Chapter 14

caturdaśo'dhyāyaḥ |
viṣvaksenaḥ |
ataḥ paraṃ pravakṣyāmi carupākavidhiṃ param |
śrṛṇu nārada sarvajña vrīhikṣetrādikān kramāt || 1 ||
[Analyze grammar]

na coṣaradharāyāṃ ca caṇḍālādigṛhāntike |
na śmaśānāntike bhūmyāṃ dhānyasaṃgrahaṇaṃ bhavet || 2 ||
[Analyze grammar]

śubhakṣetrodbhavaṃ dhānyaṃ tryahābdaṃ vatsaraṃ tu vā |
ṣaṇmāsaṃ vā trimāsaṃ vā samyak paryuṣitaṃ śubham || 3 ||
[Analyze grammar]

raktaśāliṃ tato śvetaṃ kṛṣṇaśāliṃ tathaiva ca |
saṃgrahe'smin muniśreṣṭha taṇḍulaṃ śvetamuttamam || 4 ||
[Analyze grammar]

kundendumuktāsaṃkāśaiḥ tatkṛtaiḥ śālitaṇḍulaiḥ |
pācayeddhariveśmasya āgneyyāṃ pacanālaye || 5 ||
[Analyze grammar]

mantrajño vaṃśasaṃpannaḥ prātaḥsnānaparāyaṇaḥ |
haviṣāṃ pākayogyastu balavān karmatatparaḥ || 6 ||
[Analyze grammar]

mānādi cādhunā vakṣye śrṛṇu guhyamanuttamam |
dviśataiḥ pañcaviṃśadbhiḥ vrīhibhiścaiva pūritam || 7 ||
[Analyze grammar]

śuktimātramiti khyātaṃ mānaṃ tenaiva kalpayet |
taddvayaṃ talamityuktaṃ prakubjaṃ syāttaladvayam || 8 ||
[Analyze grammar]

taddvayaṃ prasṛtiḥ proktā kuḍumbaṃ prasṛtidvayam |
añjalistaddvayaṃ proktaṃ prasthaḥ syādañjalidvayam || 9 ||
[Analyze grammar]

pātraṃ prasthadvayaṃ proktamāḍhakaṃ taddvayaṃ bhavet |
taddvayaṃ śivamityuktaṃ droṇaṃ vidyācchivadvayam || 10 ||
[Analyze grammar]

droṇadvayaṃ bhavet khārī bhāraṃ khāritrayaṃ bhavet |
mānamevaṃ mayā proktaṃ pātraśuddhimatho śrṛṇu || 11 ||
[Analyze grammar]

carupātradvayaṃ proktaṃ tāmraṃ mṛṇmayameva vā |
tāmrābhāve muniśreṣṭha mṛṇmayaṃ vātha kārayet || 12 ||
[Analyze grammar]

dine dine navaṃ gṛhyaṃ sādhayet sādhakottamaḥ |
B pātrāṇi ca śarāvāṇi saṃgṛhya paricārakaḥ || 13 ||
[Analyze grammar]

śuddhatoyena saṃkṣālya viṣṇugāyatriyā punaḥ |
prokṣayedgandhatoyena pañcopaniṣadaiḥ kramāt || 14 ||
[Analyze grammar]

pātraśuddhiriha proktā haviḥsaṃkhyā pracakṣate |
uttamottamamityuktamaṣṭadroṇaistu pūritam || 16 ||
[Analyze grammar]

