Chapter 86

mahodare tu nihate mahāpārśvo mahābalaḥ |
aṅgadasya camūṃ bhīmāṃ kṣobhayāmāsa sāyakaiḥ || 1 ||
[Analyze grammar]

sa vānarāṇāṃ mukhyānāmuttamāṅgāni sarvaśaḥ |
pātayāmāsa kāyebhyaḥ phalaṃ vṛntādivānilaḥ || 2 ||
[Analyze grammar]

keṣāṃ cidiṣubhirbāhūn skandhāṃścicheda rākṣasaḥ |
vānarāṇāṃ susaṃkruddhaḥ pārśvaṃ keṣāṃ vyadārayat || 3 ||
[Analyze grammar]

te'rditā bāṇavarṣeṇa mahāpārśvena vānarāḥ |
viṣādavimukhāḥ sarve babhūvurgatacetasaḥ || 4 ||
[Analyze grammar]

nirīkṣya balamudvignamaṅgado rākṣasārditam |
vegaṃ cakre mahābāhuḥ samudra iva parvaṇi || 5 ||
[Analyze grammar]

āyasaṃ parighaṃ gṛhya sūryaraśmisamaprabham |
samare vānaraśreṣṭho mahāpārśve nyapātayat || 6 ||
[Analyze grammar]

sa tu tena prahāreṇa mahāpārśvo vicetanaḥ |
sasūtaḥ syandanāttasmādvisaṃjñaḥ prāpatadbhuvi || 7 ||
[Analyze grammar]

sarkṣarājastu tejasvī nīlāñjanacayopamaḥ |
niṣpatya sumahāvīryaḥ svād yūthānmeghasaṃnibhāt || 8 ||
[Analyze grammar]

pragṛhya giriśṛṅgābhāṃ kruddhaḥ sa vipulāṃ śilām |
aśvāñjaghāna tarasā syandanaṃ ca babhañja tam || 9 ||
[Analyze grammar]

muhūrtāl labdhasaṃjñastu mahāpārśvo mahābalaḥ |
aṅgadaṃ bahubhirbāṇairbhūyastaṃ pratyavidhyata || 10 ||
[Analyze grammar]

jāmbavantaṃ tribhirbāṇairājaghāna stanāntare |
ṛkṣarājaṃ gavākṣaṃ ca jaghāna bahubhiḥ śaraiḥ || 11 ||
[Analyze grammar]

gavākṣaṃ jāmbavantaṃ ca sa dṛṣṭvā śarapīḍitau |
jagrāha parighaṃ ghoramaṅgadaḥ krodhamūrchitaḥ || 12 ||
[Analyze grammar]

tasyāṅgadaḥ prakupito rākṣasasya tamāyasaṃ |
dūrasthitasya parighaṃ raviraśmisamaprabham || 13 ||
[Analyze grammar]

dvābhyāṃ bhujābhyāṃ saṃgṛhya bhrāmayitvā ca vegavān |
mahāpārśvāya cikṣepa vadhārthaṃ vālinaḥ sutaḥ || 14 ||
[Analyze grammar]

sa tu kṣipto balavatā parighastasya rakṣasaḥ |
dhanuśca saśaraṃ hastācchirastraṃ cāpyapātayat || 15 ||
[Analyze grammar]

taṃ samāsādya vegena vāliputraḥ pratāpavān |
talenābhyahanat kruddhaḥ karṇamūle sakuṇḍale || 16 ||
[Analyze grammar]

sa tu kruddho mahāvego mahāpārśvo mahādyutiḥ |
kareṇaikena jagrāha sumahāntaṃ paraśvadham || 17 ||
[Analyze grammar]

taṃ tailadhautaṃ vimalaṃ śailasāramayaṃ dṛḍham |
rākṣasaḥ paramakruddho vāliputre nyapātayat || 18 ||
[Analyze grammar]

tena vāmāṃsaphalake bhṛśaṃ pratyavapātitam |
aṅgado mokṣayāmāsa saroṣaḥ sa paraśvadham || 19 ||
[Analyze grammar]

sa vīro vajrasaṃkāśamaṅgado muṣṭimātmanaḥ |
saṃvartayan susaṃkruddhaḥ pitustulyaparākramaḥ || 20 ||
[Analyze grammar]

rākṣasasya stanābhyāśe marmajño hṛdayaṃ prati |
indrāśanisamasparśaṃ sa muṣṭiṃ vinyapātayat || 21 ||
[Analyze grammar]

tena tasya nipātena rākṣasasya mahāmṛdhe |
paphāla hṛdayaṃ cāśu sa papāta hato bhuvi || 22 ||
[Analyze grammar]

tasminnipatite bhūmau tat sainyaṃ saṃpracukṣubhe |
abhavacca mahān krodhaḥ samare rāvaṇasya tu || 23 ||
[Analyze grammar]