Chapter 37

saptatriṃśo'dhyāyaḥ |
nāradaḥ |
namaste'stu jagannātha viṣṇupāriṣadeśvara |
viṣvaksena namaste'stu namaste viśvakarmaṇe || 1 ||
[Analyze grammar]

tvatto'dhītaṃ mayā tantraṃ pañcarātrārṇavāmṛtam |
dīkṣāśakunavistāro na tvayā kiñcidīritaḥ || 2 ||
[Analyze grammar]

tatsarvaṃ śrotumicchāmi prabrūhi bhagavan mama |
iti vijñāpito devo viṣvakseno mahātmanā || 3 ||
[Analyze grammar]

pratyuvāca mahajejāḥ praṇamya garuḍadhvajam |
viṣvaksenaḥ |
śruṇu nārada tattvena mahāvidyāṃ purātanīm || 4 ||
[Analyze grammar]

mayā pṛṣṭaḥ purā prāha mahāviṣṇurjaganmayaḥ |
sādhakānāṃ hitārthāya catuḥṣaṣṭiprabhedataḥ || 5 ||
[Analyze grammar]

śakunāni jagannāthaḥ tān sarvān prabravīmi te |
vighneśaḥ prathamaḥ prokto gāṅgeyo mūṣikādhvajaḥ || 6 ||
[Analyze grammar]

taṃ pūjayitvā vidhivat praṇamya prārthayen mune |
tasmin prasanne vighneśe sarvadevanamaskṛte || 7 ||
[Analyze grammar]

sarvārthasiddhirbhavati nātra kāryā vicāraṇā |
sa eva nāyakasteṣāṃ śakunānāṃ gaṇeśvaraḥ || 8 ||
[Analyze grammar]

tasmāt sarvaprayatnena pūjayedvighnanāyakam |
pūjākramaṃ pravakṣyāmi saṃkṣepeṇa mahāmune || 9 ||
[Analyze grammar]

āvāhayecchucau deśe sulipte suvicitrite |
svāsane darbhasaṃkīrṇe kusumairupaśobhite || 10 ||
[Analyze grammar]

gāyatryā cāsanaṃ dadyāt praṇamya gaṇanāyakam |
arghyaṃ pādyaṃ tathācāmaṃ madhuparkaṃ tathaiva ca || 11 ||
[Analyze grammar]

snānaṃ vastropavītaṃ ca bhūṣaṇaṃ gandhapuṣpakam |
dhūpadīpaṃ nivedyādi stotraṃ rajamukhaṃ smaran || 12 ||
[Analyze grammar]

kṛtvā pūjāṃ gaṇeśasya praṇamya prārthayet prabhum |
gāyatryā caiva tatsarvaṃ kuryāttantravicakṣaṇaḥ || 13 ||
[Analyze grammar]

evaṃ pūjya tataḥ paścāt gandhapuṣpādibhiḥ punaḥ |
pustakaṃ pūjajitvā tu yathāvadvijitendriyaḥ || 14 ||
[Analyze grammar]

ālikhet pustakaṃ sarvaṃ śakunāni yathākramam |
nāradaḥ |
kathaṃ deva nimittāni likhyate pustake naraiḥ || 15 ||
[Analyze grammar]

etadācakṣva bhagavan saṃśayo me mahānasau |
viṣvaksenaḥ |
evameva mayā pṛṣṭaḥ provāca bhagavān yathā || 16 ||
[Analyze grammar]

tathaivātra pravakṣyāmi śrṛṇuṣva munipuṅgava |
vighnarāja mahārātiḥ mahiṣaḥ śukapītakaḥ || 17 ||
[Analyze grammar]

kabandhaṃ na nadī caiva bṛhajjālī tathaiva ca |
puruṣaśca mṛgaścaiva mārjāro devagaustathā || 18 ||
[Analyze grammar]

devāgāro rathaścaiva jvaraḥ kalpadrumastathā |
vyāghraprāsādarakṣāṃsita mṛgo grāhastathaiva ca || 19 ||
[Analyze grammar]

