Vishnu-samhita [sanskrit]

22,492 words | ISBN-10: 8170302234 | ISBN-13: 9788170302230

The Sanskrit text of the Vishnu-samhita, an ancient text belonging to the Pancaratra tradition. Topics include details regarding Mandalas, Philosophy, especially allied with Samkhya, Yoga and discussions related to the powers and qualities of God. The Vishnusamhita also details a system called Bhagavatayoga, enforcing bodily and moral control in order to purify the mind. Alternative titles: Viṣṇusaṃhitā (विष्णुसंहिता), Viṣṇu-saṃhitā (विष्णु-संहिता), Visnusamhita, Visnu.

Chapter 30

atha triṃśaḥ paṭalaḥ ||
atha vakṣyāmi saṃkṣepād yogaṃ bhāgavataṃ param |
yadanyairaśrutaṃ pūrvaṃ hitānāṃ paramaṃ hitam || 1 ||
[Analyze grammar]

yuktāhāravihārastu yuktaceṣṭaḥ samāhitaḥ |
yogaṃ bhāgavataṃ nityamabhyasenniyatātmavān || 2 ||
[Analyze grammar]

pañcakālavibhāgajño mitabhāṣī mitāśanaḥ |
kāmakrodhādijid bhaktaḥ samaloṣṭāśmakāñcanaḥ || 3 ||
[Analyze grammar]

samayācārasaṃyukto japadhyānaparāyaṇaḥ |
ekānte vijane sthāne nivāte śabdavarjite || 4 ||
[Analyze grammar]

baddhvā yogāsanaṃ maunī yogaṃ yuñjīta yogavit |
pūjayitvā hariṃ pūjāṃ tatraiva pratipādayet || 5 ||
[Analyze grammar]

kiṅkaratvena cātmānaṃ kṛtāñjaliradhomukhaḥ |
na yāceta phalaṃ kiñcit prasanno dāsyati svayam || 6 ||
[Analyze grammar]

jānātyeva hi kālaṃ sa bhaktipūjāguṇāguṇān |
prasannastvanugṛhṇīyāt tvarayā na kadācana || 7 ||
[Analyze grammar]

natveva nānugṛhṇīyājjanmāntaraśateṣvapi |
karmaṇāṃ pacyamānānāmapareṣāṃ parikṣaye || 8 ||
[Analyze grammar]

prakāśayati bhaktānāṃ hariḥ kurvannanugraham |
tatastu saṃpadevāsya purastādupalakṣyate || 9 ||
[Analyze grammar]

kṣīyante'syārayo nityaṃ vardhante saṃpadaḥ svayam |
phalaṃ tvayatnād bhūyaḥ syānnaśyanti vyādhayaḥ svayam || 10 ||
[Analyze grammar]

na kvaciccāsya saṃkleśo vardhante paśavaḥ prajāḥ |
dīrghaṃ cāsya bhavedāyurjāyante subhagāḥ prajāḥ || 11 ||
[Analyze grammar]

praśaṃsanti janāścainaṃ corayeyurna dasyavaḥ |
anupadravamaiśvaryaṃ ciraṃ tiṣṭhatyayantritam || 12 ||
[Analyze grammar]

dharmādyabhimukhī dhīḥ syādadharmādiparāṅmukhī |
sukhenaivāparāntaśca puṇyakāle bhaviṣyati || 13 ||
[Analyze grammar]

janmotkṛṣṭakule bhūyo bhaktiśca punaracyute |
utkṛṣṭatama eva syāt tathā janmani janmani || 14 ||
[Analyze grammar]

akliṣṭamaṣṭadhaiśvaryaṃ tatprasādād bhaviṣyati |
viharedicchayā dīrghaṃ nirvāṇaṃ vā tathā'pnuyāt || 15 ||
[Analyze grammar]

