Chapter 116

śirasyañjalimādāya kaikeyīnandivardhanaḥ |
babhāṣe bharato jyeṣṭhaṃ rāmaṃ satyaparākramam || 1 ||
[Analyze grammar]

pūjitā māmikā mātā dattaṃ rājyamidaṃ mama |
taddadāmi punastubhyaṃ yathā tvamadadā mama || 2 ||
[Analyze grammar]

dhuramekākinā nyastāmṛṣabheṇa balīyasā |
kiśoravadguruṃ bhāraṃ na voḍhumahamutsahe || 3 ||
[Analyze grammar]

vārivegena mahatā bhinnaḥ seturiva kṣaran |
durbandhanamidaṃ manye rājyacchidramasaṃvṛtam || 4 ||
[Analyze grammar]

gatiṃ khara ivāśvasya haṃsasyeva ca vāyasaḥ |
nānvetumutsahe deva tava mārgamariṃdama || 5 ||
[Analyze grammar]

yathā ca ropito vṛkṣo jātaścāntarniveśane |
mahāṃśca sudurāroho mahāskandhaḥ praśākhavān || 6 ||
[Analyze grammar]

śīryeta puṣpito bhūtvā na phalāni pradarśayet |
tasya nānubhavedarthaṃ yasya hetoḥ sa ropyate || 7 ||
[Analyze grammar]

eṣopamā mahābāho tvamarthaṃ vettumarhasi |
yadyasmānmanujendra tvaṃ bhaktānbhṛtyānna śādhi hi || 8 ||
[Analyze grammar]

jagadadyābhiṣiktaṃ tvāmanupaśyatu sarvataḥ |
pratapantamivādityaṃ madhyāhne dīptatejasaṃ || 9 ||
[Analyze grammar]

tūryasaṃghātanirghoṣaiḥ kāñcīnūpuranisvanaiḥ |
madhurairgītaśabdaiśca pratibudhyasva śeṣva ca || 10 ||
[Analyze grammar]

yāvadāvartate cakraṃ yāvatī ca vasuṃdharā |
tāvattvamiha sarvasya svāmitvamabhivartaya || 11 ||
[Analyze grammar]

bharatasya vacaḥ śrutvā rāmaḥ parapuraṃjayaḥ |
tatheti pratijagrāha niṣasādāsane śubhe || 12 ||
[Analyze grammar]

tataḥ śatrughnavacanānnipuṇāḥ śmaśruvardhakāḥ |
sukhahastāḥ suśīghrāśca rāghavaṃ paryupāsata || 13 ||
[Analyze grammar]

pūrvaṃ tu bharate snāte lakṣmaṇe ca mahābale |
sugrīve vānarendre ca rākṣasendre vibhīṣaṇe || 14 ||
[Analyze grammar]

viśodhitajaṭaḥ snātaścitramālyānulepanaḥ |
mahārhavasanopetastasthau tatra śriyā jvalan || 15 ||
[Analyze grammar]

pratikarma ca rāmasya kārayāmāsa vīryavān |
lakṣmaṇasya ca lakṣmīvānikṣvākukulavardhanaḥ || 16 ||
[Analyze grammar]

pratikarma ca sītāyāḥ sarvā daśarathastriyaḥ |
ātmanaiva tadā cakrurmanasvinyo manoharam || 17 ||
[Analyze grammar]

tato rāghavapatnīnāṃ sarvāsāmeva śobhanam |
cakāra yatnāt kausalyā prahṛṣṭā putravatsalā || 18 ||
[Analyze grammar]

tataḥ śatrughnavacanāt sumantro nāma sārathiḥ |
yojayitvābhicakrāma rathaṃ sarvāṅgaśobhanam || 19 ||
[Analyze grammar]

arkamaṇḍalasaṃkāśaṃ divyaṃ dṛṣṭvā rathaṃ sthitam |
āruroha mahābāhū rāmaḥ satyaparākramaḥ || 20 ||
[Analyze grammar]

ayodhyāyāṃ tu sacivā rājño daśarathasya ye |
purohitaṃ puraskṛtya mantrayāmāsurarthavat || 21 ||
[Analyze grammar]

mantrayan rāmavṛddhyarthaṃ vṛttyarthaṃ nagarasya ca |
sarvamevābhiṣekārthaṃ jayārhasya mahātmanaḥ |
kartumarhatha rāmasya yad yanmaṅgalapūrvakam || 22 ||
[Analyze grammar]

iti te mantriṇaḥ sarve saṃdiśya tu purohitam |
nagarānniryayustūrṇaṃ rāmadarśanabuddhayaḥ || 23 ||
[Analyze grammar]

hariyuktaṃ sahasrākṣo rathamindra ivānaghaḥ |
prayayau rathamāsthāya rāmo nagaramuttamam || 24 ||
[Analyze grammar]

jagrāha bharato raśmīñ śatrughnaśchatramādade |
lakṣmaṇo vyajanaṃ tasya mūrdhni saṃparyavījayat || 25 ||
[Analyze grammar]

