Chapter 9

kasya cittvatha kālasya sumālī nāma rākṣasaḥ |
rasātalānmartyalokaṃ sarvaṃ vai vicacāra ha || 1 ||
[Analyze grammar]

nīlajīmūtasaṃkāśastaptakāñcanakuṇḍalaḥ |
kanyāṃ duhitaraṃ gṛhya vinā padmamiva śriyam |
athāpaśyat sa gacchantaṃ puṣpakeṇa dhaneśvaram || 2 ||
[Analyze grammar]

taṃ dṛṣṭvāmarasaṃkāśaṃ gacchantaṃ pāvakopamam |
athābbravīt sutāṃ rakṣaḥ kaikasīṃ nāma nāmataḥ || 3 ||
[Analyze grammar]

putri pradānakālo'yaṃ yauvanaṃ te'tivartate |
tvatkṛte ca vayaṃ sarve yantritā dharmabuddhayaḥ || 4 ||
[Analyze grammar]

tvaṃ hi sarvaguṇopetā śrīḥ sapadmeva putrike |
pratyākhyānācca bhītaistvaṃ na varaiḥ pratigṛhyase || 5 ||
[Analyze grammar]

kanyāpitṛtvaṃ duḥkhaṃ hi sarveṣāṃ mānakāṅkṣiṇām |
na jñāyate ca kaḥ kanyāṃ varayediti putrike || 6 ||
[Analyze grammar]

mātuḥ kulaṃ pitṛkulaṃ yatra caiva pradīyate |
kulatrayaṃ sadā kanyā saṃśaye sthāpya tiṣṭhati || 7 ||
[Analyze grammar]

sā tvaṃ munivaraśreṣṭhaṃ prajāpatikulodbhavam |
gaccha viśravasaṃ putri paulastyaṃ varaya svayam || 8 ||
[Analyze grammar]

īdṛśāste bhaviṣyanti putrāḥ putri na saṃśayaḥ |
tejasā bhāskarasamā yādṛśo'yaṃ dhaneśvaraḥ || 9 ||
[Analyze grammar]

etasminnantare rāma pulastyatanayo dvijaḥ |
agnihotramupātiṣṭhaccaturtha iva pāvakaḥ || 10 ||
[Analyze grammar]

sā tu tāṃ dāruṇāṃ velāmacintya pitṛgauravāt |
upasṛtyāgratastasya caraṇādhomukhī sthitā || 11 ||
[Analyze grammar]

sa tu tāṃ vīkṣya suśroṇīṃ pūrṇacandranibhānanām |
abravīt paramodāro dīpyamāna ivaujasā || 12 ||
[Analyze grammar]

bhadre kasyāsi duhitā kuto vā tvamihāgatā |
kiṃ kāryaṃ kasya vā hetostattvato brūhi śobhane || 13 ||
[Analyze grammar]

evamuktā tu sā kanyā kṛtāñjalirathābravīt |
ātmaprabhāvena mune jñātumarhasi me matam || 14 ||
[Analyze grammar]

kiṃ tu viddhi hi māṃ brahmañ śāsanāt piturāgatām |
kaikasī nāma nāmnāhaṃ śeṣaṃ tvaṃ jñātumarhasi || 15 ||
[Analyze grammar]

sa tu gatvā munirdhyānaṃ vākyametaduvāca ha |
vijñātaṃ te mayā bhadre kāraṇaṃ yanmanogatam || 16 ||
[Analyze grammar]

dāruṇāyāṃ tu velāyāṃ yasmāttvaṃ māmupasthitā |
śṛṇu tasmāt sutānbhadre yādṛśāñjanayiṣyasi || 17 ||
[Analyze grammar]

dāruṇāndāruṇākārāndāruṇābhijanapriyān |
prasaviṣyasi suśroṇi rākṣasān krūrakarmaṇaḥ || 18 ||
[Analyze grammar]

