Chapter 4

caturtho'dhyāyaḥ |
viṣvaksenaḥ |
ataḥ paraṃ pravakṣyāmi śilāgrahaṇamuttamam |
dvividhā tu śilā grāhyā parvateṣu dharāsu ca || 1 ||
[Analyze grammar]

parvatān prathamaṃ vakṣye yeṣu śaileṣu gṛhyate |
trikūṭo hemakūṭaśca kailāso girisattamaḥ || 2 ||
[Analyze grammar]

mandaro mālyavāṃścaiva niṣadho nīlaparvataḥ |
meruḥ sahyaśca vindhyaśca kiṣkindho girisattamaḥ || 3 ||
[Analyze grammar]

veṅkaṭo dardaraścaiva śrīgiriścitrakūṭakaḥ |
evaṃbhūtān samanvīkṣya purataḥ praṇamet sadā || 4 ||
[Analyze grammar]

patraṃ puṣpaṃ samādāya nikṣipedgirimūlake |
namaskṛtya hariṃ dhyātvā parvataṃ pāpanāśanam || 5 ||
[Analyze grammar]

adhivāsanānisarvāṇi asmin pūrvavadācaret |
bhūgatā yāḥ śilāḥ proktāḥ tāsāṃ lakṣaṇamucyate || 6 ||
[Analyze grammar]

vāruṇī caiva māhendrī āgneyī vāyavī tathā |
catura stu śilāḥ proktāḥ tāsāṃlakṣaṇamucyate || 7 ||
[Analyze grammar]

yā puṣpavanasaṃkīrṇā jalāśayasamāyu tā |
sā kṣitirvāruṇī jñeyā śilā tatra tu vāruṇī || 8 ||
[Analyze grammar]

yasyāścottarasaṃsthāyāḥ vrīhikṣetraṃ tu dakṣiṇe |
paścime kṣīravṛkṣāśca sā māhendrī prakīrtitā || 9 ||
[Analyze grammar]

palāśāḥ khadirā vṛkṣāḥ kāśmaryaḥ puṣpa dakṣiṇe |
tittiryaśca kapotāśca gṛdhrāścaiva vasāśanāḥ || 10 ||
[Analyze grammar]

bhramarāśca varāhāśca dṛśyante yatra santatam |
toyamantargatāṃ svalpāṃ tāmāgneyīṃpracakṣate || 11 ||
[Analyze grammar]

bilvaśleṣmātakākīrṇā tathā snuhivibhītake |
sṛgālā yatra dṛśyante tathaiva mṛgatṛṣṇikā || 12 ||
[Analyze grammar]

tṛṇodakavihīnā ca śarkaroṣarasaṃyutā |
vāyavī sā kṣitiḥ proktā śilāṃ tatra tu varjayet || 13 ||
[Analyze grammar]

nadītīre hradataṭe lavaṇodapariplute |
grāmamadhye śmaśāne ca tathā caiva catuṣpathe || 14 ||
[Analyze grammar]

amedhyabhūmau valmīke ūṣare śavadūṣite |
vāyusūryāgnidagdhe ca na grāhyāstu śilāḥsadā || 15 ||
[Analyze grammar]

varjitābhiḥ śilābhiryaḥ pratimāṃ lobhamohitaḥ |
kuryādvā kārayedvāpi tasya syādābhicārikam || 16 ||
[Analyze grammar]

pramimārthaṃ tu nirgacchedācāryaḥ śilpibhiḥsaha |
brāhmaṇān bhojayitvādau taiḥ kṛtvā svastivācanam || 17 ||
[Analyze grammar]

ayaḥ kuṭhādisaṃgṛhya prāṅmukho vāpyudaṅmukhaḥ |
nirgatastu śilāṃ paśyet tadā prabhṛti nityaśaḥ || 18 ||
[Analyze grammar]

pratimākarma kurvīta tatkarmāntaṃ haviṣyabhuk |
dārusaṃgrahaṇādhyāye saṃproktaṃ cādhivāsanam || 19 ||
[Analyze grammar]

tasmin sarvaṃ prayoktavyaṃ viśeṣaṃ kathayāmi te |
śilpibhiśca bhuvaṃ khātvā śilāṃ paśyet samāhitaḥ || 20 ||
[Analyze grammar]

dakṣiṇottaramāyāmaṃ tathā vai pūrvapaścimam |
śāntidā dakṣiṇagrīvā pūrvagrīvājayapradā || 21 ||
[Analyze grammar]

