Chapter 95

tataḥ pravṛttaṃ sukrūraṃ rāmarāvaṇayostadā |
sumahaddvairathaṃ yuddhaṃ sarvalokabhayāvaham || 1 ||
[Analyze grammar]

tato rākṣasasainyaṃ ca harīṇāṃ ca mahadbalam |
pragṛhītapraharaṇaṃ niśceṣṭaṃ samatiṣṭhata || 2 ||
[Analyze grammar]

saṃprayuddhau tato dṛṣṭvā balavannararākṣasau |
vyākṣiptahṛdayāḥ sarve paraṃ vismayamāgatāḥ || 3 ||
[Analyze grammar]

nānāpraharaṇairvyagrairbhujairvismitabuddhayaḥ |
tasthuḥ prekṣya ca saṃgrāmaṃ nābhijaghnuḥ parasparam || 4 ||
[Analyze grammar]

rakṣasāṃ rāvaṇaṃ cāpi vānarāṇāṃ ca rāghavam |
paśyatāṃ vismitākṣāṇāṃ sainyaṃ citramivābabhau || 5 ||
[Analyze grammar]

tau tu tatra nimittāni dṛṣṭvā rāghavarāvaṇau |
kṛtabuddhī sthirāmarṣau yuyudhāte abhītavat || 6 ||
[Analyze grammar]

jetavyamiti kākutstho martavyamiti rāvaṇaḥ |
dhṛtau svavīryasarvasvaṃ yuddhe'darśayatāṃ tadā || 7 ||
[Analyze grammar]

tataḥ krodhāddaśagrīvaḥ śarān saṃdhāya vīryavān |
mumoca dhvajamuddiśya rāghavasya rathe sthitam || 8 ||
[Analyze grammar]

te śarāstamanāsādya puraṃdararathadhvajam |
raktaśaktiṃ parāmṛśya nipeturdharaṇītale || 9 ||
[Analyze grammar]

tato rāmo'bhisaṃkruddhaścāpamāyamya vīryavān |
kṛtapratikṛtaṃ kartuṃ manasā saṃpracakrame || 10 ||
[Analyze grammar]

rāvaṇadhvajamuddiśya mumoca niśitaṃ śaram |
mahāsarpamivāsahyaṃ jvalantaṃ svena tejasā || 11 ||
[Analyze grammar]

jagāma sa mahīṃ bhittvā daśagrīvadhvajaṃ śaraḥ |
sa nikṛtto'patadbhūmau rāvaṇasya rathadhvajaḥ || 12 ||
[Analyze grammar]

dhvajasyonmathanaṃ dṛṣṭvā rāvaṇaḥ sumahābalaḥ |
krodhajenāgninā saṃkhye pradīpta iva cābhavat || 13 ||
[Analyze grammar]

sa roṣavaśamāpannaḥ śaravarṣaṃ mahadvaman |
rāmasya turagāndivyāñ śarairvivyādha rāvaṇaḥ || 14 ||
[Analyze grammar]

te viddhā harayastasya nāskhalannāpi babhramuḥ |
babhūvuḥ svasthahṛdayāḥ padmanālairivāhatāḥ || 15 ||
[Analyze grammar]

teṣāmasaṃbhramaṃ dṛṣṭvā vājināṃ rāvaṇastadā |
bhūya eva susaṃkruddhaḥ śaravarṣaṃ mumoca ha || 16 ||
[Analyze grammar]

gadāśca parighāṃścaiva cakrāṇi musalāni ca |
giriśṛṅgāṇi vṛkṣāṃśca tathā śūlaparaśvadhān || 17 ||
[Analyze grammar]

māyāvihitametattu śastravarṣamapātayat |
sahasraśastato bāṇānaśrāntahṛdayodyamaḥ || 18 ||
[Analyze grammar]

tumulaṃ trāsajananaṃ bhīmaṃ bhīmapratisvanam |
durdharṣamabhavad yuddhe naikaśastramayaṃ mahat || 19 ||
[Analyze grammar]

vimucya rāghavarathaṃ samantādvānare bale |
sāyakairantarikṣaṃ ca cakārāśu nirantaram |
mumoca ca daśagrīvo niḥsaṅgenāntarātmanā || 20 ||
[Analyze grammar]

vyāyacchamānaṃ taṃ dṛṣṭvā tatparaṃ rāvaṇaṃ raṇe |
prahasanniva kākutsthaḥ saṃdadhe sāyakāñ śitān || 21 ||
[Analyze grammar]

sa mumoca tato bāṇān raṇe śatasahasraśaḥ |
tāndṛṣṭvā rāvaṇaścakre svaśaraiḥ khaṃ nirantaram || 22 ||
[Analyze grammar]

tatastābhyāṃ prayuktena śaravarṣeṇa bhāsvatā |
śarabaddhamivābhāti dvitīyaṃ bhāsvadambaram || 23 ||
[Analyze grammar]

nānimitto'bhavadbāṇo nātibhettā na niṣphalaḥ |
tathā visṛjatorbāṇān rāmarāvaṇayormṛdhe || 24 ||
[Analyze grammar]

prāyudhyetāmavicchinnamasyantau savyadakṣiṇam |
cakratustau śaraughaistu nirucchvāsamivāmbaram || 25 ||
[Analyze grammar]

rāvaṇasya hayān rāmo hayān rāmasya rāvaṇaḥ |
jaghnatustau tadānyonyaṃ kṛtānukṛtakāriṇau || 26 ||
[Analyze grammar]