Chapter 10

atha daśamaḥ paṭalaḥ ||
atha vakṣyāmi saṃkṣepād dīkṣāpūjādyanugraham |
śiṣyādhikārasiddhyarthaṃ nirvāṇārthaṃ ca yoginām || 1 ||
[Analyze grammar]

dīyante siddhayaḥ sarvāḥ kṣīyante granthayo'pyataḥ |
dīkṣātvamevaṃ dīkṣāyā dharmādharmahṛdātmanaḥ || 2 ||
[Analyze grammar]

vasantagrīṣmayordīkṣā kāryā vā kārttikādiṣu |
śaradāṣāḍhayoścokto varṇajānāmanugrahaḥ || 3 ||
[Analyze grammar]

jātiśaucaguṇān pūrvaṃ parīkṣya svayamādarāt |
śuddhān gururvijānīyāt srīśūdrāṃstu viśeṣataḥ || 4 ||
[Analyze grammar]

te tu bhaktiṃ tato jñātvā kartavyā parameśvare |
devavad bhaktimanto'sya kuryuḥ śuśrūṣaṇaṃ ciram || 5 ||
[Analyze grammar]

bhagavaṃstvatprasādena saṃsārārṇavatāraṇam |
icchāmaścaihikīṃ siddhiṃ viśeṣeṇa tapodhana || 6 ||
[Analyze grammar]

iti vijñāpya santoṣya dānānugamasāntvanaiḥ |
tadicchayoktasambhārānāhareyuryathābalam || 7 ||
[Analyze grammar]

dravyāṇyānāyya saṃśodhya pūrvodyuradhivāsya ca |
dvādaśyāṃ dīkṣayecchiṣyāniṣṭvā devavidhānataḥ || 8 ||
[Analyze grammar]

devālayanadītīrthagoṣṭhārāmādisannidhau |
brāhmaṇādivibhāgena yāgasthānaṃ prakalpayet || 9 ||
[Analyze grammar]

dīkṣārthinastu yāvantaḥ sambhavantyatra vaiṣṇavāḥ |
te sarve samamevātra yaterannātmaśaktitaḥ || 10 ||
[Analyze grammar]

yatno'rtho vā'dhiko yasya phalaṃ tasyādhikaṃ tathā |
vittaśāṭhyaṃ tu yaḥ kuryānnarake sa pated dhruvam || 11 ||
[Analyze grammar]

vaiṣṇavairabhyanujñāto dīkṣitaiḥ kuśalaiḥ saha |
snātvā'camya śucirbhūtvā kṛtinityaḥ svalaṃkṛtaḥ || 12 ||
[Analyze grammar]

yāgārthaṃ kalpitāṃ bhūmimācāryaḥ svayamāviśet |
sañcintya manasā devaṃ sakalaṃ maṇḍalātmakam || 13 ||
[Analyze grammar]

saṃskṛtya vidhinā vediṃ kalaśanyāsamārabhet |
nṛsiṃhajaptān siddhārthān phaḍantena vikīrya tu || 14 ||
[Analyze grammar]

mūlena vikirān japtvā pañcagavyaṃ tu sādhayet |
gomūtraṃ praṇavenaiva visargeṇa tu gomayam || 15 ||
[Analyze grammar]

bindvantena payo dadyāddadhi dīrgheṇa viṣṇunā |
ghṛtamādyena śuddhena viṣṇubījena pūjayet || 16 ||
[Analyze grammar]

gomūtrād gomayaṃ tvardhaṃ kṣīramaṣṭaguṇaṃ tataḥ |
dadhi saptaguṇaṃ dadyādājyaṃ caiva caturguṇam || 17 ||
[Analyze grammar]

tribījena kuśaiḥ prokṣya mūlena vikirān kṣipet |
trireva prāṅmukhastiṣṭhaṃstaṃ dhyātvottānapāṇinā || 18 ||
[Analyze grammar]

pīṭhanyāsakramādīśe kalaśaṃ karkarīyutam |
saratnaṃ nirvraṇaṃ ramyaṃ lohajaṃ sūtraveṣṭitam || 19 ||
[Analyze grammar]

pūrayitvā'rcayed vidvān gandhapuṣpairyathākramam |
dharmādharmādipīṭhasthaṃ paṅkajaṃ kalaśe nyaset || 20 ||
[Analyze grammar]

kṣādimūrtiśiphānāḷasaraḥ kaṇṭakarandhrakam |
dharmādyantaḥsthayuggranthisādharmyādinapuṃsakam || 21 ||
[Analyze grammar]

kādyaisribhisribhiḥ patraiḥ karṇikāntaiḥ samanvitam |
visargabindudīptāgrapūrvādisvarakesaram || 22 ||
[Analyze grammar]

