Chapter 34

arjunena vimuktastu rāvaṇo rākṣasādhipaḥ |
cacāra pṛthivīṃ sarvāmanirviṇṇastathā kṛtaḥ || 1 ||
[Analyze grammar]

rākṣasaṃ vā manuṣyaṃ vā śṛṇute yaṃ balādhikam |
rāvaṇastaṃ samāsādya yuddhe hvayati darpitaḥ || 2 ||
[Analyze grammar]

tataḥ kadā cit kiṣkindhāṃ nagarīṃ vālipālitām |
gatvāhvayati yuddhāya vālinaṃ hemamālinam || 3 ||
[Analyze grammar]

tatastaṃ vānarāmātyastārastārāpitā prabhuḥ |
uvāca rāvaṇaṃ vākyaṃ yuddhaprepsumupāgatam || 4 ||
[Analyze grammar]

rākṣasendra gato vālī yaste pratibalo bhavet |
nānyaḥ pramukhataḥ sthātuṃ tava śaktaḥ plavaṃgamaḥ || 5 ||
[Analyze grammar]

caturbhyo'pi samudrebhyaḥ saṃdhyāmanvāsya rāvaṇa |
imaṃ muhūrtamāyāti vālī tiṣṭha muhūrtakam || 6 ||
[Analyze grammar]

etānasthicayānpaśya ya ete śaṅkhapāṇḍurāḥ |
yuddhārthināmime rājan vānarādhipatejasā || 7 ||
[Analyze grammar]

yadvāmṛtarasaḥ pītastvayā rāvaṇarākṣasa |
tathā vālinamāsādya tadantaṃ tava jīvitam || 8 ||
[Analyze grammar]

atha vā tvarase martuṃ gaccha dakṣiṇasāgaram |
vālinaṃ drakṣyase tatra bhūmiṣṭhamiva bhāskaram || 9 ||
[Analyze grammar]

sa tu tāraṃ vinirbhartsya rāvaṇo rākṣaseśvaraḥ |
puṣpakaṃ tat samāruhya prayayau dakṣiṇārṇavam || 10 ||
[Analyze grammar]

tatra hemagiriprakhyaṃ taruṇārkanibhānanam |
rāvaṇo vālinaṃ dṛṣṭvā saṃdhyopāsanatatparam || 11 ||
[Analyze grammar]

puṣpakādavaruhyātha rāvaṇo'ñjanasaṃnibhaḥ |
grahītuṃ vālinaṃ tūrṇaṃ niḥśabdapadamādravat || 12 ||
[Analyze grammar]

yadṛcchayonmīlayatā vālināpi sa rāvaṇaḥ |
pāpābhiprāyavāndṛṣṭaścakāra na ca saṃbhramam || 13 ||
[Analyze grammar]

śaśamālakṣya siṃho vā pannagaṃ garuḍo yathā |
na cintayati taṃ vālī rāvaṇaṃ pāpaniścayam || 14 ||
[Analyze grammar]

jighṛkṣamāṇamadyainaṃ rāvaṇaṃ pāpabuddhinam |
kakṣāvalambinaṃ kṛtvā gamiṣyāmi mahārṇavān || 15 ||
[Analyze grammar]

drakṣyantyariṃ mamāṅkasthaṃ sraṃsitorukarāmbaram |
lambamānaṃ daśagrīvaṃ garuḍasyeva pannagam || 16 ||
[Analyze grammar]

ityevaṃ matimāsthāya vālī karṇamupāśritaḥ |
japan vai naigamānmantrāṃstasthau parvatarāḍiva || 17 ||
[Analyze grammar]

tāvanyonyaṃ jighṛkṣantau harirākṣasapārthivau |
prayatnavantau tat karma īhaturbaladarpitau || 18 ||
[Analyze grammar]

hastagrāhyaṃ tu taṃ matvā pādaśabdena rāvaṇam |
parāṅmukho'pi jagrāha vālī sarpamivāṇḍajaḥ || 19 ||
[Analyze grammar]

grahītukāmaṃ taṃ gṛhya rakṣasāmīśvaraṃ hariḥ |
khamutpapāta vegena kṛtvā kakṣāvalambinam || 20 ||
[Analyze grammar]

sa taṃ pīḍdayamānastu vitudantaṃ nakhairmuhuḥ |
jahāra rāvaṇaṃ vālī pavanastoyadaṃ yathā || 21 ||
[Analyze grammar]

