Chapter 78

sa hatāśvo mahātejā bhūmau tiṣṭhanniśācaraḥ |
indrajit paramakruddhaḥ saṃprajajvāla tejasā || 1 ||
[Analyze grammar]

tau dhanvinau jighāṃsantāvanyonyamiṣubhirbhṛśam |
vijayenābhiniṣkrāntau vane gajavṛṣāviva || 2 ||
[Analyze grammar]

nibarhayantaścānyonyaṃ te rākṣasavanaukasaḥ |
bhartāraṃ na jahuryuddhe saṃpatantastatastataḥ || 3 ||
[Analyze grammar]

sa lakṣmaṇaṃ samuddiśya paraṃ lāghavamāsthitaḥ |
vavarṣa śaravarṣāṇi varṣāṇīva puraṃdaraḥ || 4 ||
[Analyze grammar]

muktamindrajitā tattu śaravarṣamariṃdamaḥ |
avārayadasaṃbhrānto lakṣmaṇaḥ sudurāsadam || 5 ||
[Analyze grammar]

abhedyakacanaṃ matvā lakṣmaṇaṃ rāvaṇātmajaḥ |
lalāṭe lakṣmaṇaṃ bāṇaiḥ supuṅkhaistribhirindrajit |
avidhyat paramakruddhaḥ śīghramastraṃ pradarśayan || 6 ||
[Analyze grammar]

taiḥ pṛṣatkairlalāṭasthaiḥ śuśubhe raghunandanaḥ |
raṇāgre samaraślāghī triśṛṅga iva parvataḥ || 7 ||
[Analyze grammar]

sa tathāpyardito bāṇai rākṣasena mahāmṛdhe |
tamāśu prativivyādha lakṣmaṇaḥ panabhiḥ śaraiḥ || 8 ||
[Analyze grammar]

lakṣmaṇendrajitau vīrau mahābalaśarāsanau |
anyonyaṃ jaghnaturbāṇairviśikhairbhīmavikramau || 9 ||
[Analyze grammar]

tau parasparamabhyetya sarvagātreṣu dhanvinau |
ghorairvivyadhaturbāṇaiḥ kṛtabhāvāv ubhau jaye || 10 ||
[Analyze grammar]

tasmai dṛḍhataraṃ kruddho hatāśvāya vibhīṣaṇaḥ |
vajrasparśasamānpañca sasarjorasi mārgaṇān || 11 ||
[Analyze grammar]

te tasya kāyaṃ nirbhidya rukmapuṅkhā nimittagāḥ |
babhūvurlohitādigdhā raktā iva mahoragāḥ || 12 ||
[Analyze grammar]

sa pitṛvyasya saṃkruddha indrajiccharamādade |
uttamaṃ rakṣasāṃ madhye yamadattaṃ mahābalaḥ || 13 ||
[Analyze grammar]

taṃ samīkṣya mahātejā maheṣuṃ tena saṃhitam |
lakṣmaṇo'pyādade bāṇamanyaṃ bhīmaparākramaḥ || 14 ||
[Analyze grammar]

kubereṇa svayaṃ svapne yaddattamamitātmanā |
durjayaṃ durviṣahyaṃ ca sendrairapi surāsuraiḥ || 15 ||
[Analyze grammar]

tābhyāṃ tau dhanuṣi śreṣṭhe saṃhitau sāyakottamau |
vikṛṣyamāṇau vīrābhyāṃ bhṛśaṃ jajvalatuḥ śriyā || 16 ||
[Analyze grammar]

tau bhāsayantāvākāśaṃ dhanurbhyāṃ viśikhau cyutau |
mukhena mukhamāhatya saṃnipetaturojasā || 17 ||
[Analyze grammar]

tau mahāgrahasaṃkāśāvanyonyaṃ saṃnipatya ca |
saṃgrāme śatadhā yātau medinyāṃ vinipetatuḥ || 18 ||
[Analyze grammar]

