Chapter 72

sa muhūrtādupaśrutya devarṣiramitaprabhaḥ |
svamāśramaṃ śiṣya vṛtaḥ kṣudhārtaḥ saṃnyavartata || 1 ||
[Analyze grammar]

so'paśyadarajāṃ dīnāṃ rajasā samabhiplutām |
jyotsnāmivāruṇagrastāṃ pratyūṣe na virājatīm || 2 ||
[Analyze grammar]

tasya roṣaḥ samabhavat kṣudhārtasya viśeṣataḥ |
nirdahanniva lokāṃstrīñ śiṣyāṃścedamuvāca ha || 3 ||
[Analyze grammar]

paśyadhvaṃ viparītasya daṇḍasyāviditātmanaḥ |
vipattiṃ ghorasaṃkāśāṃ kruddhāmagniśikhāmiva || 4 ||
[Analyze grammar]

kṣayo'sya durmateḥ prāptaḥ sānugasya durātmanaḥ |
yaḥ pradīptāṃ hutāśasya śikhāṃ vai spraṣṭumicchati || 5 ||
[Analyze grammar]

yasmāt sa kṛtavānpāpamīdṛśaṃ ghoradarśanam |
tasmāt prāpsyati durmedhāḥ phalaṃ pāpasya karmaṇaḥ || 6 ||
[Analyze grammar]

saptarātreṇa rājāsau sabhṛtyabalavāhanaḥ |
pāpakarmasamācāro vadhaṃ prāpsyati durmatiḥ || 7 ||
[Analyze grammar]

samantād yojanaśataṃ viṣayaṃ cāsya durmateḥ |
dhakṣyate pāṃsuvarṣeṇa mahatā pākaśāsanaḥ || 8 ||
[Analyze grammar]

sarvasattvāni yānīha sthāvarāṇi carāṇi ca |
mahatā pāṃsuvarṣeṇa nāśaṃ yāsyanti sarvaśaḥ || 9 ||
[Analyze grammar]

daṇḍasya viṣayo yāvattāvat sarvasamucchrayaḥ |
pāṃsubhuta ivālakṣyaḥ saptarātrādbhaviṣyati || 10 ||
[Analyze grammar]

ityuktvā krodhasaṃtapastamāśramanivāsinam |
janaṃ janapadānteṣu sthīyatāmiti cābravīt || 11 ||
[Analyze grammar]

śrutvā tūśasano vākyaṃ sa āśramāvasatho janaḥ |
niṣkrānto viṣayāttasya sthānaṃ cakre'tha bāhyataḥ || 12 ||
[Analyze grammar]

sa tathoktvā munijanamarajāmidamabravīt |
ihaiva vasa durmedhe āśrame susamāhitā || 13 ||
[Analyze grammar]

idaṃ yojanaparyantaṃ saraḥ suruciraprabham |
araje vijvarā bhuṅkṣva kālaścātra pratīkṣyatām || 14 ||
[Analyze grammar]

tvatsamīpe tu ye sattvā vāsameṣyanti tāṃ niśām |
avadhyāḥ pāṃsuvarṣeṇa te bhaviṣyanti nityadā || 15 ||
[Analyze grammar]

ityuktvā bhārgavo vāsamanyatra samupākramat |
saptāhādbhasmasādbhūtaṃ yathoktaṃ brahmavādinā || 16 ||
[Analyze grammar]

tasyāsau daṇḍaviṣayo vindhyaśaivalasānuṣu |
śapto brahmarṣiṇā tena purā vaidharmake kṛte || 17 ||
[Analyze grammar]

tataḥ prabhṛti kākutstha daṇḍakāraṇyamucyate |
tapasvinaḥ sthitā yatra janasthānamatho'bhavat || 18 ||
[Analyze grammar]

etatte sarvamākhyātaṃ yanmāṃ pṛcchasi rāghava |
saṃdhyāmupāsituṃ vīra samayo hyativartate || 19 ||
[Analyze grammar]

ete maharṣayaḥ sarve pūrṇakumbhāḥ samantataḥ |
kṛtodako naravyāghra ādityaṃ paryupāsate || 20 ||
[Analyze grammar]

sa tairṛṣibhirabhyastaḥ sahitairbrahmasattamaiḥ |
ravirastaṃ gato rāma gacchodakamupaspṛśa || 21 ||
[Analyze grammar]