ṣaḍdroṇaistaṇḍulaiḥsiddhaṃ bhaveduttamamadhyamam |
droṇahīnaṃ bhavettatra uttamādhamamucyate || 17 ||
[Analyze grammar]

madhyamottamamityuktaṃ khāridvayasamanvitam |
droṇadvayena naivedyaṃ bhavenmadhyamamadhyamam || 18 ||
[Analyze grammar]

madhyamādhamamityuktaṃ droṇadvayasamadvayam |
droṇaṃ caiva tadardhaṃ ca tasyārdhamadhamatrayam || 19 ||
[Analyze grammar]

taṇḍulairāḍhakairhīnaṃ naivedyaṃ na prakalpayet |
caruḥprasthadvayaḥ proktaḥ havirāḍhakamucyate || 20 ||
[Analyze grammar]

tasmin śriyādidevīnāmāḍhakaṃ vārdhameva vā |
nivedayenmuniśreṣṭha taṇḍulānāṃ vidhiṃ śrṛṇu || 21 ||
[Analyze grammar]

dvitīyāvaraṇe caiva tṛtīyāvaraṇe'pi vā |
kuryāddhānyāvaghātasya śālāmīśānagocare || 22 ||
[Analyze grammar]

dakṣiṇe vātha vāyavye nairṛte vāntare tathā |
śālāṃ ca bhūṣayitvā tu vitānādyairmanoharaiḥ || 23 ||
[Analyze grammar]

gomayena samālipya śālipiṣṭairvicitrayet |
brāhmaṇī tu suśīlā ca brāhmaṇyena samanvitā || 24 ||
[Analyze grammar]

dhānyāvaghātaṃ tatraiva kuryādāmamanuttamam |
ulūkhalādi saṃprokṣya harirityuccaran kramāt || 25 ||
[Analyze grammar]

ghātayet sarvadhānyāni paścāttaṇḍulameva ca |
āmaṃ vāpyathavā pakvamevameva dine dine || 26 ||
[Analyze grammar]

saṃskṛtya taṇḍulān sarvān saṃgṛhya praṇavena tu |
nirīkṣya taṇḍulān paścāt śarkarādīni sarvaśaḥ || 27 ||
[Analyze grammar]

harismṛtyā krameṇaiva śucirbhūtvā samahitaḥ |
parārthe viṣṇupūjāyāṃ sacchūdro vaiṣṇavo mune || 28 ||
[Analyze grammar]

na spṛśet pakvamāmaṃ...kuryādyathāruci |
tadabhāve muniśreṣṭha vaiṣṇavānāṃ gṛhe gṛhe || 29 ||
[Analyze grammar]

dine dine tu kartavyāstaṇḍulāḥ śūdrakairvinā |
asmin śudragṛhe mohāllebhādvā munisattama || 30 ||
[Analyze grammar]

taṇḍulaṃ kurute pūjā niṣphalā sā bhaviṣyati |
sarvanāśamavāpnoti tasmādyatnena varjayet || 31 ||
[Analyze grammar]

svārthārcane yathākāmaṃ bhaktyā devāya dāpayet |
abhinnāstaṇḍulā grāhyā akhinnāśca tathaiva ca || 32 ||
[Analyze grammar]

atuṣāścāpyapāṣāṇāḥ kṛmikīṭavivarjitāḥ |
akaṇāśca rajopetāḥ pāṃsusparśanavarjitā || 33 ||
[Analyze grammar]

apakvāstaṇḍulāścānyāḥ na nivedyāḥ kathaṃcana |
pakvameva caruṃ dadyāt apakvaṃ tu vivarjayet || 34 ||
[Analyze grammar]

varjitaṃ ca caruṃ mohāt nivedayati cenmune |
rākṣasāśca piśācāśca hṛṣṭā gṛhṇānti taccarum || 35 ||
[Analyze grammar]

kupyate tu hariścāpi nātra kāryā vicāraṇā |
tasmāt sarvaprayatnena varjitaṃ varjayet sadā || 36 ||
[Analyze grammar]

uddharet sarvapātrāṇi praṇavena mahāmune |
purā pātrāṇi prakṣālya pūrvoktena vidhānataḥ || 37 ||
[Analyze grammar]

aṣṭākṣareṇa mantreṇa ājyenaiva tu lepayet |
spṛśecca taṇḍulān paścāt dvādaśākṣaravidyayā || 38 ||
[Analyze grammar]