tārāṃśatritayopetamātmavidyāparakramāt |
nādaśaktiyutaṃ madhye tatrāvāhyārcayet prabhum || 23 ||
[Analyze grammar]

vardhanyāṃ cāsane siddhe tasmādāvāhanaṃ bhavet |
ājye'rghye ca praṇītāyāṃ sruksruveṣu viśeṣataḥ || 24 ||
[Analyze grammar]

pañcagavye carau kuṇḍe maṇḍale viṣṇuhastake |
pūjayitvā tathā sāṅgaṃ kalaśasthaṃ tu keśavam || 25 ||
[Analyze grammar]

agrato'streṇa vardhanyā maṇḍapasya samantataḥ |
acchinnāṃ pātayed dhārāmīśādyantaṃ pradakṣiṇam || 26 ||
[Analyze grammar]

paścāt tenaiva mārgeṇa sādhakaḥ kalaśaṃ nayet |
saṃhṛtya vikirān sarvān vikīrṇān pātragaiḥ saha || 27 ||
[Analyze grammar]

sarvadhānyasthitaṃ kumbhaṃ pūjayed vardhanīṃ tathā |
navenāṃśukayugmena veṣṭayet taṃ sitena tu || 28 ||
[Analyze grammar]

ghaṭikāṃ ca tathaikena rakṣāṃ cāstreṇa kalpayet |
vikiredastrajaptaiśca sarvadhānyaiḥ samantataḥ || 29 ||
[Analyze grammar]

sammṛjya mūrtibhiścāgnau saṃskṛte śrapayeccarum |
mūlena mūrtibhiścāgnau saṃskṛte śrapayeccarum || 30 ||
[Analyze grammar]

kṣālitājyāktasakṣīrānukhāmāropya taṇḍulān |
kṣālitān samupastīrṇān nyasyāloḍyāvaghaṭya ca || 31 ||
[Analyze grammar]

upastīryodagudvāsya kṣālitaṃ prokṣya pūjayet |
kuryād bhasmordhvapuṇḍraṃ ca tatpārśve'ṣṭākṣareṇa tu || 32 ||
[Analyze grammar]

upastīrya śubhe pātre kṣiptaṃ pratyabhighārya ca |
abhighārya kṣataṃ cādyaṃ bhāgaṃ devāya kalpayet || 33 ||
[Analyze grammar]

dvitīyaṃ kalaśasthāya vahnisthāya tṛtīyakam |
ghṛtāplutaṃ tu mūlena juhuyādāhutitrayam || 34 ||
[Analyze grammar]

taccheṣeṇa baliṃ pītvā pañcagavyaṃ caturthakam |
praṇavena purā pītvā pañcagavyaṃ caturthakam || 35 ||
[Analyze grammar]

bhāgaṃ śiṣyaiḥ sahāśnīyād guruḥ kāyaviśodhanam |
saptābhimantritaṃ prācyāṃ nikhātaṃ dvādaśāṅgulam || 36 ||
[Analyze grammar]

bhakṣyaṃ tairdantakāṣṭhaṃ ca kṣīravṛkṣajamavraṇam |
śubhaṃ parīkṣayet tena śāntihomo'śubhe smṛtaḥ || 37 ||
[Analyze grammar]

ācāntaḥ sakalo bhūtvā prārthayed gururacyutam |
pradakṣiṇamupāvṛtya namaskṛtya prasādya ca || 38 ||
[Analyze grammar]

saṃsārārṇavamagnānāṃ paśūnāṃ pāśamuktaye |
tvameva śaraṇaṃ deva sadā tvaṃ bhaktavatsala || 39 ||
[Analyze grammar]

devadevānujānīhi prākṛtaiḥ pāśabandhanaiḥ |
pāśitān mokṣayiṣyāmi tvatprasādāt paśūnimān || 40 ||
[Analyze grammar]

labdhānujñastu saṃśodhya dhāraṇābhirupoṣitān |
astreṇa prokṣya liṅgasthān paśūn svātmani yojayet || 41 ||
[Analyze grammar]

samprokṣya taṃ punardehaṃ vātāgnidhṛtamagrataḥ |
bhasmakūṭamiva dhyātvā plāvayed vāriṇā'khilam || 42 ||
[Analyze grammar]

udakaikanidhiṃ samyag dhyātvā saṃsāramaṇḍalam |
kalpayet pārthivīṃ śaktiṃ brahmāṇḍaikasvarūpiṇīm || 43 ||
[Analyze grammar]

tanmātrāsambhṛtāṃ śubhrāṃ vṛttāṃ budbudasannibhām |
liṅge saṃkrāmite dhyāyet puruṣaṃ praṇavātmakam || 44 ||
[Analyze grammar]

vibhaktendriyasaṃsthānaṃ buddhyā'bdenāṇḍabhedanam |
śakale rodasī madhye prajāpatimimaṃ smaret || 45 ||
[Analyze grammar]