makaro vṛścikaścaiva puṣkalā vartakastathā |
matsyayugmaṃ ca śyenaṃ ca śrīvṛkṣe ca sarasvatī || 20 ||
[Analyze grammar]

vānaraṃ ca mahācakraṃ vṛkaśaṅkhakapiñjalāḥ |
aṅkuśaṃ lokamātaṅga ṛkṣāśvaṃ rājahaṃsakam || 21 ||
[Analyze grammar]

dhūmacāmarasiṃhāśca pūrṇariktaghaṭau kramāt |
padminīkākacandrāśca dhvajaśūlau ca darpaṇam || 22 ||
[Analyze grammar]

nagno dīpaśca vidhavā maṅgalāpitṛbhūstathā |
kūrmaḥ kālīmahādurgā sarparājajaradgavau || 23 ||
[Analyze grammar]

nṛpabrahmaharīśān vai ete śakunasūcakāḥ |
ekaikasya bhavecchākhā eka eva prakīrtitaḥ || 24 ||
[Analyze grammar]

tān sarvān kramaśo vakṣye yathāvattān nibodha me |
vighneśamāditastatra tataḥ ślokaṃ pravakṣyate || 25 ||
[Analyze grammar]

vighneśo dṛśyate yatra sādhakendreṇa dhīmatā |
prārthitasya tu tāṃ siddhiṃ tacchiṣyāyādiśedguruḥ || 26 ||
[Analyze grammar]

śatrunāśaṃ tathaivāgraṃ rājapūjā ca dṛśyate |
dhanalābho'rthalābhaśca abhayaṃ ca bhaviṣyati || 27 ||
[Analyze grammar]

kāyakleśaṃ tathā rogaṃ sarvatra bhayameva ca |
dṛśyate yatra mahiṣaṃ tatra vyādhirbhaviṣyati || 28 ||
[Analyze grammar]

vidyāsukhaṃ mahājyotirdṛśyate śukapītakam |
āyuśca labhate yasmāt bandhūnāṃ ca sukhaṃ bhavet || 29 ||
[Analyze grammar]

lambānanaṃ yathādṛṣṭaṃ viyogaṃ bandhubhiḥ saha |
yujyate bhayamanyupagraṃ piśāyebhyastathaiva ca || 30 ||
[Analyze grammar]

dṛśyate yatra kāverī vipadaṃ ca vinaśyati |
sukhaṃ bhाvati sarvatra bahuvrīhirbhaviṣyati || 31 ||
[Analyze grammar]

vṛddhirbhavati sasyānāṃ rājā ca vijayī bhavet |
āyurārogyadaṃ nṝṇāṃ roganāśo bhaviṣyati || 32 ||
[Analyze grammar]

dṛśyate tu bṛhajjālī mukharogaṃ vinirdiśet |
kṛṣṇakuṣṭhaśarīre tu gṛhanāśamathāpi vā || 33 ||
[Analyze grammar]

puruṣaśca mṛge dṛṣṭe brahmavarcastapoyutaḥ |
abhipretārthasiddhiṃ ca śubhaṃ caiva vinirdiśet || 34 ||
[Analyze grammar]

mārjārā yatra dṛśyante bandhunāśaṃ viyogitā |
dadhikṣīraghṛtādīnāṃ nāśo bhavati nānyathā || 35 ||
[Analyze grammar]

devagaurdṛśyate yatra śatrubhyo bhayamādiśet |
sahavāsaṃ ca putrāṇāṃ mātṝṇāṃ ca vināśanam || 36 ||
[Analyze grammar]

devālaye'tha dṛṣṭe vai vidyāvṛddhistathā bhavet |
putralābho'rthalābhaśca bhaviṣyati na saṃśayaḥ || 37 ||
[Analyze grammar]

vimānaṃ dṛśyate yatra rājyalābho nṛpasya tu |
śudrabrāhmaṇavaiśyānāṃ lābhaḥ sarvo bhaviṣyati || 38 ||
[Analyze grammar]

