Chapter 34

catustriṃśo'dhyāyaḥ |
viṣvaksenaḥ |
prāsādalakṣaṇaṃ vakṣye saṃkṣepeṇa munīśvara |
nadītīre hrade vāpi parvatāgre same tale || 1 ||
[Analyze grammar]

samudrasaṅgame tīre taṭāke saṅgameṣu ca |
puṇyakṣetre mahāraṇye puṇyatīrthe mahāmune || 2 ||
[Analyze grammar]

grāme vā nagare vāpi pattane kheṭake'pi vā |
kugrāme'tha mahāgrāme madhyame paścime'pi vā || 3 ||
[Analyze grammar]

yatsthānaṃ manaso ramyaṃ kārayedviṣṇumandiram |
uttamaṃ tu śilāveśma madhyamaṃ dāru cocyate || 4 ||
[Analyze grammar]

kaniṣṭhamivi kāveśma kuryādvittānusārataḥ |
mṛdā vā kārayeddhīmān viṣṇorāyatanaṃ kramāt || 5 ||
[Analyze grammar]

trividhaṃ trividhaṃ hastamuttamādhamamadhyataḥ |
yattriṃśaddhastasaṃkhyā ca uttamottamamucyate || 6 ||
[Analyze grammar]

ekaviṃśatihastaṃ tu trividhaṃ cottamaṃ viduḥ |
tatpañcadaśahastaṃ tu madhyamottamamucyate || 7 ||
[Analyze grammar]

ekādaśaṃ ca hastaṃ tu madhyamaṃ parikīrtitam |
madhyame tu kaniṣṭhaṃ ca navahastamihocyate || 8 ||
[Analyze grammar]

tatkaniṣṭhottamaṃ proktaṃ saptahastamihocyate |
madhyamaṃ pañcahastaṃ tu trihastaṃ tu kanīyasam || 9 ||
[Analyze grammar]

tattadvittanusāreṇa tattatkuryāt samāhitaḥ |
kaniṣṭhamūle catuṣkoṇe vāhanaṃ sthāpayet kramāt || 10 ||
[Analyze grammar]

siṃhaṃ vā garuḍaṃ vāpi mārutātmajameva vā |
vimānasyopari nyasya pūrvādicaturo diśi || 11 ||
[Analyze grammar]

vārāhaṃ nārasiṃhaṃ ca śrīdharaṃ hayaśīrṣakam |
kārayet svasvarūpeṇa hyuttare'nantameva vā || 12 ||
[Analyze grammar]

naro nārāyaṇaścaiva hariḥ kṛṣṇastathaiva ca |
pūrvādi caturo dikṣu kārayettu yathākramam || 13 ||
[Analyze grammar]

kārayitvā tadūrdhve tu śikharaṃ maṇḍalaṃ tataḥ |
kārayecchāstradṛṣṭena śilpinā kuśalena tu || 14 ||
[Analyze grammar]

mūrdheṣṭakāvidhānena tadūrdhve kārayet kramāt |
stūpiṃ saṃsthāpya tantrajño tanmadhye munisattama || 15 ||
[Analyze grammar]

stūpimadhye'bjamālikhya karṇikā kesarānvitam |
dvādaśāṣṭadalaṃ vāpi ṣoḍaśaṃ vā sukārayet || 16 ||
[Analyze grammar]

tadūrdhve kārayet kumbhaṃ hastaṃ vā dviguṇaṃ tu vā |
tatpādahīnakaṃ vāpi kārayettaṃ suśobhanam || 17 ||
[Analyze grammar]

sudhākarma tataḥ kuryāt citrakarma ca kārayet |
evaṃ kṛtvā vimānaṃ tu kārayenmaṇḍapaṃ kramāt || 18 ||
[Analyze grammar]

prākāraṃ dvitrirekaṃ vā gopureṇa samanvitam |
kārayenmuniśārdūla āgneye pacanālayam || 19 ||
[Analyze grammar]

puṣpasthānaṃ jalasthānaṃ prākāre tu prakārayet |
vāyavye nairṛte vāpi īśāne vā munīśvara || 20 ||
[Analyze grammar]

vinodamaṇḍapaṃ kṛtvā sarvālaṃkārasaṃyutam |
anuktaṃ cānyatantreṣu nirīkṣyātra prayojayet || 21 ||
[Analyze grammar]

evaṃ saṃkṣepataḥ proktaṃ prāsādasyeha lakṣaṇam |
vimānākhyamatho vakṣye śrṛṇu tattvena nārada || 22 ||
[Analyze grammar]

