Chapter 6

ṣaṣṭho'dhyāyaḥ |
viṣvaksenaḥ |
mṛtsaṃskāramatho vakṣye śrṛṇuṣvaikamanādhunā |
pakvāpakve dvidhā proktā bhūsurādīnanukramāt || 1 ||
[Analyze grammar]

sarvalokā na śaṃsanti pratimāṃ dagdhamṛṇmayīm |
apakvā pratimā śastā saiva kāryā vicakṣaṇaiḥ || 2 ||
[Analyze grammar]

sudhayā naiva kuryādvā nāśmacūrṇaiḥ kadācana |
mṛdaiva mṛṇmayaṃ kuryāt yathāvarṇānurūpataḥ || 3 ||
[Analyze grammar]

brāhmaṇasya sitā mṛdvai kṣatriyasyāruṇā smṛtā |
viśāṃ pītā bhavenmṛdvai kṛṣṇā śūdrasya kīrtitā || 4 ||
[Analyze grammar]

mṛdaṃ varṇānupūrvyeṇa gṛhṇīyāt kṣetrasaṃbhavām |
dadhisarpiḥpayobhiśca atasīsnehasaṃyutaiḥ || 5 ||
[Analyze grammar]

śarkarā lohapāṣāṇaiḥ cūrṇaṃ kṛtvā tu pūrvaśaḥ |
samabhāgāni cūrṇāni mṛttikāyāṃ niyojayet || 6 ||
[Analyze grammar]

khādireṇa kaṣāyeṇa arjunena ca peṣayet |
śrīveṣṭakaṃ sajjarasaṃ kuṅkumaṃ koṣṭhameva ca || 7 ||
[Analyze grammar]

kunduruśca rasā hyete sarve sarvarasānvitāḥ |
nadīsaṅgamatīreṣu puṇyodyāneṣu vai punaḥ || 8 ||
[Analyze grammar]

ādāya mṛttikāṃ tatra snehacūrṇasamāyutām |
māsaṃ paryuṣitaṃ kṛtvā kārayet pratimāṃ tataḥ || 9 ||
[Analyze grammar]

trirātraṃ peṣitā sā tu śilāmayasamā bhavet |
mṛtsaṃskāraṃ mayā proktaṃ tenaiva pratimāṃ kramāt || 10 ||
[Analyze grammar]

kārayet sudṛḍhaṃ samyak śāstradṛṣṭyā ca śilpinā |
sāṅgopāṅgasamāyuktāṃ pratimāṃ sumanoramām || 11 ||
[Analyze grammar]

navāmbaraṃ tu susnigdhaṃ pratimopari veṣṭayet |
tasyopari likhet snigadhaṃ varṇānukramaṇena tu || 12 ||
[Analyze grammar]

atastatsaṃpravakṣyāmi varṇānukramaṇa kramāt |
śvetaṃ pītaṃ tathā raktaṃ haritaṃ kṛṣṇameva ca || 13 ||
[Analyze grammar]

pañcavarṇā ime proktāḥ pṛthivyādyadhidevatāḥ |
uttamā dhātujā proktā madhyamā vṛkṣasaṃbhavā || 14 ||
[Analyze grammar]

saṃyogajā'varā jñeyā trividho varṇasaṃgrahaḥ |
varṇaṃ cāpyanuvarṇaṃ ca saṃkaraṃ ca tathaiva ca || 15 ||
[Analyze grammar]

trividho varṇasaṃyogaḥ śāstre'sminnucyate mayā |
varṇā ityucyate śuddhā rājavārtādinākarot || 16 ||
[Analyze grammar]

anāka reṣu ye varṇāḥ prāyaḥśuddhivivarjitāḥ |
anuvarṇā ime proktāḥ saṃkarān kathayāmyaham || 17 ||
[Analyze grammar]

śuklo raktaśca kṛṣṇaśca nīlaśceti caturvidhaḥ |
śaṅkhagokṣīravarṇābhaḥ śukla ityabhidhīyate || 18 ||
[Analyze grammar]

haritaścaiva pītaśca pītavarṇo dvidhā bhavet |
manaḥśilā harītālo haritaḥ saṃprakīrtitaḥ || 19 ||
[Analyze grammar]

haridrākuṅkumābhastu pīta ityabhidhīyate |
tatastu śyāmavarṇaśca kṛṣṇavarṇo dvidhā mataḥ || 20 ||
[Analyze grammar]

dūrvāmarakatābhastu indranīlanibho'paraḥ |
śuklena miśrito rakto harirityabhisaṃjñitaḥ || 21 ||
[Analyze grammar]

śuklena miśritaḥ pīto gaura ityabhidhīyate |
raktena miśritamapi kapilaṃ paribhāśitam || 22 ||
[Analyze grammar]

śuklena miśritaḥ kṛṣṇo dhūmra ityabhisaṃjñitaḥ |
pītena miritaḥ kṛṣṇa kāla ityabhisaṃjñitaḥ || 23 ||
[Analyze grammar]

pītakṛṣṇayutaḥśuklo gaura ityabhidhīyate |
pītaraktayutaḥśuklaḥ karburaḥ samudāhṛtaḥ || 24 ||
[Analyze grammar]

pītakṛṣṇayuto varṇo harivarṇaḥ prakīrtitaḥ |
evaṃ saṃkarato varṇaḥ tatkālaṃ sthīyate dṛḍham || 25 ||
[Analyze grammar]

yannibhā kathitā mūrtiḥ tannibhaṃ varṇayojanam |
adṛṣṭadeśasaṃbhūtā madhyamā kālasaṃbhavā || 26 ||
[Analyze grammar]

evaṃ varṇavibhāgastu kramaśaḥ parikīrtitaḥ |
vāsudevaṃ saṃkarṣaṇaṃ pradyumnaṃ caniruddhakam || 27 ||
[Analyze grammar]

kalau yuge śacīnātha śyāmavarṇena kārayet |
tadbimbaṃ śubhadaṃ ṛddhiṃ rājarāṣṭravivardhanam || 28 ||
[Analyze grammar]

tasmātsarvaprayatnena kalau śyāmena kāreyat |
anyathāśubhamāpnoti rājarāṣṭravināśakṛt || 29 ||
[Analyze grammar]