Chapter 23

trayoviṃśo'dhyāyaḥ |
viṣvaksenaḥ |
ataḥ paraṃ pravakṣyāmi hareḥ pūjāṅgamuttamam |
puṣpārāmasya deśaṃ ca tasya saṃskārameva ca || 1 ||
[Analyze grammar]

evamādīni cānyāni sandhyārakṣāvasānakam |
śrṛṇu guhyamanā bhūtvā sādhakānāṃ hitāya vai || 2 ||
[Analyze grammar]

devālayasya parito vāyavyāṃ diśi vā mune |
pūrve'tha dakṣiṇe vāpi kuryādārāmamuttamam || 3 ||
[Analyze grammar]

pūrvavadvaiṣṇavairyuktaṃ yajamāno vidhānataḥ |
ācāryaṃ pūjayitvā tu brāhmaṇānāmanujñayā || 4 ||
[Analyze grammar]

aṅgulīyakavastrādyaistoṣayitvā hariṃ smaret |
ardhyādisnānaparyantaṃ tenaiva manasāvyayam || 5 ||
[Analyze grammar]

ravimaṇḍalamadhyasthaṃ devaṃ nārāyaṇaṃ prabhum |
saṃpūjayitvā tadbhūmau śaṅkhatūryādisaṃyutam || 6 ||
[Analyze grammar]

vaiṣṇavaiḥ saha tāṃ bhūmiṃ nirīkṣyāstreṇa mantravit |
karṣayellāṅgalaiḥ śūdraiḥ vaiṣṇavaistu yathākramam || 7 ||
[Analyze grammar]

tato mṛcchiṣyaśastraistu tāṃ bhūmiṃ śikṣayeddvija |
yajamāno hariṃ smṛtvā ācāryaṃ pūjayet punaḥ || 8 ||
[Analyze grammar]

brāhmaṇān bhojayitvā tu puṇyāhaṃ tatra kārayet |
tasyāṃ bhūmyāṃ śubhāyāṃ tu puṣpavṛkṣādikān kramāt || 9 ||
[Analyze grammar]

sthāpayeddevadevasya pūjārthaṃ munisattama |
karavīraṃ tathā jatirmallikāvakulaṃ tathā || 10 ||
[Analyze grammar]

campakaṃ karṇikāraṃ tu nandyāvartaṃ tathaiva ca |
tulasīdvamevaṃ ca dalaikaṃ padmamucyate || 11 ||
[Analyze grammar]

māgadhīvṛkṣavakulaṃ kramukaṃ panasaṃ tathā |
kadalyāmalakaṃ caiva madhukāmraṃ tathaiva ca || 12 ||
[Analyze grammar]

nālikeraṃ ta thośīraṃ candanaṃ hariberakam |
puṃnāgaṃ vaṃśapuṃnāgaṃ kṣudrapuṃnāgameva ca || 13 ||
[Analyze grammar]

dāḍimaṃ ca tathā havyaṃ pālāśaṃ pādapaṃ tathā |
evamādīni cānyāni devodyāne tu darśakān || 14 ||
[Analyze grammar]

puṣpārāme krameṇaiva kuryāttu brāhmaṇena vai |
brāhmaṇān jñānasaṃpannān vaiṣṇavān vedapāragān || 15 ||
[Analyze grammar]

saṃgṛhya tānalaṃkṛtya sarvadundubhisaṃyutam |
pūrvaṃ vighneśamabhyarcya upahā rasamanvitam || 16 ||
[Analyze grammar]

tāmbūlaṃ sūkṣmavastraistu brāhmaṇān pūjya mantravit |
evamādīni cānyāni vaiṣṇavān praṇavaṃ smaret || 17 ||
[Analyze grammar]

gandhādibhiḥ samabhyarcya tāmbūṃla dāpayet kramāt |
tasmāddvijavaraśreṣṭhairārāme munisattama || 18 ||
[Analyze grammar]

bījāni vāpayedbhūmau praṇavādyantasaṃyutam |
viṣṇugāyatrimantreṇa viṣṇumantramanusmaran || 19 ||
[Analyze grammar]

