Chapter 107

tato nikṣipya mātṝḥ sa ayodhyāyāṃ dṛḍhavrataḥ |
bharataḥ śokasaṃtapto gurūnidamathābravīt || 1 ||
[Analyze grammar]

nandigrāmaṃ gamiṣyāmi sarvānāmantraye'dya vaḥ |
tatra duḥkhamidaṃ sarvaṃ sahiṣye rāghavaṃ vinā || 2 ||
[Analyze grammar]

gataśca hi divaṃ rājā vanasthaśca gururmama |
rāmaṃ pratīkṣe rājyāya sa hi rājā mahāyaśāḥ || 3 ||
[Analyze grammar]

etacchrutvā śubhaṃ vākyaṃ bharatasya mahātmanaḥ |
abruvanmantriṇaḥ sarve vasiṣṭhaśca purohitaḥ || 4 ||
[Analyze grammar]

sadṛśaṃ ślāghanīyaṃ ca yaduktaṃ bharata tvayā |
vacanaṃ bhrātṛvātsalyādanurūpaṃ tavaiva tat || 5 ||
[Analyze grammar]

nityaṃ te bandhulubdhasya tiṣṭhato bhrātṛsauhṛde |
āryamārgaṃ prapannasya nānumanyeta kaḥ pumān || 6 ||
[Analyze grammar]

mantriṇāṃ vacanaṃ śrutvā yathābhilaṣitaṃ priyam |
abravīt sārathiṃ vākyaṃ ratho me yujyatāmiti || 7 ||
[Analyze grammar]

prahṛṣṭavadanaḥ sarvā mātṝḥ samabhivādya saḥ |
āruroha rathaṃ śrīmāñ śatrughnena samanvitaḥ || 8 ||
[Analyze grammar]

āruhya tu rathaṃ śīghraṃ śatrughnabharatāv ubhau |
yayatuḥ paramaprītau vṛtau mantripurohitaiḥ || 9 ||
[Analyze grammar]

agrato puravastatra vasiṣṭha pramukhā dvijāḥ |
prayayuḥ prāṅmukhāḥ sarve nandigrāmo yato'bhavat || 10 ||
[Analyze grammar]

balaṃ ca tadanāhūtaṃ gajāśvarathasaṃkulam |
prayayau bharate yāte sarve ca puravāsinaḥ || 11 ||
[Analyze grammar]

rathasthaḥ sa tu dharmātmā bharato bhrātṛvatsalaḥ |
nandigrāmaṃ yayau tūrṇaṃ śirasyādhāya pāduke || 12 ||
[Analyze grammar]

tatastu bharataḥ kṣipraṃ nandigrāmaṃ praviśya saḥ |
avatīrya rathāttūrṇaṃ gurūnidamuvāca ha || 13 ||
[Analyze grammar]

etad rājyaṃ mama bhrātrā dattaṃ saṃnyāsavat svayam |
yogakṣemavahe ceme pāduke hemabhūṣite |
tamimaṃ pālayiṣyāmi rāghavāgamanaṃ prati || 14 ||
[Analyze grammar]

kṣipraṃ saṃyojayitvā tu rāghavasya punaḥ svayam |
caraṇau tau tu rāmasya drakṣyāmi sahapādukau || 15 ||
[Analyze grammar]

tato nikṣiptabhāro'haṃ rāghaveṇa samāgataḥ |
nivedya gurave rājyaṃ bhajiṣye guruvṛttitām || 16 ||
[Analyze grammar]

rāghavāya ca saṃnyāsaṃ dattveme varapāduke |
rājyaṃ cedamayodhyāṃ ca dhūtapāpo bhavāmi ca || 17 ||
[Analyze grammar]

abhiṣikte tu kākutsthe prahṛṣṭamudite jane |
prītirmama yaśaścaiva bhaved rājyāccaturguṇam || 18 ||
[Analyze grammar]

evaṃ tu vilapandīno bharataḥ sa mahāyaśāḥ |
nandigrāme'karod rājyaṃ duḥkhito mantribhiḥ saha || 19 ||
[Analyze grammar]

sa valkalajaṭādhārī muniveṣadharaḥ prabhuḥ |
nandigrāme'vasadvīraḥ sasainyo bharatastadā || 20 ||
[Analyze grammar]

rāmāgamanamākāṅkṣanbharato bhrātṛvatsalaḥ |
bhrāturvacanakārī ca pratijñāpāragastadā || 21 ||
[Analyze grammar]

pāduke tvabhiṣicyātha nandigrāme'vasattadā |
bharataḥ śāsanaṃ sarvaṃ pādukābhyāṃ nyavedayat || 22 ||
[Analyze grammar]