Chapter 8

aṣṭamo'dhyāyaḥ |
kṣīrābdheruttare pāre tapasyantaṃ hiraṇyamayam |
nārado vāhinīnāthaṃ viṣṇorlīlācale muniḥ || 1 ||
[Analyze grammar]

dṛṣṭvā praṇamya saṃpūjya viṣṇubhaktibalātkṛtaḥ |
papraccha bhagavān bhakteriva mūrtimavasthitam || 2 ||
[Analyze grammar]

pūrvaṃ tu paramātmādimūrtīnāṃ lakṣaṇaṃ tathā |
mantrāṇāṃ lakṣaṇaṃ caiva chandāṃsi ca ṛṣīṃstathā || 3 ||
[Analyze grammar]

evamādīni cānyāni sadmādīni yathākramam |
vaktumarhasi senāpa yadyanugrahabhāgaham || 4 ||
[Analyze grammar]

viṣvaksenaḥ |
śrṛṇu devamuniśreṣṭha yat praṣṭu makhilaṃ tvayā |
vakṣyāmyahamaśeṣeṇa kramādavahito bhava || 5 ||
[Analyze grammar]

śrutimūlamidaṃ tantraṃ pramāṇaṃ kalpasūtravat |
pramāṇamidamevaikamāgameṣvapyavasthitam || 6 ||
[Analyze grammar]

āyurārogyadaṃ nṝṇāṃ kīrtiśrīputra vadhanam |
pāpakṣayaṃ mahāpuṇyaṃ yogasādhanameva ca || 7 ||
[Analyze grammar]

tasmāttatrottaraṃ bhāgaṃ nityamṛddhiśubhapradam |
ādyeṣṭakāvidhānādi sarvakāmapradaṃ sadā || 8 ||
[Analyze grammar]

athātaḥsaṃpravakṣyāmi iṣṭakālakṣṇaṃ param |
karṣaṇaṃ ca gavāṃ vāsaṃ bhūmiśuddhistathaiva ca || 9 ||
[Analyze grammar]

pūrvameva mayā proktaṃ tantre'smin pūrvabhāgake |
aṅkurārpaṇapūrvaṃ tu pūrvarātre'dhivāsayet || 10 ||
[Analyze grammar]

pūrvavanmaṇḍapaṃ kṛtvā gomayenānulepayet |
aṣṭadroṇasamāyuktaṃ śālibhiḥsamalaṃkṛtam || 11 ||
[Analyze grammar]

sādhitāḥ pūrvarātre tu catasraḥ prathameṣṭakāḥ |
śilāmayā mṛṇmayā vā kuryāllakṣaṇasaṃyutāḥ || 12 ||
[Analyze grammar]

śilā doṣavinirmuktāḥ vistāradviguṇāyatāḥ |
suvistāreṣṭakāḥ proktāḥ ṣaṭpañcacaturaṅgulāḥ || 13 ||
[Analyze grammar]

uttamādikramādetāḥ vistāradviguṇāyatāḥ |
vistārārdhadhanaṃ proktaṃ iṣṭakāstu pramāṇataḥ || 14 ||
[Analyze grammar]

pañcagavyena saṃprokṣya paristīrya kuśaistathā |
puṇyāhaṃ vācayitvā tu prokṣayecca kuśāmbhasā || 15 ||
[Analyze grammar]

haimaiḥ kautukasūtraṃ tu bandhayenmūlavidyayā |
vastraiḥ pratyekamācchādya tadagre sthāpayedbudhaḥ || 16 ||
[Analyze grammar]

kalaśān sthāpayet paścāt savastrān sāpidhānakān |
madhyukumbhaṃ ca sudṛḍhaṃ pañcaratnasamanvitam || 17 ||
[Analyze grammar]

mūlamantreṇa kumbhaṃ tu sādhayet sādhakottamaḥ |
vidyeśvarasamāyuktān pūrayet kalaśān kramāt || 18 ||
[Analyze grammar]

vārāhaṃ nārasiṃhaṃ ca śrīdharaṃ hayaśīrṣakam |
jāmadagnyaṃ ca rāmaṃ ca vāmanaṃ vāsudevakam || 19 ||
[Analyze grammar]

evaṃ vidyeśvarān proktān kramāt kumbheṣu pūjayet |
vārāhe muktakaṃ nyasya nārasiṃhe pravālakam || 20 ||
[Analyze grammar]

marakataṃ śrīdhare nyasya vaiḍūryaṃ hayaśīrṣake |
indranīlaṃ nya sedrāme māṇikyaṃ vāmanaiṛte || 21 ||
[Analyze grammar]

vāmane puṣyarāgaṃ ca śaṅkhaṃ vai vāsudevake |
eṣāmalābhe sauvarṇaṃ tadalābhe tu mauktikam || 22 ||
[Analyze grammar]

sakūrcaṃ sādhayedvidvān sarvālaṃkāraśobhitam |
prabhāte pūjayitvātha sthapatiṃ takṣakaiḥ saha || 23 ||
[Analyze grammar]

sthāpako mantrayogyastu sthapatiḥ karmayogyakaḥ |
sādhakaśceṣṭakāstatra snāpayenmūlavidyayā || 24 ||
[Analyze grammar]

tato gandhādinābhyarcya daivajñaṃ pūjayettataḥ |
ācāryaṃ pūjayettatra hemavastrāṅgulīyakaiḥ || 25 ||
[Analyze grammar]

takṣakaṃ pūjayitvātha iṣṭakādhānamārabhet |
dvārasya dakṣiṇe pārśve sthānametat pracakṣate || 26 ||
[Analyze grammar]

sumuhūrte nyasedvidvān iṣṭakāḥ paritaḥ kramāt |
vinyasecca caturdikṣu vāsudevādividyayā || 27 ||
[Analyze grammar]

paścācchilpinamalaṃkṛtya vastrahemāṅgulīyakaiḥ |
tenaiva saha saṃsthāpya iṣṭakāśca caturdiśi || 28 ||
[Analyze grammar]

teṣāṃ madhye tathā garte pūrayedudakena tu |
śubhaṃ vai dakṣiṇāvartaṃ vāmāvartamaśobhanam || 29 ||
[Analyze grammar]

vāmāvarte tathā kuryāt mūlena śatamāhutīḥ |
tadaiva navaratnāni vinyasedanupūrvaśaḥ || 30 ||
[Analyze grammar]

vajramauktikavaiḍūryaśaṅkhasphaṭikapuṣyakam |
candrakāntaṃ mahānīlaṃ māṇikyaṃ ca kramānnyaset || 31 ||
[Analyze grammar]

gajadante'thavā śaṅkhe valmīke karkaṭālaye |
vṛṣaśṛṅge hrade nadyāṃ nīrthe vai parvate tathā || 32 ||
[Analyze grammar]

samudre ca mṛdaṃ gṛhya pūrayedavaṭaṃ tathā |
puṇyāhaṃ vācayitvā tu brāhmaṇānatha bhojayet || 33 ||
[Analyze grammar]

etadvimāne prathame sarvametadatandritaḥ |
maṇḍape ratnahīnaṃ syāt ratnahīnaṃ tu vaprake || 34 ||
[Analyze grammar]

evaṃ kṛtaṃcenmedhāvī sarvasaṃpat samṛddhidam |
yadyevaṃ na kṛtaṃ cettat piśācādi samāviśet || 35 ||
[Analyze grammar]

kartuḥ kārayituścāpi mahān doṣo bhaviṣyati |
tasmāt sarvaprayatnena vidhānoktaṃ samācaret || 36 ||
[Analyze grammar]

yaḥ pūrvamārabhet karma takṣakaiḥ sthāpakaiḥ saha |
yajamānumatyā ca karṣaṇādi mahāmune || 37 ||
[Analyze grammar]

jīrṇasyoddharaṇaṃ vāpi citrādikamathāpi vā |
tenaiva kārayedvidvān nānyena tu kadācana || 38 ||
[Analyze grammar]

taikṣṇa mānādi nirvṛttaṃ takṣṇaiva punaruddhṛtam |
takṣaṇai naiva kāryaṃ syāditi śāstrasya niścayaḥ || 39 ||
[Analyze grammar]

tasmāt sarvaprayatnena sthāpakaistakṣakairnyaset |
mohādvā yadi vā lobhāt sthāpakāttakṣakādṛte || 40 ||
[Analyze grammar]

yaḥ kārayīta kuryādvā rājarāṣṭraṃ vināśayet |
evaṃ parīkṣya bahudhā matimān sādhakottamaḥ || 41 ||
[Analyze grammar]

praśāntamānaso bhūtvā kurvītādyeṣṭakāvidhim |
prathameṣṭakāvasāne tu prāsādaṃ cārabhet kramāt || 42 ||
[Analyze grammar]