bhakteṣvasya prasādena bhavitavyaṃ tu sarvathā |
bhraṣṭo'pi vividhān kāmānāpnuyānna vimucyate || 16 ||
[Analyze grammar]

kintu karmānubandhena saṃsāre kleśasambhavaḥ |
tasmāt tadbhaktirevāsya saṃpadāṃ kāraṇaṃ bhavet || 17 ||
[Analyze grammar]

tajjñānena nṛṇāṃ bhaktirvardhanīyā prayatnataḥ |
vardhitā tu viśeṣeṇa sainaṃ nayati satpatham || 18 ||
[Analyze grammar]

tasmāt kāryo viveko'tra guṇadoṣā yathā sthitāḥ |
cintayedakhilān doṣānekānte śuddhamānasaḥ || 19 ||
[Analyze grammar]

kāmakopādibhirmuktaṃ manaḥ śuddhaṃ bhaviṣyati |
abhyāsena bhavecchuddhirmanaso yogavartmani || 20 ||
[Analyze grammar]

śuddhe manasi tadbhaktirjāyate tasya niścalā |
tasyāṃ samupajātāyāṃ tattve ceto'vatiṣṭhate || 21 ||
[Analyze grammar]

rāgadveṣaparītasya viphalaṃ tattvadarśanam |
tasmāt tau pūrvamutsāryau tattvaṃ samyag didṛkṣuṇā || 22 ||
[Analyze grammar]

puṇyadeśeṣu dṛṣṭeṣu bhayeṣu maraṇeṣu ca |
tathā rogāvamāneṣu vairāgyamupajāyate || 23 ||
[Analyze grammar]

maraṇādiṣu dṛṣṭeṣu svayameva samāhitaḥ |
buddhyā vivekamātiṣṭhennityaṃ vairāgyakāraṇam || 24 ||
[Analyze grammar]

vivekājjāyate bhaktirvairāgyaṃ cāsya sarvadā |
tatastattvagatā buddhirbhaviṣyatyanapāyinī || 25 ||
[Analyze grammar]

na bhogeṣu prasaktaḥ syānna kuryād durlabhe matim |
alpena parituṣṭaḥ syānnityaṃ bhāgavato budhaḥ || 26 ||
[Analyze grammar]

vipākaṃ karmaṇāmeva paśyet paśyan priyāpriye |
idaṃ yuktamidaṃ neti nānuśocet kadācana || 27 ||
[Analyze grammar]

prabhutvaṃ nātmanaḥ kiñciditi paśyed vivekavān |
ghoṣayennaiva kṛtyāni na kuryāt saṃbhramaṃ kvacit || 28 ||
[Analyze grammar]

na cākāṅkṣed yaśaḥ kiñcid devadevasya pūjanāt |
yathā manaḥ priyeṣvevaṃ saktaṃ deve ca bhāvayet || 29 ||
[Analyze grammar]

nityaṃ bhaktau tu jātāyāṃ jāyate tattvadarśanam |
tattvavid yatra tatrastho muktasaṅgaḥ parivrajet || 30 ||
[Analyze grammar]

eka eva punastīrthaṃ kṣetraṃ cānuvrajet sadā |
bhaktyā devamanudhyāyet tanniṣṭhastatparāyaṇaḥ || 31 ||
[Analyze grammar]

antakāle ca taṃ smṛtvā tatsāyujyamavāpnuyāt |
virakto'khilatattvāni vilāpya paramātmani || 32 ||
[Analyze grammar]

kṛtvā nirviṣayaṃ cittamudāsīno vimucyate |
aiśvarye'pi sthito yogī na devaṃ jātu vismaret || 33 ||
[Analyze grammar]

yataḥ kālakrameṇa syādupaghāto'nyathā dhruvam |
sāyujyaṃ pratipannāstu ye bhaktāḥ śuddhacetasaḥ || 34 ||
[Analyze grammar]