śrīkarī paścimagrīvā karturbhavati nityadā |
puṣṭidā cottaragrīvā koṇaṃ tu parivarjayet || 22 ||
[Analyze grammar]

utpāṭyamāne dṛśyante sphuliṅgā yatra cāgnivat |
nādāśca kāṃsyaghaṇṭāvacchilāyāśca śiro matam || 23 ||
[Analyze grammar]

kāṃsyavanmadhyabhāge tu mūle vai kāṃsyatālavat |
dhvaniryasyāḥ śilāyāstu sā pumāniti kīrtitā || 24 ||
[Analyze grammar]

tasmātkiñcidvihīnā tu chidrāyāśca dhvanirbhavet |
sā śilā strīti vijñeyā taddhīnā syānnapuṃsakam || 25 ||
[Analyze grammar]

pulliṅge pratimā proktā strīliṅge pādapīṭhikā |
ratnanyāsādadhastāttu napuṃsakamudāhṛtam || 26 ||
[Analyze grammar]

tatra garbhaṃ parīkṣeta chedane bhedane'pi ca |
maṇḍalā yatra dṛśyante tatra garbhaṃ vinirdiśet || 27 ||
[Analyze grammar]

māñjiṣṭhavarṇasadṛśe dardurastatra saṃbhave |
pītake maṇḍale goṣṇā kṛṣṇe kṛṣṇāhireva ca || 28 ||
[Analyze grammar]

kapile mūṣikaḥ proktaḥ kṛkalāsastathāruṇe |
gulavarṇe tu pāṣāṇaḥ karburegṛhagaulikā || 29 ||
[Analyze grammar]

ku mbhaḥ kṛpāṇasadṛśe vālukāḥ padmasaṃnibhe |
vicitre vṛściko jñeyo nīlapīte pataṅgakaḥ || 30 ||
[Analyze grammar]

madhuvarṇe tu khadyotaḥ maṇḍale nirdiśedbudhaḥ |
garbhadarśanadoṣāṃstu punarvakṣye yathātatham || 31 ||
[Analyze grammar]

dardure syādanārogyaṃ godhāyāṃ durgato bhavet |
viṣeṇa mriyate sarpe anapatyastu mūṣike || 32 ||
[Analyze grammar]

kṛkalāse ya thālpāyuḥ pāṣāṇe'śaninā vadhaḥ |
gaulikāyāṃ dhanāpāyo jale vai garbhanāśanam || 33 ||
[Analyze grammar]

sikātāsu jalābhāvo vṛścike kalahastathā |
śalabhe rāṣṭranāśaḥ syāt khadyote ca kulakṣayaḥ || 34 ||
[Analyze grammar]

tasmādyatnāt parīkṣeta nityaṃ garbhamatandritaḥ |
garbheṇa sahitāṃ lobhāt pratimāṃ kurute yadi || 35 ||
[Analyze grammar]

tanmaṇḍalādhipo rājā kārakaḥ sthāpakastathā |
unmūmilā bhavantyete tasmādgarbhaṃ viśodhayet || 36 ||
[Analyze grammar]

maṇijā lohajāścaiva dārujā vā śacīpate |
garbhāgarbhamavekṣeta nityaṃ vṛddhiśubhapradā || 37 ||
[Analyze grammar]

asmin tantrottare bhāge pramimālakṣaṇaṃ kramāt |
nāradasya mayā proktaṃ guhyādguhyamanuttamam || 38 ||
[Analyze grammar]

tasmātpūrvottaraṃ jñātvā pramimāṃ kārayetkramāt |
evaṃ śailavidhiḥ proktaḥ sārātsāra anuttamaḥ || 39 ||
[Analyze grammar]