Chapter 12

rākṣasendro'bhiṣiktastu bhrātṛbhyāṃ sahitastadā |
tataḥ pradānaṃ rākṣasyā bhaginyāḥ samacintayat || 1 ||
[Analyze grammar]

dadau tāṃ kālakeyāya dānavendrāya rākṣasīm |
svasāṃ śūrpaṇakhāṃ nāma vidyujjihvāya nāmataḥ || 2 ||
[Analyze grammar]

atha dattvā svasāraṃ sa mṛgayāṃ paryaṭannṛpaḥ |
tatrāpaśyattato rāma mayaṃ nāma diteḥ sutam || 3 ||
[Analyze grammar]

kanyāsahāyaṃ taṃ dṛṣṭvā daśagrīvo niśācaraḥ |
apṛcchat ko bhavaneko nirmanuṣya mṛge vane || 4 ||
[Analyze grammar]

mayastvathābravīd rāma pṛcchantaṃ taṃ niśācaram |
śrūyatāṃ sarvamākhyāsye yathāvṛttamidaṃ mama || 5 ||
[Analyze grammar]

hemā nāmāpsarāstāta śrutapūrvā yadi tvayā |
daivatairmama sā dattā paulomīva śatakratoḥ || 6 ||
[Analyze grammar]

tasyāṃ saktamanāstāta pañcavarṣaśatānyaham |
sā ca daivata kāryeṇa gatā varṣaṃ caturdaśam || 7 ||
[Analyze grammar]

tasyāḥ kṛte ca hemāyāḥ sarvaṃ hemapuraṃ mayā |
vajravaidūryacitraṃ ca māyayā nirmitaṃ tadā || 8 ||
[Analyze grammar]

tatrāhamaratiṃ vindaṃstayā hīnaḥ suduḥkhitaḥ |
tasmāt purādduhitaraṃ gṛhītvā vanamāgataḥ || 9 ||
[Analyze grammar]

iyaṃ mamātmajā rājaṃstasyāḥ kukṣau vivardhitā |
bhartāramanayā sārdhamasyāḥ prāpto'smi mārgitum || 10 ||
[Analyze grammar]

kanyāpitṛtvaṃ duḥkhaṃ hi narāṇāṃ mānakāṅkṣiṇām |
kanyā hi dve kule nityaṃ saṃśaye sthāpya tiṣṭhati || 11 ||
[Analyze grammar]

dvau sutau tu mama tvasyāṃ bhāryāyāṃ saṃbabhūvatuḥ |
māyāvī prathamastāta dundubhistadanantaram || 12 ||
[Analyze grammar]

etatte sarvamākhyātaṃ yāthātathyena pṛcchataḥ |
tvāmidānīṃ kathaṃ tāta jānīyāṃ ko bhavāniti || 13 ||
[Analyze grammar]

evamukto rākṣasendro vinītamidamabravīt |
ahaṃ paulastya tanayo daśagrīvaśca nāmataḥ || 14 ||
[Analyze grammar]

brahmarṣestaṃ sutaṃ jñātvā mayo harṣamupāgataḥ |
dātuṃ duhitaraṃ tasya rocayāmāsa tatra vai || 15 ||
[Analyze grammar]

prahasanprāha daityendro rākṣasendramidaṃ vacaḥ |
iyaṃ mamātmajā rājan hemayāpsarasā dhṛtā |
kanyā mandodarī nāma patnyarthaṃ pratigṛhyatām || 16 ||
[Analyze grammar]

bāḍhamityeva taṃ rāma daśagrīvo'bhyabhāṣata |
prajvālya tatra caivāgnimakarot pāṇisaṃgraham || 17 ||
[Analyze grammar]

na hi tasya mayo rāma śāpābhijñastapodhanāt |
viditvā tena sā dattā tasya paitāmahaṃ kulam || 18 ||
[Analyze grammar]

amoghāṃ tasya śaktiṃ ca pradadau paramādbhutām |
pareṇa tapasā labdhāṃ jaghnivāṃl lakṣmaṇaṃ yayā || 19 ||
[Analyze grammar]

evaṃ sa kṛtadāro vai laṅkāyāmīśvaraḥ prabhuḥ |
gatvā tu nagaraṃ bhārye bhrātṛbhyāṃ samudāvahat || 20 ||
[Analyze grammar]

vairocanasya dauhitrīṃ vajrajvāleti nāmataḥ |
tāṃ bhāryāṃ kumbhakarṇasya rāvaṇaḥ samudāvahat || 21 ||
[Analyze grammar]

gandharvarājasya sutāṃ śailūṣasya mahātmana |
saramā nāma dharmajño lebhe bhāryāṃ vibhīṣaṇaḥ || 22 ||
[Analyze grammar]

tīre tu sarasaḥ sā vai saṃjajñe mānasasya ca |
mānasaṃ ca sarastāta vavṛdhe jaladāgame || 23 ||
[Analyze grammar]

mātrā tu tasyāḥ kanyāyāḥ snehanākranditaṃ vacaḥ |
saro mā vardhatetyuktaṃ tataḥ sā saramābhavat || 24 ||
[Analyze grammar]

evaṃ te kṛtadārā vai remire tatra rākṣasāḥ |
svāṃ svāṃ bhāryāmupādāya gandharvā iva nandane || 25 ||
[Analyze grammar]

tato mandodarī putraṃ meghanādamasūyata |
sa eṣa indrajinnāma yuṣmābhirabhidhīyate || 26 ||
[Analyze grammar]

jātamātreṇa hi purā tena rākṣasasūnunā |
rudatā sumahānmukto nādo jaladharopamaḥ || 27 ||
[Analyze grammar]

jaḍīkṛtāyāṃ laṅkāyāṃ tena nādena tasya vai |
pitā tasyākaronnāma meghanāda iti svayam || 28 ||
[Analyze grammar]

so'vardhata tadā rāma rāvaṇāntaḥpure śubhe |
rakṣyamāṇo varastrībhiśchannaḥ kāṣṭhairivānalaḥ || 29 ||
[Analyze grammar]