Chapter 13

trayodaśo'dhyāyaḥ |
viṣvaksenaḥ |
mantrāṇāṃ praṇavādīnāṃ sarvavidyāvidhānakam |
ṛṣichandādi vakṣyāmi sarvameva yathātatham || 1 ||
[Analyze grammar]

antaryāmī muniśchando devīgāyatrameva ca |
paramātmāmaro varṇaḥ vedādyāsvasmitaṃ smṛtaḥ || 2 ||
[Analyze grammar]

viśvāmitramunirviṣṇuḥ devatā paramātmanaḥ |
paramātmaiva chandastu varṇastasya sitaḥ smṛtaḥ || 3 ||
[Analyze grammar]

jāmadagnyamuniśchando vāsudevaśca devatā |
anuṣṭub vāsudevasya sitavarṇa udāhṛtaḥ || 4 ||
[Analyze grammar]

chando'nuṣṭup bharadvājo muniḥ saṃkarṣaṇo mataḥ |
saṃkarṣaṇasya vidyāyā rakto varṇa ihocyate || 5 ||
[Analyze grammar]

pradyumnasya muniśchando gautamaḥ paṅktireva ca |
pradyumno devatā varṇaḥ kanakābha iti smṛtaḥ || 6 ||
[Analyze grammar]

aniruddhasya vidyāyā muniśchando'trireva ca |
triṣṭup devo'niruddhastu nīlajīmūtavarṇakaḥ || 7 ||
[Analyze grammar]

vasiṣṭho matsyamantrasya chandastu jagatī smṛtā |
vāsudevastu devaḥ syāt nīlo varṇa ihocyate || 8 ||
[Analyze grammar]

kūrmasya kāśyapaṃ vidyānmuniṃ cchando virājate |
devo nārāyaṇaḥ śyāmaḥ vidyāyā varṇa ucyate || 9 ||
[Analyze grammar]

agastyo vārāhavidyāyā devīgāyatramucyate |
muniśchando'maro viṣṇuḥ śyāmavarṇaṃ nigadyate || 10 ||
[Analyze grammar]

nārado nārasiṃhasya vidyāyāstu hariḥ smṛtaḥ |
ṛṣiśchando nṛsiṃhastu devatā sitavarṇakaḥ || 11 ||
[Analyze grammar]

...mane maṃkaṇaṃ vidyāt ṛṣiśchando munistathā |
mantre'smin vāmanaṃ daivaṃ añjanaṃ varṇa ucyate || 12 ||
[Analyze grammar]

bhārgave bhārgavaṃ vidyāt...daivastu kathyate |
muniṃ tu bhārgavaṃ devaṃ pītābho varṇa ucyate || 13 ||
[Analyze grammar]

vālmīkīṃ rāmavidyāyāḥ nicṛtgāyatramucyate |
muniśchandastu devastu paramātmā payonibhaḥ || 14 ||
[Analyze grammar]

bṛhaspatiḥ balaṃ vidyāt supratiṣṭhāmuniḥ smṛtaḥ |
chandastu vāyudevasya devaḥ kanakavarṇakaḥ || 15 ||
[Analyze grammar]

bhṛguḥ kṛṣṇasya vidyāyā muniśchandastu daivatam |
paramātmā pratiṣṭhā tu rajato varṇa ucyate || 16 ||
[Analyze grammar]

kalkiviṣṇostu munī yo yājñavalkyo muniḥsmṛtaḥ |
chando devaṃ tu gāyatraṃ viṣṇostābhrastu varṇakam || 17 ||
[Analyze grammar]

śātātapo muniḥ paṅktiśchandaḥ keśavadaivatam |
keśavasya tu vidyāyā rītikā varṇa ucyate || 18 ||
[Analyze grammar]

nārāyaṇasya mantrasya devīgāyatramucyate |
antaryāminaḥ svātmā varṇe marakato bhavet || 19 ||
[Analyze grammar]

mādhavasya tu saṃvarto mādhavo devatā smṛtaḥ |
muniśchandastu jagatī varṇaḥ sphaṭikasaṃnibhaḥ || 20 ||
[Analyze grammar]

govindasya munirvyāso virāṭchandaśca daivatam |
govinda eva varṇastu vajrasaṃnibha ucyate || 21 ||
[Analyze grammar]

muniḥ sanatkumāraḥ syādviṣṇumantrasya devatā |
viṣṇureva virāṭchandaḥ padmarāgastu varṇakaḥ || 22 ||
[Analyze grammar]

madhusūdanavidyāyā munirdakṣastu daivatam |
madhusūdanastvanuṣṭhupchando varṇaḥ pravālakaḥ || 23 ||
[Analyze grammar]

trivikramasya māṇikyaṃ saṃvarto munirucyate |
chandastu bṛhatī varṇaṃ devatā tu trivikramaḥ || 24 ||
[Analyze grammar]

parāśaro vāmanasya muniḥ triṣṭubiti smṛtam |
chandastu vāmano devo muktābho varṇa ucyate || 25 ||
[Analyze grammar]