teviṣṇoḥ kiṅkarā nityaṃ bhavanti nirupadravāḥ |
teṣāṃ bhaktparādhena saṃsāraḥ saṃbhavet punaḥ || 35 ||
[Analyze grammar]

anyathā sthitireva syād vairāgyānmuktireva vā |
nivṛttāstu viśiṣyante sarvebhyastattvadarśinaḥ || 36 ||
[Analyze grammar]

naiva teṣāṃ bhavo bhūyaḥ pramādo veha kaścana |
muktireva tu vijñeyā gatīnāmuttamā gatiḥ || 37 ||
[Analyze grammar]

anyāstu gatayaḥ sarvāḥ sapramādāḥ syuradhruvāḥ |
tathā'pi mativaicitryādubhayaṃ saṃmataṃ nṛṇām || 38 ||
[Analyze grammar]

aiśvaryamapavargo vā kasyacit kiñcideva tu |
tadgatā bhaktirevaiṣāmubhayasyāpi sādhanī || 39 ||
[Analyze grammar]

samādhervardhamānasya vibhāgād bhedakāriṇaḥ |
sattvasthe yatnataścitte yogāṅgāni niṣevate || 40 ||
[Analyze grammar]

teṣu sthitvā smared viṣṇumekāgreṇa tu cetasā |
tamaḥ kṣarati tenāsya rajaśca vaśinaḥ kramāt || 41 ||
[Analyze grammar]

tato janmabhirukṛṣṭaiḥ siddhimevādhigacchati |
yadā tu sattvamātiṣṭhedaspṛṣṭo rajasā kvacit || 42 ||
[Analyze grammar]

tato'sya muktireva syāt sāyujyaṃ vā mahātmanaḥ |
tasmād bhaktiṃ sadā'nvicched yā'sya sarvasya kāraṇam || 43 ||
[Analyze grammar]

bhaktāvacyamānāyāṃ bhavecchreyo'sya nānyathā |
antarāyāstu ye nityaṃ yogābhyāsasya dūṣakāḥ || 44 ||
[Analyze grammar]

teṣu prasajyamāneṣu tattvadarśanamāśrayet |
nātivelaṃ sadābhyasyenna śarīraṃ ca pīḍayet || 45 ||
[Analyze grammar]

viṣayebhyo'pi yatnena nivarteta śanaiḥ śanaiḥ |
apūrvadarśane caiva lokavādāśraye tathā || 46 ||
[Analyze grammar]

moghacintāprasaṅge ca yogamicchennaro budhaḥ |
nivṛtteṣveṣu sarveṣu bhaktiḥ puṃso vivardhane || 47 ||
[Analyze grammar]

viṣayā dustyajāḥ sevyā dharmaśāstrāvirodhinaḥ |
bahvapāyatvayogena yatnād vecchāṃ nivartayet || 48 ||
[Analyze grammar]

yebhyo nivartamānasya manaḥ śuddhaṃ bhavet sadā |
nivṛtterabhyupāyaśca śuddhireva parātmanaḥ || 49 ||
[Analyze grammar]

śuddhāvādriyamāṇāyāṃ bībhatsurviṣayeṣvayam |
jāyate nāśuciṣveva saṃsargo'sya bhaviṣyati || 50 ||
[Analyze grammar]

aśucīnāmasaṃsargāccittamasya prasīdati |
prasāde niḥspṛhasyāsya bhaktirmuktistato dhruvā || 51 ||
[Analyze grammar]

