Chapter 75

vibhīṣaṇa vacaḥ śrutvā rāvaṇiḥ krodhamūrchitaḥ |
abravīt paruṣaṃ vākyaṃ vegenābhyutpapāta ha || 1 ||
[Analyze grammar]

udyatāyudhanistriṃśo rathe tu samalaṃkṛte |
kālāśvayukte mahati sthitaḥ kālāntakopamaḥ || 2 ||
[Analyze grammar]

mahāpramāṇamudyamya vipulaṃ vegavaddṛḍham |
dhanurbhīmaṃ parāmṛśya śarāṃścāmitranāśanān || 3 ||
[Analyze grammar]

uvācainaṃ samārabdhaḥ saumitriṃ savibhīṣaṇam |
tāṃśca vānaraśārdūlānpaśyadhvaṃ me parākramam || 4 ||
[Analyze grammar]

adya matkārmukotsṛṣṭaṃ śaravarṣaṃ durāsadam |
muktaṃ varṣamivākāśe vārayiṣyatha saṃyuge || 5 ||
[Analyze grammar]

adya vo māmakā bāṇā mahākārmukaniḥsṛtāḥ |
vidhamiṣyanti gātrāṇi tūlarāśimivānalaḥ || 6 ||
[Analyze grammar]

tīkṣṇasāyakanirbhinnāñ śūlaśaktyṛṣṭitomaraiḥ |
adya vo gamayiṣyāmi sarvāneva yamakṣayam || 7 ||
[Analyze grammar]

kṣipataḥ śaravarṣāṇi kṣiprahastasya me yudhi |
jīmūtasyeva nadataḥ kaḥ sthāsyati mamāgrataḥ || 8 ||
[Analyze grammar]

tacchrutvā rākṣasendrasya garjitaṃ lakṣmaṇastadā |
abhītavadanaḥ kruddho rāvaṇiṃ vākyamabravīt || 9 ||
[Analyze grammar]

uktaśca durgamaḥ pāraḥ kāryāṇāṃ rākṣasa tvayā |
kāryāṇāṃ karmaṇā pāraṃ yo gacchati sa buddhimān || 10 ||
[Analyze grammar]

sa tvamarthasya hīnārtho duravāpasya kena cit |
vaco vyāhṛtya jānīṣe kṛtārtho'smīti durmate || 11 ||
[Analyze grammar]

antardhānagatenājau yastvayācaritastadā |
taskarācarito mārgo naiṣa vīraniṣevitaḥ || 12 ||
[Analyze grammar]

yathā bāṇapathaṃ prāpya sthito'haṃ tava rākṣasa |
darśayasvādya tattejo vācā tvaṃ kiṃ vikatthase || 13 ||
[Analyze grammar]

evamukto dhanurbhīmaṃ parāmṛśya mahābalaḥ |
sasarje niśitānbāṇānindrajit samijiṃjaya || 14 ||
[Analyze grammar]

te nisṛṣṭā mahāvegāḥ śarāḥ sarpaviṣopamāḥ |
saṃprāpya lakṣmaṇaṃ petuḥ śvasanta iva pannagāḥ || 15 ||
[Analyze grammar]

śarairatimahāvegairvegavān rāvaṇātmajaḥ |
saumitrimindrajid yuddhe vivyādha śubhalakṣaṇam || 16 ||
[Analyze grammar]

sa śarairatividdhāṅgo rudhireṇa samukṣitaḥ |
śuśubhe lakṣmaṇaḥ śrīmān vidhūma iva pāvakaḥ || 17 ||
[Analyze grammar]

indrajittvātmanaḥ karma prasamīkṣyādhigamya ca |
vinadya sumahānādamidaṃ vacanamabravīt || 18 ||
[Analyze grammar]

patriṇaḥ śitadhārāste śarā matkārmukacyutāḥ |
ādāsyante'dya saumitre jīvitaṃ jīvitāntagāḥ || 19 ||
[Analyze grammar]

adya gomāyusaṃghāśca śyenasaṃghāśca lakṣmaṇa |
gṛdhrāśca nipatantu tvāṃ gatāsuṃ nihataṃ mayā || 20 ||
[Analyze grammar]

kṣatrabandhuḥ sadānāryo rāmaḥ paramadurmatiḥ |
bhaktaṃ bhrātaramadyaiva tvāṃ drakṣyati mayā hatam || 21 ||
[Analyze grammar]

viśastakavacaṃ bhūmau vyapaviddhaśarāsanam |
hṛtottamāṅgaṃ saumitre tvāmadya nihataṃ mayā || 22 ||
[Analyze grammar]

iti bruvāṇaṃ saṃrabdhaṃ paruṣaṃ rāvaṇātmajam |
hetumadvākyamatyarthaṃ lakṣmaṇaḥ pratyuvāca ha || 23 ||
[Analyze grammar]

akṛtvā katthase karma kimarthamiha rākṣasa |
kuru tat karma yenāhaṃ śraddadhyāṃ tava katthanam || 24 ||
[Analyze grammar]

anuktvā paruṣaṃ vākyaṃ kiṃ cidapyanavakṣipan |
avikatthan vadhiṣyāmi tvāṃ paśya puruṣādana || 25 ||
[Analyze grammar]

ityuktvā pañcanārācānākarṇāpūritāñ śarān |
nicakhāna mahāvegāṃl lakṣmaṇo rākṣasorasi || 26 ||
[Analyze grammar]

sa śarairāhatastena saroṣo rāvaṇātmajaḥ |
suprayuktaistribhirbāṇaiḥ prativivyādha lakṣmaṇam || 27 ||
[Analyze grammar]

sa babhūva mahābhīmo nararākṣasasiṃhayoḥ |
vimardastumulo yuddhe parasparavadhaiṣiṇoḥ || 28 ||
[Analyze grammar]

ubhau hi balasaṃpannāv ubhau vikramaśālinau |
ubhāvapi suvikrāntau sarvaśastrāstrakovidau || 29 ||
[Analyze grammar]

ubhau paramadurjeyāvatulyabalatejasau |
yuyudhāte mahāvīrau grahāviva nabho gatau || 30 ||
[Analyze grammar]

balavṛtrāviva hi tau yudhi vai duṣpradharṣaṇau |
yuyudhāte mahātmānau tadā kesariṇāviva || 31 ||
[Analyze grammar]

bahūnavasṛjantau hi mārgaṇaughānavasthitau |
nararākṣasasiṃhau tau prahṛṣṭāvabhyayudhyatām || 32 ||
[Analyze grammar]

susaṃprahṛṣṭau nararākṣasottamau jayaiṣiṇau mārgaṇacāpadhāriṇau |
parasparaṃ tau pravavarṣaturbhṛśaṃ śaraughavarṣeṇa balāhakāviva || 33 ||
[Analyze grammar]