Chapter 63

ākhyātā gṛdhrarājena samutpatya plavaṃgamāḥ |
saṃgatāḥ prītisaṃyuktā vineduḥ siṃhavikramāḥ || 1 ||
[Analyze grammar]

saṃpātervacanaṃ śrutvā harayo rāvaṇakṣayam |
hṛṣṭāḥ sāgaramājagmuḥ sītādarśanakāṅkṣiṇaḥ || 2 ||
[Analyze grammar]

abhikramya tu taṃ deśaṃ dadṛśurbhīmavikramāḥ |
kṛtsnaṃ lokasya mahataḥ pratibimbamiva sthitam || 3 ||
[Analyze grammar]

dakṣiṇasya samudrasya samāsādyottarāṃ diśam |
saṃniveśaṃ tataścakruḥ sahitā vānarottamāḥ || 4 ||
[Analyze grammar]

sattvairmahadbhirvikṛtaiḥ krīḍadbhirvividhairjale |
vyāttāsyaiḥ sumahākāyairūrmibhiśca samākulam || 5 ||
[Analyze grammar]

prasuptamiva cānyatra krīḍantamiva cānyataḥ |
kva cit parvatamātraiśca jalarāśibhirāvṛtam || 6 ||
[Analyze grammar]

saṃkulaṃ dānavendraiśca pātālatalavāsibhiḥ |
romaharṣakaraṃ dṛṣṭvā viṣeduḥ kapikuñjarāḥ || 7 ||
[Analyze grammar]

ākāśamiva duṣpāraṃ sāgaraṃ prekṣya vānarāḥ |
viṣeduḥ sahasā sarve kathaṃ kāryamiti bruvan || 8 ||
[Analyze grammar]

viṣaṇṇāṃ vāhinīṃ dṛṣṭvā sāgarasya nirīkṣaṇāt |
āśvāsayāmāsa harīnbhayārtān harisattamaḥ || 9 ||
[Analyze grammar]

na niṣādena naḥ kāryaṃ viṣādo doṣavattaraḥ |
viṣādo hanti puruṣaṃ bālaṃ kruddha ivoragaḥ || 10 ||
[Analyze grammar]

viṣādo'yaṃ prasahate vikrame paryupasthite |
tejasā tasya hīnasya puruṣārtho na sidhyati || 11 ||
[Analyze grammar]

tasyāṃ rātryāṃ vyatītāyāmaṅgado vānaraiḥ saha |
harivṛddhaiḥ samāgamya punarmantramamantrayat || 12 ||
[Analyze grammar]

sā vānarāṇāṃ dhvajinī parivāryāṅgadaṃ babhau |
vāsavaṃ parivāryeva marutāṃ vāhinī sthitā || 13 ||
[Analyze grammar]

ko'nyastāṃ vānarīṃ senāṃ śaktaḥ stambhayituṃ bhavet |
anyatra vālitanayādanyatra ca hanūmataḥ || 14 ||
[Analyze grammar]

tatastān harivṛddhāṃśca tacca sainyamariṃdamaḥ |
anumānyāṅgadaḥ śrīmān vākyamarthavadabravīt || 15 ||
[Analyze grammar]

ka idānīṃ mahātejā laṅghayiṣyati sāgaram |
kaḥ kariṣyati sugrīvaṃ satyasaṃdhamariṃdamam || 16 ||
[Analyze grammar]

ko vīro yojanaśataṃ laṅghayeta plavaṃgamāḥ |
imāṃśca yūthapān sarvānmocayet ko mahābhayāt || 17 ||
[Analyze grammar]

kasya prasādāddārāṃśca putrāṃścaiva gṛhāṇi ca |
ito nivṛttāḥ paśyema siddhārthāḥ sukhino vayam || 18 ||
[Analyze grammar]

kasya prasādād rāmaṃ ca lakṣmaṇaṃ ca mahābalam |
abhigacchema saṃhṛṣṭāḥ sugrīvaṃ ca mahābalam || 19 ||
[Analyze grammar]

yadi kaścit samartho vaḥ sāgaraplavane hariḥ |
sa dadātviha naḥ śīghraṃ puṇyāmabhayadakṣiṇām || 20 ||
[Analyze grammar]

aṅgadasya vacaḥ śrutvā na kaścit kiṃ cidabravīt |
stimitevābhavat sarvā sā tatra harivāhinī || 21 ||
[Analyze grammar]

punarevāṅgadaḥ prāha tān harīn harisattamaḥ |
sarve balavatāṃ śreṣṭhā bhavanto dṛḍhavikramāḥ || 22 ||
[Analyze grammar]

vyapadeśya kule jātāḥ pūjitāścāpyabhīkṣṇaśaḥ |
na hi vo gamane saṃgaḥ kadā cidapi kasya cit || 23 ||
[Analyze grammar]

bruvadhvaṃ yasya yā śaktirgamane plavagarṣabhāḥ || 24 ||
[Analyze grammar]