Chapter 29

athaikonatriṃśaḥ paṭalaḥ ||
atha vakṣyāmi saṃkṣepāt samayācāralakṣaṇam |
dīkṣitānāṃ tu sarveṣāṃ yadyogāt sarvasiddhayaḥ || 1 ||
[Analyze grammar]

brāhmaṇādyāścaturvarṇāstrayastveṣāṃ ca dīkṣitāḥ |
bhaktā jitendriyāḥ śāntāḥ sarve samayinaḥ smṛtāḥ || 2 ||
[Analyze grammar]

samayī dīkṣitaḥ paścāccakravartyabhiṣekavān |
guruścaiva tathācāryo bhagavān saptamaḥ smṛtaḥ || 3 ||
[Analyze grammar]

yāgaḥ stomo mahāyāgaścādhvaro'tha savaḥ kratuḥ |
haristoma iti jñeyāḥ sapta yāgāḥ samāsataḥ || 4 ||
[Analyze grammar]

vasante ca tathā grīṣme śaradvarṣāsu ca kramāt |
varṇināṃ vihitā dīkṣā sarveṣāṃ vottarāyaṇe || 5 ||
[Analyze grammar]

sakṛd dvistriścaturdīkṣā saptakṛtvaśca varṇinām |
tathā dvādaśakṛtvaśca kāryā vā prativatsaram || 6 ||
[Analyze grammar]

puṣpātavaśānnāma pūrvameva tu gṛhyate |
taccharmavarmaguptāntaṃ dāsāntaṃ ceha varṇinām || 7 ||
[Analyze grammar]

kevalaṃ samayītyādi draṣṭavyaṃ keśāvādivat |
strīṇāṃ tu keśavādyākhyā devyantāstriṣu kīrtitāḥ || 8 ||
[Analyze grammar]

śūdrāṇāṃ dāsadāsyantāḥ sarveṣāṃ yāgabhedataḥ |
sarve'pi dīkṣitāḥ samyak sadā guruparāyaṇāḥ || 9 ||
[Analyze grammar]

varṇāśramagatān dharmān rakṣeyuḥ samayāṃstathā |
gurudevadvijāgnīnāṃ sarvadā paricaryayā || 10 ||
[Analyze grammar]

vratopavāsaniyamairbhaktyā ceccheyurunnatim |
nāniṣṭvā devamaśnīyānnacādīkṣitaveśmani || 11 ||
[Analyze grammar]

nirmālyaṃ na śpṛśed dadyāllaṅghayet vā'śanaṃ kutaḥ |
sarveṣāmeva devānāṃ nirmālyamaśuci smṛtam || 12 ||
[Analyze grammar]

viṣṇubhuktaṃ tu puṣpādi śucītyādadate pare |
kāṃsyapātre na bhoktavyaṃ na vandyā cānyadevatā || 13 ||
[Analyze grammar]

adīkṣitādyayogyeṣu siddhāntaṃ na prakāśayet |
nodakyayā'bhibhāṣeta na caṇḍālairnacāntyajaiḥ || 14 ||
[Analyze grammar]

na kudeśe vasennityaṃ na ca pāṣaṇḍibhiḥ saha |
tiryak puṇḍraṃ na kurvīta no dviṭkāraṃ na saṅkaram || 15 ||
[Analyze grammar]

śarṅgāṣṭhaṃ laśunaṃ śigru dhānyāmlaṃ cāvikaṃ payaḥ |
piṇyākaṃ koradūṣaṃ ca chatrākaṃ varjayet sadā || 16 ||
[Analyze grammar]

āsanaṃ śayanaṃ yānaṃ nātiṣṭheccakrarūpakam |
pratimāsannidhau nānyapratimāstutimācaret || 17 ||
[Analyze grammar]

śṛṇuyānna parīvādaṃ naca kālaṃ vṛthā nayet |
cakrāṅko viṣṇunāmāṅkaputrabhṛtyapaśurbhavet || 18 ||
[Analyze grammar]

catraiva tu śiraḥ kṛtvā svaped yatra ravirgataḥ |
nāgnigoguruviprārcādhānyeṣvaṅghrī prasārayet || 19 ||
[Analyze grammar]

matsyakūrmavarāhāṇāṃ naca māṃsāni bhakṣayet |
viprāgnivaiṣṇavāśvatthān gāśca kuryāt pradakṣiṇam || 20 ||
[Analyze grammar]

viṣṇorgṛhāṇi sarvāṇi dṛṣṭvā bhaktyā'bhivādayet |
na bāhubhyāṃ taret sindhuṃ na gavā nānyavāsasā || 21 ||
[Analyze grammar]

na nagno vā viśet toyaṃ na dhāved varṣasaṃbhave |
ūrdhvapuṇḍrāstu ye martyāstān sarvācchakti'rcayet || 22 ||
[Analyze grammar]

agrabhikṣāṃ sadā dadyād grāsamuṣṭiṃ gavāṃ tathā |
nādyāt paryuṣitaṃ cānnaṃ nāgataṃ paragehataḥ || 23 ||
[Analyze grammar]

