candramukhī tṛtīyā |
aśokapuṣpābharaṇaikaveṇī gatairmadapraskhalitairvibhāti ||19||
[Analyze grammar]

vīthyāṃ manuṣyaḥ kṛtaśilpabhāṇḍaḥ kauśeyacitrābharaṇairvṛtāṅgaḥ |
ādyastule śyāmatanuḥ sunetro hiraṇyapaṇyākarakośabhūmiḥ ||20||
[Analyze grammar]

nārī sumadhyā viditālpaśilpā citrāmbarā citravilambahārā |
dūtīvidhāne nipuṇā varārthe tule dvitīyā viṭadhūrtaceṣṭā ||21||
[Analyze grammar]

naraḥ prahārī viralāgradantaḥ prarūḍharomā gurukocapāṃśuḥ |
dhanvī śirastrāṇavibaddhavarmā tule tṛtīyo viṭakūṭaceṣṭaḥ ||22||
[Analyze grammar]

naraḥ pradīpto ripucaṇḍadaṇḍo nikṛṣṭakhaḍgastapanīyavarmā |
prakrīḍate krodhavimūrchitārcirādyo'ṣṭame tīkṣṇaviṣairbhujaṅgaiḥ ||23||
[Analyze grammar]

nārī vikeśī bhujagairnibaddhā caurairaraṇye muṣitāsitāṅgī |
caurāddrutaṃ dhāvati sā vinagnā kīṭe'parā krandati raudramuccaiḥ ||24||
[Analyze grammar]

hiṃsro naraḥ kāṃcanavarmadhārī bile nidhāneṣṭavikarmaṭhaśca |
bhagnavrateccho'stravidaṣṭame'ntyaḥ santapyatesvairmuṣitaḥ sahāyaiḥ ||25||
[Analyze grammar]

vyākṛṣṭacāpo hayacaṇḍavego rathāstraśikṣaḥ kratubhāṇḍadhārī |
ādyo naraḥ kāṃcanadaṃśitāṅgo dhanurdhare kāṃcanakuṇḍalārciḥ ||26||
[Analyze grammar]

narī vilāsārpitacāruśobhā bhadrāsanasthā kanakāṃśugaurī |
ratnākare hemamayaṃ samudgamudghaṭṭya dāne'bhiratā dvitīyā ||27||
[Analyze grammar]

kūrcī naraḥ śyāmatanurvilāsī kauśeyavāsā madanāturātmā |
keyūramuktāguṇalambavakṣā gāndharvagandhapraṇayī tṛtīyaḥ ||28||
[Analyze grammar]

nīlāṃjanābho makarogradaṃṣṭro daṇḍāyudhaḥ kālakṛtāntakarmā |
madhyaśmaśāne gurulomavarmā sthito mṛgākhye'kṛśamūrtirādyaḥ ||29||
[Analyze grammar]

dīptadyutirnīlapiśācadantaḥ prabaddhavarmāsiśiro vapuṣmān |
kurvannadībandhataḍāgavāhān mṛge dvitīyaḥ paricaṃcarīti ||30||
[Analyze grammar]

srastāgrakeśī pravidāritāsyā lambodarī raktakṛśāyatāṅgī |
pāśāgrahastā mṛtacailadhātrī hiṃsābhirāmā makare tṛtīyā ||31||
[Analyze grammar]

daṃṣṭrākarālo viditendrajālo nīlāmbudābho malinordhakeśaḥ |
nistriṃśakarmājinavīravāsā sakṣudrabhāvaḥ prathamo nṛkumbhe ||32||
[Analyze grammar]

pradīptaśastraḥ kapilordhvakeśaḥ kapālamālākulabaddhacarmā |
sandhyāghanābho'pasṛtogradaṃṣṭro vṛtaśca pāśādiguṇaidvitīyaḥ ||33||
[Analyze grammar]

nānāyudhaḥ kāṃcanacandramālī naro varāhākṛtighoramūrtiḥ |
raktān prakurvan malaye tapasvī kumbho tṛtīyaḥ kapipiṅgakeśaḥ ||34||
[Analyze grammar]

nārī sukāyā vipulāyatākṣī kauśeyacāmīkarabhūṣitāṅgī |
potena santīrṇamahārṇavasthā ratnākarārthe ca jhaṣādvayādyā ||35||
[Analyze grammar]

kalau karālā pramukhī pracaṇḍā nārī vivastrā sitalohakālī |
praṇaṣṭavastrābharaṇā virauti vastrārthinī mīnayuge dvitīyā ||36||
[Analyze grammar]

ābhīracihnābharaṇā vikeśī nārī virāvaṃ prakaroti bhītā |
sṛgālamārjāravarāharūpairvibhūṣitā bhūtagaṇairjalasthā ||37||
[Analyze grammar]

ete niruktā yavanairmahadbhirhorārthadharmaśrutividbhirādyaiḥ |
drekkābhidhānā bhavanatribhāgāścintāśrayaiḥ svaprakṛtānubandhaiḥ ||38||
[Analyze grammar]

aṃśeśvarāṃśagrahadarśayogā vikalpanādindriyadṛṣṭireṣā |
jagatyanekākṛtibhāvaliṅgairnidarśanākāraṇato yathārthā ||39||
[Analyze grammar]

kṣetrāṃśakāle gaditā viśeṣā grahasya ye vā karaṇasvabhāvāḥ |
teṣāṃ phalaṃ kṛtsnamanūnaśaktaṃ tathaiva sarvārthaparikriyāsu ||40||
[Analyze grammar]

grahasya rāśeśca yadīritaṃ prāgrūpaṃ svabhāvo guṇalakṣaṇaṃ ca |
anyonyasaṃyogavikārajaṃ tu rūpaṃ vidhāryaṃ viduṣā krameṇa ||41||
[Analyze grammar]

gṛhagrahāṃśairvividhairvikārair navāṃśakasyākṛtiliṅgamāhuḥ |
rāśeḥ svarāśikramasaṃniveśādbaddhātiśaktaṃ bhavanāṃśamāhuḥ ||42||
[Analyze grammar]