Chapter 30

sa kāminaṃ dīnamadīnasattvaḥ śokābhipannaṃ samudīrṇakopam |
narendrasūnurnaradevaputraṃ rāmānujaḥ pūrvajamityuvāca || 1 ||
[Analyze grammar]

na vānaraḥ sthāsyati sādhuvṛtte na maṃsyate kāryaphalānuṣaṅgān |
na bhakṣyate vānararājyalakṣmīṃ tathā hi nābhikramate'sya buddhiḥ || 2 ||
[Analyze grammar]

matikṣayādgrāmyasukheṣu saktastava prasādāpratikārabuddhiḥ |
hato'grajaṃ paśyatu vālinaṃ sa na rājyamevaṃ viguṇasya deyam || 3 ||
[Analyze grammar]

na dhāraye kopamudīrṇavegaṃ nihanmi sugrīvamasatyamadya |
haripravīraiḥ saha vāliputro narendrapatnyā vicayaṃ karotu || 4 ||
[Analyze grammar]

tamāttabāṇāsanamutpatantaṃ niveditārthaṃ raṇacaṇḍakopam |
uvaca rāmaḥ paravīrahantā svavekṣitaṃ sānunayaṃ ca vākyam || 5 ||
[Analyze grammar]

na hi vai tvadvidho loke pāpamevaṃ samācaret |
pāpamāryeṇa yo hanti sa vīraḥ puruṣottamaḥ || 6 ||
[Analyze grammar]

nedamadya tvayā grāhyaṃ sādhuvṛttena lakṣmaṇa |
tāṃ prītimanuvartasva pūrvavṛttaṃ ca saṃgatam || 7 ||
[Analyze grammar]

sāmopahitayā vācā rūkṣāṇi parivarjayan |
vaktumarhasi sugrīvaṃ vyatītaṃ kālaparyaye || 8 ||
[Analyze grammar]

so' grajenānuśiṣṭārtho yathāvat puruṣarṣabhaḥ |
praviveśa purīṃ vīro lakṣmaṇaḥ paravīrahā || 9 ||
[Analyze grammar]

tataḥ śubhamatiḥ prājño bhrātuḥ priyahite rataḥ |
lakṣmaṇaḥ pratisaṃrabdho jagāma bhavanaṃ kapeḥ || 10 ||
[Analyze grammar]

śakrabāṇāsanaprakhyaṃ dhanuḥ kālāntakopamaḥ |
pragṛhya giriśṛṅgābhaṃ mandaraḥ sānumāniva || 11 ||
[Analyze grammar]

yathoktakārī vacanamuttaraṃ caiva sottaram |
bṛhaspatisamo buddhyā mattvā rāmānujastadā || 12 ||
[Analyze grammar]

kāmakrodhasamutthena bhrātuḥ kopāgninā vṛtaḥ |
prabhañjana ivāprītaḥ prayayau lakṣmaṇastadā || 13 ||
[Analyze grammar]

sālatālāśvakarṇāṃśca tarasā pātayanbahūn |
paryasyan girikūṭāni drumānanyāṃśca vegataḥ || 14 ||
[Analyze grammar]

śilāśca śakalīkurvanpadbhyāṃ gaja ivāśugaḥ |
dūramekapadaṃ tyaktvā yayau kāryavaśāddrutam || 15 ||
[Analyze grammar]

tāmapaśyadbalākīrṇāṃ harirājamahāpurīm |
durgāmikṣvākuśārdūlaḥ kiṣkindhāṃ girisaṃkaṭe || 16 ||
[Analyze grammar]

roṣāt prasphuramāṇauṣṭhaḥ sugrīvaṃ prati kalṣmaṇaḥ |
dadarśa vānarānbhīmān kiṣkindhāyā bahiścarān || 17 ||
[Analyze grammar]

śailaśṛṅgāṇi śataśaḥ pravṛddhāṃśca mahīruhān |
jagṛhuḥ kuñjaraprakhyā vānarāḥ parvatāntare || 18 ||
[Analyze grammar]

tān gṛhītapraharaṇān harīndṛṣṭvā tu lakṣmaṇaḥ |
babhūva dviguṇaṃ kruddho bahvindhana ivānalaḥ || 19 ||
[Analyze grammar]

taṃ te bhayaparītāṅgāḥ kruddhaṃ dṛṣṭvā plavaṃgamāḥ |
kālamṛtyuyugāntābhaṃ śataśo vidrutā diśaḥ || 20 ||
[Analyze grammar]

tataḥ sugrīvabhavanaṃ praviśya haripuṃgavāḥ |
krodhamāgamanaṃ caiva lakṣmaṇasya nyavedayan || 21 ||
[Analyze grammar]

