Chapter 23

sa tu jitvā daśagrīvo yamaṃ tridaśapuṃgavam |
rāvaṇastu jayaślāghī svasahāyāndadarśa ha || 1 ||
[Analyze grammar]

jayena vardhayitvā ca mārīcapramukhāstataḥ |
puṣpakaṃ bhejire sarve sāntvitā ravaṇena ha || 2 ||
[Analyze grammar]

tato rasātalaṃ hṛṣṭaḥ praviṣṭaḥ payaso nidhim |
daityoraga gaṇādhyuṣṭaṃ varuṇena surakṣitam || 3 ||
[Analyze grammar]

sa tu bhogavatīṃ gatvā purīṃ vāsukipālitām |
sthāpya nāgān vaśe kṛtvā yayau maṇimatīṃ purīm || 4 ||
[Analyze grammar]

nivātakavacāstatra daityā labdhavarā vasan |
rākṣasastān samāsādya yuddhena samupāhvayat || 5 ||
[Analyze grammar]

te tu sarve suvikrāntā daiteyā balaśālinaḥ |
nānāpraharaṇāstatra prayuddhā yuddhadurmadāḥ || 6 ||
[Analyze grammar]

teṣāṃ tu yudhyamānānāṃ sāgraḥ saṃvatsaro gataḥ |
na cānyatarayostatra vijayo vā kṣayo'pi vā || 7 ||
[Analyze grammar]

tataḥ pitāmahastatra trailokyagatiravyayaḥ |
ājagāma drutaṃ devo vimānavaramāsthitaḥ || 8 ||
[Analyze grammar]

nivātakavacānāṃ tu nivārya raṇakarma tat |
vṛddhaḥ pitāmaho vākyamuvāca viditārthavat || 9 ||
[Analyze grammar]

na hyayaṃ rāvaṇo yuddhe śakyo jetuṃ surāsuraiḥ |
na bhavantaḥ kṣayaṃ netuṃ śakyāḥ sendraiḥ surāsuraiḥ || 10 ||
[Analyze grammar]

rākṣasasya sakhitvaṃ vai bhavadbhiḥ saha rocate |
avibhaktā hi sarvārthāḥ suhṛdāṃ nātra saṃśayaḥ || 11 ||
[Analyze grammar]

tato'gnisākṣikaṃ sakhyaṃ kṛtavāṃstatra rāvaṇaḥ |
nivātakavacaiḥ sārdhaṃ prītimānabhavattadā || 12 ||
[Analyze grammar]

arcitastairyathānyāyaṃ saṃvatsarasukhoṣitaḥ |
svapurānnirviśeṣaṃ ca pūjāṃ prāpto daśānanaḥ || 13 ||
[Analyze grammar]

sa tūpadhārya māyānāṃ śatamekonamātmavān |
salilendrapurānveṣī sa babhrāma rasātalam || 14 ||
[Analyze grammar]

tato'śmanagaraṃ nāma kālakeyābhirakṣitam |
taṃ vijitya muhūrtena jaghne daityāṃścatuḥśatam || 15 ||
[Analyze grammar]

tataḥ pāṇḍurameghābhaṃ kailāsamiva saṃsthitam |
varuṇasyālayaṃ divyamapaśyad rākṣasādhipaḥ || 16 ||
[Analyze grammar]

kṣarantīṃ ca payo nityaṃ surabhiṃ gāmavasthitām |
yasyāḥ payoviniṣyandāt kṣīrodo nāma sāgaraḥ || 17 ||
[Analyze grammar]

yasmāccandraḥ prabhavati śītaraśmiḥ prajāhitaḥ |
yaṃ samāsādya jīvanti phenapāḥ paramarṣayaḥ |
amṛtaṃ yatra cotpannaṃ surā cāpi surāśinām || 18 ||
[Analyze grammar]

yāṃ bruvanti narā loke surabhiṃ nāma nāmataḥ |
pradakṣiṇaṃ tu tāṃ kṛtvā rāvaṇaḥ paramādbhutām |
praviveśa mahāghoraṃ guptaṃ bahuvidhairbalaiḥ || 19 ||
[Analyze grammar]

tato dhārāśatākīrṇaṃ śāradābhranibhaṃ tadā |
nityaprahṛṣṭaṃ dadṛśe varuṇasya gṛhottamam || 20 ||
[Analyze grammar]

tato hatvā balādhyakṣān samare taiśca tāḍitaḥ |
abravīt kva gato yo vo rājā śīghraṃ nivedyatām || 21 ||
[Analyze grammar]

yuddhārthī rāvaṇaḥ prāptastasya yuddhaṃ pradīyatām |
vada vā na bhayaṃ te'sti nirjito'smīti sāñjaliḥ || 22 ||
[Analyze grammar]

etasminnantare kruddhā varuṇasya mahātmanaḥ |
putrāḥ pautrāśca niṣkrāman gauśca puṣkara eva ca || 23 ||
[Analyze grammar]