śarau pratihatau dṛṣṭvā tāv ubhau raṇamūrdhani |
vrīḍito jātaroṣau ca lakṣmaṇendrajitāv ubhau || 19 ||
[Analyze grammar]

susaṃrabdhastu saumitrirastraṃ vāruṇamādade |
raudraṃ mahedrajid yuddhe vyasṛjad yudhi viṣṭhitaḥ || 20 ||
[Analyze grammar]

tayoḥ sutumulaṃ yuddhaṃ saṃbabhūvādbhutopamam |
gaganasthāni bhūtāni lakṣmaṇaṃ paryavārayan || 21 ||
[Analyze grammar]

bhairavābhirute bhīme yuddhe vānararākṣasām |
bhūtairbahubhirākāśaṃ vismitairāvṛtaṃ babhau || 22 ||
[Analyze grammar]

ṛṣayaḥ pitaro devā gandharvā garuṇoragāḥ |
śatakratuṃ puraskṛtya rarakṣurlakṣmaṇaṃ raṇe || 23 ||
[Analyze grammar]

athānyaṃ mārgaṇaśreṣṭhaṃ saṃdadhe rāvaṇānujaḥ |
hutāśanasamasparśaṃ rāvaṇātmajadāruṇam || 24 ||
[Analyze grammar]

supatramanuvṛttāṅgaṃ suparvāṇaṃ susaṃsthitam |
suvarṇavikṛtaṃ vīraḥ śarīrāntakaraṃ śaram || 25 ||
[Analyze grammar]

durāvāraṃ durviṣahaṃ rākṣasānāṃ bhayāvaham |
āśīviṣaviṣaprakhyaṃ devasaṃghaiḥ samarcitam || 26 ||
[Analyze grammar]

yena śakro mahātejā dānavānajayat prabhuḥ |
purā devāsure yuddhe vīryavān harivāhanaḥ || 27 ||
[Analyze grammar]

tadaindramastraṃ saumitriḥ saṃyugeṣvaparājitam |
śaraśreṣṭhaṃ dhanuḥ śreṣṭhe naraśreṣṭho'bhisaṃdadhe || 28 ||
[Analyze grammar]

saṃdhāyāmitradalanaṃ vicakarṣa śarāsanam |
sajyamāyamya durdharśaḥ kālo lokakṣaye yathā || 29 ||
[Analyze grammar]

saṃdhāya dhanuṣi śreṣṭhe vikarṣannidamabravīt |
lakṣmīvāṃl lakṣmaṇo vākyamarthasādhakamātmanaḥ || 30 ||
[Analyze grammar]

dharmātmā satyasaṃdhaśca rāmo dāśarathiryadi |
pauruṣe cāpratidvandvastadenaṃ jahi rāvaṇim || 31 ||
[Analyze grammar]

ityuktvā bāṇamākarṇaṃ vikṛṣya tamajihmagam |
lakṣmaṇaḥ samare vīraḥ sasarjendrajitaṃ prati |
aindrāstreṇa samāyujya lakṣmaṇaḥ paravīrahā || 32 ||
[Analyze grammar]

tacchiraḥ saśirastrāṇaṃ śrīmajjvalitakuṇḍalam |
pramathyendrajitaḥ kāyāt papāta dharaṇītale || 33 ||
[Analyze grammar]

tad rākṣasatanūjasya chinnaskandhaṃ śiro mahat |
tapanīyanibhaṃ bhūmau dadṛśe rudhirokṣitam || 34 ||
[Analyze grammar]

hatastu nipapātāśu dharaṇyāṃ rāvaṇātmajaḥ |
kavacī saśirastrāṇo vidhvastaḥ saśarāsanaḥ || 35 ||
[Analyze grammar]

cukruśuste tataḥ sarve vānarāḥ savibhīṣaṇāḥ |
hṛṣyanto nihate tasmindevā vṛtravadhe yathā || 36 ||
[Analyze grammar]

