Chapter 64

tato'ṅgadavacaḥ śrutvā sarve te vānarottamāḥ |
svaṃ svaṃ gatau samutsāhamāhustatra yathākramam || 1 ||
[Analyze grammar]

gajo gavākṣo gavayaḥ śarabho gandhamādanaḥ |
maindaśca dvividaścaiva suṣeṇo jāmbavāṃstathā || 2 ||
[Analyze grammar]

ābabhāṣe gajastatra plaveyaṃ daśayojanam |
gavākṣo yojanānyāha gamiṣyāmīti viṃśatim || 3 ||
[Analyze grammar]

gavayo vānarastatra vānarāṃstānuvāca ha |
triṃśataṃ tu gamiṣyāmi yojanānāṃ plavaṃgamāḥ || 4 ||
[Analyze grammar]

śarabho vānarastatra vānarāṃstānuvāca ha |
catvāriṃśadgamiṣyāmi yojanānāṃ na saṃśayaḥ || 5 ||
[Analyze grammar]

vānarāṃstu mahātejā abravīdgandhamādanaḥ |
yojanānāṃ gamiṣyāmi pañcāśattu na saṃśayaḥ || 6 ||
[Analyze grammar]

maindastu vānarastatra vānarāṃstānuvāca ha |
yojanānāṃ paraṃ ṣaṣṭimahaṃ plavitumutsahe || 7 ||
[Analyze grammar]

tatastatra mahātejā dvividaḥ pratyabhāṣata |
gamiṣyāmi na saṃdehaḥ saptatiṃ yojanānyaham || 8 ||
[Analyze grammar]

suṣeṇastu hariśreṣṭhaḥ proktavān kapisattamān |
aśītiṃ yojanānāṃ tu plaveyaṃ plavagarṣabhāḥ || 9 ||
[Analyze grammar]

teṣāṃ kathayatāṃ tatra sarvāṃstānanumānya ca |
tato vṛddhatamasteṣāṃ jāmbavānpratyabhāṣata || 10 ||
[Analyze grammar]

pūrvamasmākamapyāsīt kaścidgatiparākramaḥ |
te vayaṃ vayasaḥ pāramanuprāptāḥ sma sāmpratam || 11 ||
[Analyze grammar]

kiṃ tu naivaṃ gate śakyamidaṃ kāryamupekṣitum |
yadarthaṃ kapirājaśca rāmaśca kṛtaniścayau || 12 ||
[Analyze grammar]

sāmprataṃ kālabhedena yā gatistāṃ nibodhata |
navatiṃ yojanānāṃ tu gamiṣyāmi na saṃśayaḥ || 13 ||
[Analyze grammar]

tāṃśca sarvān hariśreṣṭhāñjāmbavānpunarabravīt |
na khalvetāvadevāsīdgamane me parākramaḥ || 14 ||
[Analyze grammar]

mayā mahābalaiścaiva yajñe viṣṇuḥ sanātanaḥ |
pradakṣiṇīkṛtaḥ pūrvaṃ kramamāṇastrivikramaḥ || 15 ||
[Analyze grammar]

sa idānīmahaṃ vṛddhaḥ plavane mandavikramaḥ |
yauvane ca tadāsīnme balamapratimaṃ paraiḥ || 16 ||
[Analyze grammar]

saṃpratyetāvatīṃ śaktiṃ gamane tarkayāmyaham |
naitāvatā ca saṃsiddhiḥ kāryasyāsya bhaviṣyati || 17 ||
[Analyze grammar]

athottaramudārārthamabravīdaṅgadastadā |
anumānya mahāprājño jāmbavantaṃ mahākapim || 18 ||
[Analyze grammar]

ahametadgamiṣyāmi yojanānāṃ śataṃ mahat |
nivartane tu me śaktiḥ syānna veti na niścitam || 19 ||
[Analyze grammar]

tamuvāca hariśreṣṭho jāmbavān vākyakovidaḥ |
jñāyate gamane śaktistava haryṛkṣasattama || 20 ||
[Analyze grammar]

kāmaṃ śatasahasraṃ vā na hyeṣa vidhirucyate |
yojanānāṃ bhavāñ śakto gantuṃ pratinivartitum || 21 ||
[Analyze grammar]

na hi preṣayitā tata svāmī preṣyaḥ kathaṃ cana |
bhavatāyaṃ janaḥ sarvaḥ preṣyaḥ plavagasattama || 22 ||
[Analyze grammar]

bhavān kalatramasmākaṃ svāmibhāve vyavasthitaḥ |
svāmī kalatraṃ sainyasya gatireṣā paraṃtapa || 23 ||
[Analyze grammar]

tasmāt kalatravattāta pratipālyaḥ sadā bhavān |
api caitasya kāryasya bhavānmūlamariṃdama || 24 ||
[Analyze grammar]

mūlamarthasya saṃrakṣyameṣa kāryavidāṃ nayaḥ |
mūle hi sati sidhyanti guṇāḥ puṣpaphalādayaḥ || 25 ||
[Analyze grammar]

tadbhavānasyā kāryasya sādhane satyavikramaḥ |
buddhivikramasaṃpanno heturatra paraṃtapaḥ || 26 ||
[Analyze grammar]

guruśca guruputraśca tvaṃ hi naḥ kapisattama |
bhavantamāśritya vayaṃ samarthā hyarthasādhane || 27 ||
[Analyze grammar]

uktavākyaṃ mahāprājñaṃ jāmbavantaṃ mahākapiḥ |
pratyuvācottaraṃ vākyaṃ vālisūnurathāṅgadaḥ || 28 ||
[Analyze grammar]

yadi nāhaṃ gamiṣyāmi nānyo vānarapuṃgavaḥ |
punaḥ khalvidamasmābhiḥ kāryaṃ prāyopaveśanam || 29 ||
[Analyze grammar]

na hyakṛtvā haripateḥ saṃdeśaṃ tasya dhīmataḥ |
tatrāpi gatvā prāṇānāṃ paśyāmi parirakṣaṇam || 30 ||
[Analyze grammar]

sa hi prasāde cātyarthaṃ kope ca harirīśvaraḥ |
atītya tasya saṃdeśaṃ vināśo gamane bhavet || 31 ||
[Analyze grammar]

tad yathā hyasya kāryasya na bhavatyanyathā gatiḥ |
tadbhavāneva dṛṣṭārthaḥ saṃcintayitumarhati || 32 ||
[Analyze grammar]

so'ṅgadena tadā vīraḥ pratyuktaḥ plavagarṣabhaḥ |
jāmbavānuttaraṃ vākyaṃ provācedaṃ tato'ṅgadam || 33 ||
[Analyze grammar]

asya te vīra kāryasya na kiṃ cit parihīyate |
eṣa saṃcodayāmyenaṃ yaḥ kāryaṃ sādhayiṣyati || 34 ||
[Analyze grammar]

tataḥ pratītaṃ plavatāṃ variṣṭhamekāntamāśritya sukhopaviṣṭam |
saṃcodayāmāsa haripravīro haripravīraṃ hanumantameva || 35 ||
[Analyze grammar]