kṣipeddvādaśamuṣṭiṃ tu kramāddvādaśanāmabhiḥ |
namaskārāntasaṃyuktaṃ dhyātvā tu hṛdaye harim || 39 ||
[Analyze grammar]

tataśca caturo muṣṭīn prakṣipenmūrtināmabhiḥ |
ṣaḍbhiḥ prakṣālanaṃ kṛtvā bījena parameṣṭhinā || 40 ||
[Analyze grammar]

culyāmāropayet paścādbījena puruṣātmanā |
agniṃ samedhayet paścādviśvabījena sādhakaḥ || 41 ||
[Analyze grammar]

nivṛtyā abhighāryātha sarveṇaivāvatārayet |
mūrtimantreṇa vā sarvān mūlamantreṇa vā mune || 42 ||
[Analyze grammar]

kārayenmuniśārdūla nitye naimittike kramāt |
carupākavidhāne'smin mantrān sarvāna mahāmune || 43 ||
[Analyze grammar]

namaskāravihīnena yojayenmantravittamaḥ |
havirādiṣu vakṣyāmi varjyāvarjyavidhiṃ kramāt || 44 ||
[Analyze grammar]

nīlitaṃ varjayeddhavyamatipakvaṃ tathaiva ca |
tathāpyapākasaṃpūrṇamardhataṇḍulameva ca || 45 ||
[Analyze grammar]

varṇāntaragataṃ caiva gandhaduṣṭaṃ ca dhūpitam |
dvipakvaṃ sthāpitaṃ caivāghrātaṃ niṣvitanakam || 46 ||
[Analyze grammar]

apakṣutaṃ śvāsahataṃ mukhavāyuhataṃ tathā |
paraspṛṣṭaṃ śunādṛṣṭamadīkṣitanirīkṣitam || 47 ||
[Analyze grammar]

svedabinduhataṃ cāpi dhāmahastagataṃ tathā |
laṅghitaṃ śītamatyuṣṇaṃ bhinnapātragataṃ tathā || 48 ||
[Analyze grammar]

kṛmikeśādisahitaṃ koṣṭha loṣṭhādipāti tam |
mantrahīnaṃ kriyāhīnaṃ bhaktihīnamatoṣitam || 49 ||
[Analyze grammar]

arkapātragataṃ cāpi varjayedyatnataścarum |
phalāni yatnapakvāni varjanīyāni sarvaśaḥ || 50 ||
[Analyze grammar]

kadalīphalamekaṃ tu yatnapakveṣu gṛhyate |
apakvama gnināśastaṃ phalamatra nivedayet || 51 ||
[Analyze grammar]

evamuktaṃ tu śuddhānnaṃ pāyasaṃ tvadhunocyate |
yajamānecchayā tasmiṃstaṇḍulaṃ gṛhya sādhakaḥ || 52 ||
[Analyze grammar]

taṇḍuladviguṇaṃ kṣīraṃ mudgasāraḥ samo bhavet |
pācitaṃ pāyasaṃ proktaṃ śeṣaṃ pūrvavadācaret || 53 ||
[Analyze grammar]

taṇḍulasya caturthāṃśāṃstilān prakṣipya cūrṇitān |
taccaturthaṃ ghṛtaṃ kṣiptvā pācayitvā yathāvidhi || 54 ||
[Analyze grammar]

kṛsarānnamiti proktaṃ gaulyānnaṃ tvadhunā śrṛṇu |
pāyasaṃ pūrvavat kṛtvā taṇḍulena samaṃ gulam || 55 ||
[Analyze grammar]

gulārdhaṃ prakṣipedājyaṃ kadalyādiphalaṃ kṣipet |
gulānnamiti saṃproktaṃ mudgānnamadhunocyate || 56 ||
[Analyze grammar]

taṇḍulena samaṃ mudgaṃ nālikerulānvitam |
mudgānnamiti saṃproktaṃ haridrānnamihocyate || 57 ||
[Analyze grammar]

