Chapter 31

ekatriṃśo'dhyāyaḥ |
nāradaḥ |
pavitrāropaṇe puṣpayāge prati |
ṣṭhādyutsave dīkṣāvidhānādikāle |
yaduktaṃ purā devāsa neśa varṇaiḥ |
kathaṃ maṇḍalaṃ vartite tatra kāle || 1 ||
[Analyze grammar]

viṣvaksenaḥ |
mune deśakāloktavarṇādihīne |
yathā kartṛricchānurūpaṃ tu kāryā |
kriyā sādhakaiste pravakṣyāmyupāyaṃ |
mune tattvatastacchṛṇuṣvādiguptam || 2 ||
[Analyze grammar]

sarojaṃ tvanāmikayā sādhakaḥ |
saṃvilipte svahastavistāradīrghe |
śucau bhūtale droṇaśālyakṣatasaṃ |
kīrṇe sakarṇikāṣṭapatraṃ yathecchatam || 3 ||
[Analyze grammar]

nāradaḥ |
śrutvānandanabhedādanantārcanādi |
kriyā vāhinīnātha yuṣmatprasādāt |
guro mūlamantraprabhāvaṃ manīṣā |
mama śrotumāsījjagatkāraṇasya || 4 ||
[Analyze grammar]

viṣvaksenaḥ |
śrṛṇuṣva prabhāvo'sya padmāsane |
nāpyacintyaśrutau bandhamūlasya |
aṣṭākṣarasyeyamīdṛk tathā |
yenābhibhāṣituḥ śaktirmune bho || 5 ||
[Analyze grammar]

tathā prasādādyathā devadevaḥ |
svayaṃ bhrāntināśāya bhaktārtihārī |
yadājñaptavān mūlavidyāprabhāvaṃ |
mune vaiṣṇavatvāttavāhaṃ bravīmi || 6 ||
[Analyze grammar]

svārthe parārthe'rcakastvarcanāyai |
suptataddvayaṃ pūtadeśe niṣaṇṇaḥ |
tatopāyatayā bhaktitattvārṇabīja |
cchandomunikṣetradeve ca mānavāḥ || 7 ||
[Analyze grammar]

svayaṃ vā yathāśaktijaptvāṅgulībhiḥ |
samastābhirāmṛṣṭadṛgdeśadehaḥ |
bhaveddhūtapāpaḥ kṛtārtherthādhī |
svayaṃ devavat pūjitaścaiva bhaktaiḥ || 8 ||
[Analyze grammar]

āvāhanādyarcanāṅgena yuktā |
viyuktapāpā mūlamantraprabhāvāt |
viriñcātmajārcā kṛtā prītikāri |
ṇyanantasya viṣṇoraśeṣāṇḍayoneḥ || 9 ||
[Analyze grammar]

nāradaḥ |
āvāhanaṃ nāma mantreṇa lakṣmī |
dharasyābhimukhasya kriyāsaṅgasya |
mantrātmano mantrakartuḥ pratīte |
ṣvanenaiva saṃsthāpanādi priyāsya || 10 ||
[Analyze grammar]

harirjaṅgameśvaratastāni kāle |
sthito nityamāhūtaye yattadā kim |
kathaṃ mūlaberasthito vāsudevo |
nareṇa tu kācotsavādipratīteḥ || 11 ||
[Analyze grammar]

vadānīkinīnātha guhyaṃ pariṣṭhaṃ |
guro saṃśayaṃ bhaktimānityamuṣmin |
viṣvaksaneḥ |
praśnaṃ tvadanyaḥ kathaṃ praṣṭumīṣṭe |
mune'nena tuṣṭaḥ pravakṣyāmi tubhyam || 12 ||
[Analyze grammar]

hareḥ pūjanāṅgopacāre yatta |
tvāvāhanaṃ tvatsadbhāvahetoḥ |
mune yaugapadyena sāṃnidhyamasmin |
krameṇeti vā saṃśayaḥ prādurāsīt || 13 ||
[Analyze grammar]

ekapradīpotthitā dīpamālā |
dāpe yathā yaugapadyena devaḥ |
tathā vāsudevo likhettu pratīke |
mune saṃnidhiṃ dāsyatīti pratītiḥ || 14 ||
[Analyze grammar]

athānyo mahābhogayogapradāyī |
prajānāṃ tathā vṛddhido muktidaśca |
paraṃ mūlamantreṇa saṃsmṛtya pañcā |
ṅgulaṃ hṛdi spṛśya bimbasya mudrām || 15 ||
[Analyze grammar]

pradṛśyāṅgulisaṃjñitāṃ pādamūle |
praṇamyākṣataṃ vāpi puṣpaṃ prakīrya |
mune vidyayāṣṭārṇayaivātha cārghyaṃ |
punaḥ pādyācamanaṃ gandhapuṣpam || 16 ||
[Analyze grammar]

tato dhūpadīpaṃ pradāyātha bhūtānnaṃ |
nivedyāntarāvaraṇaṃ kalpya samyak |
tathāvaraṇānāṃ yathāpūrvamarghyā |
dyanenaiva mantreṇa puṣpaṃ pradāya || 17 ||
[Analyze grammar]

nivedyātha tāmbūlikāmacyutāya |
pradīpyo baliṃ homamante vidhāya |
samastādhikaḥ sarvasiddhipradāyī |
nṛpādipriyo yogasiddhiṃ labheta || 18 ||
[Analyze grammar]

nāradaḥ |
ekaḥ pradhānaḥ kathaṃ pūjyate sve |
pade cāvṛtāsane vāsudevaḥ |
guro viṣṇusenāpate vaktumarha |
syaśeṣeṇa me saṃśayacchedanāya || 19 ||
[Analyze grammar]

viṣvaksenaḥ |
yathā pāvakasthānabhedāt kriyaiko |
makheṣvijyate vāsudavo dvijendraiḥ |
tathā viṣṭare sve pade ca vṛtāva |
pyanantocyate sthānabhedena bhedaḥ || 20 ||
[Analyze grammar]