Chapter 80

śrutvā kimpuruṣotpattiṃ lakṣmaṇo bharatastadā |
āścaryamiti cābrūtāmubhau rāmaṃ janeśvaram || 1 ||
[Analyze grammar]

atha rāmaḥ kathāmetāṃ bhūya eva mahāyaśāḥ |
kathayāmāsa dharmātmā prajāpatisutasya vai || 2 ||
[Analyze grammar]

sarvāstā vidrutā dṛṣṭvā kiṃnarīrṛṣisattamaḥ |
uvāca rūpasaṃpannāṃ tāṃ striyaṃ prahasanniva || 3 ||
[Analyze grammar]

somasyāhaṃ sudayitaḥ sutaḥ surucirānane |
bhajasva māṃ varārohe bhaktyā snigdhena cakṣuṣā || 4 ||
[Analyze grammar]

tasya tadvacanaṃ śrutvā śūnye svajanavarjitā |
ilā suruciraprakhyaṃ pratyuvāca mahāgraham || 5 ||
[Analyze grammar]

ahaṃ kāmakarī saumya tavāsmi vaśavartinī |
praśādhi māṃ somasuta yathecchasi tathā kuru || 6 ||
[Analyze grammar]

tasyāstadadbhutaprakhyaṃ śrutvā harṣasamanvitaḥ |
sa vai kāmī saha tayā reme candramasaḥ sutaḥ || 7 ||
[Analyze grammar]

budhasya mādhavo māsastāmilāṃ rucirānanām |
gato ramayato'tyarthaṃ kṣaṇavattasya kāminaḥ || 8 ||
[Analyze grammar]

atha māse tu saṃpūrṇe pūrṇendusadṛśānanaḥ |
prajāpatisutaḥ śrīmāñ śayane pratyabudhyata || 9 ||
[Analyze grammar]

so'paśyat somajaṃ tatra tapyantaṃ salilāśaye |
ūrdhvabāhuṃ nirālambaṃ taṃ rājā pratyabhāṣata || 10 ||
[Analyze grammar]

bhagavanparvataṃ durgaṃ praviṣṭo'smi sahānugaḥ |
na ca paśyāmi tat sainyaṃ kva nu te māmakā gatāḥ || 11 ||
[Analyze grammar]

tacchrutvā tasya rājarṣernaṣṭasaṃjñasya bhāṣitam |
pratyuvāca śubhaṃ vākyaṃ sāntvayanparayā girā || 12 ||
[Analyze grammar]

aśmavarṣeṇa mahatā bhṛtyāste vinipātitāḥ |
tvaṃ cāśramapade supto vātavarṣabhayārditaḥ || 13 ||
[Analyze grammar]

samāśvasihi bhadraṃ te nirbhayo vigatajvaraḥ |
phalamūlāśano vīra vasa ceha yathāsukham || 14 ||
[Analyze grammar]

sa rājā tena vākyena pratyāśvasto mahāyaśāḥ |
pratyuvāca śubhaṃ vākyaṃ dīno bhṛtyajanakṣayāt || 15 ||
[Analyze grammar]

tyakṣyāmyahaṃ svakaṃ rājyaṃ nāhaṃ bhṛtyairvinā kṛtaḥ |
vartayeyaṃ kṣaṇaṃ brahman samanujñātumarhasi || 16 ||
[Analyze grammar]

suto dharmaparo brahmañjyeṣṭho mama mahāyaśāḥ |
śaśabinduriti khyātaḥ sa me rājyaṃ prapatsyate || 17 ||
[Analyze grammar]

na hi śakṣyāmyahaṃ gatvā bhṛtyadārān sukhānvitān |
prativaktuṃ mahātejaḥ kiṃ cidapyaśubhaṃ vacaḥ || 18 ||
[Analyze grammar]

tathā bruvati rājendre budhaḥ paramamadbhutam |
sāntvapūrvamathovāca vāsasta iha rocatām || 19 ||
[Analyze grammar]

na saṃtāpastvayā kāryaḥ kārdameya mahābala |
saṃvatsaroṣitasyeha kārayiṣyāmi te hitam || 20 ||
[Analyze grammar]

tasya tadvacanaṃ śrutvā budhasyākliṣṭakarmaṇaḥ |
vāsāya vidadhe buddhiṃ yaduktaṃ brahmavādinā || 21 ||
[Analyze grammar]

māsaṃ sa strī tadā bhūtvā ramayatyaniśaṃ śubhā |
māsaṃ puruṣabhāvena dharmabuddhiṃ cakāra saḥ || 22 ||
[Analyze grammar]

tataḥ sa navame māsi ilā somasutātmajam |
janayāmāsa suśroṇī purūravasamātmajam || 23 ||
[Analyze grammar]

jātamātraṃ tu suśroṇī piturhaste nyaveśayat |
budhasya samavarṇābhamilāputraṃ mahābalam || 24 ||
[Analyze grammar]

budho'pi puruṣībhūtaṃ samāśvāsya narādhipam |
kathābhī ramayāmāsa dharmayuktābhirātmavān || 25 ||
[Analyze grammar]