Vishnu-samhita [sanskrit]

22,492 words | ISBN-10: 8170302234 | ISBN-13: 9788170302230

The Sanskrit text of the Vishnu-samhita, an ancient text belonging to the Pancaratra tradition. Topics include details regarding Mandalas, Philosophy, especially allied with Samkhya, Yoga and discussions related to the powers and qualities of God. The Vishnusamhita also details a system called Bhagavatayoga, enforcing bodily and moral control in order to purify the mind. Alternative titles: Viṣṇusaṃhitā (विष्णुसंहिता), Viṣṇu-saṃhitā (विष्णु-संहिता), Visnusamhita, Visnu.

atha ṣoḍaśaḥ paṭalaḥ ||
atha vakṣyāmi saṃkṣepād bimbaśuddhiṃ yathākramam |
ācāryaṃ varayet pūrvaṃ tataḥ karmāṇi kārayet || 1 ||
[Analyze grammar]

devastu dvividho jñeyaḥ sthāvaro jaṅgamastathā |
pratimā sthāvaro deva ācāryo jaṅgamastathā || 2 ||
[Analyze grammar]

bhaktānukampī bhagavān vidhimantrapuraskṛtām |
pūjāṃ tayoḥ pragṛhṇāti yājyo nahyanyatā hariḥ || 3 ||
[Analyze grammar]

ācāryānumatādeva kriyā kāryā vijānatā |
tatpūjayaiva devaśca varado nānyatā bhavet || 4 ||
[Analyze grammar]

dīkṣādisaṃskṛtaḥ śānto vidvānakrodhano yuvā |
samayācārakṛd vāgmī varṇāśramaguṇānvitaḥ || 5 ||
[Analyze grammar]

ācāryaḥ sarvathā grāhyaḥ sthāpanādiṣu yajvanā |
sarvarogopaśāntena bhadrākāreṇa dhīmatā || 6 ||
[Analyze grammar]

śrotriyeṇa gṛhasthena sthāpyo devastu siddhaye |
kulīnāḥ śucayo dakṣā dīkṣitāstantrapāragāḥ || 7 ||
[Analyze grammar]

bhaktā dakṣā vinītāśca viprā mūrtidharāḥ smṛtāḥ |
devāgāre gṛhe nādyāstīre goṣṭhe tarusthale || 8 ||
[Analyze grammar]

anyatra vā śubhe sthāne durjanālokavarjite |
gomayena samālipte pañcagavyādiśodhite || 9 ||
[Analyze grammar]

āsane vastrasaṃvīte sadarbhe prārthitaṃ gurum |
caturbhirmūrtipaiḥ sārdhamaṣṭadvādaśabhistu vā || 10 ||
[Analyze grammar]

upaveśya yathānyāyaṃ pādyādibhirathārcayet |
pūrvottaradiśābhāge prāgagreṣu kuśeṣu ca || 11 ||
[Analyze grammar]

yajamānaḥ śucirbhutvā pūjādravyāṇi sādayet |
praṇavena sakūrcāni pātrāṇi tu śubhāni ca || 12 ||
[Analyze grammar]

vastrakuṇḍalayugmāni bhūṣaṇāni śubhāni ca |
kūrcasaṃskṛtatoyena prokṣyottānāni vai kramāt || 13 ||
[Analyze grammar]

kūrceṣu praṇavenaiva vinyasyārdhyādi yojayet |
kuśāgrayavasiddhārthatilamāṣaphalākṣataiḥ || 14 ||
[Analyze grammar]

sakṣīragandhapuṣpaiśca yojayitvā'rghyamarcayet |
pādyamācamanīyaṃ ca pātrayoranyayostathā || 15 ||
[Analyze grammar]

mantrayet punaretāni mūlāṅgairmūrttibhistu vā |
dattvā kūrcānyathaiteṣāmāsanārthaṃ tu vāgyataḥ || 16 ||
[Analyze grammar]

sapavitrairjalaiḥ pādau kṣalayeddhṛdayena tu |
śirasā'camanaṃ dadyācchikhayā cārghyameva ca || 17 ||
[Analyze grammar]

vastrayugmāni bhūṣāśca śeṣābhyāṃ tu nivedayet |
pāyasaṃ bhojayet sājyaṃ praṇamya vidhinā'rcya ca || 18 ||
[Analyze grammar]

soṣṇīṣaṃ gurumācāntamabhivādya prasādya ca |
yathālābhaṃ suvarṇādi dadyād devamanusmaran || 19 ||
[Analyze grammar]