jvare dṛṣṭe jvaraṃ brūyādaṅgahāniḥ kṣudhārtatā |
hṛttāpa arthanāśaśca bhaviṣyati na saṃśayaḥ || 39 ||
[Analyze grammar]

kalpadrume'tha dṛṣṭe vai rājyena sadṛśaṃ sukham |
brāhmaṇasya śriyaṃ brūyādīpsitārthaṃ bhaviṣyati || 40 ||
[Analyze grammar]

vyāghre dṛṣṭe bhayaṃ ghoraṃ gavādīnāṃ vinirdiśet |
rājato bhayamatyugraṃ puruṣasya na saṃśayaḥ || 41 ||
[Analyze grammar]

prāsādo dṛśyate yatra putrapautraiḥ sukhī bhavet |
dhanadhānyasamṛddhiśca bhavettatra na saṃśayaḥ || 42 ||
[Analyze grammar]

niśācare ca vai dṛṣṭe ghoraṃ nṝṇāṃ bhayaṃ bhavet |
brāhmaṇānāṃ gavāṃ caiva vadhaṃ brūyurasaṃśayaḥ || 43 ||
[Analyze grammar]

kṛśṇe mṛge'tha dṛṣṭe vai yajñakalyāṇamādiśet |
rāṣṭraśānti kuṭumbasya kīrtiṃ vātha vinirdiśet || 44 ||
[Analyze grammar]

śiṃśumāre'tha dṛṣṭe vai maraṇaṃ ca bhayāvaham |
ajagomahiṣādīnāṃ vyādhiṃ cārtiṃ vinirdiśet || 45 ||
[Analyze grammar]

makare dṛśyamāne tu strībhogaṃ labhate dhruvam |
ārogayamannalābhaśca labhate nātra saṃśayaḥ || 46 ||
[Analyze grammar]

vṛściko dṛśyate yatra viṣeṇa maraṇaṃ bhavet |
hṛttāpamātmapīḍā ca bhāryākalahameva ca || 47 ||
[Analyze grammar]

puṣkalā vartake dṛṣṭe mahadvṛddhirbhaviṣyati |
vṛddhirbhavati sasyānāṃ subhikṣaṃ kṣetrameva ca || 48 ||
[Analyze grammar]

kīrtiṃ vṛddhiṃ jayaṃ caiva vindate paramaṃ sukham |
balavṛddhiṃ subhikṣaṃ ca matsyayugmaṃ vinirdiśet || 49 ||
[Analyze grammar]

śyenastu dṛśte yatra śastreṇa maraṇaṃ bhavet |
palāyanaṃ kuṭumbasya śatrubhirbhayamādiśet || 50 ||
[Analyze grammar]

nidhanaṃ labhate sastu sadā lābhavinirgagatam |
puṣkalaṃ dhanadhānyaṃ ca vaṃśavṛddhirbhaviṣyati || 51 ||
[Analyze grammar]

kṛkalāso bhavedyatra brāhmaṇaiśca viruddhyate |
varṇasya saṃkaraṃ brūyāt tvagdoṣaṃ ca vinirdiśet || 52 ||
[Analyze grammar]

śrutalābhaṃ ca vā vṛddhiṃ kīrtilābhaṃ ca śāśvatam |
vyavahāre jayaṃ caiva sarasvatyāṃ vinirdiśet || 53 ||
[Analyze grammar]

kuṭumbasya ca daurbalyaṃ varṇasaṃkarameva ca |
vānaro dṛśyate yatra mṛgebhyo bhayameva ca || 54 ||
[Analyze grammar]

cakre tu vijayaṃ nityaṃ rājyalābhamavāpsyati |
vyādhidurbhikṣanāśaṃ ca śatrunāśaṃ vinirdiśet || 55 ||
[Analyze grammar]