śabdādiviṣayāñ jitvā ruddhā dvārāṇi sarvaśaḥ |
pravilāpyendriyāṇyantaścintayet paramaṃ padam || 52 ||
[Analyze grammar]

saṃyamya mārutān pañca yogābhyāsena yogavit |
sthirīkṛtamanā nityaṃ dhyāyet tat paramaṃ padam || 53 ||
[Analyze grammar]

varṇāśca pañcavāyūnāmantasthānāṃ vicintayet |
madhye madhye tu purveṣāṃ kramād dhyeyāḥ pare pare || 54 ||
[Analyze grammar]

kāśavarṇo bhavet prāṇo rakto'pāno'sya madhyagaḥ |
vidyutsphuritabhā vyāna udānaḥ kundasannibhaḥ || 55 ||
[Analyze grammar]

samānastu tato dhyeyaḥ śuddhasphaṭikasannibhaḥ |
evaṃ dhyātvā nirudhyāntaḥ kramaśaḥ pañca mārutān || 56 ||
[Analyze grammar]

ṣaḍaṅgāni ca vijñāya prayuñjīta yathāvidhi |
prāṇāyāmo'tra pūrvaṃ tu pratyāhāro'tha dhāraṇā || 57 ||
[Analyze grammar]

tatastarkaḥ samādhiśca dhyānaṃ cāṅgāni ṣaṭ kramāt |
ye proktā yogibhiḥ pūrvaṃ pūrarecakakumbhakāḥ || 58 ||
[Analyze grammar]

prāṇāyāmāstu vijñeyā mātrābhiste pṛthak kramāt |
jānuṃ pradakṣiṇīkṛtya na drutaṃ na vilambitam || 59 ||
[Analyze grammar]

kriyate yo'ṅgulisphoṭaḥ sā mātreha prakīrtitā |
yadā dvādaśamātrābhiḥ pūrakaḥ kriyate tadā || 60 ||
[Analyze grammar]

recako dviguṇābhiḥ syāt triguṇābhiśca kumbhakaḥ |
prāṇānāṃ yastvihāyāmaḥ kramādevaṃ prakīrtitaḥ || 61 ||
[Analyze grammar]

sarvaśāstreṣu śāstrajñaiḥ prāṇāyāmaḥ sa ucyate |
dhāraṇā tu bhaved yā sā prāṇāyāmaistribhiḥ smṛtā || 62 ||
[Analyze grammar]

śyāmā pītā'ruṇā śuklā kramājjñeyā ca dhāraṇā |
nābhimadhyagatenādau bījena puruṣātmanā || 63 ||
[Analyze grammar]

vāyavyā dhāraṇā kāryā sā śyāmā pūrakātmikā |
tato viśvātmabījena raktena hṛdi yā kṛtā || 64 ||
[Analyze grammar]

āgneyī sā samuddiṣṭā dvitīyā recakā matā |
kaṇṭhe nivṛttibījena pītena kriyate tu yā || 65 ||
[Analyze grammar]

māhendrī sā samuddiṣṭā dhāraṇā kumbhakātmikā |
mūrdhni sarvātmabījena śuklenaitaistribhistribhiḥ || 66 ||
[Analyze grammar]

kriyate dhāraṇā yāntyā vāruṇī sā prakīrtitā |
sthiteṣu teṣu bījeṣu caitanyaṃ dhāryate yadā || 67 ||
[Analyze grammar]

tadguṇānvitamityeva jagat sarvaṃ tadā smaret |
nābhyādiṣu yathoddiṣṭaṃ bījaṃ bhūtaguṇātmakam || 68 ||
[Analyze grammar]

kriyābhirdhāryate yābhistatkriyā dhāraṇā matā |
anvayavyatirekābhyāṃ yasmād yadupalabhyate || 69 ||
[Analyze grammar]

dhāraṇādiṣu kāleṣu sa tarkaḥ samprakīrtitaḥ |
āvaprayāsarūpeṇa yathākarma guṇātmakam || 70 ||
[Analyze grammar]

samādhiśceha vijñeyo dhāraṇābhistribhistribhiḥ |
dhyātṛdhyeyasvarūpaṃ yat tatra rundhyāt pradarśanam || 71 ||
[Analyze grammar]

samādhitriguṇaṃ yāvadevaṃ dhyānasya lakṣaṇam |
evaṃ sarvātmanā yasya jñeyaistulyaḥ kathañcana || 72 ||
[Analyze grammar]