ṛtvigbhyo'pi tathā dattvā varayet praṇipatya tān |
kāryamuktvā vidhānena pūjayecca punaḥ pṛthak || 20 ||
[Analyze grammar]

santoṣya priyavādaiśca praṇamya prārthayet tataḥ |
mayā sampūjitairatra dakṣiṇābhiśca toṣitaiḥ || 21 ||
[Analyze grammar]

kriyatāṃ viṣṇuyāgo me prārthayāmi prasīdatu |
ityuktvā dakṣiṇe pāṇāvālambya varayet kramāt || 22 ||
[Analyze grammar]

tatroṃ tathā kariṣyāmītyācāryastu samīrayet |
evaṃ vai sarvayāgeṣu guruṃ sampūjya yatnataḥ || 23 ||
[Analyze grammar]

praṇipatyartvijastebhyo dattvā'rghyaṃ varayed budhaḥ |
punarevaṃ tu tantrajñān dīkṣitān hominastathā || 24 ||
[Analyze grammar]

vedādhyayanakartṝṃśca śuddhān vai mantrapāṭhakān |
kalpayed yajamānastānācāryavacane sthitān || 25 ||
[Analyze grammar]

vāstusaṅgrahamārabhya tīrthasnānānāvasānikam |
kārayet sarvametena bhaktyā harimivārcayet || 26 ||
[Analyze grammar]

śayane sanniveśyādau bimbaṃ tu suparīkṣitam |
gṛhītaṃ dhanadānena pūjayitvā'tra śilpinaḥ || 27 ||
[Analyze grammar]

nayanonmīlanaṃ tuṣṭaiḥ kārayecca yathāvidhi |
praṇavena tu kartavyaḥ pratimālokasaṅgrahaḥ || 28 ||
[Analyze grammar]

plutaṃ praṇavamuccārya pādayostāṃ tadā spṛśet |
prakṣālya vāribhiḥ pūrvaṃ darbhaiḥ saṃghṛṣya sarvataḥ || 29 ||
[Analyze grammar]

spṛṣṭvā govālakaiścaināṃ ghṛtāktāṃ kṣālayet tataḥ |
śamīpallavasaṃyuktānakṣatān saṃskṛte'nale || 30 ||
[Analyze grammar]

bhūrādisatyaparyantaiḥ pratyekaṃ juhuyācchatam |
sthūladeho yato viṣṇurvairājaśrutidarśanāt || 31 ||
[Analyze grammar]

tasmādevaṃ hute viṣṇoḥ sampūrṇā pratimā bhavet |
brāhmaṇaiḥ svasti vācyātha śākunaṃ sūktamuccaran || 32 ||
[Analyze grammar]

dattvā dūrvākṣatān mūrdhni praṇavena samāhitaḥ |
nīrājanaṃ tataḥ kuryānmaṅgalāni ca darśayet || 33 ||
[Analyze grammar]

aparāhṇe tu samprāpte mūrttipaiḥ sāhito guruḥ |
gatvā nadyāṃ taṭāke vā devakhāte manorame || 34 ||
[Analyze grammar]

toyapūrṇe'thavā pātre sampūjya varuṇaṃ punaḥ |
sapatākaṃ taṭaṃ kṛtvā śodhitaṃ sarvato vṛtam || 35 ||
[Analyze grammar]

saṃhṛtyāgnimayaṃ dhyātvā bimbaṃ saṃhāramārgataḥ |
darbhairvastraiśca saṃchādya phalakāyāṃ niveśya ca || 36 ||
[Analyze grammar]