praṇavena punaḥ prokṣya sakalīkṛtya deśikaḥ |
svahaste sakalaṃ dhyāyenmaṇḍalādikamādarāt || 46 ||
[Analyze grammar]

caturdvāraṃ puraṃ tacca brahmatīrthādyanukramāt |
madhye padmaṃ yathāproktaṃ patrāṇyaṅgulayaḥ smṛtāḥ || 47 ||
[Analyze grammar]

karṇikā talamadhyaṃ tu parvāṇyasya tu kesarāḥ |
agnisthānaṃ ca madhye'tra tanmadhye keśavaḥ sthitaḥ || 48 ||
[Analyze grammar]

maṇḍalatritayasyāntaḥ sūryakoṭisamaprabham |
taṃ dhyātvā pūjayenmadhye gandhapuṣpairyathākramam || 49 ||
[Analyze grammar]

taṃ hastaṃ dāpayenmūrdhni śiṣyasya susamāhitaḥ |
haste viṣṇuḥ sthito yasmin viṣṇuhastastu sa smṛtaḥ || 50 ||
[Analyze grammar]

janmāntarasahasraistu yat pāpaṃ sañcitaṃ purā |
sarvaṃ tat sparśamātreṇa vilayaṃ yātyasaṃśayam || 51 ||
[Analyze grammar]

evamekaṃ bahūn vāpi janayed dhyānayogataḥ |
evaṃ saṃśuddhadehaṃ taṃ gandhapuṣpaiḥ prapūjayet || 52 ||
[Analyze grammar]

karau sammṛjya mūlena netre baddhvā suvāsasā |
netramantreṇa medhāvī sadaśenāhatena tu || 53 ||
[Analyze grammar]

śiṣyaṃ puṣpāñjalidharaṃ prāṅmukhaṃ tu praveśayet |
brāhmaṇādikrameṇaiva bahavaśced vivikṣavaḥ || 54 ||
[Analyze grammar]

dvāraṃ tu dakṣiṇaṃ śreṣṭhaṃ maṇḍapasya praveśane |
uttarādīni catvāri viprādīnāṃ viśeṣataḥ || 55 ||
[Analyze grammar]

purapraveśanaṃ kāryaṃ śiṣyakāmānurūpataḥ |
prajābalārthasaubhāgyaṃ ratnānnavijayastriyaḥ || 56 ||
[Analyze grammar]

dhṛtimokṣāyurārogyaṃ paśuputrasukhādi ca |
pūrvādiṣu praveśe syāt karaṃ dattvā praveśayet || 57 ||
[Analyze grammar]

kṛtapradakṣiṇaṃ śiṣyaṃ kramād vanditadikpatim |
devābhimukhamānīya prāḍmukhaṃ sthāpayet tataḥ || 58 ||
[Analyze grammar]

tūṣṇīṃ sa guruṇoddiṣṭo yatavākkāyamānasaḥ |
jānudvayena bhūmiṃ tu viṣṭabhya natipūrvakam || 59 ||
[Analyze grammar]

dhyātvā devaṃ hariṃ bhaktyā sūryakoṭisamaprabham |
lakṣmyā samanvitaṃ saumyamaṣṭabāhumalaṅkṛtam || 60 ||
[Analyze grammar]

samāhitaḥ kṣipenmālyaṃ gurvadeśapratīkṣayā |
tannetrāvaraṇaṃ muktvā puṣpapātaṃ vilokayet || 61 ||
[Analyze grammar]

puṣpapātānūrūpeṇa mūrtināmnā tamāhvayet |
amantramarcanaṃ tatra kārayed devamūrtiṣu || 62 ||
[Analyze grammar]

devāntaṃ brāhmaṇasyoktaṃ varmāntaṃ kṣatriyasya tu |
guptāntaṃ nāma vaiśyasya śūdre dāsāntamuddiśet || 63 ||
[Analyze grammar]

strīṇāṃ devīti nāma syāt sā mūrtistasya kāmadā |
dṛṣṭamātre praṇaśyanti maṇḍale pāpasañcayāḥ || 64 ||
[Analyze grammar]

dhūpaṃ dīpaṃ kramād dattvā nivedyaṃ cātra kalpayet |
prakṛtyādipṛthivyantaṃ sādhibhūtādhidaivatam || 65 ||
[Analyze grammar]

adhyātmasaṃhṛtaṃ sarvaṃ kramācchiṣyatanau nyaset |
dakṣiṇenopaveśyainaṃ darbhapāṇiṃ tu vāgyatam || 66 ||
[Analyze grammar]

anvārabdhena hotavyamācāryeṇa vijānatā |
agnau sampātavidhinā tattvānāṃ tu śataṃ śatam || 67 ||
[Analyze grammar]

