Chapter 6

tairvadhyamānā devāśca ṛṣayaśca tapodhanāḥ |
bhayārtāḥ śaraṇaṃ jagmurdevadevaṃ maheśvaram || 1 ||
[Analyze grammar]

te sametya tu kāmāriṃ tripurāriṃ trilocanam |
ūcuḥ prāñjalayo devā bhayagadgadabhāṣiṇaḥ || 2 ||
[Analyze grammar]

sukeśaputrairbhagavanpitāmahavaroddhataiḥ |
prajādhyakṣa prajāḥ sarvā bādhyante ripubādhana || 3 ||
[Analyze grammar]

śaraṇyānyaśaraṇyāni āśramāṇi kṛtāni naḥ |
svargācca cyāvitaḥ śakraḥ svarge krīḍanti śakravat || 4 ||
[Analyze grammar]

ahaṃ viṣṇurahaṃ rudro brahmāhaṃ devarāḍaham |
ahaṃ yamo'haṃ varuṇaścandro'haṃ ravirapyaham || 5 ||
[Analyze grammar]

iti te rākṣasā deva varadānena darpitāḥ |
bādhante samaroddharṣā ye ca teṣāṃ puraḥsarāḥ || 6 ||
[Analyze grammar]

tanno devabhayārtānāmabhayaṃ dātumarhasi |
aśivaṃ vapurāsthāya jahi daivatakaṇṭakān || 7 ||
[Analyze grammar]

ityuktastu suraiḥ sarvaiḥ kapardī nīlalohitaḥ |
sukeśaṃ prati sāpekṣa āha devagaṇānprabhuḥ || 8 ||
[Analyze grammar]

nāhaṃ tānnihaniṣyāmi avadhyā mama te'surāḥ |
kiṃ tu mantraṃ pradāsyāmi yo vai tānnihaniṣyati || 9 ||
[Analyze grammar]

evameva samudyogaṃ puraskṛtya surarṣabhāḥ |
gacchantu śaraṇaṃ viṣṇuṃ haniṣyati sa tānprabhuḥ || 10 ||
[Analyze grammar]

tataste jayaśabdena pratinandya maheśvaram |
viṣṇoḥ samīpamājagmurniśācarabhayārditāḥ || 11 ||
[Analyze grammar]

śaṅkhacakradharaṃ devaṃ praṇamya bahumānya ca |
ūcuḥ saṃbhrāntavadvākyaṃ sukeśatanayārditāḥ || 12 ||
[Analyze grammar]

sukeśatanayairdevatribhistretāgnisaṃnibhaiḥ |
ākramya varadānena sthānānyapahṛtāni naḥ || 13 ||
[Analyze grammar]

laṅkā nāma purī durgā trikūṭaśikhare sthitā |
tatra sthitāḥ prabādhante sarvānnaḥ kṣaṇadācarāḥ || 14 ||
[Analyze grammar]

sa tvamasmatpriyārthaṃ tu jahi tānmadhusūdana |
cakrakṛttāsyakamalānnivedaya yamāya vai || 15 ||
[Analyze grammar]

bhayeṣvabhayado'smākaṃ nānyo'sti bhavatā samaḥ |
nuda tvaṃ no bhayaṃ deva nīhāramiva bhāskaraḥ || 16 ||
[Analyze grammar]

ityevaṃ daivatairukto devadevo janārdanaḥ |
abhayaṃ bhayado'rīṇāṃ dattvā devānuvāca ha || 17 ||
[Analyze grammar]

sukeśaṃ rākṣasaṃ jāne īśāna varadarpitam |
tāṃścāsya tanayāñjāne yeṣāṃ jyeṣṭhaḥ sa mālyavān || 18 ||
[Analyze grammar]

tānahaṃ samatikrāntamaryādān rākṣasādhamān |
sūdayiṣyāmi saṃgrāme surā bhavata vijvarāḥ || 19 ||
[Analyze grammar]

ityuktāste surāḥ sarve viṣṇunā prabhaviṣṇunā |
yathā vāsaṃ yayurhṛṣṭāḥ praśamanto janārdanam || 20 ||
[Analyze grammar]

vibudhānāṃ samudyogaṃ mālyavān sa niśācaraḥ |
śrutvā tau bhrātarau vīrāvidaṃ vacanamabravīt || 21 ||
[Analyze grammar]

amarā ṛṣayaścaiva saṃhatya kila śaṃkaram |
asmadvadhaṃ parīpsanta idamūcustrilocanam || 22 ||
[Analyze grammar]

sukeśatanayā deva varadānabaloddhatāḥ |
bādhante'smān samudyuktā ghorarūpāḥ pade pade || 23 ||
[Analyze grammar]

rākṣasairabhibhūtāḥ sma na śaktāḥ sma umāpate |
sveṣu veśmasu saṃsthātuṃ bhayātteṣāṃ durātmanām || 24 ||
[Analyze grammar]

tadasmākaṃ hitārthe tvaṃ jahi tāṃstāṃstrilocana |
rākṣasān huṃkṛtenaiva daha pradahatāṃ vara || 25 ||
[Analyze grammar]

ityevaṃ tridaśairukto niśamyāndhakasūdanaḥ |
śiraḥ karaṃ ca dhunvāna idaṃ vacanamabravīt || 26 ||
[Analyze grammar]

avadhyā mama te devāḥ sukeśatanayā raṇe |
mantraṃ tu vaḥ pradāsyāmi yo vai tānnihaniṣyati || 27 ||
[Analyze grammar]

yaḥ sa cakragadāpāṇiḥ pītavāsā janārdanaḥ |
haniṣyati sa tānyuddhe śaraṇaṃ taṃ prapadyatha || 28 ||
[Analyze grammar]