śvetaṃ ca vālavyajanaṃ sugrīvo vānareśvaraḥ |
aparaṃ candrasaṃkāśaṃ rākṣasendro vibhīṣaṇaḥ || 26 ||
[Analyze grammar]

ṛṣisaṃghair tadākāśe devaiśca samarudgaṇaiḥ |
stūyamānasya rāmasya śuśruve madhuradhvaniḥ || 27 ||
[Analyze grammar]

tataḥ śatruṃjayaṃ nāma kuñjaraṃ parvatopamam |
āruroha mahātejāḥ sugrīvo vānareśvaraḥ || 28 ||
[Analyze grammar]

navanāgasahasrāṇi yayurāsthāya vānarāḥ |
mānuṣaṃ vigrahaṃ kṛtvā sarvābharaṇabhūṣitāḥ || 29 ||
[Analyze grammar]

śaṅkhaśabdapraṇādaiśca dundubhīnāṃ ca nisvanaiḥ |
prayayū puruṣavyāghrastāṃ purīṃ harmyamālinīm || 30 ||
[Analyze grammar]

dadṛśuste samāyāntaṃ rāghavaṃ sapuraḥsaram |
virājamānaṃ vapuṣā rathenātirathaṃ tadā || 31 ||
[Analyze grammar]

te vardhayitvā kākutsthaṃ rāmeṇa pratinanditāḥ |
anujagmurmahātmānaṃ bhrātṛbhiḥ parivāritam || 32 ||
[Analyze grammar]

amātyairbrāhmaṇaiścaiva tathā prakṛtibhirvṛtaḥ |
śriyā viruruce rāmo nakṣatrairiva candramāḥ || 33 ||
[Analyze grammar]

sa purogāmibhistūryaistālasvastikapāṇibhiḥ |
pravyāharadbhirmuditairmaṅgalāni yayau vṛtaḥ || 34 ||
[Analyze grammar]

akṣataṃ jātarūpaṃ ca gāvaḥ kanyāstathā dvijāḥ |
narā modakahastāśca rāmasya purato yayuḥ || 35 ||
[Analyze grammar]

sakhyaṃ ca rāmaḥ sugrīve prabhāvaṃ cānilātmaje |
vānarāṇāṃ ca tat karma vyācacakṣe'tha mantriṇām |
śrutvā ca vismayaṃ jagmurayodhyāpuravāsinaḥ || 36 ||
[Analyze grammar]

dyutimānetadākhyāya rāmo vānarasaṃvṛtaḥ |
hṛṣṭapuṣṭajanākīrṇāmayodhyāṃ praviveśa ha || 37 ||
[Analyze grammar]

tato hyabhyucchrayanpaurāḥ patākāste gṛhe gṛhe |
aikṣvākādhyuṣitaṃ ramyamāsasāda piturgṛham || 38 ||
[Analyze grammar]

piturbhavanamāsādya praviśya ca mahātmanaḥ |
kausalyāṃ ca sumitrāṃ ca kaikeyīṃ cābhyavādayat || 39 ||
[Analyze grammar]

athābravīd rājaputro bharataṃ dharmiṇāṃ varam |
athopahitayā vācā madhuraṃ raghunandanaḥ || 40 ||
[Analyze grammar]

yacca madbhavanaṃ śreṣṭhaṃ sāśokavanikaṃ mahat |
muktāvaidūryasaṃkīrṇaṃ sugrīvasya nivedaya || 41 ||
[Analyze grammar]

tasya tadvacanaṃ śrutvā bharataḥ satyavikramaḥ |
pāṇau gṛhītvā sugrīvaṃ praviveśa tamālayam || 42 ||
[Analyze grammar]

tatastailapradīpāṃśca paryaṅkāstaraṇāni ca |
gṛhītvā viviśuḥ kṣipraṃ śatrughnena pracoditāḥ || 43 ||
[Analyze grammar]

uvāca ca mahātejāḥ sugrīvaṃ rāghavānujaḥ |
abhiṣekāya rāmasya dūtānājñāpaya prabho || 44 ||
[Analyze grammar]

sauvarṇān vānarendrāṇāṃ caturṇāṃ caturo ghaṭān |
dadau kṣipraṃ sa sugrīvaḥ sarvaratnavibhūṣitān || 45 ||
[Analyze grammar]

yathā pratyūṣasamaye caturṇāṃ sāgarāmbhasām |
pūrṇairghaṭaiḥ pratīkṣadhvaṃ tathā kuruta vānarāḥ || 46 ||
[Analyze grammar]

