Chapter 42

tatropaviṣṭaṃ rājānamupāsante vicakṣaṇāḥ |
kathānāṃ bahurūpāṇāṃ hāsyakārāḥ samantataḥ || 1 ||
[Analyze grammar]

vijayo madhumattaśca kāśyapaḥ piṅgalaḥ kuśaḥ |
surājiḥ kāliyo bhadro dantavakraḥ samāgadhaḥ || 2 ||
[Analyze grammar]

ete kathā bahuvidhā parihāsasamanvitāḥ |
kathayanti sma saṃhṛṣṭā rāghavasya mahātmanaḥ || 3 ||
[Analyze grammar]

tataḥ kathāyāṃ kasyāṃ cid rāghavaḥ samabhāṣata |
kāḥ kathā nagare bhadra vartante viṣayeṣu ca || 4 ||
[Analyze grammar]

māmāśritāni kānyāhuḥ paurajānapadā janāḥ |
kiṃ ca sītāṃ samāśritya bharataṃ kiṃ nu lakṣmaṇam || 5 ||
[Analyze grammar]

kiṃ nu śatrughnamāśritya kaikeyīṃ mātaraṃ ca me |
vaktavyatāṃ ca rājāno nave rājye vrajanti hi || 6 ||
[Analyze grammar]

evamukte tu rāmeṇa bhadraḥ prāñjalirabravīt |
sthitāḥ kathāḥ śubhā rājan vartante puravāsinām || 7 ||
[Analyze grammar]

ayaṃ tu vijayaḥ saumya daśagrīvavadhāśritaḥ |
bhūyiṣṭhaṃ svapure pauraiḥ kathyate puruṣarṣabha || 8 ||
[Analyze grammar]

evamuktastu bhadreṇa rāghavo vākyamabravīt |
kathayasva yathātathyaṃ sarvaṃ niravaśeṣataḥ || 9 ||
[Analyze grammar]

śubhāśubhāni vākyāni yānyāhuḥ puravāsinaḥ |
śrutvedānīṃ śubhaṃ kuryāṃ na kuryāmaśubhāni ca || 10 ||
[Analyze grammar]

kathayasva ca visrabdho nirbhayo vigatajvaraḥ |
kathayante yathā paurā janā janapadeṣu ca || 11 ||
[Analyze grammar]

rāghaveṇaivamuktastu bhadraḥ suruciraṃ vacaḥ |
pratyuvāca mahābāhuṃ prāñjaliḥ susamāhitaḥ || 12 ||
[Analyze grammar]

śṛṇu rājanyathā paurāḥ kathayanti śubhāśubham |
catvarāpaṇarathyāsu vaneṣūpavaneṣu ca || 13 ||
[Analyze grammar]

duṣkaraṃ kṛtavān rāmaḥ samudre setubandhanam |
akṛtaṃ pūrvakaiḥ kaiściddevairapi sadānavaiḥ || 14 ||
[Analyze grammar]

rāvaṇaśca durādharṣo hataḥ sabalavāhanaḥ |
vānarāśca vaśaṃ nītā ṛkṣāśca saha rākṣasaiḥ || 15 ||
[Analyze grammar]

hatvā ca rāvaṇaṃ yuddhe sītāmāhṛtya rāghavaḥ |
amarṣaṃ pṛṣṭhataḥ kṛtvā svaveśma punarānayat || 16 ||
[Analyze grammar]

kīdṛśaṃ hṛdaye tasya sītāsaṃbhogajaṃ sukham |
aṅkamāropya hi purā rāvaṇena balāddhṛtām || 17 ||
[Analyze grammar]

laṅkāmapi punarnītāmaśokavanikāṃ gatām |
rakṣasāṃ vaśamāpannāṃ kathaṃ rāmo na kutsate || 18 ||
[Analyze grammar]

asmākamapi dāreṣu sahanīyaṃ bhaviṣyati |
yathā hi kurute rājā prajā tamanuvartate || 19 ||
[Analyze grammar]

evaṃ bahuvidhā vāco vadanti puravāsinaḥ |
nagareṣu ca sarveṣu rājañjanapadeṣu ca || 20 ||
[Analyze grammar]

tasyaitadbhāṣitaṃ śrutvā rāghavaḥ paramārtavat |
uvāca sarvān suhṛdaḥ kathametannivedyatām || 21 ||
[Analyze grammar]

sarve tu śirasā bhūmāvabhivādya praṇamya ca |
pratyūcū rāghavaṃ dīnamevametanna saṃśayaḥ || 22 ||
[Analyze grammar]

śrutvā tu vākyaṃ kākutsthaḥ sarveṣāṃ samudīritam |
visarjayāmāsa tadā sarvāṃstāñ śatrutāpanaḥ || 23 ||
[Analyze grammar]