marīcirajanīyuktaṃ jīrakaiḥ sarṣapairyutam |
ucyate pācitaṃ hyetat haridrānnaṃ yathāvidhi || 58 ||
[Analyze grammar]

tadvidhiṃ cādhunā vakṣye śrṛṇu bhāgottaraṃ mune |
droṇataṇḍulamādāya kundendudhavalaprabham || 59 ||
[Analyze grammar]

pūrvavat pācayitvā tu marīcyādīni vinyaset |
marīcaṃ prasthapādaṃ ca triguṇaṃ rajanīṃ kṣipet || 60 ||
[Analyze grammar]

sarṣapaṃ dviguṇaṃ caiva tadardhaṃ jīrakaṃ kṣipet |
droṇasyaivaṃ mayā proktaṃ śeṣaṃ yuktyā prayojayet || 61 ||
[Analyze grammar]

iti bhāgottaraṃ proktaṃ haridrānnasya te mayā |
upadaṃśān pravakṣyāmi śrṛṇuṣva munisattama || 62 ||
[Analyze grammar]

gandhavarṇarasopetaṃ vastrapūtaṃ ghṛtaṃ navam |
dvātriṃśadaṃśamājyaṃ syāt gṛhṇīyādatra goghṛtam || 63 ||
[Analyze grammar]

ṣoḍaśāṃśaṃ tu gulmāṣaṃ tadardhaṃ gulamiṣyate |
pakvayukphalamūlaṃ ca sarvaṃ lavaṇamiśritam || 64 ||
[Analyze grammar]

ghṛtena pācayet samyak taptakāñcanavanmune |
marīcai rajanīmiśraiḥ sarṣapaiśca mahāmune || 65 ||
[Analyze grammar]

pācayitvopadaṃśāni deveśāya nivedayet |
śeṣāṇiṃ copadaṃśāni yajamānecchayā pacet || 66 ||
[Analyze grammar]

dadhikhaṇḍarasairyuktamaṣṭāṃśakamudāhṛtam |
sūpaṃ caiva tathā kuryāt yathāvittānusārataḥ || 67 ||
[Analyze grammar]

atastat parimāṇaṃ tu vakṣyāmi munisattama |
yajamānecchayā tasmin godadhi gṛhya sādhakaḥ || 68 ||
[Analyze grammar]

tadardhaṃ tu gulaṃ kṣiptvā tathā khaṇḍarasaṃ kṣipet |
tasyābhāve tu sarpiḥ syāt marīcaṃ niśi cūrṇakam || 69 ||
[Analyze grammar]

vinyaset pācitaṃ hyetat sūpaṃ tatra yathāvidhi |
kadalīpanasāmrāṇāṃ paripakvaphalāni ca || 70 ||
[Analyze grammar]

āmraṃ caivopadaṃśaṃ syāt śrṛṇu pakvopadaṃśakān |
kadalīpanasaṃ caiva kāravallīdvayaṃ tathā || 71 ||
[Analyze grammar]

karkavallīdvayaṃ caiva kūṣmāṇḍorvārukaṃ tathā |
bṛhatīṃ kṛṣṇabṛhatīṃ karavartaṃ tathaiva ca || 72 ||
[Analyze grammar]

karkarīṃ kṣudrabṛhatīmalasantīdvayaṃ tathā |
tathā kṛṣṇālasantī ca grāhyāṇi madhurāṇi ca || 73 ||
[Analyze grammar]

madhureṣu ca sarveṣu tālamekaṃ tu varjayet |
kadalīpanasādyeṣu sāramuddhṛtya nārada || 74 ||
[Analyze grammar]

pātre nikṣipya devāya dadyāccarmādi varjayet |
varjitaṃ varjayedyatnānnivedayati cenmune || 75 ||
[Analyze grammar]

tatpūjā niṣphalā yāti sarvarogavivṛddhikṛt |
tasmāccarmādi yatnena varjayedvarjitaṃ sadā || 76 ||
[Analyze grammar]

kulutthamāṣaniṣpāvaṃ varjayeddve daleṣu ca |
mudgadvayaṃ ca śībaṃ ca tathā kṛṣṇālasanti ca || 77 ||
[Analyze grammar]