tārayā sahitaḥ kāmī saktaḥ kapivṛṣo rahaḥ |
na teṣāṃ kapivīrāṇāṃ śuśrāva vacanaṃ tadā || 22 ||
[Analyze grammar]

tataḥ sacivasaṃdiṣṭā harayo romaharṣaṇāḥ |
girikuñjarameghābhā nagaryā niryayustadā || 23 ||
[Analyze grammar]

nakhadaṃṣṭrāyudhā ghorāḥ sarve vikṛtadarśanāḥ |
sarve śārdūladarpāśca sarve ca vikṛtānanāḥ || 24 ||
[Analyze grammar]

daśanāgabalāḥ ke cit ke ciddaśaguṇottarāḥ |
ke cinnāgasahasrasya babhūvustulyavikramāḥ || 25 ||
[Analyze grammar]

kṛtsnāṃ hi kapibhirvyāptāṃ drumahastairmahābalaiḥ |
apaśyal lakṣmaṇaḥ kruddhaḥ kiṣkindhāṃ tāṃ durāsadam || 26 ||
[Analyze grammar]

tataste harayaḥ sarve prākāraparikhāntarāt |
niṣkramyodagrasattvāstu tasthurāviṣkṛtaṃ tadā || 27 ||
[Analyze grammar]

sugrīvasya pramādaṃ ca pūrvajaṃ cārtamātmavān |
buddhvā kopavaśaṃ vīraḥ punareva jagāma saḥ || 28 ||
[Analyze grammar]

sa dīrghoṣṇamahocchvāsaḥ kopasaṃraktalocanaḥ |
babhūva naraśārdūlasadhūma iva pāvakaḥ || 29 ||
[Analyze grammar]

bāṇaśalyasphurajjihvaḥ sāyakāsanabhogavān |
svatejoviṣasaṃghātaḥ pañcāsya iva pannagaḥ || 30 ||
[Analyze grammar]

taṃ dīptamiva kālāgniṃ nāgendramiva kopitam |
samāsādyāṅgadastrāsādviṣādamagamadbhṛśam || 31 ||
[Analyze grammar]

so'ṅgadaṃ roṣatāmrākṣaḥ saṃdideśa mahāyaśāḥ |
sugrīvaḥ kathyatāṃ vatsa mamāgamanamityuta || 32 ||
[Analyze grammar]

eṣa rāmānujaḥ prāptastvatsakāśamariṃdamaḥ |
bhrāturvyasanasaṃtapto dvāri tiṣṭhati lakṣmaṇaḥ || 33 ||
[Analyze grammar]

lakṣmaṇasya vacaḥ śrutvā śokāviṣṭo'ṅgado'bravīt |
pituḥ samīpamāgamya saumitrirayamāgataḥ || 34 ||
[Analyze grammar]

te mahaughanibhaṃ dṛṣṭvā vajrāśanisamasvanam |
siṃhanādaṃ samaṃ cakrurlakṣmaṇasya samīpataḥ || 35 ||
[Analyze grammar]

tena śabdena mahatā pratyabudhyata vānaraḥ |
madavihvalatāmrākṣo vyākulasragvibhūṣaṇaḥ || 36 ||
[Analyze grammar]

athāṅgadavacaḥ śrutvā tenaiva ca samāgatau |
mantriṇo vānarendrasya saṃmatodāradarśinau || 37 ||
[Analyze grammar]

plakṣaścaiva prabhāvaśca mantriṇāvarthadharmayoḥ |
vaktumuccāvacaṃ prāptaṃ lakṣmaṇaṃ tau śaśaṃsatuḥ || 38 ||
[Analyze grammar]

prasādayitvā sugrīvaṃ vacanaiḥ sāmaniścitaiḥ |
āsīnaṃ paryupāsīnau yathā śakraṃ marutpatim || 39 ||
[Analyze grammar]

satyasaṃdhau mahābhāgau bhrātarau rāmalakṣmaṇau |
vayasya bhāvaṃ saṃprāptau rājyārhau rājyadāyinau || 40 ||
[Analyze grammar]

tayoreko dhanuṣpāṇirdvāri tiṣṭhati lakṣmaṇaḥ |
yasya bhītāḥ pravepante nādānmuñcanti vānarāḥ || 41 ||
[Analyze grammar]

sa eṣa rāghavabhrātā lakṣmaṇo vākyasārathiḥ |
vyavasāya rathaḥ prāptastasya rāmasya śāsanāt || 42 ||
[Analyze grammar]

tasya mūrdhnā praṇamya tvaṃ saputraḥ saha bandhubhiḥ |
rājaṃstiṣṭha svasamaye bhava satyapratiśravaḥ || 43 ||
[Analyze grammar]