aṅkurādīṃstathā bhūmau cārāme kramayogataḥ |
sarvā dīśānaparyantaṃ karavīrādikān kramāt || 20 ||
[Analyze grammar]

sthāpayet pūrvavanmantrī secayet praṇavairjalam |
yantreṇāhṛtya sacchi dro vaiṣṇavaistu dine dine || 21 ||
[Analyze grammar]

toṣayet puṣpavṛkṣāṃśca patrāṇi vividha ni ca |
evamādīni ca nyāni phalavṛkṣāntameva ca || 22 ||
[Analyze grammar]

tālaṃ nimbaṃ tathā rājavṛkṣaṃ khadirameva ca |
viṣṇvālaye tathārāme svṛgṛhe ca vivarjayet || 23 ||
[Analyze grammar]

varjyasyāvarjanānyāni vṛddhiḥ syāt kupyate hariḥ |
tasmāt sarvaprayatnena tālādīnāṃ tu varjayet || 24 ||
[Analyze grammar]

brāhmaṇārādhane loke parārthe viṣṇumavyayam |
brāhmaṇaireva kartavyaḥ puṣpārāmo mahāmate || 25 ||
[Analyze grammar]

tathaiva nṛpaviḍbhyāṃ ca viṣṇorārādhena kramam |
śūdrārādhanadevasya śūdrairnandavanaṃ mune || 26 ||
[Analyze grammar]

kārayet kramayogena brāhmaṇānāṃ mahattapaḥ |
brāhmaṇārādhane bhūmau pūrvavannandanaṃ mune || 27 ||
[Analyze grammar]

sthāpitaṃ brāhmaṇeneva puṣpavṛkṣādikān kramāt |
yathākāmaṃ tu mantreṇa jalaiḥ śūdraistu varjayet || 28 ||
[Analyze grammar]

āpuṣpakālamatraiva tāvat kuryāddine dine |
puṣpakāle'ṅkurādīni patrāṇi vividhāni ca || 29 ||
[Analyze grammar]

hastaṃ prakṣālya tān chedya pātre śūdraistu pūrayet |
sapuṣpapātramādāya brahmaṇo vedapāragaḥ || 30 ||
[Analyze grammar]

praṇavena samuddhṛtya sāpidhānaṃ hariṃ smaran |
puṣpamaṇḍapamāsādya puṣpabhāṇḍe tu pūrayet || 31 ||
[Analyze grammar]

paścācchuddhajalairmantrīṃ saṃprokṣyāsmin mukheṣu tān |
pidhāya tu bahirdeśe niṣkramyāstreṇa mantrataḥ || 32 ||
[Analyze grammar]

tatastu phalakāṃ tasmin mantrī vāyumanusmaran |
saṃmṛjya kuśabṛndena prokṣayet praṇavena tu || 33 ||
[Analyze grammar]

saṃkṣālya viṣṇuṇāyatryā phalakāṃ gandhavariṇā |
hastaṃ prakṣālya tenaiva praṇavenābhimantrayet || 34 ||
[Analyze grammar]

puṣpapātrāt samādāya hastābhyāṃ praṇavena tu |
pūrayet phalakāntaṃ tu navavastraistu vā mune || 35 ||
[Analyze grammar]

tathaivāṅkurapatraṇi sarvāṇyetāni vai kramāt |
paścādgandhajalaistasmin prokṣayet praṇavaṃ smaret || 36 ||
[Analyze grammar]

manasā satataṃ devamanusmṛtya samāhitaḥ |
namaskāravihīne tu sūtreḥ puṣpāṇi sandhayet || 37 ||
[Analyze grammar]

utpalādīni cānyāni tulasīdvayameva ca |
nānāvarṇasamāyuktaṃ mālyānyevaṃ samācaret || 38 ||
[Analyze grammar]

tataḥ praṇavamuccārya ṣaḍakṣaramanusmaran |
puṣpapātre tu saṃpūrya praṇavenoddharedbudhaḥ || 39 ||
[Analyze grammar]