śarkarādvayasaṃyuktaṃ samyakpakvaṃ suśītalam |
annopari vinikṣipya devadevaṃ nivedayet || 78 ||
[Analyze grammar]

kośātakīmalābuṃ ca patrajātīśca varjayet |
phalāni kathitānyatra mūlāni śrṛṇu tatparam || 79 ||
[Analyze grammar]

vallī caiva mahāvallī vanavallī tathaiva ca |
piṇḍā caiva mahāpiṇḍā kṣudrapiṇḍā tathaiva ca || 80 ||
[Analyze grammar]

sugandhotpalakandaṃ ca deveśasya priyaṃ śubham |
grāhyāṇi mūlānyetāni devadevaṃ nivedayet || 81 ||
[Analyze grammar]

alābhe śeṣa mūlāni varjayedvanasūraṇam |
tathaiva nityapūjāyāṃ sūraṇaṃ munisattama || 82 ||
[Analyze grammar]

lobhānmohānnivedyaṃ cet tatpūjā niṣphalā bhavet |
tasmāt prayatnato varjyaṃ sūraṇaṃ parivarjayet || 83 ||
[Analyze grammar]

kāmye mahotsave caiva mahānne tu mahāmune |
yajamānecchayā tasmin sūraṇaṃ tu nivedayet || 84 ||
[Analyze grammar]

viṣṇuścaiva mahāviṣṇustathaiva ca mahāmune |
tṛpyatva tra mahānnena hṛṣṭā gṛhṇanti taccarum || 85 ||
[Analyze grammar]

kaṭukāśca tathāmlāśca tiktāśceti viśeṣataḥ |
yathālābhopadaṃśena pācayellakṣaṇairyutam || 86 ||
[Analyze grammar]

marīciṃ niśicūrṇaṃ ca tanmadhye kuḍubaṃ kṣipet |
āmlopadaṃśamityāhuḥ sarvasaṃpat sukhāvaham || 87 ||
[Analyze grammar]

kathitāni nivedyāni nānyāni tu kathaṃcana |
pātrāṇi ca śarāvāṇi bāhyaśuddhiśca kārayet || 88 ||
[Analyze grammar]

sarvapātreṣu bāhyeṣu ūrdhvapuṇḍraṃ ca bhasmanā |
kārayenmūrtimantreṇa pūrvādiṣu yathākramam || 89 ||
[Analyze grammar]

śarāve viṣṇumantreṇa pūrvapātre tu lācchayet |
mahānasaṃ samārabhya garbhagehāvasānakam || 90 ||
[Analyze grammar]

prathamena jalaiḥ prokṣya bhāṇḍānutthāpayet kramāt |
tena mantreṇa matimān sarvānutthāpayet kramāt || 91 ||
[Analyze grammar]

etasminneva kāle tu śaṅkhaṃ dadhmu stribhiḥ pṛthak |
dvārasyottarapārśve tu nyaset pātrāṇi sarvaśaḥ || 92 ||
[Analyze grammar]

sauvarṇaṃ rājataṃ tāmramathavā kadalīdalam |
śuddhakāṃsyena vā kuryāt pātraṃ śatapalena tu || 93 ||
[Analyze grammar]

tadardhaṃ vā muniśreṣṭha dvātriṃśat palena vā |
yathāvittānusāreṇa pātraṃ saṃgṛhya sādhakaḥ || 94 ||
[Analyze grammar]

darvīghanaṃ samādāya ājyenaivābhighārayet |
annena pūrayet pātraṃ gulmāṣeṇa guḍena ca || 95 ||
[Analyze grammar]

