Chapter 45

tato rajanyāṃ vyuṣṭāyāṃ lakṣmaṇo dīnacetanaḥ |
sumantramabravīdvākyaṃ mukhena pariśuṣyatā || 1 ||
[Analyze grammar]

sārathe turagāñ śīghraṃ yojayasva rathottame |
svāstīrṇaṃ rājabhavanāt sītāyāścāsanaṃ śubham || 2 ||
[Analyze grammar]

sītā hi rājabhavanādāśramaṃ puṇyakarmaṇām |
mayā neyā maharṣīṇāṃ śīghramānīyatāṃ rathaḥ || 3 ||
[Analyze grammar]

sumantrastu tathetyuktvā yuktaṃ paramavājibhiḥ |
rathaṃ suruciraprakhyaṃ svāstīrṇaṃ sukhaśayyayā || 4 ||
[Analyze grammar]

ādāyovāca saumitriṃ mitrāṇāṃ harṣavardhanam |
ratho'yaṃ samanuprāpto yat kāryaṃ kriyatāṃ prabho || 5 ||
[Analyze grammar]

evamuktaḥ sumantreṇa rājaveśma sa lakṣmaṇaḥ |
praviśya sītāmāsādya vyājahāra nararṣabhaḥ || 6 ||
[Analyze grammar]

gaṅgātīre mayā devi munīnāmāśrame śubhe |
śīghraṃ gatvopaneyāsi śāsanāt pārthivasya naḥ || 7 ||
[Analyze grammar]

evamuktā tu vaidehī lakṣmaṇena mahātmanā |
praharṣamatulaṃ lebhe gamanaṃ cābhyarocayat || 8 ||
[Analyze grammar]

vāsāṃsi ca mahārhāṇi ratnāni vividhāni ca |
gṛhītvā tāni vaidehī gamanāyopacakrame || 9 ||
[Analyze grammar]

imāni munipatnīnāṃ dāsyāmyābharaṇānyaham |
saumitristu tathetyuktvā rathamāropya maithilīm |
prayayau śīghraturago rāmasyājñāmanusmaran || 10 ||
[Analyze grammar]

abravīcca tadā sītā lakṣmaṇaṃ lakṣmivardhanam |
aśubhāni bahūnyadya paśyāmi raghunandana || 11 ||
[Analyze grammar]

nayanaṃ me sphuratyadya gātrotkampaśca jāyate |
hṛdayaṃ caiva saumitre asvasthamiva lakṣaye || 12 ||
[Analyze grammar]

autsukyaṃ paramaṃ cāpi adhṛtiśca parā mama |
śūnyāmiva ca paśyāmi pṛthivīṃ pṛthulocana || 13 ||
[Analyze grammar]

api svasti bhavettasya bhrātuste bhrātṛbhiḥ saha |
śvaśrūṇāṃ caiva me vīra sarvāsāmaviśeṣataḥ || 14 ||
[Analyze grammar]

pure janapade caiva kuśalaṃ prāṇināmapi |
ityañjalikṛtā sītā devatā abhyayācata || 15 ||
[Analyze grammar]

lakṣmaṇo'rthaṃ tu taṃ śrutvā śirasā vandya maithilīm |
śivamityabravīddhṛṣṭo hṛdayena viśuṣyatā || 16 ||
[Analyze grammar]

tato vāsamupāgamya gomatītīra āśrame |
prabhāte punarutthāya saumitriḥ sūtamabravīt || 17 ||
[Analyze grammar]

yojayasva rathaṃ śīghramadya bhāgīrathījalam |
śirasā dhārayiṣyāmi tryambakaḥ parvate yathā || 18 ||
[Analyze grammar]

so'śvān vicārayitvāśu rathe yuktvā manojavān |
ārohasveti vaidehīṃ sūtaḥ prāñjalirabravīt || 19 ||
[Analyze grammar]

sā tu sūtasya vacanādāruroha rathottamam |
sītā saumitriṇā sārdhaṃ sumantreṇa ca dhīmatā || 20 ||
[Analyze grammar]

athārdhadivasaṃ gatvā bhāgīrathyā jalāśayam |
nirīkṣya lakṣmaṇo dīnaḥ praruroda mahāsvanam || 21 ||
[Analyze grammar]

sītā tu paramāyattā dṛṣṭvā lakṣmaṇamāturam |
uvāca vākyaṃ dharmajña kimidaṃ rudyate tvayā || 22 ||
[Analyze grammar]

jāhnavītīramāsādya cirābhilaṣitaṃ mama |
harṣakāle kimarthaṃ māṃ viṣādayasi lakṣmaṇa || 23 ||
[Analyze grammar]

nityaṃ tvaṃ rāmapādeṣu vartase puruṣarṣabha |
kaccidvinākṛtastena dvirātre śokamāgataḥ || 24 ||
[Analyze grammar]

mamāpi dayito rāmo jīvitenāpi lakṣmaṇa |
na cāhamevaṃ śocāmi maivaṃ tvaṃ bāliśo bhava || 25 ||
[Analyze grammar]

tārayasva ca māṃ gaṅgāṃ darśayasva ca tāpasān |
tato dhanāni vāsāṃsi dāsyāmyābharaṇāni ca || 26 ||
[Analyze grammar]

tataḥ kṛtvā maharṣīṇāṃ yathārhamabhivādanam |
tatra caikāṃ niśāmuṣya yāsyāmastāṃ purīṃ punaḥ || 27 ||
[Analyze grammar]

tasyāstadvacanaṃ śrutvā pramṛjya nayane śubhe |
titīrṣurlakṣmaṇo gaṅgāṃ śubhāṃ nāvamupāharat || 28 ||
[Analyze grammar]