athāntarikṣe bhūtānāmṛṣīṇāṃ ca mahātmanām |
abhijajñe ca saṃnādo gandharvāpsarasāmapi || 37 ||
[Analyze grammar]

patitaṃ samabhijñāya rākṣasī sā mahācamūḥ |
vadhyamānā diśo bheje haribhirjitakāśibhiḥ || 38 ||
[Analyze grammar]

vanarairvadhyamānāste śastrāṇyutsṛjya rākṣasāḥ |
laṅkāmabhimukhāḥ sarve naṣṭasaṃjñāḥ pradhāvitāḥ || 39 ||
[Analyze grammar]

dudruvurbahudhā bhītā rākṣasāḥ śataśo diśaḥ |
tyaktvā praharaṇān sarve paṭṭasāsiparaśvadhān || 40 ||
[Analyze grammar]

ke cil laṅkāṃ paritrastāḥ praviṣṭā vānarārditāḥ |
samudre patitāḥ ke cit ke cit parvatamāśritāḥ || 41 ||
[Analyze grammar]

hatamindrajitaṃ dṛṣṭvā śayānaṃ samarakṣitau |
rākṣasānāṃ sahasreṣu na kaścit pratyadṛśyata || 42 ||
[Analyze grammar]

yathāstaṃ gata āditye nāvatiṣṭhanti raśmayaḥ |
tathā tasminnipatite rākṣasāste gatā diśaḥ || 43 ||
[Analyze grammar]

śāntarakśmirivādityo nirvāṇa iva pāvakaḥ |
sa babhūva mahātejā vyapāsta gatajīvitaḥ || 44 ||
[Analyze grammar]

praśāntapīḍā bahulo vinaṣṭāriḥ praharṣavān |
babhūva lokaḥ patite rākṣasendrasute tadā || 45 ||
[Analyze grammar]

harṣaṃ ca śakro bhagavān saha sarvaiḥ surarṣabhaiḥ |
jagāma nihate tasmin rākṣase pāpakarmaṇi || 46 ||
[Analyze grammar]

śuddhā āpo nabhaścaiva jahṛṣurdaityadānavāḥ |
ājagmuḥ patite tasmin sarvalokabhayāvahe || 47 ||
[Analyze grammar]

ūcuśca sahitāḥ sarve devagandharvadānavāḥ |
vijvarāḥ śāntakaluṣā brāhmaṇā vicarantviti || 48 ||
[Analyze grammar]

tato'bhyanandan saṃhṛṣṭāḥ samare hariyūthapāḥ |
tamapratibalaṃ dṛṣṭvā hataṃ nairṛtapuṃgavam || 49 ||
[Analyze grammar]

vibhīṣaṇo hanūmāṃśca jāmbavāṃścarkṣayūthapaḥ |
vijayenābhinandantastuṣṭuvuścāpi lakṣmaṇam || 50 ||
[Analyze grammar]

kṣveḍantaśca nadantaśca garjantaśca plavaṃgamāḥ |
labdhalakṣā raghusutaṃ parivāryopatasthire || 51 ||
[Analyze grammar]

lāṅgūlāni pravidhyantaḥ sphoṭayantaśca vānarāḥ |
lakṣmaṇo jayatītyevaṃ vākyaṃ vyaśrāvayaṃstadā || 52 ||
[Analyze grammar]

anyonyaṃ ca samāśliṣya kapayo hṛṣṭamānasāḥ |
cakruruccāvacaguṇā rāghavāśrayajāḥ kathāḥ || 53 ||
[Analyze grammar]

tadasukaramathābhivīkṣya hṛṣṭāḥ priyasuhṛdo yudhi lakṣmaṇasya karma |
paramamupalabhanmanaḥpraharṣaṃ vinihatamindraripuṃ niśamya devāḥ || 54 ||
[Analyze grammar]