te tu vīryaguṇopetā balaiḥ parivṛtāḥ svakaiḥ |
yuktvā rathān kāmagamānudyadbhāskaravarcasaḥ || 24 ||
[Analyze grammar]

tato yuddhaṃ samabhavaddāruṇaṃ lomaharṣaṇam |
salilendrasya putrāṇāṃ rāvaṇasya ca rakṣasaḥ || 25 ||
[Analyze grammar]

amātyaistu mahāvīryairdaśagrīvasya rakṣasaḥ |
vāruṇaṃ tadbalaṃ kṛtsnaṃ kṣaṇena vinipātitam || 26 ||
[Analyze grammar]

samīkṣya svabalaṃ saṃkhye varuṇasyā sutāstadā |
arditāḥ śarajālena nivṛttā raṇakarmaṇaḥ || 27 ||
[Analyze grammar]

mahītalagatāste tu rāvaṇaṃ dṛśya puṣpake |
ākāśamāśu viviśuḥ syandanaiḥ śīghragāmibhiḥ || 28 ||
[Analyze grammar]

mahadāsīttatasteṣāṃ tulyaṃ sthānamavāpya tat |
ākāśayuddhaṃ tumulaṃ devadānavayoriva || 29 ||
[Analyze grammar]

tataste rāvaṇaṃ yuddhe śaraiḥ pāvakasaṃnibhaiḥ |
vimukhīkṛtya saṃhṛṣṭā vinedurvividhān ravān || 30 ||
[Analyze grammar]

tato mahodaraḥ kruddho rājānaṃ dṛśya dharṣitam |
tyaktvā mṛtyubhayaṃ vīro yuddhakāṅkṣī vyalokayat || 31 ||
[Analyze grammar]

tena teṣāṃ hayā ye ca kāmagāḥ pavanopamāḥ |
mahodareṇa gadayā hatāste prayayuḥ kṣitim || 32 ||
[Analyze grammar]

teṣāṃ varuṇasūnūnāṃ hatvā yodhān hayāṃśca tān |
mumocāśu mahānādaṃ virathānprekṣya tān sthitān || 33 ||
[Analyze grammar]

te tu teṣāṃ rathāḥ sāśvāḥ saha sārathibhirvaraiḥ |
mahodareṇa nihatāḥ patitāḥ pṛthivītale || 34 ||
[Analyze grammar]

te tu tyaktvā rathānputrā varuṇasya mahātmanaḥ |
ākāśe viṣṭhitāḥ śūrāḥ svaprabhāvānna vivyathuḥ || 35 ||
[Analyze grammar]

dhanūṃṣi kṛtvā sajyāni vinirbhidya mahodaram |
rāvaṇaṃ samare kruddhāḥ sahitāḥ samabhidravan || 36 ||
[Analyze grammar]

tataḥ kruddho daśagrīvaḥ kālāgniriva viṣṭhitaḥ |
śaravarṣaṃ mahāvegaṃ teṣāṃ marmasvapātayat || 37 ||
[Analyze grammar]

musalāni vicitrāṇi tato bhallaśatāni ca |
paṭṭasāṃścaiva śaktīśca śataghnīstomarāṃstathā |
pātayāmāsa durdharṣasteṣāmupari viṣṭhitaḥ || 38 ||
[Analyze grammar]

atha viddhāstu te vīrā viniṣpetuḥ padātayaḥ || 39 ||
[Analyze grammar]

tato rakṣo mahānādaṃ muktvā hanti sma vāruṇān |
nānāpraharaṇairghorairdhārāpātairivāmbudaḥ || 40 ||
[Analyze grammar]

tataste vimukhāḥ sarve patitā dharaṇītale |
raṇāt svapuruṣaiḥ śīghraṃ gṛhāṇyeva praveśitāḥ || 41 ||
[Analyze grammar]

tānabravīttato rakṣo varuṇāya nivedyatām |
rāvaṇaṃ cābravīnmantrī prabhāso nāma vāruṇaḥ || 42 ||
[Analyze grammar]

gataḥ khalu mahātejā brahmalokaṃ jaleśvaraḥ |
gāndharvaṃ varuṇaḥ śrotuṃ yaṃ tvamāhvayase yudhi || 43 ||
[Analyze grammar]

tat kiṃ tava vṛthā vīra pariśrāmya gate nṛpe |
ye tu saṃnihitā vīrāḥ kumārāste parājitāḥ || 44 ||
[Analyze grammar]

rākṣasendrastu tacchrutvā nāma viśrāvya cātmanaḥ |
harṣānnādaṃ vimuñcan vai niṣkrānto varuṇālayāt || 45 ||
[Analyze grammar]

āgatastu pathā yena tenaiva vinivṛtya saḥ |
laṅkāmabhimukho rakṣo nabhastalagato yayau || 46 ||
[Analyze grammar]