śaṅkhadundubhinirghoṣairjayaśabdaiśca saṃyutam |
yogapīṭhaṃ smarañ jyotirbimbamapsu niveśayet || 37 ||
[Analyze grammar]

lokapālān bahirdhyātvā pañcamantraiśca rakṣayet |
prākśiraḥ śāyayitvaivaṃ bimbaṃ toye'dhivāsayet || 38 ||
[Analyze grammar]

trirātramaśmano lohamekarātraṃ maṇiṃ niśām |
snātvā'camya śucirbhūtvā vastrālaṅkārabhūṣitaḥ || 39 ||
[Analyze grammar]

mūrttipaiḥ sārdhamāgamya prāsādaṃ sapradakṣiṇam |
nyāsādikaṃ kramāt kṛtvā dakṣaiṇe prāṅmukhaḥ śuciḥ || 40 ||
[Analyze grammar]

prāsādaṃ śodhayet samyak muktamātraṃ tu takṣakaiḥ |
sūtreṇa darbhadāmnā ca veṣṭayitvā samantataḥ || 41 ||
[Analyze grammar]

astradṛṣṭyā samālokya garbhāgāraṃ punastathā |
kuśāstramārjitaṃ toyaiḥ prokṣya gandhaiśca lepayet || 42 ||
[Analyze grammar]

sarṣapākṣatadūrvābhiḥ samantād vikiret punaḥ |
tataścāstreṇa samprokṣya kuryāt tālatrayaṃ tathā || 43 ||
[Analyze grammar]

dūrvākṣatakuśāgraistu vikiret pañcaśaktibhiḥ |
sarjaśraveṣṭalākṣābjaśvetalodhraphalādibhiḥ || 44 ||
[Analyze grammar]

aṣṭākṣareṇa sarvatra dhūpaṃ dattvā sadīpakam |
pūrṇakumbhaṃ ca dhānyaṃ ca nyasya puṣpāstramocanam || 45 ||
[Analyze grammar]

kṛtvā rākṣoghnasūktena pañcagavyena sarvataḥ |
cakramantreṇa ca prokṣya gomayenopalepite || 46 ||
[Analyze grammar]

āgneyyāṃ sthaṇḍile homamārabheta yathāvidhi |
rakṣohaṇādimantrābhyāṃ pakvamājyaṃ ca homayet || 47 ||
[Analyze grammar]

kṛṇuṣvāṣṭādaśairbhūyo yedevā iti pañcabhiḥ |
jātavedādibhiścaiva kramād vyāhṛtibhistathā || 48 ||
[Analyze grammar]

apāmārgasamidbhistu śatamaṣṭottaraṃ tataḥ |
cakramantreṇa vai hutvā havirājyaṃ samāpayet || 49 ||
[Analyze grammar]

vastreṇānīya pātre tu homabhasmasamāyutam |
ājyaśeṣamapāṃ śeṣamapāmārgarasairyutam || 50 ||
[Analyze grammar]

mantrayeccakramantreṇa śatamaṣṭottaraṃ tataḥ |
palāśāśvatthaśākhabhiḥ prokṣya sarvatra mandire || 51 ||
[Analyze grammar]

kṛṇuṣvetyādibhiḥ paścāt vikired yavasarṣapaiḥ |
tālatrayaṃ punaḥ kuryādagniprākārameva ca || 52 ||
[Analyze grammar]

punaraṣṭaśataṃ japtvā cakraṃ śvabhraṃ ca pūjayet |
evaṃ kṛtvā'tha rākṣoghnaṃ niśi viprāṃśca bhojayet || 53 ||
[Analyze grammar]

tamevaiśe'gnimādhāya sthaṇḍile vrīhitaṇḍulaiḥ |
tatpūrve sthaṇḍile kalṛpte vasrāstīrṇe ghaṭaṃ nyaset || 54 ||
[Analyze grammar]

kuśadūrvāśamīparṇakūrcasthaṃ jalapūritam |
jātihema nyaset tasmin vidhinā śāntimarcayet || 55 ||
[Analyze grammar]

pādyādibhiḥ kramād dravyaiḥ śannodevītyṛcā tataḥ |
vāstoṣpatetimantrābhyāṃ pakvaṃ hutvā ghṛtāhutīḥ || 56 ||
[Analyze grammar]

vāstoṣpatedhruvetyādyaiḥ ṣaṅbhirjātādipañcabhiḥ |
śannavargeṇa juhuyāt punarvyāhṛtibhistathā || 57 ||
[Analyze grammar]