harānnāvāpya te kāmaṃ kāmārimabhivādya ca |
nārāyaṇālayaṃ prāptāstasmai sarvaṃ nyavedayan || 29 ||
[Analyze grammar]

tato nārāyaṇenoktā devā indrapurogamāḥ |
surārīn sūdayiṣyāmi surā bhavata vijvarāḥ || 30 ||
[Analyze grammar]

devānāṃ bhayabhītānāṃ hariṇā rākṣasarṣabhau |
pratijñāto vadho'smākaṃ taccintayatha yat kṣamam || 31 ||
[Analyze grammar]

hiraṇyakaśipormṛtyuranyeṣāṃ ca suradviṣām |
duḥkhaṃ nārāyaṇaṃ jetuṃ yo no hantumabhīpsati || 32 ||
[Analyze grammar]

tataḥ sumālī mālī ca śrutvā mālyavato vacaḥ |
ūcaturbhrātaraṃ jyeṣṭhaṃ bhagāṃśāviva vāsavam || 33 ||
[Analyze grammar]

svadhītaṃ dattamiṣṭaṃ ca aiśvaryaṃ paripālitam |
āyurnirāmayaṃ prāptaṃ svadharmaḥ sthāpitaśca naḥ || 34 ||
[Analyze grammar]

devasāgaramakṣobhyaṃ śastraughaiḥ pravigāhya ca |
jitā devā raṇe nityaṃ na no mṛtyukṛtaṃ bhayam || 35 ||
[Analyze grammar]

nārāyaṇaśca rudraśca śakraścāpi yamastathā |
asmākaṃ pramukhe sthātuṃ sarva eva hi bibhyati || 36 ||
[Analyze grammar]

viṣṇordoṣaśca nāstyatra kāraṇaṃ rākṣaseśvara |
devānāmeva doṣeṇa viṣṇoḥ pracalitaṃ manaḥ || 37 ||
[Analyze grammar]

tasmādadya samudyuktāḥ sarvasainyasamāvṛtāḥ |
devāneva jighāṃsāmo yebhyo doṣaḥ samutthitaḥ || 38 ||
[Analyze grammar]

iti mālī sumālī ca mālyavānagrajaḥ prabhuḥ |
udyogaṃ ghoṣayitvātha rākṣasāḥ sarva eva te |
yuddhāya niryayuḥ kruddhā jambhavṛtrabalā iva || 39 ||
[Analyze grammar]

syandanairvāraṇendraiśca hayaiśca girisaṃnibhaiḥ |
kharairgobhirathoṣṭraiśca śiṃśumārairbhujaṃ gamaiḥ || 40 ||
[Analyze grammar]

makaraiḥ kacchapairmīnairvihaṃgairgaruḍopamaiḥ |
siṃhairvyāghrairvarāhaiśca sṛmaraiścamarairapi || 41 ||
[Analyze grammar]

tyaktvā laṅkāṃ tataḥ sarve rākṣasā balagarvitāḥ |
prayātā devalokāya yoddhuṃ daivataśatravaḥ || 42 ||
[Analyze grammar]

laṅkāviparyayaṃ dṛṣṭvā yāni laṅkālayānyatha |
bhūtāni bhayadarśīni vimanaskāni sarvaśaḥ || 43 ||
[Analyze grammar]

bhaumāstathāntarikṣāśca kālājñaptā bhayāvahāḥ |
utpātā rākṣasendrāṇāmabhāvāyotthitā drutam || 44 ||
[Analyze grammar]

asthīni meghā varṣanti uṣṇaṃ śoṇitameva ca |
velāṃ samudro'pyutkrāntaścalante cācalottamāḥ || 45 ||
[Analyze grammar]

aṭṭahāsān vimuñcanto ghananādasamasvanān |
bhūtāḥ paripatanti sma nṛtyamānāḥ sahasraśaḥ || 46 ||
[Analyze grammar]

gṛdhracakraṃ mahaccāpi jvalanodgāribhirmukhaiḥ |
rākṣasānāmupari vai bhramate kālacakravat || 47 ||
[Analyze grammar]

tānacintyamahotpātān rākṣasā balagarvitāḥ |
yantyeva na nivartante mṛtyupāśāvapāśitāḥ || 48 ||
[Analyze grammar]

mālyavāṃśca sumālī ca mālī ca rajanīcarāḥ |
āsanpuraḥsarāsteṣāṃ kratūnāmiva pāvakāḥ || 49 ||
[Analyze grammar]

mālyavantaṃ tu te sarve mālyavantamivācalam |
niśācarā āśrayante dhātāramiva dehinaḥ || 50 ||
[Analyze grammar]

tadbalaṃ rākṣasendrāṇāṃ mahābhraghananāditam |
jayepsayā devalokaṃ yayau mālī vaśe sthitam || 51 ||
[Analyze grammar]

rākṣasānāṃ samudyogaṃ taṃ tu nārāyaṇaḥ prabhuḥ |
devadūtādupaśrutya dadhre yuddhe tato manaḥ || 52 ||
[Analyze grammar]

sa devasiddharṣimahoragaiśca gandharvamukhyāpsarasopagītaḥ |
samāsasādāmaraśatrusainyaṃ cakrāsisīrapravarādidhārī || 53 ||
[Analyze grammar]

suparṇapakṣānilanunnapakṣaṃ bhramatpatākaṃ pravikīrṇaśastram |
cacāla tad rākṣasarājasainyaṃ calopalo nīla ivācalendraḥ || 54 ||
[Analyze grammar]

tatha śitaiḥ śoṇitamāṃsarūṣitairyugāntavaiśvānaratulyavigrahaiḥ |
niśācarāḥ saṃparivārya mādhavaṃ varāyudhairnirbibhiduḥ sahasraśaḥ || 55 ||
[Analyze grammar]