mandaraṃ niṣadhaṃ caiva nāgaraṃ ca samanvitam |
drāviḍaṃ vesaraṃ caiva pañcabhedena kīrtitam || 23 ||
[Analyze grammar]

kūṭaśālāsamāyuktaṃ sarvadiṅnāsikāyutam |
kaṇṭhopari suvistīrṇaṃ parvato mandaraḥ smṛtaḥ || 24 ||
[Analyze grammar]

pādaprabhṛti siṃhāntaṃ caturaśraṃ suvistaram |
yatkūṭaśālārahitaṃ parvato niṣadhaḥ smṛtaḥ || 25 ||
[Analyze grammar]

kaṣṭhātprabhṛti stūpyantaṃ caturaśraṃ samantataḥ |
nāgaraṃ tat samākhyātaṃ drāviḍaṃ cādhunocyate || 26 ||
[Analyze grammar]

kaṇṭhātprabhṛti ra ṣṭāśraṃ prāsādaṃ drāviḍaṃ bhavet |
śayane tu muniśreṣṭha gopurākṛtirucyate || 27 ||
[Analyze grammar]

tricatuḥ pañcaṣaṭkumbhasaṃyuktra vātra kārayet |
kumudādi stūpimūlāntaṃ ṣoḍaśāṣṭāśrameva vā || 28 ||
[Analyze grammar]

dvātriṃśadaśrakaṃ vāpi kārayenmunisattama |
tatprāsādaṃ samācakṣva drāviḍāṃśa bhevaddhruvam || 29 ||
[Analyze grammar]

kaṇṭhāt prabhṛti vṛttaṃ syādvesaraṃ tatsamaṃ bhavet |
tripūrṇakumbhayukdhāma vesarākārarūpiṇam || 30 ||
[Analyze grammar]

rājarāṣṭravivṛddhyarthaṃ śrīmattrelokyabhūṣaṇam |
prāgāyataṃ vimāno'ya muttamaṃ paripaṭhyate || 31 ||
[Analyze grammar]

dagdheṣṭakābhistu śilāmayaistu |
yattattu klṛptaṃ puruṣākhyameva |
śilāmayairdārumayeṣṭakāmayaiḥ |
samāśritaṃ bhāvyamidaṃ napuṃsakam || 32 ||
[Analyze grammar]

kṛtaṃ dṛḍhaṃ dārumayena kevalaṃ |
tadaṅganākhyaṃ trividhaṃ vimānam |
athātaḥ saṃpravakṣyāmi mūrdheṣṭakāvidhiṃ param || 33 ||
[Analyze grammar]

prāsādasyottare kuryāt pūrve vā munisattama |
ṣoḍaśastambhasaṃyuktaṃ catustoraṇabhūṣitam |
sarvālaṃkārasaṃyuktaṃ śālibhirvedisaṃyutam || 35 ||
[Analyze grammar]

aṣṭadroṇasamāyuktaṃ sarvaśobhanaśobhitam |
tadardhaṃ taṇḍulaṃ kuryāt tadardhaṃ tilameva ca || 36 ||
[Analyze grammar]

uparyupari kartavyaṃ vedikāṃ ca suśobhanām |
kuśaiḥ paristarettatra udakprāgagrataḥ kramāt || 37 ||
[Analyze grammar]

navavastraistu saṃveṣṭya tadūrdhve tu kramānnyaset |
iṣṭakāṃ pūrvavat kṛtvā catvāraḥ pūrvavatkramāt || 38 ||
[Analyze grammar]

mūrtimantreṇa saṃsthāpya mūlamantreṇa mantravit |
stūpiṃ saṃsthāpayettatra mūlamūrtimanusmaranu || 39 ||
[Analyze grammar]

tattanmadhye tu saṃsthāpya punaḥ pracchādya vāsasā |
homaṃ kuryāccaturdikṣu athavā paścime diśi || 40 ||
[Analyze grammar]

ekāgniṃ vā pratiṣṭhāpya homayenniśi pūrvavat |
mūrtimantreṇa sakalaṃ samidājyacarūṃstathā || 41 ||
[Analyze grammar]

sthaṇḍile muniśārdūla ekaikaṃ śatamāhutīḥ |
turīyeṇa tu mantreṇa pūrṇāhutimathācerat || 42 ||
[Analyze grammar]

kumbhaṃ ca sudṛḍhaṃ sthāpya pūrvabhāge tu mantravit |
nānāratnasamopetamathavā hemasaṃyutam || 43 ||
[Analyze grammar]