palenājyena dadhnā ca sopadaṃśaṃ nivedayet |
caturdhāsmin vibhajyaikaṃ bhāgaṃ devāya kalpayet || 96 ||
[Analyze grammar]

devārthaṃ kalpitaṃ bhāgaṃ deveśāya nivedayet |
nivedya kāle tantrajñaḥ arghyapādyādikaṃ dadet || 97 ||
[Analyze grammar]

puṣpaṃ datvā namaskṛtya hareḥ pādau tu sādhakaḥ |
hastaprakṣālanaṃ kṛtvā devasyāstreṇa mantravit || 98 ||
[Analyze grammar]

pariṣekaṃ tataḥ kṛtvā pūrvavat sādhakottamaḥ |
kṛtvā su pāṇī prakṣālya mūlamantreṇa saṃspṛśet || 99 ||
[Analyze grammar]

śeṣaṃ tu pūrvavat kṛtvā havirādyaṃ mahāmune |
svastikāsanasaṃyukte deśikopendrato mukhaḥ || 100 ||
[Analyze grammar]

dakṣiṇe karaśākhāsu pañcopaniṣadaṃ nyaset |
nivedayeddhavistasmin pañcadhā parameṣṭhinā || 101 ||
[Analyze grammar]

namaskṛtya japet paścāt pañcopaniṣadā mune |
pāṇiṃ prakṣālya yatnena pṛthak pātre nivedayet || 102 ||
[Analyze grammar]

śaṅkhadundubhisuyaṃktaṃ nṛttageyasamanvitam |
devadevasya devarṣe nitye naimittike punaḥ || 103 ||
[Analyze grammar]

dhūpaṃ sudhūpitaṃ bhaktyā punardadhi nivedayet |
pānīyaṃ ca punardatvā kelipātre'male śubhe || 104 ||
[Analyze grammar]

tarpaṇaṃ punarācāmaṃ datvā tattatpratigrahe |
gandhapiṣṭaiḥsamudvartya pāṇiṃ suśvetavāsasā || 105 ||
[Analyze grammar]

ācchādya gandhakalkena punarācamanaṃ dadet |
mukhavāsaṃ tato datvā vidhivat sādhakottamaḥ || 106 ||
[Analyze grammar]

punardvitīyabhāgena haviṣā mūlavidyayā |
juhuyādagnikuṇḍe tu samidājyapuraḥsaram || 107 ||
[Analyze grammar]

tṛtīyena baliṃ dadyāt prāḍmukho vāpyudaṅmukhaḥ |
punardatvā jalaṃ samyak namaskṛtya pradakṣiṇam || 108 ||
[Analyze grammar]

datvā tadbaliśeṣaṃ tu balipīṭhe vinikṣipet |
turyabhāgaṃ tu saṃgṛhya ācāryo mantravittamaḥ || 109 ||
[Analyze grammar]

prāśayet prāṅmukho bhūtvā pātraśeṣamanuttamam |
taccheṣaṃ sarvapāpaghnaṃ sarvaroganikṛntanam || 110 ||
[Analyze grammar]

sarvatīrthapradaṃ tasmādbhakṣayecchedaṣamuttamam |
ālayasyottare vāpi nairṛte vāpi mantravit || 111 ||
[Analyze grammar]

bhuktvā caiva muniśreṣṭha śeṣaṃ pūrvavadācaret |
nityapūjāvidhau brahman carupākavidhau kramāt || 112 ||
[Analyze grammar]

evamuktaprakāreṇa kārayettu dine dine |
mahāhavirvidhiṃ vakṣye hyaṣṭadroṇaṃ kanīyasam || 113 ||
[Analyze grammar]

dviguṇaṃ madhyamaṃ proktaṃ triguṇaṃ cādhamottamam |
catuḥ pañcaguṇaṃ ṣaṭkaṃ madhyamasya trayaṃ viduḥ || 114 ||
[Analyze grammar]

