Chapter 98

rāvaṇaṃ nihataṃ śrutvā rāghaveṇa mahātmanā |
antaḥpurādviniṣpetū rākṣasyaḥ śokakarśitāḥ || 1 ||
[Analyze grammar]

vāryamāṇāḥ subahuśo vṛṣṭantyaḥ kṣitipāṃsuṣu |
vimuktakeśyo duḥkhārtā gāvo vatsahatā yathā || 2 ||
[Analyze grammar]

uttareṇa viniṣkramya dvāreṇa saha rākṣasaiḥ |
praviśyāyodhanaṃ ghoraṃ vicinvantyo hataṃ patim || 3 ||
[Analyze grammar]

āryaputreti vādinyo hā nātheti ca sarvaśaḥ |
paripetuḥ kabandhāṅkāṃ mahīṃ śoṇitakardamām || 4 ||
[Analyze grammar]

tā bāṣpaparipūrṇākṣyo bhartṛśokaparājitāḥ |
kareṇva iva nardantyo vinedurhatayūthapāḥ || 5 ||
[Analyze grammar]

dadṛśustā mahākāyaṃ mahāvīryaṃ mahādyutim |
rāvaṇaṃ nihataṃ bhūmau nīlāñjanacayopamam || 6 ||
[Analyze grammar]

tāḥ patiṃ sahasā dṛṣṭvā śayānaṃ raṇapāṃsuṣu |
nipetustasya gātreṣu chinnā vanalatā iva || 7 ||
[Analyze grammar]

bahumānāt pariṣvajya kā cidenaṃ ruroda ha |
caraṇau kā cidāliṅgya kā cit kaṇṭhe'valambya ca || 8 ||
[Analyze grammar]

uddhṛtya ca bhujau kā cidbhūmau sma parivartate |
hatasya vadanaṃ dṛṣṭvā kā cinmohamupāgamat || 9 ||
[Analyze grammar]

kā cidaṅke śiraḥ kṛtvā ruroda mukhamīkṣatī |
snāpayantī mukhaṃ bāṣpaistuṣārairiva paṅkajam || 10 ||
[Analyze grammar]

evamārtāḥ patiṃ dṛṣṭvā rāvaṇaṃ nihataṃ bhuvi |
cukruśurbahudhā śokādbhūyastāḥ paryadevayan || 11 ||
[Analyze grammar]

yena vitrāsitaḥ śakro yena vitrāsito yamaḥ |
yena vaiśravaṇo rājā puṣpakeṇa viyojitaḥ || 12 ||
[Analyze grammar]

gandharvāṇāmṛṣīṇāṃ ca surāṇāṃ ca mahātmanām |
bhayaṃ yena mahaddattaṃ so'yaṃ śete raṇe hataḥ || 13 ||
[Analyze grammar]

asurebhyaḥ surebhyo vā pannagebhyo'pi vā tathā |
na bhayaṃ yo vijānāti tasyedaṃ mānuṣādbhayam || 14 ||
[Analyze grammar]

avadhyo devatānāṃ yastathā dānavarakṣasām |
hataḥ so'yaṃ raṇe śete mānuṣeṇa padātinā || 15 ||
[Analyze grammar]

yo na śakyaḥ surairhantuṃ na yakṣairnāsuraistathā |
so'yaṃ kaścidivāsattvo mṛtyuṃ martyena lambhitaḥ || 16 ||
[Analyze grammar]

evaṃ vadantyo bahudhā rurudustasya tāḥ striyaḥ |
bhūya eva ca duḥkhārtā vilepuśca punaḥ punaḥ || 17 ||
[Analyze grammar]

aśṛṇvatā tu suhṛdāṃ satataṃ hitavādinām |
etāḥ samamidānīṃ te vayamātmā ca pātitāḥ || 18 ||
[Analyze grammar]

bruvāṇo'pi hitaṃ vākyamiṣṭo bhrātā vibhīṣaṇaḥ |
dhṛṣṭaṃ paruṣito mohāttvayātmavadhakāṅkṣiṇā || 19 ||
[Analyze grammar]

yadi niryātitā te syāt sītā rāmāya maithilī |
na naḥ syādvyasanaṃ ghoramidaṃ mūlaharaṃ mahat || 20 ||
[Analyze grammar]

vṛttakāmo bhavedbhrātā rāmo mitrakulaṃ bhavet |
vayaṃ cāvidhavāḥ sarvāḥ sakāmā na ca śatravaḥ || 21 ||
[Analyze grammar]

tvayā punarnṛśaṃsena sītāṃ saṃrundhatā balāt |
rākṣasā vayamātmā ca trayaṃ tulaṃ nipātitam || 22 ||
[Analyze grammar]

na kāmakāraḥ kāmaṃ vā tava rākṣasapuṃgava |
daivaṃ ceṣṭayate sarvaṃ hataṃ daivena hanyate || 23 ||
[Analyze grammar]

vānarāṇāṃ vināśo'yaṃ rākṣasānāṃ ca te raṇe |
tava caiva mahābāho daivayogādupāgataḥ || 24 ||
[Analyze grammar]

naivārthena na kāmena vikrameṇa na cājñayā |
śakyā daivagatirloke nivartayitumudyatā || 25 ||
[Analyze grammar]

vilepurevaṃ dīnāstā rākṣasādhipayoṣitaḥ |
kurarya iva duḥkhārtā bāṣpaparyākulekṣaṇāḥ || 26 ||
[Analyze grammar]