evamuktā mahātmāno vānarā vāraṇopamāḥ |
utpeturgaganaṃ śīghraṃ garuḍā iva śīghragāḥ || 47 ||
[Analyze grammar]

jāmbavāṃśca hanūmāṃśca vegadarśī ca vānaraḥ |
ṛṣabhaścaiva kalaśāñjalapūrṇānathānayan |
nadīśatānāṃ pañcānāṃ jale kumbhairupāharan || 48 ||
[Analyze grammar]

pūrvāt samudrāt kalaśaṃ jalapūrṇamathānayat |
suṣeṇaḥ sattvasaṃpannaḥ sarvaratnavibhūṣitam || 49 ||
[Analyze grammar]

ṛṣabho dakṣiṇāttūrṇaṃ samudrājjalamāharat || 50 ||
[Analyze grammar]

raktacandanakarpūraiḥ saṃvṛtaṃ kāñcanaṃ ghaṭam |
gavayaḥ paścimāttoyamājahāra mahārṇavāt || 51 ||
[Analyze grammar]

ratnakumbhena mahatā śītaṃ mārutavikramaḥ |
uttarācca jalaṃ śīghraṃ garuḍānilavikramaḥ || 52 ||
[Analyze grammar]

abhiṣekāya rāmasya śatrughnaḥ sacivaiḥ saha |
purohitāya śreṣṭhāya suhṛdbhyaśca nyavedayat || 53 ||
[Analyze grammar]

tataḥ sa prayato vṛddho vasiṣṭho brāhmaṇaiḥ saha |
rāmaṃ ratnamayo pīṭhe sahasītaṃ nyaveśayat || 54 ||
[Analyze grammar]

vasiṣṭho vāmadevaśca jābāliratha kāśyapaḥ |
kātyāyanaḥ suyajñaśca gautamo vijayastathā || 55 ||
[Analyze grammar]

abhyaṣiñcannaravyāghraṃ prasannena sugandhinā |
salilena sahasrākṣaṃ vasavo vāsavaṃ yathā || 56 ||
[Analyze grammar]

ṛtvigbhirbrāhmaṇaiḥ pūrvaṃ kanyābhirmantribhistathā |
yodhaiścaivābhyaṣiñcaṃste saṃprahṛṣṭāḥ sanaigamaiḥ || 57 ||
[Analyze grammar]

sarvauṣadhirasaiścāpi daivatairnabhasi sthitaiḥ |
caturhirlokapālaiśca sarvairdevaiśca saṃgataiḥ || 58 ||
[Analyze grammar]

chatraṃ tasya ca jagrāha śatrughnaḥ pāṇḍuraṃ śubham |
śvetaṃ ca vālavyajanaṃ sugrīvo vānareśvaraḥ |
aparaṃ candrasaṃkāśaṃ rākṣasendro vibhīṣaṇaḥ || 59 ||
[Analyze grammar]

mālāṃ jvalantīṃ vapuṣā kāñcanīṃ śatapuṣkarām |
rāghavāya dadau vāyurvāsavena pracoditaḥ || 60 ||
[Analyze grammar]

sarvaratnasamāyuktaṃ maṇiratnavibhūṣitam |
muktāhāraṃ narendrāya dadau śakrapracoditaḥ || 61 ||
[Analyze grammar]

prajagurdevagandharvā nanṛtuścāpsaro gaṇāḥ |
abhiṣeke tadarhasya tadā rāmasya dhīmataḥ || 62 ||
[Analyze grammar]

bhūmiḥ sasyavatī caiva phalavantaśca pādapāḥ |
gandhavanti ca puṣpāṇi babhūvū rāghavotsave || 63 ||
[Analyze grammar]

sahasraśatamaśvānāṃ dhenūnāṃ ca gavāṃ tathā |
dadau śataṃ vṛṣānpūrvaṃ dvijebhyo manujarṣabhaḥ || 64 ||
[Analyze grammar]

triṃśatkoṭīrhiraṇyasya brāhmaṇebhyo dadau punaḥ |
nānābharaṇavastrāṇi mahārhāṇi ca rāghavaḥ || 65 ||
[Analyze grammar]

arkaraśmipratīkāśāṃ kāñcanīṃ maṇivigrahām |
sugrīvāya srajaṃ divyāṃ prāyacchanmanujarṣabhaḥ || 66 ||
[Analyze grammar]

vaidūryamaṇicitre ca vajraratnavibhūṣite |
vāliputrāya dhṛtimānaṅgadāyāṅgade dadau || 67 ||
[Analyze grammar]

