Chapter 22

tat prayātaṃ balaṃ ghoramaśivaṃ śoṇitodakam |
abhyavarṣanmahāmeghastumulo gardabhāruṇaḥ || 1 ||
[Analyze grammar]

nipetusturagāstasya rathayuktā mahājavāḥ |
same puṣpacite deśe rājamārge yadṛcchayā || 2 ||
[Analyze grammar]

śyāmaṃ rudhiraparyantaṃ babhūva pariveṣaṇam |
alātacakrapratimaṃ pratigṛhya divākaram || 3 ||
[Analyze grammar]

tato dhvajamupāgamya hemadaṇḍaṃ samucchritam |
samākramya mahākāyastasthau gṛdhraḥ sudāruṇaḥ || 4 ||
[Analyze grammar]

janasthānasamīpe ca samākramya kharasvanāḥ |
visvarān vividhāṃścakrurmāṃsādā mṛgapakṣiṇaḥ || 5 ||
[Analyze grammar]

vyājahruśca padīptāyāṃ diśi vai bhairavasvanam |
aśivā yātu dāhānāṃ śivā ghorā mahāsvanāḥ || 6 ||
[Analyze grammar]

prabhinnagirisaṃkāśāstoyaśoṣitadhāriṇaḥ |
ākāśaṃ tadanākāśaṃ cakrurbhīmā balāhakāḥ || 7 ||
[Analyze grammar]

babhūva timiraṃ ghoramuddhataṃ romaharṣaṇam |
diśo vā vidiśo vāpi suvyaktaṃ na cakāśire || 8 ||
[Analyze grammar]

kṣatajārdrasavarṇābhā saṃdhyākālaṃ vinā babhau |
kharasyābhimukhaṃ nedustadā ghorā mṛgāḥ khagāḥ || 9 ||
[Analyze grammar]

nityāśivakarā yuddhe śivā ghoranidarśanāḥ |
nedurbalasyābhimukhaṃ jvālodgāribhirānanaiḥ || 10 ||
[Analyze grammar]

kabandhaḥ parighābhāso dṛśyate bhāskarāntike |
jagrāha sūryaṃ svarbhānuraparvaṇi mahāgrahaḥ || 11 ||
[Analyze grammar]

pravāti mārutaḥ śīghraṃ niṣprabho'bhūddivākaraḥ |
utpetuśca vinā rātriṃ tārāḥ khadyotasaprabhāḥ || 12 ||
[Analyze grammar]

saṃlīnamīnavihagā nalinyaḥ puṣpapaṅkajāḥ |
tasmin kṣaṇe babhūvuśca vinā puṣpaphalairdrumāḥ || 13 ||
[Analyze grammar]

uddhūtaśca vinā vātaṃ reṇurjaladharāruṇaḥ |
vīcīkūcīti vāśyanto babhūvustatra sārikāḥ || 14 ||
[Analyze grammar]

ulkāścāpi sanirghoṣā nipeturghoradarśanāḥ |
pracacāla mahī cāpi saśailavanakānanā || 15 ||
[Analyze grammar]

kharasya ca rathasthasya nardamānasya dhīmataḥ |
prākampata bhujaḥ savyaḥ kharaścāsyāvasajjata || 16 ||
[Analyze grammar]

sāsrā saṃpadyate dṛṣṭiḥ paśyamānasya sarvataḥ |
lalāṭe ca rujā jātā na ca mohānnyavartata || 17 ||
[Analyze grammar]

tān samīkṣya mahotpātānutthitān romaharṣaṇān |
abravīd rākṣasān sarvānprahasan sa kharastadā || 18 ||
[Analyze grammar]

mahotpātānimān sarvānutthitān ghoradarśanān |
na cintayāmyahaṃ vīryādbalavāndurbalāniva || 19 ||
[Analyze grammar]

tārā api śaraistīkṣṇaiḥ pātayeyaṃ nabhastalāt |
mṛtyuṃ maraṇadharmeṇa saṃkruddho yojayāmyaham || 20 ||
[Analyze grammar]

rāghavaṃ taṃ balotsiktaṃ bhrātaraṃ cāpi lakṣmaṇam |
ahatvā sāyakaistīkṣṇairnopāvartitumutsahe || 21 ||
[Analyze grammar]

sakāmā bhaginī me'stu pītvā tu rudhiraṃ tayoḥ |
yannimittaṃ tu rāmasya lakṣmaṇasya viparyayaḥ || 22 ||
[Analyze grammar]

na kva cit prāptapūrvo me saṃyugeṣu parājayaḥ |
yuṣmākametat pratyakṣaṃ nānṛtaṃ kathayāmyaham || 23 ||
[Analyze grammar]

devarājamapi kruddho mattairāvatayāyinam |
vajrahastaṃ raṇe hanyāṃ kiṃ punastau ca mānuṣau || 24 ||
[Analyze grammar]

sā tasya garjitaṃ śrutvā rākṣasasya mahācamūḥ |
praharṣamatulaṃ lebhe mṛtyupāśāvapāśitā || 25 ||
[Analyze grammar]

sameyuśca mahātmāno yuddhadarśanakāṅkṣiṇaḥ |
ṛṣayo devagandharvāḥ siddhāśca saha cāraṇaiḥ || 26 ||
[Analyze grammar]

sametya coruḥ sahitāste'nyāyaṃ puṇyakarmaṇaḥ |
svasti gobrāhmaṇebhyo'stu lokānāṃ ye ca saṃmatāḥ || 27 ||
[Analyze grammar]

jayatāṃ rāghavo yuddhe paulastyān rajanīcarān |
cakrā hasto yathā yuddhe sarvānasurapuṃgavān || 28 ||
[Analyze grammar]

etaccānyacca bahuśo bruvāṇāḥ paramarṣayaḥ |
dadṛśurvāhinīṃ teṣāṃ rākṣasānāṃ gatāyuṣām || 29 ||
[Analyze grammar]

rathena tu kharo vegāt sainyasyāgrādviniḥsṛtaḥ |
taṃ dṛṣṭvā rākṣasaṃ bhūyo rākṣasāśca viniḥsṛtāḥ || 30 ||
[Analyze grammar]

śyena gāmī pṛthugrīvo yajñaśatrurvihaṃgamaḥ |
durjayaḥ karavīrākṣaḥ paruṣaḥ kālakārmukaḥ || 31 ||
[Analyze grammar]

meghamālī mahāmālī sarpāsyo rudhirāśanaḥ |
dvādaśaite mahāvīryāḥ pratasthurabhitaḥ kharam || 32 ||
[Analyze grammar]

mahākapālaḥ sthūlākṣaḥ pramāthī triśirāstathā |
catvāra ete senāgryā dūṣaṇaṃ pṛṣṭhato'nvayuḥ || 33 ||
[Analyze grammar]

sā bhīmavegā samarābhikāmā sudāruṇā rākṣasavīra senā |
tau rājaputrau sahasābhyupetā mālāgrahāṇāmiva candrasūryau || 34 ||
[Analyze grammar]