śamīsamidghṛtānnājyaṃ tayaivarcā tu homayet |
dūrvābhiścātha mūlena sagavyābhiḥ samāpayet || 58 ||
[Analyze grammar]

hutaśeṣaṃ tato dadyādagreṇāgniṃ kuśeṣu ca |
namorudreti toyājyaistvaṃ viprayajuṣokṣaṇam || 59 ||
[Analyze grammar]

śāntitoyasamāyuktaṃ kuryācca svastivācanam |
puṇyāhaṃ mūrtipaiḥ sārdhaṃ śivaṃ vāstviti vācayet || 60 ||
[Analyze grammar]

brāhmaṇān bhojayet paścāt pāyasaṃ dvādaśottamān |
maṇḍape śodhite sthāpya antastambheṣvṛgādayaḥ || 61 ||
[Analyze grammar]

dvāreṣu ca samālāni toraṇāni yathākramam |
suśobhanākhyamāśvatthaṃ subhadrākhyamudumbaram || 62 ||
[Analyze grammar]

naiyagrodhaṃ sukarmākhyaṃ suhotraṃ plākṣameva ca |
syonāpṛthivīmantreṇa prakṣipet sākṣatāṃstilān || 63 ||
[Analyze grammar]

ucchrayasveti saṃsthāpya prādakṣiṇyena pūjayet |
dikṣu pīto'ruṇaḥ śyāmaḥ kṛṣṇo'cchaḥ kṛṣṇapāṇḍaraḥ || 64 ||
[Analyze grammar]

padmavarṇaśca citro'ṣṭau dhvajāḥ sthāpyā yathākramam |
kumudaḥ kumudākṣaśca puṇḍarīko'tha vāmanaḥ || 65 ||
[Analyze grammar]

śaṅkukarṇaḥ sarvanetraḥ sumukhaḥ supratiṣṭhitaḥ |
ityete pūjanīyāśca dhvajānāmadhidevatāḥ || 66 ||
[Analyze grammar]

anekakoṭisaṃghaiśca bhūtaiḥ pratyekaśo vṛtāḥ |
pūrṇakumbhān pratidvāraṃ dvau dvau vinyasya pūjayet || 67 ||
[Analyze grammar]

padmarāgapravālāpsu prāk pūjyau pūrṇapuṣkarau |
vaiḍūryapuṣyatoyasthau tataivānandanandanau || 68 ||
[Analyze grammar]

vīrasenasuṣeṇau ca nīle maratake tathā |
sambhavaprabhavau caiva muktāsphaṭikatoyayoḥ || 69 ||
[Analyze grammar]

vāstupūjāṃ purā kṛtvā toraṇadhvajapūjanam |
bhūmeḥ parigraho'gneśca saṃskāro'nantaraḥ smṛtaḥ || 70 ||
[Analyze grammar]

trātāraṃ yadulūko'tha imaṃ me santa ityṛcaḥ |
dikpālakalaśārcāyāṃ tanmantrā iha kīrtitāḥ || 71 ||
[Analyze grammar]

bahvṛco'dhvaryavaścaiva chandogātharvaṇā dvijāḥ |
dharmaśāsrārthatattvajñā dikṣu pārāyaṇe smṛtāḥ || 72 ||
[Analyze grammar]

aitihāsikavākyārthatattvajñā brahmāvittamāḥ |
koṇeṣu mūrtipā evaṃ kalpyā homeṣvanukramāt || 73 ||
[Analyze grammar]

svāṃ svāṃ vidyāṃ paṭhantaste taccittā niśi jāgṛyuḥ |
svastike mūlavinyastadhānye'ṣṭakakuśānvite || 74 ||
[Analyze grammar]

dvādaśākṣaramantreṇa śayanaṃ tatra kalpayet |
kalaśān sthāpayedaṣṭau pīṭhasya paritaḥ kramāt || 75 ||
[Analyze grammar]

adbhiḥ sampūritān sarvān dhānyarāśigatān śubhān |
sapallavamukhān sūtraveṣṭitān vastraveṣṭitān || 76 ||
[Analyze grammar]

vyastairaṣṭākṣarairetān gandhapuṣpaiśca pūjayet |
yogapīṭhaṃ prakalpyātra śaktiparyantamarcayet || 77 ||
[Analyze grammar]

sarvadhānyaiśca pūṣpaiśca nirvapet pīṭhaparyayāt |
vidyādhipatayaścātra pūjanīyāḥ samantataḥ || 78 ||
[Analyze grammar]

viṣṇumaindre tatastatra dakṣiṇe madhusūdanam |
trivikramaṃ tu vāruṇyāṃ vāmanaṃ tu tathottare || 79 ||
[Analyze grammar]