sā tu tadvacanaṃ śrutvā praṇipatyābravīdvacaḥ |
bhagavannedṛśāḥ putrāstvatto'rhā brahmayonitaḥ || 19 ||
[Analyze grammar]

athābravīnmunistatra paścimo yastavātmajaḥ |
mama vaṃśānurūpaśca dharmātmā ca bhaviṣyati || 20 ||
[Analyze grammar]

evamuktā tu sā kanyā rāma kālena kena cit |
janayāmāsa bībhatsaṃ rakṣorūpaṃ sudāruṇam || 21 ||
[Analyze grammar]

daśaśīrṣaṃ mahādaṃṣṭraṃ nīlāñjanacayopamam |
tāmrauṣṭhaṃ viṃśatibhujaṃ mahāsyaṃ dīptamūrdhajam || 22 ||
[Analyze grammar]

jātamātre tatastasmin sajvālakavalāḥ śivāḥ |
kravyādāścāpasavyāni maṇḍalāni pracakrire || 23 ||
[Analyze grammar]

vavarṣa rudhiraṃ devo meghāśca kharanisvanāḥ |
prababhau na ca khe sūryo maholkāścāpatanbhuvi || 24 ||
[Analyze grammar]

atha nāmākarottasya pitāmahasamaḥ pitā |
daśaśīrṣaḥ prasūto'yaṃ daśagrīvo bhaviṣyati || 25 ||
[Analyze grammar]

tasya tvanantaraṃ jātaḥ kumbhakarṇo mahābalaḥ |
pramāṇād yasya vipulaṃ pramāṇaṃ neha vidyate || 26 ||
[Analyze grammar]

tataḥ śūrpaṇakhā nāma saṃjajñe vikṛtānanā |
vibhīṣaṇaśca dharmātmā kaikasyāḥ paścimaḥ sutaḥ || 27 ||
[Analyze grammar]

te tu tatra mahāraṇye vavṛdhuḥ sumahaujasaḥ |
teṣāṃ krūro daśagrīvo lokodvegakaro'bhavat || 28 ||
[Analyze grammar]

kumbhakarṇaḥ pramattastu maharṣīndharmasaṃśritān |
trailokyaṃ trāsayanduṣṭo bhakṣayan vicacāra ha || 29 ||
[Analyze grammar]

vibhīṣaṇastu dharmātmā nityaṃ dharmapathe sthitaḥ |
svādhyāyaniyatāhāra uvāsa niyatendriyaḥ || 30 ||
[Analyze grammar]

atha vitteśvaro devastatra kālena kena cit |
āgacchat pitaraṃ draṣṭuṃ puṣpakeṇa mahaujasaṃ || 31 ||
[Analyze grammar]

taṃ dṛṣṭvā kaikasī tatra jvalantamiva tejasā |
āsthāya rākṣasīṃ buddhiṃ daśagrīvamuvāca ha || 32 ||
[Analyze grammar]

putravaiśravaṇaṃ paśya bhrātaraṃ tejasā vṛtam |
bhrātṛbhāve same cāpi paśyātmānaṃ tvamīdṛśam || 33 ||
[Analyze grammar]

daśagrīva tathā yatnaṃ kuruṣvāmitavikrama |
yathā bhavasi me putra śīghraṃ vaiśvaraṇopamaḥ || 34 ||
[Analyze grammar]

mātustadvacanaṃ śrutvā daśagrīvaḥ pratāpavān |
amarṣamatulaṃ lebhe pratijñāṃ cākarottadā || 35 ||
[Analyze grammar]

satyaṃ te pratijānāmi tulyo bhrātrādhiko'pi vā |
bhaviṣyāmyacirānmātaḥ saṃtāpaṃ tyaja hṛdgatam || 36 ||
[Analyze grammar]

tataḥ krodhena tenaiva daśagrīvaḥ sahānujaḥ |
prāpsyāmi tapasā kāmamiti kṛtvādhyavasya ca |
āgacchadātmasiddhyarthaṃ gokarṇasyāśramaṃ śubham || 37 ||
[Analyze grammar]