śiraspṛṣṭena tailena nāṅgaṃ kiñcidupaspṛśet |
nānantardhāya cāsīta nānyabhaktaṃ prapūjayet || 24 ||
[Analyze grammar]

pratyakṣalavaṇaṃ nādyānniryāsāmedhyajāni vā |
vaiṣṇavairdīkṣitairviprairvivādaṃ na samācaret || 25 ||
[Analyze grammar]

antyajaṃ vā śvapākaṃ vā nāvamanyeta vaiṣṇavam |
viṣṇvarthānyeva karmāṇi sarvāṇi manasā smaret || 26 ||
[Analyze grammar]

api prāṇaparityāgaṃ kuryād viṣṇunimittataḥ |
kṛtena karmaṇā yena bhagavān bhuvaneśvaraḥ || 27 ||
[Analyze grammar]

prasīdati hi tat kāryaṃ karmedaṃ vaiṣṇavaiḥ sadā |
satpathe manasi nyaste vāṇī tiṣṭhati satpathe || 28 ||
[Analyze grammar]

indriyāṇi ca sarvāṇi tasmāt tacchikṣyamāditaḥ |
upakāraḥ paro dharmaḥ sarveṣāmiti niścayaḥ || 29 ||
[Analyze grammar]

tasmāt sarvaprayatnena sarveṣāṃ hitamācaret |
dānāni kīrtibhūyāṃsi madhyamāni phaleṣvataḥ || 30 ||
[Analyze grammar]

rahasyadānaṃ kartavyaṃ pātrakālādiyogataḥ |
pātre sarvāṇi deyāni dātavyāni manasvinā || 31 ||
[Analyze grammar]

devameva samuddiśya yaśastatrānuṣaṅgikam |
jitendriyasya bhaktasya mānaso dharma uttamaḥ || 32 ||
[Analyze grammar]

kāyikaḥ prākṛtasyokte madhyamasya tu vācikaḥ |
kriyārūpaḥ smṛto dharmo jñānarūpaṃ tu tatparam || 33 ||
[Analyze grammar]

jñānena mokṣamāpnoti jñānārthā ceṣyate kriyā |
kevalaṃ tviha vijñānaṃ dharmasyānugrahādṛte || 34 ||
[Analyze grammar]

nālaṃ ceto bhavāviṣṭaṃ prasādayitumañjasā |
tadiṣṭvā'nantarāyārthaṃ prāpya jñānamanugrahāt || 35 ||
[Analyze grammar]

tataḥ sādhyo bhavenmokṣastadbhaktaireva nāparaiḥ |
prāsāde sthāpitaṃ devaṃ sarvadā na prakāśayet || 36 ||
[Analyze grammar]

anyatrārcanavelāyāṃ pūjanānte prakāśayet |
aśicidravyasaṃsargaṃ janasammardameva ca || 37 ||
[Analyze grammar]

prāsāde varjayennityaṃ lokopakaraṇāni ca |
vaidikā vaiṣṇavā mantrāḥ śāntikāḥ pauṣṭikāstathā || 38 ||
[Analyze grammar]

yathāyogaṃ prayoktavyāstantramantrāstadantare |
ṛkṣu ye pāvanā mantrā yajuṣvapi ca sāmasu || 39 ||
[Analyze grammar]

atharvaṇeṣu cādeyā devapūjādikarmasu |
ye mantrāḥ paramaṃ devaṃ sākṣāllakṣeṇa vā'śritāḥ || 40 ||
[Analyze grammar]

sāṅgāḥ pṛthagupādeyāstān vicāryātra yojayet |
nahi tebhyaḥ paraṃ kiñcid vāṅmayaṃ bhuvi vidyate || 41 ||
[Analyze grammar]

kāmadaṃ ca pavitraṃ ca ye mantrā vaidikāḥ smṛtāḥ |
taireva kṛtasaṃskāre vaṃśe jātaḥ svayaṃ punaḥ || 42 ||
[Analyze grammar]

