Chapter 21

evaṃ saṃcintya viprendro jagāma laghuvikramaḥ |
ākhyātuṃ tad yathāvṛttaṃ yamasya sadanaṃ prati || 1 ||
[Analyze grammar]

apaśyat sa yamaṃ tatra devamagnipuraskṛtam |
vidhānamupatiṣṭhantaṃ prāṇino yasya yādṛśam || 2 ||
[Analyze grammar]

sa tu dṛṣṭvā yamaḥ prāptaṃ maharṣiṃ tatra nāradam |
abravīt sukhamāsīnamarghyamāvedya dharmataḥ || 3 ||
[Analyze grammar]

kaccit kṣemaṃ nu devarṣe kacciddharmo na naśyati |
kimāgamanakṛtyaṃ te devagandharvasevita || 4 ||
[Analyze grammar]

abravīttu tadā vākyaṃ nārado bhagavānṛṣiḥ |
śrūyatāmabhidhāsyāmi vidhānaṃ ca vidhīyatām || 5 ||
[Analyze grammar]

eṣa nāmnā daśagrīvaḥ pitṛrāja niśācaraḥ |
upayāti vaśaṃ netuṃ vikramaistvāṃ sudurjayam || 6 ||
[Analyze grammar]

etena kāraṇenāhaṃ tvarito'smyāgataḥ prabho |
daṇḍapraharaṇasyādya tava kiṃ nu kariṣyati || 7 ||
[Analyze grammar]

etasminnantare dūrādaṃśumantamivoditam |
dadṛśe divyamāyāntaṃ vimānaṃ tasya rakṣasaḥ || 8 ||
[Analyze grammar]

taṃ deśaṃ prabhayā tasya puṣpakasya mahābalaḥ |
kṛtvā vitimiraṃ sarvaṃ samīpaṃ samavartata || 9 ||
[Analyze grammar]

sa tvapaśyanmahābāhurdaśagrīvastatastataḥ |
prāṇinaḥ sukṛtaṃ karma bhuñjānāṃścaiva duṣkṛtam || 10 ||
[Analyze grammar]

tatastān vadhyamānāṃstu karmabhirduṣkṛtaiḥ svakaiḥ |
rāvaṇo mocayāmāsa vikrameṇa balādbalī || 11 ||
[Analyze grammar]

preteṣu mucyamāneṣu rākṣasena balīyasā |
pretagopāḥ susaṃrabdhā rākṣasendramabhidravan || 12 ||
[Analyze grammar]

te prāsaiḥ parighaiḥ śūlairmudgaraiḥ śaktitomaraiḥ |
puṣpakaṃ samavarṣanta śūrāḥ śatasahasraśaḥ || 13 ||
[Analyze grammar]

tasyāsanāni prāsādān vedikāstaraṇāni ca |
puṣpakasya babhañjuste śīghraṃ madhukarā iva || 14 ||
[Analyze grammar]

devaniṣṭhānabhūtaṃ tadvimānaṃ puṣpakaṃ mṛdhe |
bhajyamānaṃ tathaivāsīdakṣayaṃ brahmatejasā || 15 ||
[Analyze grammar]

tataste rāvaṇāmātyā yathākāmaṃ yathābalam |
ayudhyanta mahāvīryāḥ sa ca rājā daśānanaḥ || 16 ||
[Analyze grammar]

te tu śoṇitadigdhāṅgāḥ sarvaśastrasamāhatāḥ |
amātyā rākṣasendrasya cakrurāyodhanaṃ mahat || 17 ||
[Analyze grammar]

anyonyaṃ ca mahābhāgā jaghnuḥ praharaṇairyudhi |
yamasya ca mahat sainyaṃ rākṣasasya ca mantriṇaḥ || 18 ||
[Analyze grammar]

amātyāṃstāṃstu saṃtyajya rākṣasasya mahaujasaḥ |
tameva samadhāvanta śūlavarṣairdaśānanam || 19 ||
[Analyze grammar]

tataḥ śoṇitadigdhāṅgaḥ prahārairjarjarīkṛtaḥ |
vimāne rākṣasaśreṣṭhaḥ phullāśoka ivābabhau || 20 ||
[Analyze grammar]

sa śūlāni gadāḥ prāsāñ śaktitomarasāyakān |
musalāni śilāvṛkṣānmumocāstrabalādbalī || 21 ||
[Analyze grammar]

tāṃstu sarvān samākṣipya tadastramapahatya ca |
jaghnuste rākṣasaṃ ghoramekaṃ śatasahasrakaḥ || 22 ||
[Analyze grammar]

parivārya ca taṃ sarve śailaṃ meghotkarā iva |
bhindipālaiśca śūlaiśca nirucchvāsamakārayan || 23 ||
[Analyze grammar]

vimuktakavacaḥ kruddho siktaḥ śoṇitavisravaiḥ |
sa puṣpakaṃ parityajya pṛthivyāmavatiṣṭhata || 24 ||
[Analyze grammar]

tataḥ sa kārmukī bāṇī pṛthivyāṃ rākṣasādhipaḥ |
labdhasaṃjño muhūrtena kruddhastasthau yathāntakaḥ || 25 ||
[Analyze grammar]

tataḥ pāśupataṃ divyamastraṃ saṃdhāya kārmuke |
tiṣṭha tiṣṭheti tānuktvā taccāpaṃ vyapakarṣata || 26 ||
[Analyze grammar]

jvālāmālī sa tu śaraḥ kravyādānugato raṇe |
mukto gulmāndrumāṃścaiva bhasmakṛtvā pradhāvati || 27 ||
[Analyze grammar]

te tasya tejasā dagdhāḥ sainyā vaivasvatasya tu |
raṇe tasminnipatitā dāvadagdhā nagā iva || 28 ||
[Analyze grammar]

tataḥ sa sacivaiḥ sārdhaṃ rākṣaso bhīmavikramaḥ |
nanāda sumahānādaṃ kampayanniva medinīm || 29 ||
[Analyze grammar]