Chapter 64

nikumbho bhrātaraṃ dṛṣṭvā sugrīveṇa nipātitam |
pradahanniva kopena vānarendramavaikṣata || 1 ||
[Analyze grammar]

tataḥ sragdāmasaṃnaddhaṃ dattapañcāṅgulaṃ śubham |
ādade parighaṃ vīro nagendraśikharopamam || 2 ||
[Analyze grammar]

hemapaṭṭaparikṣiptaṃ vajravidrumabhūṣitam |
yamadaṇḍopamaṃ bhīmaṃ rakṣasāṃ bhayanāśanam || 3 ||
[Analyze grammar]

tamāvidhya mahātejāḥ śakradhvajasamaṃ raṇe |
vinanāda vivṛttāsyo nikumbho bhīmavikramaḥ || 4 ||
[Analyze grammar]

urogatena niṣkeṇa bhujasthairaṅgadairapi |
kuṇḍalābhyāṃ ca mṛṣṭābhyāṃ mālayā ca vicitrayā || 5 ||
[Analyze grammar]

nikumbho bhūṣaṇairbhāti tena sma parigheṇa ca |
yathendradhanuṣā meghaḥ savidyutstanayitnumān || 6 ||
[Analyze grammar]

parighāgreṇa pusphoṭa vātagranthirmahātmanaḥ |
prajajvāla saghoṣaśca vidhūma iva pāvakaḥ || 7 ||
[Analyze grammar]

nagaryā viṭapāvatyā gandharvabhavanottamaiḥ |
saha caivāmarāvatyā sarvaiśca bhavanaiḥ saha || 8 ||
[Analyze grammar]

satārāgaṇanakṣatraṃ sacandraṃ samahāgraham |
nikumbhaparighāghūrṇaṃ bhramatīva nabhastalam || 9 ||
[Analyze grammar]

durāsadaśca saṃjajñe parighābharaṇaprabhaḥ |
krodhendhano nikumbhāgniryugāntāgnirivotthitaḥ || 10 ||
[Analyze grammar]

rākṣasā vānarāścāpi na śekuḥ spandituṃ bhayāt |
hanūmaṃstu vivṛtyorastasthau pramukhato balī || 11 ||
[Analyze grammar]

parighopamabāhustu parighaṃ bhāskaraprabham |
balī balavatastasya pātayāmāsa vakṣasi || 12 ||
[Analyze grammar]

sthire tasyorasi vyūḍhe parighaḥ śatadhā kṛtaḥ |
viśīryamāṇaḥ sahasā ulkā śatamivāmbare || 13 ||
[Analyze grammar]

sa tu tena prahāreṇa cacāla ca mahākapiḥ |
parigheṇa samādhūto yathā bhūmicale'calaḥ || 14 ||
[Analyze grammar]

sa tathābhihatastena hanūmānplavagottamaḥ |
muṣṭiṃ saṃvartayāmāsa balenātimahābalaḥ || 15 ||
[Analyze grammar]

tamudyamya mahātejā nikumbhorasi vīryavān |
abhicikṣepa vegena vegavān vāyuvikramaḥ || 16 ||
[Analyze grammar]

tataḥ pusphoṭa carmāsya prasusrāva ca śoṇitam |
muṣṭinā tena saṃjajñe jvālā vidyudivotthitā || 17 ||
[Analyze grammar]

sa tu tena prahāreṇa nikumbho vicacāla ha |
svasthaścāpi nijagrāha hanūmantaṃ mahābalam || 18 ||
[Analyze grammar]

vicukruśustadā saṃkhye bhīmaṃ laṅkānivāsinaḥ |
nikumbhenoddhṛtaṃ dṛṣṭvā hanūmantaṃ mahābalam || 19 ||
[Analyze grammar]

sa tathā hriyamāṇo'pi kumbhakarṇātmajena hi |
ājaghānānilasuto vajravegena muṣṭinā || 20 ||
[Analyze grammar]

ātmānaṃ mocayitvātha kṣitāvabhyavapadyata |
hanūmānunmamathāśu nikumbhaṃ mārutātmajaḥ || 21 ||
[Analyze grammar]

nikṣipya paramāyatto nikumbhaṃ niṣpipeṣa ca |
utpatya cāsya vegena papātorasi vīryavān || 22 ||
[Analyze grammar]

parigṛhya ca bāhubhyāṃ parivṛtya śirodharām |
utpāṭayāmāsa śiro bhairavaṃ nadato mahat || 23 ||
[Analyze grammar]

atha vinadati sādite nikumbhe pavanasutena raṇe babhūva yuddham |
daśarathasutarākṣasendracamvorbhṛśataramāgataroṣayoḥ subhīmam || 24 ||
[Analyze grammar]