Chapter 39

tathā sma teṣāṃ vasatāmṛkṣavānararakṣasām |
rāghavastu mahātejāḥ sugrīvamidamabravīt || 1 ||
[Analyze grammar]

gamyatāṃ saumya kiṣkindhāṃ durādharṣaṃ surāsuraiḥ |
pālayasva sahāmātyai rājyaṃ nihatakaṇṭakam || 2 ||
[Analyze grammar]

aṅgadaṃ ca mahābāho prītyā paramayānvitaḥ |
paśya tvaṃ hanumantaṃ ca nalaṃ ca sumahābalam || 3 ||
[Analyze grammar]

suṣeṇaṃ śvaśuraṃ śūraṃ tāraṃ ca balināṃ varam |
kumudaṃ caiva durdharṣaṃ nīlaṃ ca sumahābalam || 4 ||
[Analyze grammar]

vīraṃ śatabaliṃ caiva maindaṃ dvividameva ca |
gajaṃ gavākṣaṃ gavayaṃ śarabhaṃ ca mahābalam || 5 ||
[Analyze grammar]

ṛkṣarājaṃ ca durdharṣaṃ jāmbavantaṃ mahābalam |
paśya prītisamāyukto gandhamādanameva ca || 6 ||
[Analyze grammar]

ye cānye sumahātmāno madarthe tyaktajīvitāḥ |
paśya tvaṃ prītisaṃyukto mā caiṣāṃ vipriyaṃ kṛthāḥ || 7 ||
[Analyze grammar]

evamuktvā ca sugrīvaṃ praśasya ca punaḥ punaḥ |
vibhīṣaṇamathovāca rāmo madhurayā girā || 8 ||
[Analyze grammar]

taṅkāṃ praśādhi dharmeṇa saṃmato hyasi pārthiva |
purasya rākṣasānāṃ ca bhrāturvaiśvaraṇasya ca || 9 ||
[Analyze grammar]

mā ca buddhimadharme tvaṃ kuryā rājan kathaṃ cana |
buddhimanto hi rājāno dhruvamaśnanti medinīm || 10 ||
[Analyze grammar]

ahaṃ ca nityaśo rājan sugrīvasahitastvayā |
smartavyaḥ parayā prītyā gaccha tvaṃ vigatajvaraḥ || 11 ||
[Analyze grammar]

rāmasya bhāṣitaṃ śrutvā ṛṣkavānararākṣasāḥ |
sādhu sādhviti kākutsthaṃ praśaśaṃsuḥ punaḥ punaḥ || 12 ||
[Analyze grammar]

tava buddhirmahābāho vīryamadbhutameva ca |
mādhuryaṃ paramaṃ rāma svayambhoriva nityadā || 13 ||
[Analyze grammar]

teṣāmevaṃ bruvāṇānāṃ vānarāṇāṃ ca rakṣasām |
hanūmatpraṇato bhūtvā rāghavaṃ vākyamabravīt || 14 ||
[Analyze grammar]

sneho me paramo rājaṃstvayi nityaṃ pratiṣṭhitaḥ |
bhaktiśca niyatā vīra bhāvo nānyatra gacchati || 15 ||
[Analyze grammar]

yāvad rāmakathāṃ vīra śroṣye'haṃ pṛthivītale |
tāvaccharīre vatsyantu mama prāṇā na saṃśayaḥ || 16 ||
[Analyze grammar]

evaṃ bruvāṇaṃ rājendro hanūmantamathāsanāt |
utthāya ca pariṣvajya vākyametaduvāca ha || 17 ||
[Analyze grammar]

evametat kapiśreṣṭha bhavitā nātra saṃśayaḥ |
lokā hi yāvat sthāsyanti tāvat sthāsyati me kathā || 18 ||
[Analyze grammar]

cariṣyati kathā yāval lokāneṣā hi māmikā |
tāvaccharīre vatsyanti prāṇāstava na saṃśayaḥ || 19 ||
[Analyze grammar]

tato'sya hāraṃ candrābhaṃ mucya kaṇṭhāt sa rāghavaḥ |
vaidūryataralaṃ snehādābabandhe hanūmati || 20 ||
[Analyze grammar]

tenorasi nibaddhena hāreṇa sa mahākapiḥ |
rarāja hemaśailendraścandreṇākrāntamastakaḥ || 21 ||
[Analyze grammar]

śrutvā tu rāghavasyaitadutthāyotthāya vānarāḥ |
praṇamya śirasā pādau prajagmuste mahābalāḥ || 22 ||
[Analyze grammar]

sugrīvaścaiva rāmeṇa pariṣvakto mahābhujaḥ |
vibhīṣaṇaśca dharmātmā nirantaramurogataḥ || 23 ||
[Analyze grammar]

sarve ca te bāṣpagalāḥ sāśrunetrā vicetasaḥ |
saṃmūḍhā iva duḥkhena tyajante rāghavaṃ tadā || 24 ||
[Analyze grammar]