śrīdharaṃ tu tathāgnyyāṃ hṛṣīkeśaṃ tu nairṛte |
padmanābhaṃ ca vāyavyāṃ dāmodaramathāpare || 80 ||
[Analyze grammar]

aiśānyāṃ tasya pīṭhasya sthāpayejjalabhājanam |
soṣṇīṣaḥ sottarīyaśca vāgyato vāri gālayet || 81 ||
[Analyze grammar]

navenāromavastreṇa prokṣitena ca mantrataḥ |
pūrayet praṇavenaiva pātraṃ kusumavāriṇā || 82 ||
[Analyze grammar]

pūjayet pūrayitvā tu dvādaśākṣaravidyayā |
rakṣitavyaṃ vitānādyaiḥ samyagācchādya sarvataḥ || 83 ||
[Analyze grammar]

maṅgalāṅkurapātrāṇi maṅgalāni ca vinyaset |
śaṅkhaṃ cakraṃ patākāṃ ca śrīvatsaṃ darpaṇaṃ vṛṣam || 84 ||
[Analyze grammar]

matsyayugmaṃ ca kumbhaṃ ca maṅgalāni pracakṣate |
kuryānmaṇḍapamaiśānyāṃ caturaśraṃ samantataḥ || 85 ||
[Analyze grammar]

caturhastaṃ catuḥ stambhaṃ madhye pīṭhasamanvitam |
snānadravyaiśca saṃyuktaṃ kramāt kumbheṣu pūritaiḥ || 86 ||
[Analyze grammar]

aṣṭottaraśataṃ hutvā ghṛtamaṣṭākṣareṇa tu |
sampātājyena saṃspṛśya kalaśānabhimantrayet || 87 ||
[Analyze grammar]

hiraṇyavarṇāṃ hariṇīmiti sarvān yathākramam |
tatrārcāṃ tu samānīya snāpayedekaberake || 88 ||
[Analyze grammar]

ratnanyāsaṃ purā kṛtvā lepyārcā kriyate yadā |
pratimā'nyā tu kartavyā lohajā karmakāraṇāt || 89 ||
[Analyze grammar]

pratiṣṭhānyāsamudrādi mūlārcāyāṃ prakalpayet |
snānādiśeṣakarmāṇi karmārcāyāmiti sthitiḥ || 90 ||
[Analyze grammar]

mūlārcāṃ vā'pi karmārcāṃ tathā toye'dhivāsitām |
uddhṛtya vidhṛtāṃ yatnāccaturbhirmūrttidhārakaiḥ || 91 ||
[Analyze grammar]

darbhapāṇiḥ sthito vidvānupātiṣṭheta saṃsthitām |
namaste'rce sureśāni pratīke viśvakarmaṇaḥ || 92 ||
[Analyze grammar]

prabhāvitāśeṣajagaddhātri tubhyaṃ namo namaḥ |
tvayi sampūjayāmīśaṃ nārāyaṇamanāmayam || 93 ||
[Analyze grammar]

rahitā yonidoṣaistvamṛddhiyuktā sadā bhava |
vijñāpyaivaṃ dukūlāṃśusiddhārthakayutaṃ śubham || 94 ||
[Analyze grammar]

urṇāsūtreṇa badhnīyāt kautukaṃ dakṣiṇe kare |
aṅguṣṭhānāmikābhyāṃ tu sārayitvā jitādinā || 95 ||
[Analyze grammar]

aṣṭākṣareṇa saṃjaptaṃ saptadhā vighnaśāntaye |
tato'rcāṃ tu suvastrāḍhyāṃ brahmayānena tāṃ nayet || 96 ||
[Analyze grammar]