namaskāravihīnena hariṃ smṛtya śanaiḥ śanaiḥ |
devapārśvaṃ samāsādya sthāpayeddakṣiṇāgrataḥ || 40 ||
[Analyze grammar]

paścāttānyastramantreṇa prokṣayet sādhakaḥ kramāt |
tataḥ praṇamya manasā mūlamantramanusmaran || 41 ||
[Analyze grammar]

niṣkramya tu bahirdeśो japedvai vaiṣṇavo dvijaḥ |
devālayādbahirdeśe na kuryāt puṣpamaṇḍapam || 42 ||
[Analyze grammar]

yo bāhye kurute mohāt puṣpamālyādikān mune |
na pūjāphalamāpnoti tasmāttaṃ parivarjayet || 43 ||
[Analyze grammar]

sacchūdravaiṣṇavairmālāmāpadyapi mahāmune |
nitye naimittike caiva na kuryāttu kathaṃcana || 44 ||
[Analyze grammar]

brāhmaṇārādhena cāsmin parārthe tu viśeṣataḥ |
ātmārthamavyayaṃ viṣṇu yathākāmaṃ samarcayet || 45 ||
[Analyze grammar]

sā pūjā bhuktimuktiḥ syāt tasmāt svārthaṃ viśiṣyate |
yo mohāt kurute mālāṃ śūdro brāhmaṇapūjane || 46 ||
[Analyze grammar]

ātmārthe ca parārthe ca sā pūjā niṣphalā bhavet |
tadgrāmaṃ nidhanaṃ yāti tasmādyatnena varjayet || 47 ||
[Analyze grammar]

prātarmadhyapradoṣeṣu sāndhyāṣaṭke viśeṣataḥ |
nitye naimittike caiva brāhmaṇārādhane mune || 48 ||
[Analyze grammar]

mantrapuṣpādikān sarvān brāhmaṇaireva coddharet |
saṃmārjanaśataṃ puṇyaṃ sahasramanulepanam || 49 ||
[Analyze grammar]

mālāḥ śatasahasrāṇi ananto dīpa ucyate |
tasmātteṣāṃ muniśreṣṭha dīpamālā viśiṣyate || 50 ||
[Analyze grammar]

gandhaiḥ puṣpaistathā dhūpadīpairmālyairmanoramaiḥ |
devadevaṃ samabhyarcya sandhyārakṣāṃ samācaret || 51 ||
[Analyze grammar]

jagatsaṃrakṣaṇārthāya tadgrāmasya viśeṣataḥ |
dine dine tu kartavyaṃ pātre tāmrādike budhaiḥ || 52 ||
[Analyze grammar]

puṣpapātraistathā dūrvāmālādyaistilasarṣapaiḥ |
saṃpūryāsmin tadastreṇa dīpānaṣṭadale nyaset || 53 ||
[Analyze grammar]

kārpāsatūlagosarpiḥsatailena vimiśritam |
karpūrāgarusaṃyuktamaṣṭadigdīpasaṃyutam || 54 ||
[Analyze grammar]

saṃgṛhya praṇavenaiva puṣpairastreṇa pūjayet |
mahādīpasamāyuktaṃ chatracāmarasaṃyutam || 55 ||
[Analyze grammar]

ṣaḍakṣareṇa mantreṇa bhrāmayettacchiropari |
tatpaścāddāsadāsībhirvaiṣṇavaiḥ saha mantravit || 56 ||
[Analyze grammar]

nānāśaṅkharavairyuktaṃ nānāvādyasamanvitam |
pīṭāgre vātha bāhye vā rakṣādīpaṃ nayedbudhaḥ || 57 ||
[Analyze grammar]

ṣaḍakṣareṇa mantreṇa praṇavādyantasaṃyutam |
paścādgarbhagṛhāgre tu mahādīpaṃ visarjayet || 58 ||
[Analyze grammar]

nitye naimittikepyevaṃ sandhyārakṣāṃ samācaret |
sāyāhne'laṃkṛtānte vā sandhyārakṣāṃ viśeṣataḥ || 59 ||
[Analyze grammar]