śrīdharasya muniḥ kaṇvaḥ chandastūṣṇigitīṣyate |
devatā śrīdharastajjñaiḥ varṇo vaiḍūryasaṃnibhaḥ || 26 ||
[Analyze grammar]

aṅgirāstu hṛṣīkeśe muniśca jagatī smṛtā |
chandaḥ kaukiśi nīlābho hṛṣīkeśastu daivatam || 27 ||
[Analyze grammar]

padmanābhasya tu muniḥ vaiśampāyana ucyate |
chandaḥ triṣṭubiti jñeyaṃ varṇo rājatasaṃnibhaḥ || 28 ||
[Analyze grammar]

śukaśca brahmavidyāyā bṛhatī munirucyate |
chando brahmādhidaivaṃ tu varṇa indusamaprabhaḥ || 29 ||
[Analyze grammar]

dāmodarasya vidyāyā mārkaṇḍeyo munirbhavet |
anuṣṭup padmasaṃkāśo varṇo dāmodaro'maraḥ || 30 ||
[Analyze grammar]

viśvarūpasya varṇastu cyavano ravisaṃnibhaḥ |
tisṛgāyatrika cchando vāsudevo'maro muniḥ || 31 ||
[Analyze grammar]

yajñamūrteḥ pulastyaḥ syāt tisraḥ cchando'dhidaivatam |
pītavarṇastu vidyāyā muniḥ saṃkarṣaṇaḥ smṛtaḥ || 32 ||
[Analyze grammar]

aitareyo munirvedamūrteśchando virāṭ smṛtam |
śātakumbhanibho varṇaḥ pradyumno'mara ucyate || 33 ||
[Analyze grammar]

pippalādo munirmudrāvidyāyāśchanda ucyate |
pratiṣṭhā agnivarṇaḥ syādaniruddho'dhidaivatam || 34 ||
[Analyze grammar]

ṛṣirdakṣo virāṭchandaḥ kamalā devatā smṛtā |
varṇo dīpanibhaḥ padmavidyāyā munisattama || 35 ||
[Analyze grammar]

kaṇvastu puṣṭividyāyāḥ chando gāyatramiṣyate |
devatā puṣṭiruktā syāt munirvarṇaḥ sitaḥ smṛtaḥ || 36 ||
[Analyze grammar]

medhāmantrasya saṃvartamuniḥ triṣṭubudīritam |
chando medhādhidevaṃ tu śaṅkhavarṇa ihocyate || 37 ||
[Analyze grammar]

maitreyastu sarasvatyā vidyāyā jagatī smṛtā |
chandaḥ sarasvatī daivaṃ varṇo gokṣīrasaṃnibhaḥ || 38 ||
[Analyze grammar]

kāśyapastu muniśchandaḥ triṣṭub durgaiva daivatam |
varṇastu śyāmalaḥproktaḥ vighneśasya tataḥ śrṛṇu || 39 ||
[Analyze grammar]

gāṇakastu muniśchandaḥ triṣṭub gaṇapatiḥ smṛtaḥ |
devatā dhavalo varṇaḥ vidyāyā gaṇapatestathā || 40 ||
[Analyze grammar]

āditaḥ syādṛṣiḥ nīlo varṇaḥ gāyatramucyate |
sadāviṣṇustathā daivaṃ chandastu parameṣṭhinaḥ || 41 ||
[Analyze grammar]

puruṣasya muniḥ sūtaḥ śveto varṇaśca daivatam |
vāsudevastathā chando gāyatramiti kathyate || 42 ||
[Analyze grammar]

ravirmuniḥ syādviśvasya taruṇārkanibhastathā |
saṃkarṣaṇastathā daivaṃ uṣṇik chando nigadyate || 43 ||
[Analyze grammar]

nivṛtte rājato varṇaḥ pradyumno'mara ucyate |
munistathānumān chando gāyatramiti paṭhyate || 44 ||
[Analyze grammar]

mārtaṇḍaḥ sarvavidyāyā muniḥ nā radavarṇakaḥ |
uṣṇik chando'niruddhaśca devatetyabhibhāṣyate || 45 ||
[Analyze grammar]

yeṣāmanuktamantre'smin ṛṣyādi munisattama |
teṣāṃ sāmānyato vidyāt ṛṣirāditya eva ca || 46 ||
[Analyze grammar]

gāyatrameva chandaḥ syāt sadāviṣṇuśca daivatam |
bījānāṃ bījavarṇaṃ ca chando daivatameva ca || 47 ||
[Analyze grammar]

muniṃ cājānatārcāyāṃ sā kṛtāpyakṛtā bhavet |
tasmāt krameṇa vijñāya vidyādīn sādhakottamaḥ || 48 ||
[Analyze grammar]

yathoktamarcayennityaṃ labdhavidyaḥ śucirmune |
anyathārcati yo mohādagha nāśaṃ kulakṣayam || 49 ||
[Analyze grammar]

kurute nṛpanāśaṃ ca nātra kāryā vicāraṇā |
ataḥkleśena vijñāya mantrādīnarcayedbudhaḥ || 50 ||
[Analyze grammar]

vidyānāmatiguhyānāṃ sarvavratavivṛddhaye |
ataḥparaṃ pravakṣyāmi sūktasya puruṣasya ca || 51 ||
[Analyze grammar]

anuṣṭubasya sūktasya triṣṭubantasya devatā |
chando munyādi saṃkṣepācchṛṇu nārada sattama || 52 ||
[Analyze grammar]

puruṣo yo jagadbījaṃ ṛṣirnārāyaṇaḥ smṛtaḥ |
uktaṃ hi samudāyasya pratyṛcaṃ śrṛṇu nārada || 53 ||
[Analyze grammar]

prathamasya munirvāsudevo uṣṇik chanda ucyate |
paramātmāmaro varṇaṃ śuklamityabhidhīyate || 54 ||
[Analyze grammar]

saṃkarṣaṇo muniśchando'nuṣṭup devo'sya matsyakaḥ |
dvitīyasya muniśreṣṭha varṇo dhūmra udāhṛtaḥ || 55 ||
[Analyze grammar]

tṛtīyo devīgāyatraṃ chando varṇaḥsmṛtoruṇaḥ |
pradyumna ṛṣirityāhuḥ devatā kūrma ucyate || 56 ||
[Analyze grammar]

atiruddhasturīyasya muniśchando virāḍiti |
devatāsya tu vārāho nīlo varṇa udāhṛtaḥ || 57 ||
[Analyze grammar]

pañcamasya muniśchandaḥ uṣṇik keśava ucyate |
devatā narasiṃhastu varṇo gokṣīrasaṃnibhaḥ || 58 ||
[Analyze grammar]

nārāyaṇo ṛṣiśchando nicṛtgāyatra ucyate |
devatā māna vo vidyāt ṣaṣṭhasyaiva tu dhūmrakaḥ || 59 ||
[Analyze grammar]

saptamasya munirvarṇaḥ mādhavo'sya sitaḥsmṛtaḥ |
rāmaṃ taddaivataṃ vidyāt uṣṇik chanda udāhṛtaḥ || 60 ||
[Analyze grammar]

govindaścāṣṭamasyaiva ṛṣiśchandoṣṇigeva ca |
daivaṃ dāśarathī rāmo varṇaḥ kālāgnisaṃnibhaḥ || 61 ||
[Analyze grammar]

navamasya munirviṣṇa1 balarāmo'sya daivatam |
gāyatrīchandaso varṇaḥ gokṣīrākṛtirucyate || 62 ||
[Analyze grammar]

madhusūdano muniḥsyāddevīgāyatra ucyate |
daśamasyādhidaivaṃ tat kalkiragninibho bhavet || 63 ||
[Analyze grammar]

trivikramo muniśchando virāḍagninibho bhavet |
daivataṃ viśvarūpo'yaṃ ekāntaṃ daśamasya tu || 64 ||
[Analyze grammar]

dvādaśasya muniṃ vidyāt vāmanaṃ vahnisaṃnibham |
virāṭ chando'maro yajñamūrtistu paripaṭhyate || 65 ||
[Analyze grammar]

trayodaśasyoṣṇik chandaḥ śrīdharo munireva ca |
vaikuṇṭho daivataṃ varṇaḥ taptahāṭakasaṃnibhaḥ || 66 ||
[Analyze grammar]

caturdaśasya gāyatrī devīpūrvāñjanākṛtiḥ |
hṛṣīkeśo munirdevo mahāviṣṇuriti smṛtaḥ || 67 ||
[Analyze grammar]

pañcottaradaśाsyaiva padmanābho muniḥ smṛtaḥ |
vedamūrtyadhidaivaṃ tu uṣṇikchando sitaḥ smṛtaḥ || 68 ||
[Analyze grammar]

ṣoḍaśasya ṛṣiścaiva dāmodara iti smṛtaḥ |
hayagrīvo maharṣiśca chando'gnirdevasaṃnibhaḥ || 69 ||
[Analyze grammar]

evaṃ puruṣasūktasya ṛṣyādi parikīrtitam |
ṛcāṃ ṛṣiṃ ca varṇaṃ ca daivataṃ chanda eva ca || 70 ||
[Analyze grammar]

ajñānādarcayenmohāt sukṛto'pyakṛto bhavet |
tasmātsarvaprayatnena ṛṣyādīn jñāpayet kramāt || 71 ||
[Analyze grammar]

atharvaṇasya sūktasya sṛṣṭyādipratipādakam |
nārāyaṇa ṛṣiśchando devīgāyatrameva ca || 72 ||
[Analyze grammar]

paramātmāmarovarṇaḥ śukla ityabhidhīyate |
yeṣāmanuktamantre'smin ṛṣyādi munisattama || 73 ||
[Analyze grammar]

teṣāṃ sāmānyato vidyāt ṛṣirnārāyaṇaḥ smṛtaḥ |
gāyatrameva chandaḥ syāt paramātmādhidaivatam || 74 ||
[Analyze grammar]

pīto varṇa ṛcāṃ caivametadguhyaṃ mayoditam |
ṛcāmevamunaktānāṃ ṛṣyādi parikīrtitam || 75 ||
[Analyze grammar]