taskarebhyo bhayaṃ nityaṃ vṛke dṛṣṭe na saṃśayaḥ |
kṣutpīḍāṃ rājapīḍāṃ ca rāṣṭrasya ca vinirdiśet || 56 ||
[Analyze grammar]

bhayanāśaṃ śrinayaṃ caiva puṣkalārthaṃ tathaiva ca |
strīlābhaṃ vastralābhaṃ ca pāñcajanye vinirdiśet || 57 ||
[Analyze grammar]

piṅgalā dṛśyate yatra śatrubhirmaraṇaṃ bhavet |
rāṣṭrasya kalahaṃ brūyāt viṣaṃ bhavati nānyathā || 58 ||
[Analyze grammar]

hastilābhastathā rājño aṅkuśe tu vinirdiśet |
samare vijayaṃ teṣāṃ puṣkalārthaṃ vinirdiśet || 59 ||
[Analyze grammar]

varāho dṛśyate yatra sasyanāśaṃ vinirdiśet |
śastrakṣayaṃ punaḥ paśyet arthanāśaṃ bhayaṃ tu vā || 60 ||
[Analyze grammar]

putralābhaṃ śriyaṃ caiva rājyalābhaṃ tathaiva ca |
sphuṭamairāvate dṛṣṭe rājyalābhaṃ tu nirdiśet || 61 ||
[Analyze grammar]

ṛkṣarāje'tha vai dṛṣṭe kṣetranāśo bhaveddhruvam |
sthānanāśo bhavettatra śatruvṛddhiṃ ca nirdiśet || 62 ||
[Analyze grammar]

grāme śāntirmanastuṣṭirmaṅgalāyatanaṃ bhavet |
āyurārogyamaiśvaryamarthe na tu vinirdiśet || 63 ||
[Analyze grammar]

rājahaṃso bhavennityaṃ rājyalābho jayāya tu |
āyuraiśvaryavṛddhiśca puṣkalākīrtireva ca || 64 ||
[Analyze grammar]

dhūme bandhuvināśaśca vidyutā maraṇaṃ bhavet |
niṣādebhyo bhayaṃ caiva vaidhavyaṃ ca bhaviṣyati || 65 ||
[Analyze grammar]

cāmare caiva dṛṣṭe tu grāmanāśo bhaviṣyati |
anāvṛṣṭiśca rājyasya ativṛṣṭirathāpi vā || 66 ||
[Analyze grammar]

siṃhe dṛṣṭe bhaveccaiva arthalābhaṃ ca nirdiśet |
sadvṛddhiṃ sarvajantūnāṃ putrapautravivardhanam || 67 ||
[Analyze grammar]

putrapautravivṛddhiṃ ca puṣkalāṃ śriyamāpnuyāt |
pūrṇakumbhe tu vai dṛṣṭe puruṣāṇāṃ na saṃśayaḥ || 68 ||
[Analyze grammar]

śatrūṇāṃ vṛddhisaṃyuktaṃ dhanadhānyavināśanam |
riktakumbhe tu vai dṛṣṭe bhavatyeva na saṃśayaḥ || 69 ||
[Analyze grammar]

dhanalābhaṃ tathāvāptiḥ putralābhastathaiva ca |
labhate sarvalābhaṃ ca puṣkariṇyāḥ pradarśane || 70 ||
[Analyze grammar]

cintitārthā vinaśyanti āyuraiśvaryanāśanam |
yasmin kāle tu saṃpaśyet duṣṭakākaṃ sudurmanāḥ || 71 ||
[Analyze grammar]

śatrukṣayaṃ dhanāvāptiṃ samare vijayaṃ tathā |
āyurārogyasaṃprāptiṃ pūrṇacandrasya darśanāt || 72 ||
[Analyze grammar]

vijayaṃ śatrunāśaśca dhanadhānyasukhāvaham |
āyurārogyadaṃ nṝṇāṃ uttamadhvajadarśanāt || 73 ||
[Analyze grammar]