tānupekṣyāparān mantrān nānuvartitumarhati |
karmakāṇḍapradhānāstu vaidikā vidhayaḥ sthitāḥ || 43 ||
[Analyze grammar]

kāmakāmairviyoktavyāstāṃ tāmāśritya devatām |
mantrāste vaidikāḥ siddhāḥ saṃbhūya pṛthageva vā || 44 ||
[Analyze grammar]

karmasiddhau pravartante prāyo nānāphalāśrayāḥ |
te'nvīkṣyānvīkṣya saṃgrāhyā vaiṣṇavairvadavādibhiḥ || 45 ||
[Analyze grammar]

tatpūjāyāmidaṃ tantraṃ bhavatyeva nibandhanam |
tajjñātvā vaidikān mantrānyānuddhṛtya ca svayam || 46 ||
[Analyze grammar]

idaṃ ca tantramālambya pūjayet puruṣottamam |
yo japastutyupasthānaṃ taiḥ kṛtvā'nusmaran harim || 47 ||
[Analyze grammar]

paṭhenmantrān yathānyāyaṃ sa mukhyo viṣṇuyājakaḥ |
japayajñaṃ viśeṣeṇa ye tu kurvanti vaidikaiḥ || 48 ||
[Analyze grammar]

kāle pūjāṃ ca kurvanti teṣu saṃprīyate hariḥ |
dhyātvā'rkamaṇḍale viṣṇuṃ vedamantrairabhiṣṭutam || 49 ||
[Analyze grammar]

dhāryamāṇe tataivāgnau juhuyāt kāryasiddhaye |
tatra yat kevalaṃ dhyānaṃ vedāntoktamanāśrayam || 50 ||
[Analyze grammar]

na tatrendriyadaurbalyāt karmasthasyādhikāritā |
yathā giritaṭāgrasthavanaspatiphalecchayā || 51 ||
[Analyze grammar]

upāye vartate'śrāntastathā'sau yatnamācaret |
sarvatra kramavān yatnaḥ kāryo necchaiva kevalā || 52 ||
[Analyze grammar]

tat kāyavāṅmanoyogaiḥ kramādicchet parāṃ gatim |
nirākāre tu yā bhaktyā pūjeṣṭā dhyānameva vā || 53 ||
[Analyze grammar]

ramaṇīyamivābhāti tadanarthasya kāraṇam |
sthūlabhāvaprasaṅgīni janmanā'syendriyāṇi hi || 54 ||
[Analyze grammar]

sūkṣmārthaṃ na prapadyante cirācca kimutācirāt |
naca rūpaṃ vinā devo dhyātuṃ kenāpi śakyate || 55 ||
[Analyze grammar]

sarvarūpanivṛttā hi buddhiḥ kutrāsya tiṣṭhati |
nivṛttā glāyate buddhirnidrayā vā parīyate || 56 ||
[Analyze grammar]

tasmād vidvānupāsīta buddhyā sākārameva tam |
asti tasya parokṣaṃ taditi kiñcidanusmaret || 57 ||
[Analyze grammar]

sarvathā'kāramuddiṣṭaṃ na parityajya paṇḍitaḥ |
paraṃ devamupāsīta muktaye vā phalāya vā || 58 ||
[Analyze grammar]

mantrairāvartyamānaistu viṣṇupādasamāśrayaiḥ |
svarūpaṃ lakṣyate buddhau tatprasādena nānyathā || 59 ||
[Analyze grammar]

bhaktyarthāḥ sarvamantrāḥ syuḥ stotrāṇi dhyānamarcanam |
sā yasya hṛdaye tīvrā sa bhakto nānya iṣyate || 60 ||
[Analyze grammar]

priyāṇi devadattāni karmajānyapriyāṇi ca |
yaḥ paśyet satataṃ buddhyā sa bhakto netaro janaḥ || 61 ||
[Analyze grammar]

tasya yogamayaṃ vidyādākāraṃ sārvavastukam |
nityaṃ bhaktānukampārthaṃ dhyeyo mantramayastu saḥ || 62 ||
[Analyze grammar]

yadā nivṛttakarmāsau nirvāṇe ramate budhaḥ |
tadā sūkṣmaśarīraṃ taṃ pūjayet puruṣottamam || 63 ||
[Analyze grammar]