sāpidhānaṃ savastraṃ ca sudṛḍhaṃ tantuveṣṭitam |
kalaśān sādhayedaṣṭavidyeśān paritaḥ kramāt || 44 ||
[Analyze grammar]

savastrān sāpidhānāṃśca sahiraṇyān cakūrcakān |
aśvatthapallavairyuktān droṇena paripūritān || 45 ||
[Analyze grammar]

puṇyāhaṃ vācayettatra vaiṣṇavairvedapāragaiḥ |
rātriśeṣaṃ nayettatra geyanṛttasamanvitam || 46 ||
[Analyze grammar]

prabhātāyāṃ tu śarvaryāmācāryaḥ sarvamantravit |
snātvā vastrādibhirbhūṣya daivajñaṃ pūjayettadā || 47 ||
[Analyze grammar]

takṣakaṃ karmayogyatvādācāryānujñayā mune |
navavastrāṅgulīyaistu pūjayettakṣakān kramāt || 48 ||
[Analyze grammar]

takṣakeṇa vinā kiñcit karmātra hi na vidyate |
sa eva viśvakaraṇāt sraṣṭeti parikīrtyate || 49 ||
[Analyze grammar]

takṣakeṇa tu yatkarma pūrvamārabdhamuttamam |
takṣakeṇa tu kartavyaṃ nānyena tu kadācana || 50 ||
[Analyze grammar]

tasyaiva karmayogyatvaṃ vidhātṛvihitaṃ yataḥ |
tasmāt sarvaprayatnena tenaiva saha coditam || 51 ||
[Analyze grammar]

mūlamagraṃ viditvā tu caturaśreṣṭakā nyaset |
madhye stūpiṃ pratiṣṭhāpya puṇyāhaṃ vācayettataḥ || 52 ||
[Analyze grammar]

mūrdheṣṭakāṃ nyasenmantrī pūrve puruṣamantrataḥ |
viśvena dakṣiṇe nyasya nivṛtyā paścime nyaset || 53 ||
[Analyze grammar]

aiśvaryaṃ cottare nyasya stūpiṃ tu parameṣṭhinā |
kalaśaiḥ snāpayedvidvān sūktena puruṣeṇa ca || 54 ||
[Analyze grammar]

kumbhaṃ ca mūlamantreṇa sthāpayet stūpimūrdhani |
brāhmaṇān bhojayettatra vaiṣṇavān vedapāragān || 55 ||
[Analyze grammar]

ṛgvedaṃ pūrvabhāge tu yajurvedaṃ tu dakṣiṇe |
paścime sāmagānaṃ tu uttare'tharvavedinaḥ || 56 ||
[Analyze grammar]

kramāt saṃbhojya vidhivat puṇyāhaṃ vācayettataḥ |
evameva prakuryāttu parivārālayasya ca || 57 ||
[Analyze grammar]

prākārasyaiva kuryāttu ratnanyāsaṃ vinā kramam |
gopure maṇḍape caiva mūrtihomaṃ vinā bhavet || 58 ||
[Analyze grammar]

etat saṃkṣepataḥ proktaṃ mūrdheṣṭakāvidhiṃ param |
evamuktaprakāreṇa kārayedgehamuttamam || 59 ||
[Analyze grammar]

brāhmaṇaḥ kṣatriyo vāpi vaiśyaḥ śūdro'tha eva vā |
takṣako vā muniśreṣṭha yathāśāstrānusārataḥ || 60 ||
[Analyze grammar]

kārayecchilpakarmāṇi pūrvapūrvā garīyasī |
ādyeṣṭakādikān sarvān kārayet kramayogataḥ || 61 ||
[Analyze grammar]

takṣṇastu sarvathālābhe mūrdheṣṭakāvidhiṃ param |
sudhākāryaṃ ca citrārdhaṃ citrābhāsaṃ tathaiva ca || 62 ||
[Analyze grammar]

mūlaberavidhānaṃ ca parivārālayādikam |
anyairapi kulālādyaiḥ kārayedvā yathākramam || 63 ||
[Analyze grammar]

upānastūpiparyantaṃ mūlālayavidhiṃ param |
takṣakeṇaiva kartavyamanyathā rājyanāśakṛt || 64 ||
[Analyze grammar]

iti mūrdheṣṭakānyāsaṃ kārayīta kramādguruḥ |
rājño rāṣṭrasya kartuśca svasyāpi hitakāmyayā || 65 ||
[Analyze grammar]