śatruvṛddhiṃ dhanacchedaṃ sarogaṃ sasyanāśanam |
saṃpaśyan śūlarājānaṃ nātra kāryā vicāraṇā || 74 ||
[Analyze grammar]

ārogśyaṃ balamaiśvaryaṃ kīrtiṃ vidyādhanāgamam |
labhate nāsti sandeho darpaṇasya ca darśanāt || 75 ||
[Analyze grammar]

lābhahāniryaśo hānirāyurhānistathaiva ca |
sarvahānirbhavatyeva nagnasyaiva ca darśanāt || 76 ||
[Analyze grammar]

cittārthaṃ labhate tatra śubhaṃ vāpyaśubhaṃ tu vā |
śatrukṣayaṃ ca bhavati pradīpaṃ yastu paśyati || 77 ||
[Analyze grammar]

arthahānirmanastāpaḥ gṛhe duścaritaṃ bhavet |
vidhavādarśanaṃ yasya bhavatyatra na saṃśayaḥ || 78 ||
[Analyze grammar]

arthalābho manastuṣṭiḥ gṛhe saṃpadbhaviṣyati |
cintitārthaṃ labhettatra sumaṅgalyāḥ pradarśane || 79 ||
[Analyze grammar]

śmaśānaṃ dṛśyate yatra grāmanāśaṃ dhanakṣayam |
bandhudevaviyogaṃ ca sarvate bhayameva vā || 80 ||
[Analyze grammar]

abhayaṃ sarvatattveṣu kūrmarāpajapradarśanāt |
rājyaṃ śriyaṃ ca saṃprāpya kṣemārogyayuto bhavet || 81 ||
[Analyze grammar]

śatruvṛddhirdhanacchedaḥ vyādhirdurbhikṣavardhanam |
cintitaṃ naśyate tatra mahākālīpradarśanāt || 82 ||
[Analyze grammar]

vijayaṃ cārthalābhaṃ ca kīrtiśrīvardhanaṃ tathā |
putrapautravivṛddhiśca durge dṛṣṭe na saṃśayaḥ || 83 ||
[Analyze grammar]

vyādhiṃ pravāsaṃ maraṇaṃ vipatsyati na saṃśayaḥ |
pañcāsyapannagaṃ paśyet pāpibhiścābhibhūyate || 84 ||
[Analyze grammar]

vyādhināśo mahadduḥkhaṃ kuṭumbasya vināśanam |
ālokite mahāpāpe gardabhe syānna saṃśayaḥ || 85 ||
[Analyze grammar]

jaradgavaṃ prapaśyetā narāḥ śokārṇavaṃ punaḥ |
vrajanti vyādhinā pīḍā kalahaṃ ca gṛhe bhavet || 86 ||
[Analyze grammar]

cakravartinamāyāntaṃ avalokya janādhipam |
śriyaṃ prāpnoti putrāṃśca puṣṭiṃ ca labhate naraḥ || 87 ||
[Analyze grammar]

caturmukhaṃ samālokya brahmāṇaṃ kamalāsanam |
sarvādhipatyamāpne vaṃśavṛddhiśca jāyate || 88 ||
[Analyze grammar]

viṣṇumālokya deveśaṃ śaṅkhacakragadādharam |
sarvādhipatyamāsthāya sthitiṃ ca labhate naraḥ || 89 ||
[Analyze grammar]

rudramālokya bhūteśaṃ śūlapāṇimumāpatim |
śatrusainyaṃ mahajjitvā modate saha bandhubhiḥ || 90 ||
[Analyze grammar]

ete ślokā mayoddiṣṭāḥ śakunānāṃ viśeṣataḥ |
etāṃstu pustake likhya vivekaṃ sumanoramam || 91 ||
[Analyze grammar]

ekapatre tathaikaikaṃ ślokaṃ saṃlikhya vāgyataḥ |
sūtreṇa sūtrayitvā tu puṣpādibhirathārcayet || 92 ||
[Analyze grammar]

anujñāpya tato devaṃ vighneśaṃ gaṇanāyakam |
ānīya tu tataḥ śiṣyān baddhanetrān yathākramam || 93 ||
[Analyze grammar]

teṣāṃ haste tu puṣpāṇi nidhāya ca samāhitaḥ |
ādāya pustakaṃ paścāt praṇavena samāhitaḥ || 94 ||
[Analyze grammar]