śaktayo'syāyudhākārā vijñeyā bāhavo diśaḥ |
dyaurmūrdhā pṛthivī pādau dṛṣṭirarko manaḥ śaśī || 64 ||
[Analyze grammar]

acchedyo'yamadāhyo'yamakledyo'śoṣya eva ca |
nityaḥ sarvagataḥ sthāṇuḥ pūjyo nityaṃ manīṣibhiḥ || 65 ||
[Analyze grammar]

yadā yadā prasannā dhīrdhyāyet sūkṣmaṃ tadā tadā |
sīdanti saṃśayenaiva yatayo'pyatra viklavāḥ || 66 ||
[Analyze grammar]

āgamārthaṃ dṛḍhaṃ kuryāt sarvavidyābhirātmavān |
vivekena ca śuddhena nāgamasyaiva saṃplavam || 67 ||
[Analyze grammar]

svagṛhye dharmaśāstre ca yaduktaṃ tat sadācaret |
tantroktamaviruddhe ca kulavarṇāśramānugam || 68 ||
[Analyze grammar]

srīśūdrāṇāṃ tu sarveṣāṃ naupanāyanikakriyā |
dīkṣopanayanaṃ teṣāṃ tāntrikaśca manāgvidhiḥ || 69 ||
[Analyze grammar]

tāntrikāstantramantrāḥ syurvidhayaśca tadāśrayāḥ |
mūlamantraiśca gāyatryā vaidikaiśca tridhā kriyā || 70 ||
[Analyze grammar]

viṭchūdrayornṛpe vipre sarvaṃ vā vipra ityate |
homādiṣu svamantrāḥ syuranulomāstu vā sadā || 71 ||
[Analyze grammar]

caturvarṇodbhavāḥ sarve pratilomānulomajāḥ |
tatrānulomajāḥ śreṣṭhā varjyāstu pratilomajāḥ || 72 ||
[Analyze grammar]

pratilomeṣu sarveṣu sūta ekastu gṛhyate |
nārhantyevetare dīkṣāṃ varṇāśramabahiṣkṛtāḥ || 73 ||
[Analyze grammar]

brahmacārī gṛhasthaśca vānaprastho yatistathā |
caturdhā'śramiṇo bhinnāḥ punaścārabhedataḥ || 74 ||
[Analyze grammar]

tatrādyo brahmacārī ca liṅgī śiṣya upāsakaḥ |
akṣāralavaṇāśī yo bhaikṣāhāro mitāśanaḥ || 75 ||
[Analyze grammar]

sthaṇḍilājinaśāyī ca brahmacārī sa ucyate |
evaṃ karmāṇi yaḥ kuryāccakrādikṛtalakṣaṇaḥ || 76 ||
[Analyze grammar]

devatārādhane saktaḥ sa liṅgīti prakīrtitaḥ |
bhaikṣamātreṇa jīvan yaḥ paṭhecchuśrūṣurarcakaḥ || 77 ||
[Analyze grammar]

nānyakāryaparo nityaṃ sa śiṣyaḥ parikīrtitaḥ |
trisandhyaṃ pūjayan devaṃ nānyakāryaparaśca yaḥ || 78 ||
[Analyze grammar]

triḥ snātvā'nucarennityaṃ guruṃ sa syādupāsakaḥ |
vratī gṛhastha evāḍhya ācāryo gṛhiṇastvime || 79 ||
[Analyze grammar]

catvāra iha samproktāstathaivācārabhedataḥ |
vratopavāsī naktāśī niyatārco jitendriyaḥ || 80 ||
[Analyze grammar]

ṛtugāmī mitāhāro vratī mūlaparaḥ sadā |
yajñādhyayanadevārcāśiṣyādibharaṇodyataḥ || 81 ||
[Analyze grammar]

gṛhasya iti vijñeyaḥ svadāravratiko naraḥ |
sarvātithyaparo nityaṃ kāmabhojī sukhānvitaḥ || 82 ||
[Analyze grammar]

devotsavaparo bhaktaḥ parvayājyāḍhya ucyate |
yājanādhyāpane yukto yāge vaidikatāntrike || 83 ||
[Analyze grammar]

nityayājī jitakodha ācāryo'nugrahonmukhaḥ |
tathā vaikhānasastantrī gururniṣkala eva ca || 84 ||
[Analyze grammar]

vānaprasthaścaturdhaiva tantre'smin parikīrtitaḥ |
akṣāralavaṇāśī yo vyākhyātā putradāravān || 85 ||
[Analyze grammar]

sthaṇḍilājinaśāyī ca dhyāyan vaikhānasaḥ sadā |
vanyavṛttisrisandhyārcī japahomaparāyaṇaḥ || 86 ||
[Analyze grammar]

valkalājinavastantrī darbhaśāyī japan sadā |
triḥ snāyī niyatāvāsaścīrī mūlaphalāśanaḥ || 87 ||
[Analyze grammar]