dattvā pūrṇāhutiṃ sarvaṃ kumbheśāya nivedayet |
karaṇīṃ kartarīṃ cātha rajāṃsi ghaṭikāṃ tathā || 68 ||
[Analyze grammar]

yaccānyadupayogi syāt sarvaṃ tad vāyugocare |
sāṅgena mūlamantreṇa parāmṛśyādhivāsayet || 69 ||
[Analyze grammar]

tataḥ śayīta taiḥ śiṣyaiḥ kuśānāstīrya taṃ smaran |
duḥsvapnādiṣu śāntiḥ syānnānyathā siddhiraihikī || 70 ||
[Analyze grammar]

prātaḥ snātvā visṛjyeśaṃ maṇḍale punararcayet |
pravālamuktābhāraṇahemapuṣpairmanoharaiḥ || 71 ||
[Analyze grammar]

nivedyairvividhaiścāgniṃ santarpyāhūya tān kramāt |
pūrvavat kṛtadevārcānagre padmāsanasthitān || 72 ||
[Analyze grammar]

samprokṣya sakalīkṛtya viṣṇuhastena ke spṛśet |
prakṛtyādipṛthivyantāṃ sṛṣṭiṃ dhyātvā'khilāṃ kramāt || 73 ||
[Analyze grammar]

tanmātrabhūtāṃ taddehe jīvena samatāṃ gatām |
tāreṇātmani saṃyojya dhyātvā samarasīkṛtam || 74 ||
[Analyze grammar]

jīvaṃ taddehakālāgniśaktiyonisamarpaṇāt |
garbhaṃ janmādhikāraṃ ca bhogaṃ nāśaṃ ca pañcabhiḥ || 75 ||
[Analyze grammar]

aṣṭāṣṭāhutirbhirhutvā narake ca tathā punaḥ |
pātāle bhuvi śaṃśodhya sthāvaratvādijanmabhiḥ || 76 ||
[Analyze grammar]

vilomaṃ śūdraviṭkṣatrabrāhmaṇatveṣu yojayet |
kriyāḥ ṣoḍaśa mūlena pākayajñādibhiḥ kramāt || 77 ||
[Analyze grammar]

śodhayitvā'śvamedhāntaiḥ kalpayedantyamāśramam |
kṛtvā'ntyeṣṭiṃ piśācādiyonyaṣṭakavibhāgataḥ || 78 ||
[Analyze grammar]

trisurāntaṃ kramānnītvā nāśayet karmabandhanam |
tataḥ samprokṣya taddehamāhutīnāṃ śatena tam || 79 ||
[Analyze grammar]

sṛṣṭīśvaramudāsīnaṃ pūrṇāhutyā ca kalpayet |
mūlajaptena śuklena rajasā hṛdi tāḍayet || 80 ||
[Analyze grammar]

viyuṅkṣvahuṃphaḍantena nāmnā tattvākṣarādinā |
viśleṣyāyāhihāmantabījādyāmantritena ca || 81 ||
[Analyze grammar]

ādāya samatāṃ nītvā yuṅkṣvahuṃphaḍiti kramāt |
prakṛtyākṛtya tenaiva saṃhārāntena homayet || 82 ||
[Analyze grammar]

vahnāvakhilatattvānāmālaye'vyākṛte harau |
līyamānaṃ kramāt sarvaṃ tattvādhvānaṃ smared budhaḥ || 83 ||
[Analyze grammar]

śuddhaṃ pareṇa tattvena pūrṇāhutyā ca sandhayet |
evaṃ tattvāni saṃśodhya prakṛtiṃ paramātmani || 84 ||
[Analyze grammar]

vilāpya jñānayogena dadyāt pūrṇāhutiṃ budhaḥ |
nirvāme prakṛtiṃ dagdhvā sandadhyāt pūrṇayā pare || 85 ||
[Analyze grammar]

adhikāre samādadhyānnaraṃ prākṛtamīśvare |
iṣṭvā devamaśaktau tu sarvopakaraṇānvitam || 86 ||
[Analyze grammar]

sadyo'dhivāsya dvādaśyāṃ dīkṣayet sthaṇḍile'pi vā |
aṣṭāṣṭāhutibhiḥ pūrvaṃ kramāt tattvāni śodhayet || 87 ||
[Analyze grammar]

manaso vāsanā yeyaṃ sā mukteḥ paripanthinī |
tacchuddhyā śudhyati kṣetrī duṣṭayā dūṣyateca saḥ || 88 ||
[Analyze grammar]

manaso vāsanocchedaḥ karmabandhavimocanāt |
nirbījakaraṇaṃ tasya śodhanaṃ samudāhṛtam || 89 ||
[Analyze grammar]

guruṇā yojito nityaṃ yogī yogaṃ samabhyaset |
na sidhyati vinā tena yogo nāstyatra saṃśayaḥ || 90 ||
[Analyze grammar]