śiṣyahaste nidhāyātha namaskṛtvā prasādya ca |
prārthayecca sa tenātha vighnarājāgnisaṃbhavam || 95 ||
[Analyze grammar]

namaste'stu jagannātha lambodara gajānana |
saṃśaye'smin mahābāho saṃtyaṃ saṃdarśayasva naḥ || 96 ||
[Analyze grammar]

satyaṃ hi bhavatāmāhuḥ manuyastattvadarśinaḥ |
iti vijñāpya deveśaṃ śiṣyaṃ brūyāttataḥ param || 97 ||
[Analyze grammar]

visraṃsayitvā sūtraṃ tu patraṃ gṛhṇīṣva pustake |
ityuktastu tataḥ śiṣyaḥ srasayitvā tu sūtrakam || 98 ||
[Analyze grammar]

gṛhṇīyāt patramekaṃ tu hastaprāptaṃ yadṛcchayā |
ācāryastu tato tetrabandhanaṃ pravimucya ca || 99 ||
[Analyze grammar]

dehi patramiti bruyāt śiṣyaṃ prati samāhitaḥ |
śiṣyastu patraṃ dadyācca guruhaste mahāmune || 100 ||
[Analyze grammar]

gurustu vācayet patramasaṃmūḍhena cetasā |
taduktaṃ vidhivajjñātvā śubhaṃ vā yadi vāśubham || 101 ||
[Analyze grammar]

tataḥ śiṣyaṃ pratibrūyādyathoktaṃ sarvameva tu |
pratiśiṣyaṃ tathā kṛtvā jñātvā karma śubhāśubham || 102 ||
[Analyze grammar]

dīkṣayecchiṣyamācāryastatparaṃ lakṣaṇānvitam |
etat pustakamādāya sūtrayitvā vicakṣaṇaḥ || 103 ||
[Analyze grammar]

anyeṣāmapi bhaktānāmanena vidhinā punaḥ |
pūjayitvā gaṇeśaṃ tu pustakaṃ ca yathākramam || 104 ||
[Analyze grammar]

śubhāśubhavidhiṃ prājñaḥ prabrūyāddeśikottamaḥ |
na nāstikānāṃ saṃpaśyet nābhaktānāṃ kadācana || 105 ||
[Analyze grammar]

na nindakānāṃ sarveṣāṃ anācārajuṣāmapi |
durvṛttānāṃ ca sarveṣāṃ bāhyadīkṣājuṣāmapi || 106 ||
[Analyze grammar]

asaṃbhāṣyeṇa paśyecca na vijñāte kadācana |
śiṣyāṇāṃ vanitānāṃ tu bhaktānāmapi sarvadā || 107 ||
[Analyze grammar]

saṃśayāviṣṭacetānāṃ kṛpaṇānāṃ gurau sadā |
ajihmakānāṃ bhaktānāṃ deyametadyathātatham || 108 ||
[Analyze grammar]

anuktaguṇayuktānāṃ yadi paśyettu deśikaḥ |
devatāśca prakupyante na tathyaṃ ca bhaviṣyati || 109 ||
[Analyze grammar]

iti vijñāya sarvaṃ tu prapaśyecchakunāni tu |
śakunānte tato vighnanāyakaṃ pūjayet kramāt || 110 ||
[Analyze grammar]

pustakaṃ pūjayet paścāt gandhapuṣpādibhiḥ punaḥ |
ācāryaṃ pūjayet paścāt sarvasvaṃ vādharmeva vā || 111 ||
[Analyze grammar]

yathāvittānusāreṇa pūjayedgurupūjanam |
udvāsayettato devamākāśe gaṇanāyakam || 112 ||
[Analyze grammar]