Chapter 59

tato jāmbavato vākyamagṛhṇanta vanaukasaḥ |
aṅgadapramukhā vīrā hanūmāṃśca mahākapiḥ || 1 ||
[Analyze grammar]

prītimantastataḥ sarve vāyuputrapuraḥsarāḥ |
mahendrāgraṃ parityajya pupluvuḥ plavagarṣabhāḥ || 2 ||
[Analyze grammar]

merumandarasaṃkāśā mattā iva mahāgajāḥ |
chādayanta ivākāśaṃ mahākāyā mahābalāḥ || 3 ||
[Analyze grammar]

sabhājyamānaṃ bhūtaistamātmavantaṃ mahābalam |
hanūmantaṃ mahāvegaṃ vahanta iva dṛṣṭibhiḥ || 4 ||
[Analyze grammar]

rāghave cārthanirvṛttiṃ bhartuśca paramaṃ yaśaḥ |
samādhāya samṛddhārthāḥ karmasiddhibhirunnatāḥ || 5 ||
[Analyze grammar]

priyākhyānonmukhāḥ sarve sarve yuddhābhinandinaḥ |
sarve rāmapratīkāre niścitārthā manasvinaḥ || 6 ||
[Analyze grammar]

plavamānāḥ khamāplutya tataste kānanaukṣakaḥ |
nandanopamamāsedurvanaṃ drumalatāyutam || 7 ||
[Analyze grammar]

yattanmadhuvanaṃ nāma sugrīvasyābhirakṣitam |
adhṛṣyaṃ sarvabhūtānāṃ sarvabhūtamanoharam || 8 ||
[Analyze grammar]

yad rakṣati mahāvīryaḥ sadā dadhimukhaḥ kapiḥ |
mātulaḥ kapimukhyasya sugrīvasya mahātmanaḥ || 9 ||
[Analyze grammar]

te tadvanamupāgamya babhūvuḥ paramotkaṭāḥ |
vānarā vānarendrasya manaḥkāntatamaṃ mahat || 10 ||
[Analyze grammar]

tataste vānarā hṛṣṭā dṛṣṭvā madhuvanaṃ mahat |
kumāramabhyayācanta madhūni madhupiṅgalāḥ || 11 ||
[Analyze grammar]

tataḥ kumārastān vṛddhāñjāmbavatpramukhān kapīn |
anumānya dadau teṣāṃ nisargaṃ madhubhakṣaṇe || 12 ||
[Analyze grammar]

tataścānumatāḥ sarve saṃprahṛṣṭā vanaukasaḥ |
muditāśca tataste ca pranṛtyanti tatastataḥ || 13 ||
[Analyze grammar]

gāyanti ke cit praṇamanti ke cinnṛtyanti ke cit prahasanti ke cit |
patanti ke cidvicaranti ke cit plavanti ke cit pralapanti ke cit || 14 ||
[Analyze grammar]

parasparaṃ ke cidupāśrayante parasparaṃ ke cidatibruvante |
drumāddrumaṃ ke cidabhiplavante kṣitau nagāgrānnipatanti ke cit || 15 ||
[Analyze grammar]

mahītalāt ke cidudīrṇavegā mahādrumāgrāṇyabhisaṃpatante |
gāyantamanyaḥ prahasannupaiti hasantamanyaḥ prahasannupaiti || 16 ||
[Analyze grammar]

rudantamanyaḥ prarudannupaiti nudantamanyaḥ praṇudannupaiti |
samākulaṃ tat kapisainyamāsīnmadhuprapānotkaṭa sattvaceṣṭam |
na cātra kaścinna babhūva matto na cātra kaścinna babhūva tṛpto || 17 ||
[Analyze grammar]

tato vanaṃ tat paribhakṣyamāṇaṃ drumāṃśca vidhvaṃsitapatrapuṣpān |
samīkṣya kopāddadhivaktranāmā nivārayāmāsa kapiḥ kapīṃstān || 18 ||
[Analyze grammar]

sa taiḥ pravṛddhaiḥ paribhartsyamāno vanasya goptā harivīravṛddhaḥ |
cakāra bhūyo matimugratejā vanasya rakṣāṃ prati vānarebhyaḥ || 19 ||
[Analyze grammar]

uvāca kāṃścit paruṣāṇi dhṛṣṭamasaktamanyāṃśca talairjaghāna |
sametya kaiścit kalahaṃ cakāra tathaiva sāmnopajagāma kāṃścit || 20 ||
[Analyze grammar]

sa tairmadāccāprativārya vegairbalācca tenāprativāryamāṇaiḥ |
pradharṣitastyaktabhayaiḥ sametya prakṛṣyate cāpyanavekṣya doṣam || 21 ||
[Analyze grammar]

nakhaistudanto daśanairdaśantastalaiśca pādaiśca samāpnuvantaḥ |
madāt kapiṃ taṃ kapayaḥ samagrā mahāvanaṃ nirviṣayaṃ ca cakruḥ || 22 ||
[Analyze grammar]