tīrthasnāto'rcayan dhyāyan dviṣaṭkajapavān guruḥ |
yadṛcchālābhasantuṣṭo naktabhojī dṛḍhavrataḥ || 88 ||
[Analyze grammar]

cīrī vimatsaro maunī niṣkalo'hnastrirarcayan |
haṃsaḥ paramahaṃsaśca bhagavān prabhurityapi || 89 ||
[Analyze grammar]

caturvidhaḥ samākhyātastantre'smin dīkṣito yatiḥ |
śaṅkhacakradharo nityamekadaṇḍyekabhaikṣabhuk || 90 ||
[Analyze grammar]

sadārcī karmavid dhyānī haṃso japaparaḥ sadā |
advaitanirato daṇḍī jñānadhyānaparāyaṇaḥ || 91 ||
[Analyze grammar]

śānto'śikhopavītaśca bhaikṣāhāro vratasthitaḥ |
yatiḥ paramahaṃsaḥ syāt tantrakarmaṇi niṣṭhitaḥ || 92 ||
[Analyze grammar]

śaṅkhacakrabṛsīśikyakamaṇḍalupavitravān |
tridaṇḍī pātravān bhikṣurbhagavān yogapaṭṭabhṛt || 93 ||
[Analyze grammar]

etānyeva vahan nityaṃ chatraṃ pratikṛtiṃ tathā |
cakrayāgena deveśamarcayan niyatātmavān || 94 ||
[Analyze grammar]

trisandhyārādhane yuktaḥ sattvastho japavān prabhuḥ |
viṣuvāyanayorjanmadvādaśīśravaṇeṣu ca || 95 ||
[Analyze grammar]

aṣṭamyāṃ ca navamyāṃ ca pañcamyāṃ na striyaṃ vrajet |
mūlena pariṣicyānnaṃ spṛṣṭvā pītvā jalaṃ tathā || 96 ||
[Analyze grammar]

dhyātvā'ntaḥ puruṣaṃ maunī dīptavaiśvānaraṃ tathā |
praṇavenāhutīḥ pañca kuryāt pañcātmane tataḥ || 97 ||
[Analyze grammar]

vaktramātraṃ graset piṇḍaṃ na hasennodvijeta vā |
tyajet sarvatra cāpalyaṃ bhoktavyaṃ śabdavarjitam || 98 ||
[Analyze grammar]

śvodakyāntyajapāṣaṇḍikākadevalukukkuṭān |
kārukān vā tadā paśyan snāyāt tyaktvā'nnamajjasā || 99 ||
[Analyze grammar]

pañcopaniṣado japtvā prokṣayet praṇavena ca |
viṣṇuścātha mahāviṣṇuḥ sadāviṣṇurime trayaḥ || 100 ||
[Analyze grammar]

savaneṣu kramāt pūjyā japadhyānādibhiḥ sadā |
prātastu viṣṇugāyatrī madhyāhne dvādaśākṣaram || 101 ||
[Analyze grammar]

sāyamaṣṭākṣaraṃ nityaṃ mūlaṃ vā sarvadā japet |
utthāyānu garuṃ snātvā dhyātvā devaṃ prapūjayet || 102 ||
[Analyze grammar]

nirgacchet savyapādena praviśeccālayaṃ punaḥ |
guroranujñayā bhaikṣaṃ caret pātreṇa śaṃ vadan || 103 ||
[Analyze grammar]

gurave darśayitvā tu vinyaset tadanujñayā |
ācamya mūlamantreṇa hutvā'gnau samidhaḥ śuciḥ || 104 ||
[Analyze grammar]

āsane sukhamāsīnaḥ pādau vinyasya bhūtale |
pātraṃ ca vāmahastena spṛśan prāṇāhutīścaret || 105 ||
[Analyze grammar]

yadyuttiṣṭhedanācānto bhuktavānāsanād dvijaḥ |
snānaṃ sadyastu kartavyaṃ tasmāt tatraiva cācamet || 106 ||
[Analyze grammar]

sandhyāmupāsya bhūyo'pi hutvā ca samidhastathā |
arcayitvā hariṃ bhikṣāṃ caret pūrvavadeva ca || 107 ||
[Analyze grammar]

evaṃ prātaśca sāyaṃ ca gurorvacanamāsthitaḥ |
guroranujñayā paścād gṛhasthāśramamāśritaḥ || 108 ||
[Analyze grammar]

snātvā tamarcayennityaṃ tataḥ karmāṇi cācaret || 109 ||
[Analyze grammar]