yogo'sau yogibhiḥ prokto vijñānakramayogataḥ |
guṇānāṃ yaḥ samāhāraḥ sahāyasya ca cetasaḥ || 73 ||
[Analyze grammar]

sadbhāvabhāvato buddhyā sa yogaśceha kīrtitaḥ |
sa ca jñānakriyābhedād jñeyo yogo dvidhā budhaiḥ || 74 ||
[Analyze grammar]

antaḥ karaṇavṛttyā yā teṣāmātmaikatā matā |
jñānayogaḥ sa uddiṣṭaḥ karmayogaḥ kriyātmakaḥ || 75 ||
[Analyze grammar]

iṣṭvā'dau karmayogena jñānayogena taṃ yajet |
kāyikairvācikaiścaiva mānasaiśca punaḥ kramāt || 76 ||
[Analyze grammar]

sthūle niveśitaṃ cittaṃ punaḥ sūkṣme niveśayet |
pararūpe yadā yuktastadā'sau mukta ucyate || 77 ||
[Analyze grammar]

parātparataraṃ jyotiścidrūpamacalaṃ dhruvam |
yaḥ prapaśyati buddhyā'sau na punarbhuvi jāyate || 78 ||
[Analyze grammar]

tasmāt sarvaprayatnena bhakto yogī bhavet sadā |
yukto devamupāsīta siddhirevaṃ bhaviṣyati || 79 ||
[Analyze grammar]

evaṃ te sakalā'khyātā mayā'lpā viṣṇusaṃhitā |
sākṣādviṣṇumukhādeṣā mayā prāptā yugāntare || 80 ||
[Analyze grammar]

jñānānāṃ paramaṃ jñānaṃ guhyānāṃ guhyamuttamam |
hitānāṃ ca hitaṃ nānyadato rakṣyamidaṃ tvayā || 81 ||
[Analyze grammar]

yathā'haṃ śrutavān pūrvaṃ sākṣād bhagavato mukhāt |
tathedamakhilaṃ tantraṃ mayā tubhyaṃ niveditam || 82 ||
[Analyze grammar]

nādīkṣitāya dātavyaṃ nāsaṃvatsaravāsine |
nābhaktāyāvinītāya nānyabhaktāya vā kvacit || 83 ||
[Analyze grammar]

kṛtajñāya vinītāya śucaye brahmacāriṇe |
vaktavyaṃ sarvathā'cāryairityevaṃ viṣṇuśāsanam || 84 ||
[Analyze grammar]

guptaṃ hi sthāpayet sarvamaguptaṃ nāśayennaraḥ |
tasmāt sarvaprayatnena gopyametat sadā budhaiḥ || 85 ||
[Analyze grammar]

yaḥ paṭhecchṛṇuyānnityaṃ śrāvayed vā samāhitaḥ |
sarvapāpavinirmukto viṣṇuloke mahīyate || 86 ||
[Analyze grammar]

tasmād bhaktairidaṃ nityamadhyeyaṃ śrāvyameva ca |
pustake likhitaṃ nityaṃ pūjanīyaṃ prayatnataḥ || 87 ||
[Analyze grammar]

yatredaṃ prayatairnityaṃ pūjyate pustakasthitam |
na tatra vyādhicorādibhayaṃ kiñcit prajāyate || 88 ||
[Analyze grammar]

tasmāt sarvaprayatnena gṛhe satatamarcayet |
sthāpayed gopayeccātra vardhate śrīracañcalā || 89 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Vishnu-samhita Chapter 30

Cover of edition (1990)

Vishnu Samhita
by M M T Ganapati Sastri (1990)

विष्णु संहिता; Sanskrit Only; [Publisher: Sri Satguru Publications A Division of Indian Books Centre Delhi, India]

Buy now!
Like what you read? Consider supporting this website: