Chapter 39

ghoreṇa śarabandhena baddhau daśarathātmajau |
niśvasantau yathā nāgau śayānau rudhirokṣitau || 1 ||
[Analyze grammar]

sarve te vānaraśreṣṭhāḥ sasugrīvā mahābalāḥ |
parivārya mahātmānau tasthuḥ śokapariplutāḥ || 2 ||
[Analyze grammar]

etasminnantere rāmaḥ pratyabudhyata vīryavān |
sthiratvāt sattvayogācca śaraiḥ saṃdānito'pi san || 3 ||
[Analyze grammar]

tato dṛṣṭvā sarudhiraṃ viṣaṇṇaṃ gāḍhamarpitam |
bhrātaraṃ dīnavadanaṃ paryadevayadāturaḥ || 4 ||
[Analyze grammar]

kiṃ nu me sītayā kāryaṃ kiṃ kāryaṃ jīvitena vā |
śayānaṃ yo'dya paśyāmi bhrātaraṃ yudhi nirjitam || 5 ||
[Analyze grammar]

śakyā sītā samā nārī prāptuṃ loke vicinvatā |
na lakṣmaṇasamo bhrātā sacivaḥ sāmparāyikaḥ || 6 ||
[Analyze grammar]

parityakṣyāmyahaṃ prāṇān vānarāṇāṃ tu paśyatām |
yadi pañcatvamāpannaḥ sumitrānandavardhanaḥ || 7 ||
[Analyze grammar]

kiṃ nu vakṣyāmi kausalyāṃ mātaraṃ kiṃ nu kaikayīm |
kathamambāṃ sumitrāṃca putradarśanalālasām || 8 ||
[Analyze grammar]

vivatsāṃ vepamānāṃ ca krośantīṃ kurarīmiva |
kathamāśvāsayiṣyāmi yadi yāsyāmi taṃ vinā || 9 ||
[Analyze grammar]

kathaṃ vakṣyāmi śatrughnaṃ bharataṃ ca yaśasvinam |
mayā saha vanaṃ yāto vinā tenāgataḥ punaḥ || 10 ||
[Analyze grammar]

upālambhaṃ na śakṣyāmi soḍhuṃ bata sumitrayā |
ihaiva dehaṃ tyakṣyāmi na hi jīvitumutsahe || 11 ||
[Analyze grammar]

dhiṅ māṃ duṣkṛtakarmāṇamanāryaṃ yatkṛte hyasau |
lakṣmaṇaḥ patitaḥ śete śaratalpe gatāsuvat || 12 ||
[Analyze grammar]

tvaṃ nityaṃ suviṣaṇṇaṃ māmāśvāsayasi lakṣmaṇa |
gatāsurnādya śaknoṣi māmārtamabhibhāṣitum || 13 ||
[Analyze grammar]

yenādya bahavo yuddhe rākṣasā nihatāḥ kṣitau |
tasyāmeva kṣitau vīraḥ sa śete nihataḥ paraiḥ || 14 ||
[Analyze grammar]

śayānaḥ śaratalpe'smin svaśoṇitapariplutaḥ |
śarajālaiścito bhāti bhāskaro'stamiva vrajan || 15 ||
[Analyze grammar]

bāṇābhihatamarmatvānna śaknotyabhivīkṣitum |
rujā cābruvato hyasya dṛṣṭirāgeṇa sūcyate || 16 ||
[Analyze grammar]

yathaiva māṃ vanaṃ yāntamanuyāto mahādyutiḥ |
ahamapyanuyāsyāmi tathaivainaṃ yamakṣayam || 17 ||
[Analyze grammar]

iṣṭabandhujano nityaṃ māṃ ca nityamanuvrataḥ |
imāmadya gato'vasthāṃ mamānāryasya durnayaiḥ || 18 ||
[Analyze grammar]

suruṣṭenāpi vīreṇa lakṣmaṇenā na saṃsmare |
paruṣaṃ vipriyaṃ vāpi śrāvitaṃ na kadā cana || 19 ||
[Analyze grammar]

visasarjaikavegena pañcabāṇaśatāni yaḥ |
iṣvastreṣvadhikastasmāt kārtavīryācca lakṣmaṇaḥ || 20 ||
[Analyze grammar]

astrairastrāṇi yo hanyācchakrasyāpi mahātmanaḥ |
so'yamurvyāṃhataḥ śete mahārhaśayanocitaḥ || 21 ||
[Analyze grammar]

tacca mithyā pralaptaṃ māṃ pradhakṣyati na saṃśayaḥ |
yanmayā na kṛto rājā rākṣasānāṃ vibhīṣaṇaḥ || 22 ||
[Analyze grammar]

asminmuhūrte sugrīva pratiyātumito'rhasi |
matvā hīnaṃ mayā rājan rāvaṇo'bhidravedbalī || 23 ||
[Analyze grammar]

aṅgadaṃ tu puraskṛtya sasainyaḥ sasuhṛjjanaḥ |
sāgaraṃ tara sugrīva punastenaiva setunā || 24 ||
[Analyze grammar]

kṛtaṃ hanumatā kāryaṃ yadanyairduṣkaraṃ raṇe |
ṛkṣarājena tuṣyāmi golāṅgūlādhipena ca || 25 ||
[Analyze grammar]

aṅgadena kṛtaṃ karma maindena dvividena ca |
yuddhaṃ kesariṇā saṃkhye ghoraṃ saṃpātinā kṛtam || 26 ||
[Analyze grammar]

gavayena gavākṣeṇa śarabheṇa gajena ca |
anyaiśca haribhiryuddhaṃ madārthe tyaktajīvitaiḥ || 27 ||
[Analyze grammar]

na cātikramituṃ śakyaṃ daivaṃ sugrīva mānuṣaiḥ |
yattu śakyaṃ vayasyena suhṛdā vā paraṃtapa |
kṛtaṃ sugrīva tat sarvaṃ bhavatādharmabhīruṇā || 28 ||
[Analyze grammar]

mitrakāryaṃ kṛtamidaṃ bhavadbhirvānararṣabhāḥ |
anujñātā mayā sarve yatheṣṭaṃ gantumarhatha || 29 ||
[Analyze grammar]

śuśruvustasya te sarve vānarāḥ paridevitam |
vartayāṃ cakruraśrūṇi netraiḥ kṛṣṇetarekṣaṇāḥ || 30 ||
[Analyze grammar]

tataḥ sarvāṇyanīkāni sthāpayitvā vibhīṣaṇaḥ |
ājagāma gadāpāṇistvarito yatra rāghavaḥ || 31 ||
[Analyze grammar]

taṃ dṛṣṭvā tvaritaṃ yāntaṃ nīlāñjanacayopamam |
vānarā dudruvuḥ sarve manyamānāstu rāvaṇim || 32 ||
[Analyze grammar]