atha te rākṣasāmātyā hriyamāṇe daśānane |
mumokṣayiṣavo ghorā ravamāṇā hyabhidravan || 22 ||
[Analyze grammar]

anvīyamānastairvālī bhrājate'mbaramadhyagaḥ |
anvīyamāno meghaughairambarastha ivāṃśumān || 23 ||
[Analyze grammar]

te'śaknuvantaḥ saṃprāptaṃ vālinaṃ rākṣasottamāḥ |
tasya bāhūruvegena pariśrāntaḥ patanti ca || 24 ||
[Analyze grammar]

vālimārgādapākrāmanparvatendrā hi gacchataḥ || 25 ||
[Analyze grammar]

apakṣigaṇasaṃpāto vānarendro mahājavaḥ |
kramaśaḥ sāgarān sarvān saṃdhyākālamavandata || 26 ||
[Analyze grammar]

sabhājyamāno bhūtaistu khecaraiḥ khecaro hariḥ |
paścimaṃ sāgaraṃ vālī ājagāma sarāvaṇaḥ || 27 ||
[Analyze grammar]

tatra saṃdhyāmupāsitvā snātvā japtvā ca vānaraḥ |
uttaraṃ sāgaraṃ prāyādvahamāno daśānanam || 28 ||
[Analyze grammar]

uttare sāgare saṃdhyāmupāsitvā daśānanam |
vahamāno'gamadvālī pūrvamambumahānidhim || 29 ||
[Analyze grammar]

tatrāpi saṃdhyāmanvāsya vāsaviḥ sa harīśvaraḥ |
kiṣkindhābhimukho gṛhya rāvaṇaṃ punarāgamat || 30 ||
[Analyze grammar]

caturṣvapi samudreṣu saṃdhyāmanvāsya vānaraḥ |
rāvaṇodvahanaśrāntaḥ kiṣkindhopavane'patat || 31 ||
[Analyze grammar]

rāvaṇaṃ tu mumocātha svakakṣāt kapisattamaḥ |
kutastvamiti covāca prahasan rāvaṇaṃ prati || 32 ||
[Analyze grammar]

vismayaṃ tu mahadgatvā śramalokanirīkṣaṇaḥ |
rākṣaseśo harīśaṃ tamidaṃ vacanamabravīt || 33 ||
[Analyze grammar]

vānarendra mahendrābha rākṣasendro'smi rāvaṇaḥ |
yuddhepsurahaṃ saṃprāptaḥ sa cādyāsāditastvayā || 34 ||
[Analyze grammar]

aho balamaho vīryamaho gambhīratā ca te |
yenāhaṃ paśuvadgṛhya bhrāmitaścaturo'rṇavān || 35 ||
[Analyze grammar]

evamaśrāntavadvīra śīghrameva ca vānara |
māṃ caivodvahamānastu ko'nyo vīraḥ kramiṣyati || 36 ||
[Analyze grammar]

trayāṇāmeva bhūtānāṃ gatireṣā plavaṃgama |
mano'nilasuparṇānāṃ tava vā nātra saṃśayaḥ || 37 ||
[Analyze grammar]

so'haṃ dṛṣṭabalastubhyamicchāmi haripuṃgava |
tvayā saha ciraṃ sakhyaṃ susnigdhaṃ pāvakāgrataḥ || 38 ||
[Analyze grammar]

dārāḥ putrāḥ puraṃ rāṣṭraṃ bhogācchādanabhojanam |
sarvamevāvibhaktaṃ nau bhaviṣyati harīśvara || 39 ||
[Analyze grammar]

tataḥ prajvālayitvāgniṃ tāv ubhau harirākṣasau |
bhrātṛtvamupasaṃpannau pariṣvajya parasparam || 40 ||
[Analyze grammar]

anyonyaṃ lambitakarau tatastau harirākṣasau |
kiṣkindhāṃ viśaturhṛṣṭau siṃhau giriguhāmiva || 41 ||
[Analyze grammar]

sa tatra māsamuṣitaḥ sugrīva iva rāvaṇaḥ |
amātyairāgatairnīcastrailokyotsādanārthibhiḥ || 42 ||
[Analyze grammar]

evametat purāvṛttaṃ vālinā rāvaṇaḥ prabho |
dharṣitaśca kṛtaścāpi bhrātā pāvakasaṃnidhau || 43 ||
[Analyze grammar]

balamapratimaṃ rāma vālino'bhavaduttamam |
so'pi tayā vinirdagdhaḥ śalabho vahninā yathā || 44 ||
[Analyze grammar]