saptāṣṭanavamaṃ proktamuttamasya trayaṃ viduḥ |
pūrvavat pācayitvā tu sarvānutthāpayet pṛthak || 115 ||
[Analyze grammar]

maṇḍapasyottare bhāge nyasedbhāṇḍānyatha kramāt |
nairṛte vāruṇe vāpi vinyasecca mahāhaviḥ || 116 ||
[Analyze grammar]

maṇḍapaṃ caturaśraṃ tu kṛtvālaṃkṛtya cākṣataiḥ |
piṣṭacūrṇairalaṃkṛtya padmaṃ kuryāt sakarṇikam || 117 ||
[Analyze grammar]

paṭenācchādya bhūmiṃ tu rambhāpatrāṇi copari |
snānādidevakarmāṇi pūrvavat kārayet kramāt || 118 ||
[Analyze grammar]

devasnaya purataḥ kṛtvā kāryaṃ vijñāpayecchanaiḥ |
pīṭhādutthāpya deveśaṃ pādukābhyāmupāsakaḥ || 119 ||
[Analyze grammar]

śaṅkhadhvanisamāyuktamānayedbhojanāsanam |
pādyārghyācamanaṃ datvā gandhapuṣpaiḥ prapūjayet || 120 ||
[Analyze grammar]

prokṣayitvābhighāryātha carupātrāṇi caiva hi |
pāyasaṃ kṛsaraṃ gaulyaṃ mudgānnaṃ ca yathākramam || 121 ||
[Analyze grammar]

śuddhānnaṃ caiva sūpānnaṃ da dhikaṃ ca mahāhaviḥ |
ājyaṃ ca guḍakhaṇḍaṃ ca kadalyādiphalatrayam || 122 ||
[Analyze grammar]

ājyapakvopadaṃśaṃ ca pātre sarvaṃ nivedayet |
pariṣekaṃ tataḥ kṛtvā hyannasūktena saṃspṛśet || 123 ||
[Analyze grammar]

dadyāttaddakṣiṇe haste haviḥ prāśanamudrayā |
sugandhaṃ svādutoyaṃ ca datvā pānīyamuttamam || 124 ||
[Analyze grammar]

punarācamanaṃ datvā vastreṇa pramṛjet karau |
gandhakalkena saṃmṛjya tataḥ pīṭhāntaraṃ nayet || 125 ||
[Analyze grammar]

pūrvamālāṃ vimuktvā tu veṣṭayenmālayā punaḥ |
punarācamanaṃ datvā hastau saṃśodhya vāsasā || 126 ||
[Analyze grammar]

pṛthukānyupahārāṇi apūpāntaṃ nivedayet |
nālikeraphalaṃ datvā pānīyācamanaṃ tataḥ || 127 ||
[Analyze grammar]

punarācamanaṃ datvā mukhavāsaṃ nivedayet |
kramukastu phalaṃ bhinnamapakvaṃ pakvameva vā || 128 ||
[Analyze grammar]

karpūratailaiḥ saṃsiktamasiktaṃ vā munīśvara |
tāmbūlavallīpatraiśca sahitaṃ kṣālitaṃ kramāt || 129 ||
[Analyze grammar]

elākakkolajātīśca karpūrasahitaṃ kramāt |
mātuluṅgaphalairyuktaṃ nālikerulānvitam || 130 ||
[Analyze grammar]

śilā cūrṇena saṃyuktaṃ karpūrasahitena ca |
B saṃskṛtaṃ praṇavenaiva mukhavāsaṃ nivedayet || 131 ||
[Analyze grammar]

datvā ca rājavat samyak pitṛvat pūjayeddharim |
pīṭhādutthāpnaya deveśaṃ prāsādaṃ tu paribhramet || 132 ||
[Analyze grammar]

śaṅkhadundubhisaṃyuktaṃ svastisūktasamanvitam |
prāsādaṃ tu paribhrāmya garbhāgāraṃ praveśayet || 133 ||
[Analyze grammar]

mahāhavirvidhiḥ proktaḥ saṃkṣepeṇa mahāmune |
viśeṣataḥ pravakṣyāmi mahānnasya vidhiṃ kramāt || 134 ||
[Analyze grammar]

guhyādguhyaṃ muniśreṣṭha śrṛṇu nārada sattama |
carupākavidhānoktaiḥ pūrvoktairhavyavṛddhidānaiśca || 135 ||
[Analyze grammar]

samupetaṃ śālīnāṃ daśaśatakaistaṇḍulaprasthaiḥ |
siddhaṃ mahāhaviḥ syāttu tadardhaṃ madhyamaṃ smṛtam || 136 ||
[Analyze grammar]

tasyāpyardhakṛtaṃ yattadadhamamuktaṃ mahāhavisatajjñaiḥ |
dugdhānāṃ tu gavāṃ syādāḍhakaṣaṭakaṃ guṇaṃ catuṣṣaṣṭi || 137 ||
[Analyze grammar]

phalaṃ sarpistathāḍhakaṃ syātpañcaprasthamudgānnam |
palasarpirāḍhakaṃ syāt pañcaprasthaṃ ca mudgānnam |
dalitānāṃ śuddhānāṃ toyaṃ syādāḍhakadvitayam || 138 ||
[Analyze grammar]

kaṃsadvitayaṃ śālyāstaṇḍulamiṣṭaṃ payogulānnavidhau |
etadvaramasyārdhaṃ madhyamamasyārdhamadhamaṃ syāt || 139 ||
[Analyze grammar]

pāyasametadvidhinā gulasarpibhyāṃ vinā pakvam |
samudgasārapakvaṃ śālyannaṃ mudgasārānnasamam || 140 ||
[Analyze grammar]

gulapiṣṭaṃ siddhaṃ sarpibhyāmapūpamuddiṣṭam |
kakkolairjātiphalaiḥ pūgaphalaiḥ śvetabhujagapatraiḥ || 141 ||
[Analyze grammar]

pāṣāṇacūrṇamiśraṃ samātuluṅgadalanālikeraphalam |
karpūratailamiśraṃ saṃsvaṅgaṃ kathyate mukhavāsasam || 142 ||
[Analyze grammar]

elācampakaketakyā vāsitaṃ tu pānīyam |
kathitaṃ yattridaśamune mahānivedyādi tannikhilam || 143 ||
[Analyze grammar]

siddhaṃ devagṛhe vā tatpārśve vāpimantrayogyaṃ syāt |
yo mohādanyagṛhe siddhaṃ devāya mantreṇa || 144 ||
[Analyze grammar]

havirādyaṃ tu hi dadyāt sa kilbiṣī rāṣṭranāśī syāt |
bhaktairanyatrāpi kvāpi pakvaṃ samāgataṃ yadyat || 145 ||
[Analyze grammar]

bimbasyāgre tattat pradarśya dadyāddhi pakvebhyaḥ |
etat kṛtvā samyaṅmahāhaviḥ priyatamaṃ tu hareḥ || 146 ||
[Analyze grammar]

sārūpyaṃ cādhamaṃ ca sālokyaṃ paramam || 147 ||
[Analyze grammar]

payodigulānnaṃ nivedya bhaktyā haraiti śāntim |
paramāṃśaśca madhyamaṃ hyeti sarvakāmāni || 148 ||
[Analyze grammar]

viśeṣaścātra saṃproktaḥ mahānnādividhau mune |
śeṣaṃ sādhāraṇaṃ kuryā diti śāstrasya niścayaḥ || 149 ||
[Analyze grammar]

mahāhavividhau cātra dvividhaṃ mānamīritam |
dviprakāraṃ tu tantrajño yathāyogaṃ samācaret || 150 ||
[Analyze grammar]