śākunenaiva sūktena vitānādyupaśobhitām |
trīṇītyāsthāpya pīṭhe tāṃ bhadraṃ karṇeti kīrtayet || 97 ||
[Analyze grammar]

tejo'sīti samālipya gavyenājyena sādhakaḥ |
cūrṇaistoyaiśca saṃkṣālya snāpayet tairyathākramam || 98 ||
[Analyze grammar]

mṛtkaṣāyauṣadhītīrthairgavyairvyastaiḥ samastakaiḥ |
nadyāstaṭābhyāṃ saṅgṛhya mṛdaṃ valmīkajāṃ tathā || 99 ||
[Analyze grammar]

kulīravāsataḥ kṣetrād viṣāṇāgrācca veditaḥ |
śamīpalāśakhadirabilvāśvatthavikaṅkatāḥ || 100 ||
[Analyze grammar]

udumbarāśca nyagrodhāḥ kaṣāyāṅgāni caiva hi |
śaṅkhapuṣpīṃ priyaṅguṃ ca viṣṇukrāntīṃ śatāvarīm || 101 ||
[Analyze grammar]

dūrvāṃ caivāmṛtāṃ caiva gṛhṇīyād rajanīṃ vacām |
hiraṇyavarṇāḥ śucayaḥ samudrajyeṣṭheti ca kramāt || 102 ||
[Analyze grammar]

idamāpa imaṃ me ca tīrthaṃ taṃ viniyojayet |
gāyatrtryā caiva gomūtraṃ gandhadvāreti gomayam || 103 ||
[Analyze grammar]

āpyāyasveti ca kṣīraṃ dadhikrāvṇeti vai dadhi |
tejo'si śukramityājyaṃ devasyatvā kuśodakam || 104 ||
[Analyze grammar]

pañcagavyaṃ payasvatyā yāsāṃ gandhodakaṃ tathā |
āpohiṣṭheti vai dadyāt svacchatoyaṃ tataḥ param || 105 ||
[Analyze grammar]

parameśvaramantreṇa snāpayet sakalena ca |
madhuvāteti saṃyojya taijase madhusarpiṣī || 106 ||
[Analyze grammar]

uddhāṭya nayane cāsya tato hemaśalākayā |
citraṃ devatyṛcā caikāpyāyasvetyṛcā param || 107 ||
[Analyze grammar]

yajamānaśca gāṃ dadyād govindaḥ prīyatāmiti |
snāpayet kalaśaiḥ paścāccaturbhiḥ koṇagairapi || 108 ||
[Analyze grammar]

brahmaśrīcampakakṣīranīpāmrabaluḷārjunaiḥ |
sāśokaiḥ pallavairmantrī haṃsaḥ śuciṣadityṛcā || 109 ||
[Analyze grammar]

padmakaṃ rocanāṃ dūrvāṃ darbhastambācchasarṣapān |
candane jātirāvarttaṃ kundaṃ viṣṇorarāṭayā || 110 ||
[Analyze grammar]

yavavrīhitilā hema rajataṃ kūlamṛddvayam |
gomayaṃ bhūmyasaṃspṛṣṭaṃ somaṃ rājānamityṛcā || 111 ||
[Analyze grammar]

samīvaryamṛtākrāntisahābhṛṅgamahauṣadhīḥ |
syāmākaṃ viśvataścakṣuriti taiḥ snānamācaret || 112 ||
[Analyze grammar]

āvāhayettato devaṃ pītāmbaradharaṃ harim |
ehyehi bhagavan viṣṇo lokānugrahakāraka || 113 ||
[Analyze grammar]

yajñabhāgaṃ gṛhāṇemaṃ vāsudeva namo namaḥ |
pādyamācamanaṃ cārdhyaṃ dadyānmūlena vai tataḥ || 114 ||
[Analyze grammar]

ahate vāsasī dadyāt pavitraṃ cāṣṭakena tu |
sauvarṇaṃ dāpayet sūtraṃ viṣṇugāyatriyā punaḥ || 115 ||
[Analyze grammar]