maṇipravarajuṣṭaṃ ca muktāhāramanuttamam |
sītāyai pradadau rāmaścandraraśmisamaprabham || 68 ||
[Analyze grammar]

araje vāsasī divye śubhānyābharaṇāni ca |
avekṣamāṇā vaidehī pradadau vāyusūnave || 69 ||
[Analyze grammar]

avamucyātmanaḥ kaṇṭhāddhāraṃ janakanandinī |
avaikṣata harīn sarvānbhartāraṃ ca muhurmuhuḥ || 70 ||
[Analyze grammar]

tāmiṅgitajñaḥ saṃprekṣya babhāṣe janakātmajām |
pradehi subhage hāraṃ yasya tuṣṭāsi bhāmini || 71 ||
[Analyze grammar]

pauruṣaṃ vikramo buddhiryasminnetāni nityadā |
dadau sā vāyuputrāya taṃ hāramasitekṣaṇā || 72 ||
[Analyze grammar]

hanūmāṃstena hāreṇa śuśubhe vānararṣabhaḥ |
candrāṃśucayagaureṇa śvetābhreṇa yathācalaḥ || 73 ||
[Analyze grammar]

tato dvivida maindābhyāṃ nīlāya ca paraṃtapaḥ |
sarvān kāmaguṇān vīkṣya pradadau vasudhādhipaḥ || 74 ||
[Analyze grammar]

sarvavānaravṛddhāśca ye cānye vānareśvarāḥ |
vāsobhirbhūṣaṇaiścaiva yathārhaṃ pratipūjitāḥ || 75 ||
[Analyze grammar]

yathārhaṃ pūjitāḥ sarve kāmai ratnaiśca puṣkalair |
prahṛṣṭamanasaḥ sarve jagmureva yathāgatam || 76 ||
[Analyze grammar]

rāghavaḥ paramodāraḥ śaśāsa parayā mudā |
uvāca lakṣmaṇaṃ rāmo dharmajñaṃ dharmavatsalaḥ || 77 ||
[Analyze grammar]

ātiṣṭha dharmajña mayā sahemāṃ gāṃ pūrvarājādhyuṣitāṃ balena |
tulyaṃ mayā tvaṃ pitṛbhirdhṛtā yā tāṃ yauvarājye dhuramudvahasva || 78 ||
[Analyze grammar]

sarvātmanā paryanunīyamāno yadā na saumitrirupaiti yogam |
niyujyamāno bhuvi yauvarājye tato'bhyaṣiñcadbharataṃ mahātmā || 79 ||
[Analyze grammar]

rāghavaścāpi dharmātmā prāpya rājyamanuttamam |
īje bahuvidhairyajñaiḥ sasuhṛdbhrātṛbāndhavaḥ || 80 ||
[Analyze grammar]

pauṇḍarīkāśvamedhābhyāṃ vājapeyena cāsakṛt |
anyaiśca vividhairyajñairayajat pārthivarṣabhaḥ || 81 ||
[Analyze grammar]

rājyaṃ daśasahasrāṇi prāpya varṣāṇi rāghavaḥ |
śatāśvamedhānājahre sadaśvānbhūridakṣiṇān || 82 ||
[Analyze grammar]

ājānulambibāhuśca mahāskandhaḥ pratāpavān |
lakṣmaṇānucaro rāmaḥ pṛthivīmanvapālayat || 83 ||
[Analyze grammar]

na paryadevan vidhavā na ca vyālakṛtaṃ bhayam |
na vyādhijaṃ bhayaṃ vāpi rāme rājyaṃ praśāsati || 84 ||
[Analyze grammar]

nirdasyurabhaval loko nānarthaḥ kaṃ cidaspṛśat |
na ca sma vṛddhā bālānāṃ pretakāryāṇi kurvate || 85 ||
[Analyze grammar]

sarvaṃ muditamevāsīt sarvo dharmaparo'bhavat |
rāmamevānupaśyanto nābhyahiṃsanparasparam || 86 ||
[Analyze grammar]

āsan varṣasahasrāṇi tathā putrasahasriṇaḥ |
nirāmayā viśokāśca rāme rājyaṃ praśāsati || 87 ||
[Analyze grammar]

nityapuṣpā nityaphalāstaravaḥ skandhavistṛtāḥ |
kālavarṣī ca parjanyaḥ sukhasparśaśca mārutaḥ || 88 ||
[Analyze grammar]

svakarmasu pravartante tuṣṭhāḥ svaireva karmabhiḥ |
āsanprajā dharmaparā rāme śāsati nānṛtāḥ || 89 ||
[Analyze grammar]

sarve lakṣaṇasaṃpannāḥ sarve dharmaparāyaṇāḥ |
daśavarṣasahasrāṇi rāmo rājyamakārayat || 90 ||
[Analyze grammar]