Chapter 28

naravānararājau tau sa ca vāyusutaḥ kapiḥ |
jāmbavānṛkṣarājaśca rākṣasaśca vibhīṣaṇaḥ || 1 ||
[Analyze grammar]

aṅgado vāliputraśca saumitriḥ śarabhaḥ kapiḥ |
suṣeṇaḥ sahadāyādo maindo dvivida eva ca || 2 ||
[Analyze grammar]

gajo gavākṣo kumudo nalo'tha panasastathā |
amitraviṣayaṃ prāptāḥ samavetāḥ samarthayan || 3 ||
[Analyze grammar]

iyaṃ sā lakṣyate laṅkā purī rāvaṇapālitā |
sāsuroragagandharvairamarairapi durjayā || 4 ||
[Analyze grammar]

kāryasiddhiṃ puraskṛtya mantrayadhvaṃ vinirṇaye |
nityaṃ saṃnihito hyatra rāvaṇo rākṣasādhipaḥ || 5 ||
[Analyze grammar]

tathā teṣu bruvāṇeṣu rāvaṇāvarajo'bravīt |
vākyamagrāmyapadavat puṣkalārthaṃ vibhīṣaṇaḥ || 6 ||
[Analyze grammar]

analaḥ śarabhaścaiva saṃpātiḥ praghasastathā |
gatvā laṅkāṃ mamāmātyāḥ purīṃ punarihāgatāḥ || 7 ||
[Analyze grammar]

bhūtvā śakunayaḥ sarve praviṣṭāśca riporbalam |
vidhānaṃ vihitaṃ yacca taddṛṣṭvā samupasthitāḥ || 8 ||
[Analyze grammar]

saṃvidhānaṃ yathāhuste rāvaṇasya durātmanaḥ |
rāma tadbruvataḥ sarvaṃ yathātathyena me śṛṇu || 9 ||
[Analyze grammar]

pūrvaṃ prahastaḥ sabalo dvāramāsādya tiṣṭhati |
dakṣiṇaṃ ca mahāvīryau mahāpārśvamahodarau || 10 ||
[Analyze grammar]

indrajit paścimadvāraṃ rākṣasairbahubhirvṛtaḥ |
paṭṭasāsidhanuṣmadbhiḥ śūlamudgarapāṇibhiḥ || 11 ||
[Analyze grammar]

nānāpraharaṇaiḥ śūrairāvṛto rāvaṇātmajaḥ |
rākṣasānāṃ sahasraistu bahubhiḥ śastrapāṇibhiḥ || 12 ||
[Analyze grammar]

yuktaḥ paramasaṃvigno rākṣasairbahubhirvṛtaḥ |
uttaraṃ nagaradvāraṃ rāvaṇaḥ svayamāsthitaḥ || 13 ||
[Analyze grammar]

virūpākṣastu mahatā śūlakhaḍgadhanuṣmatā |
balena rākṣasaiḥ sārdhaṃ madhyamaṃ gulmamāsthitaḥ || 14 ||
[Analyze grammar]

etānevaṃvidhān gulmāṃl laṅkāyāṃ samudīkṣya te |
māmakāḥ sacivāḥ sarve śīghraṃ punarihāgatāḥ || 15 ||
[Analyze grammar]

gajānāṃ ca sahasraṃ ca rathānāmayutaṃ pure |
hayānāmayute dve ca sāgrakoṭī ca rakṣasām || 16 ||
[Analyze grammar]

vikrāntā balavantaśca saṃyugeṣvātatāyinaḥ |
iṣṭā rākṣasarājasya nityamete niśācarāḥ || 17 ||
[Analyze grammar]

ekaikasyātra yuddhārthe rākṣasasya viśāṃ pate |
parivāraḥ sahasrāṇāṃ sahasramupatiṣṭhate || 18 ||
[Analyze grammar]

etāṃ pravṛttiṃ laṅkāyāṃ mantriproktaṃ vibhīṣaṇaḥ |
rāmaṃ kamalapatrākṣamidamuttaramabravīt || 19 ||
[Analyze grammar]

kuberaṃ tu yadā rāma rāvaṇaḥ pratyayudhyata |
ṣaṣṭiḥ śatasahasrāṇi tadā niryānti rākṣasāḥ || 20 ||
[Analyze grammar]

parākrameṇa vīryeṇa tejasā sattvagauravāt |
sadṛśā yo'tra darpeṇa rāvaṇasya durātmanaḥ || 21 ||
[Analyze grammar]

atra manyurna kartavyo roṣaye tvāṃ na bhīṣaye |
samartho hyasi vīryeṇa surāṇāmapi nigrahe || 22 ||
[Analyze grammar]

tadbhavāṃścaturaṅgeṇa balena mahatā vṛtaḥ |
vyūhyedaṃ vānarānīkaṃ nirmathiṣyasi rāvaṇam || 23 ||
[Analyze grammar]

rāvaṇāvaraje vākyamevaṃ bruvati rāghavaḥ |
śatrūṇāṃ pratighātārthamidaṃ vacanamabravīt || 24 ||
[Analyze grammar]

pūrvadvāre tu laṅkāyā nīlo vānarapuṃgavaḥ |
prahastaṃ pratiyoddhā syādvānarairbahubhirvṛtaḥ || 25 ||
[Analyze grammar]

aṅgado vāliputrastu balena mahatā vṛtaḥ |
dakṣiṇe bādhatāṃ dvāre mahāpārśvamahodarau || 26 ||
[Analyze grammar]

hanūmānpaścimadvāraṃ nipīḍya pavanātmajaḥ |
praviśatvaprameyātmā bahubhiḥ kapibhirvṛtaḥ || 27 ||
[Analyze grammar]

daityadānavasaṃghānāmṛṣīṇāṃ ca mahātmanām |
viprakārapriyaḥ kṣudro varadānabalānvitaḥ || 28 ||
[Analyze grammar]

parikrāmati yaḥ sarvāṃl lokān saṃtāpayanprajāḥ |
tasyāhaṃ rākṣasendrasya svayameva vadhe dhṛtaḥ || 29 ||
[Analyze grammar]

uttaraṃ nagaradvāramahaṃ saumitriṇā saha |
nipīḍyābhipravekṣyāmi sabalo yatra rāvaṇaḥ || 30 ||
[Analyze grammar]

vānarendraśca balavānṛkṣarājaśca jāmbavān |
rākṣasendrānujaścaiva gulme bhavatu madhyame || 31 ||
[Analyze grammar]

na caiva mānuṣaṃ rūpaṃ kāryaṃ haribhirāhave |
eṣā bhavatu naḥ saṃjñā yuddhe'smin vānare bale || 32 ||
[Analyze grammar]

vānarā eva niścihnaṃ svajane'sminbhaviṣyati |
vayaṃ tu mānuṣeṇaiva sapta yotsyāmahe parān || 33 ||
[Analyze grammar]

ahameva saha bhrātrā lakṣmaṇena mahaujasā |
ātmanā pañcamaścāyaṃ sakhā mama vibhīṣaṇaḥ || 34 ||
[Analyze grammar]

sa rāmaḥ kāryasiddhyarthamevamuktvā vibhīṣaṇam |
suvelārohaṇe buddhiṃ cakāra matimānmatim || 35 ||
[Analyze grammar]

tatastu rāmo mahatā balena pracchādya sarvāṃ pṛthivīṃ mahātmā |
prahṛṣṭarūpo'bhijagāma laṅkāṃ kṛtvā matiṃ so'rivadhe mahātmā || 36 ||
[Analyze grammar]