bhūṣaṇāni tato dadyād dvādaśākṣaravidyayā |
nīrājanaṃ tataḥ kuryād gandhapuṣpākṣatādibhiḥ || 116 ||
[Analyze grammar]

sragbhiśca dhūpadīpaiśca phalagorocanāñjanaiḥ |
pādukāvyajanacchatramadhuparkaiśca pūjayet || 117 ||
[Analyze grammar]

vāridhārāṃ ca mūlena pātayed devapādayoḥ |
ācāmaṃ ca punardhūpaṃ mukhavāsaṃ ca darpaṇam || 118 ||
[Analyze grammar]

aṅgarāgaṃ ca mālāṃ ca dadyāt puṣpāñjaliṃ tataḥ |
sāmabhiśca tataḥ stutvā pavitraṃ stotramīrayet || 119 ||
[Analyze grammar]

puṇyāhaṃ cātra kurvīta vaiṣṇavaiḥ saha mantravit |
tilāśca dakṣiṇā deyā vaiṣṇavebhyo yathāvidhi || 120 ||
[Analyze grammar]

samāhitaḥ smaret paścād bhaktyā tu puruṣottamam |
evaṃ kṛtvā tu tāmarcāmānayecchayanaṃ prati || 121 ||
[Analyze grammar]

pauruṣeṇa tu sūktena śaṅkhabheryādinisvanaiḥ |
dvādaśākṣaramantreṇa śayane sannaveśayet || 122 ||
[Analyze grammar]

ayaṃ sa iti coktvā'nte sarvayogeśvaromiti |
japedaṣṭākṣaraṃ mantraṃ maṅgalāni ca vinyaset || 123 ||
[Analyze grammar]

hemapātre ghṛtaṃ pūrṇaṃ śiraḥ sthāne'sya vinyaset |
rājataṃ madhupūrṇaṃ ca pādasthāne vicakṣaṇaḥ || 124 ||
[Analyze grammar]

sakṣīraṃ tāmrapātraṃ ca dakṣiṇena prakalpayet |
lohapātragataṃ vāme śāntitoyaṃ ca vinyaset || 125 ||
[Analyze grammar]

mṛtpātre pañcagavyaṃ ca pañcamaṃ tu tadagrataḥ |
teṣāmālabhanaṃ kuryāt parameṣṭhyādibhiḥ kramāt || 126 ||
[Analyze grammar]

caturaśraṃ dhanurvṛttaṃ trikoṇaṃ ca yathākramam |
kārayed dikṣu catvāri kuṇḍāni kuśalo guruḥ || 127 ||
[Analyze grammar]

aratnimātre pīṭhasya samantāddhastamānataḥ |
trimekhalāni sarvāṇi kāryāṇyardhāvaṭāni ca || 128 ||
[Analyze grammar]

ācāryakuṇḍāduddhṛtya paścādanyeṣu nikṣipet |
kuṇḍeṣu saṃskṛtaṃ vahniṃ kṛtvollokhādikaṃ kramāt || 129 ||
[Analyze grammar]

jananādivihīnaṃ tu prakṛtinyāsapūrvakam |
svasākhāgnimukhānte'nnaṃ gāyatryā juhuyuḥ kramāt || 130 ||
[Analyze grammar]

hṛdayaṃ pūrvakuṇḍe tu dakṣiṇe tu śirastathā |
paścime tu śikhāṃ kuryāduttare kavacaṃ tathā || 131 ||
[Analyze grammar]

netrāstrayorna kāryo'tra homaḥ syānmūrtibhistu vā |
samidājyacarun lājān sarṣapāṃśca yavāstilān || 132 ||
[Analyze grammar]

vrīhīnājyaṃ punaścaivaṃ sarvakuṇḍeṣu homayet |
mūlenāṣṭasahasraṃ tu tadācāryastu homayet || 133 ||
[Analyze grammar]

śatamaṣṭottaraṃ cātra pūrṇā dadyāt śate śate || 134 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Vishnu-samhita Chapter 16

Cover of edition (1990)

Vishnu Samhita
by M M T Ganapati Sastri (1990)

विष्णु संहिता; Sanskrit Only; [Publisher: Sri Satguru Publications A Division of Indian Books Centre Delhi, India]

Buy now!
Like what you read? Consider supporting this website: