Chapter 7

saptamo'dhyāyaḥ |
viṣvaksenaḥ |
ataḥ paraṃ pravakṣyāmi svapnādhyāyaṃ śacīpate |
viviktena paraṃ guhyaṃ kramācchṛṇu śacīpate || 1 ||
[Analyze grammar]

svapnastu prathame yāme saṃvatsaravipākadaḥ |
dvitīye cāṣṭamāse tu tribhirmāsaistriyāmake || 2 ||
[Analyze grammar]

aruṇodayavedālāyāṃ daśāhena phalaṃ bhavet |
ata ūrdhvaṃ pravakṣyāmi puṇyāpuṇyaṃ tu vai śrṛṇu || 3 ||
[Analyze grammar]

ārohaṇe govṛṣakuñjarāṇaṃ prāsādaśailāgravanaspatīnām |
viṣṭānulepo kathitaḥ svapneṣvagamyāgamanaṃ praśastam || 4 ||
[Analyze grammar]

yastu paśyati svapnānte rājānaṃ kuñjaraṃ hayam |
suvarṇaṃ vṛṣabhaṃ gāvaṃ kuṭumbaṃ tasya vardhate || 5 ||
[Analyze grammar]

kṣīriṇaṃ phalinaṃ vṛkṣaṃ ekākī yo'dhirohati |
tatrastho yadi budhyeta dhanaṃ śīghramavāpnuyāt || 6 ||
[Analyze grammar]

prāsādastho'pi yo bhuṅkte samudraṃ tarate tu yaḥ |
api dāsakule jātaḥ so'pi rājā bhaviṣyati || 7 ||
[Analyze grammar]

dīpamannaṃ phalaṃ padmaṃ kanyāṃ chatraṃ dhvajaṃ tathā |
svapnānte yo labhenmantraṃ sa śriyaṃ yāyitaṃ dhruvam || 8 ||
[Analyze grammar]

mānuṣāṇi tu māṃsāni svapnānte yastu bhakṣayet |
haritāni supakvāni śrṛṇu vakṣyāmi tatphalam || 9 ||
[Analyze grammar]

pādabhakṣe śataṃ lābhaḥ sahasraṃ bāhubhakṣaṇe |
rājyaṃ śatasahasraṃ vā śiraso bhakṣaṇe labhet || 10 ||
[Analyze grammar]

upānahau tu chatraṃ ca labdhvā yaḥ pratibudhyati |
asiṃvānirmalaṃ tīkṣṇaṃ tasyādhvānaṃ vinirdiśet || 11 ||
[Analyze grammar]

nāvamārohayedyastu nadīścāpi samuttaret |
pravāsaṃ nirdiśettasya śīghraṃ ca punarāgamam || 12 ||
[Analyze grammar]

dantā yasya viśīryante svapnānte tu patanti vā |
dhanāni nāśayettasya pīḍā vāpi śarai raṇe || 13 ||
[Analyze grammar]

abhyañjate yastailena payasā tu ghṛtena vā |
snehena vā tathānyena vyādhiṃ tasya vinirdiśet || 14 ||
[Analyze grammar]

abhidravanti yaṃ svapne śṛṅgiṇo daṃṣṭriṇo'pi vā |
vānaro vā varāho vā bhavedrājakulādbhayam || 15 ||
[Analyze grammar]

raktāmbaradharā nārī raktagandhānulepanā |
avagṛhṇanti yaṃ svapne brahmahatyāṃ vinirdiśet || 16 ||
[Analyze grammar]

śuklāmbaradharā nārī śuklagandhānulepanā |
avagṛhṇanti yaṃ svapne tasya śrīḥ sarvatomukhī || 17 ||
[Analyze grammar]

ādityamaṇḍalaṃ svapne candraṃ vā yadi paśyati |
vyādhito mucyate rogādarogaḥ śriyamāpnuyāt || 18 ||
[Analyze grammar]

baḍabāṃ krakarīṃ krauñcīṃ labdhvā yaḥ pratibudhyati |
krośādāhṛtya labhate bhāryāṃ sa priyavādinīm || 19 ||
[Analyze grammar]

nigalairyastu mucyeta bāhupāśaistathaiva ca |
putro vā jāyate tatra pratiṣṭhāṃ vā vinirdiśet || 20 ||
[Analyze grammar]

yastu śvetena sarpeṇa daśyate dakṣiṇe śubhe |
sahasraṃ labhate vittaṃ saṃpūrṇe daśame'hani || 21 ||
[Analyze grammar]

antraistu veṣṭitaṃ svapne grāmaṃ nāgarameva vā |
grāme maṇḍalarājendro nagare vādhipo bhavet || 22 ||
[Analyze grammar]

rudhiraṃ pibati svapne surāṃ vāpi kadācana |
brāhmaṇo labhate vidyāmitaraśca dhanaṃ labhet || 23 ||
[Analyze grammar]

kṣīraṃ ca pibati svapne saphenaṃ dohane gavām |
somapānaṃ bhavettasya ante ca kratumedinīm || 24 ||
[Analyze grammar]

dadhi dṛṣṭvā bhavetprītiḥ godhūmaṃ ca dhanāgamaḥ |
yavairājyāgamaṃ vidyāt siddhārthakeṣu ca || 25 ||
[Analyze grammar]

yastu madhye taṭākasya bhuñjīta madhupāyasam |
niṣaṇṇaṃ padminīpatre taṃ vidyāddharaṇīpatim || 26 ||
[Analyze grammar]

liṅgamabhyarcya taṃ dṛṣṭvā devānapi viśeṣataḥ |
vyavahāre jayastasya dhanaṃ ca vipulaṃ bhavet || 27 ||
[Analyze grammar]

puṣpite puṣpitaṃ vidyāt phalite buddhiruttamā |
dhūmāyantamapāyaṃ taṃ prajvalantaṃ śriyāvaham || 28 ||
[Analyze grammar]

āsane śayane yāne śarīre vāhane gṛhe |
jvalamāne vibudhyeta tasya śrīḥ sarvatomukhī || 29 ||
[Analyze grammar]

devatāśca dvijā gāvaḥ pitaro liṅginastathā |
yadvadanti naraṃ svapne tattathaiva vinirdiśet || 30 ||
[Analyze grammar]

sarvāṇi śuklānyabhinanditāni |
kārpāsabhasmāsthisa takravarjam |
sarvāṇi kṛṣṇāni na śobhanāni |
gohastidevadvijavājivarjam || 31 ||
[Analyze grammar]