Chapter 103

vasiṣṭhastu tadā rāmamuktvā rājapurohitaḥ |
abravīddharmasaṃyuktaṃ punarevāparaṃ vacaḥ || 1 ||
[Analyze grammar]

puruṣasyeha jātasya bhavanti guravastrayaḥ |
ācāryaścaiva kākutstha pitā mātā ca rāghava || 2 ||
[Analyze grammar]

pitā hyenaṃ janayati puruṣaṃ puruṣarṣabha |
prajñāṃ dadāti cācāryastasmāt sa gururucyate || 3 ||
[Analyze grammar]

sa te'haṃ piturācāryastava caiva paraṃtapa |
mama tvaṃ vacanaṃ kurvannātivarteḥ satāṃ gatim || 4 ||
[Analyze grammar]

imā hi te pariṣadaḥ śreṇayaśca samāgatāḥ |
eṣu tāta carandharmaṃ nātivarteḥ satāṃ gatim || 5 ||
[Analyze grammar]

vṛddhāyā dharmaśīlāyā māturnārhasyavartitum |
asyāstu vacanaṃ kurvannātivarteḥ satāṃ gatim || 6 ||
[Analyze grammar]

bharatasya vacaḥ kurvanyācamānasya rāghava |
ātmānaṃ nātivartestvaṃ satyadharmaparākrama || 7 ||
[Analyze grammar]

evaṃ madhuramuktastu guruṇā rāghavaḥ svayam |
pratyuvāca samāsīnaṃ vasiṣṭhaṃ puruṣarṣabhaḥ || 8 ||
[Analyze grammar]

yanmātāpitarau vṛttaṃ tanaye kurutaḥ sadā |
na supratikaraṃ tattu mātrā pitrā ca yat kṛtam || 9 ||
[Analyze grammar]

yathāśakti pradānena snāpanācchādanena ca |
nityaṃ ca priyavādena tathā saṃvardhanena ca || 10 ||
[Analyze grammar]

sa hi rājā janayitā pitā daśaratho mama |
ājñātaṃ yanmayā tasya na tanmithyā bhaviṣyati || 11 ||
[Analyze grammar]

evamuktastu rāmeṇa bharataḥ pratyanantaram |
uvāca paramodāraḥ sūtaṃ paramadurmanāḥ || 12 ||
[Analyze grammar]

iha me sthaṇḍile śīghraṃ kuśānāstara sārathe |
āryaṃ pratyupavekṣyāmi yāvanme na prasīdati || 13 ||
[Analyze grammar]

anāhāro nirāloko dhanahīno yathā dvijaḥ |
śeṣye purastācchālāyā yāvanna pratiyāsyati || 14 ||
[Analyze grammar]

sa tu rāmamavekṣantaṃ sumantraṃ prekṣya durmanāḥ |
kuśottaramupasthāpya bhūmāvevāstarat svayam || 15 ||
[Analyze grammar]

tamuvāca mahātejā rāmo rājarṣisattamāḥ |
kiṃ māṃ bharata kurvāṇaṃ tāta pratyupavekṣyasi || 16 ||
[Analyze grammar]

brāhmaṇo hyekapārśvena narān roddhumihārhati |
na tu mūrdhāvasiktānāṃ vidhiḥ pratyupaveśane || 17 ||
[Analyze grammar]

uttiṣṭha naraśārdūla hitvaitaddāruṇaṃ vratam |
puravaryāmitaḥ kṣipramayodhyāṃ yāhi rāghava || 18 ||
[Analyze grammar]

āsīnastveva bharataḥ paurajānapadaṃ janam |
uvāca sarvataḥ prekṣya kimāryaṃ nānuśāsatha || 19 ||
[Analyze grammar]

te tamūcurmahātmānaṃ paurajānapadā janāḥ |
kākutsthamabhijānīmaḥ samyagvadati rāghavaḥ || 20 ||
[Analyze grammar]

eṣo'pi hi mahābhāgaḥ piturvacasi tiṣṭhati |
ata eva na śaktāḥ smo vyāvartayitumañjasā || 21 ||
[Analyze grammar]

teṣāmājñāya vacanaṃ rāmo vacanamabravīt |
evaṃ nibodha vacanaṃ suhṛdāṃ dharmacakṣuṣām || 22 ||
[Analyze grammar]

etaccaivobhayaṃ śrutvā samyak saṃpaśya rāghava |
uttiṣṭha tvaṃ mahābāho māṃ ca spṛśa tathodakam || 23 ||
[Analyze grammar]

athotthāya jalaṃ spṛṣṭvā bharato vākyamabravīt |
śṛṇvantu me pariṣado mantriṇaḥ śreṇayastathā || 24 ||
[Analyze grammar]

na yāce pitaraṃ rājyaṃ nānuśāsāmi mātaram |
āryaṃ paramadharmajñamabhijānāmi rāghavam || 25 ||
[Analyze grammar]

yadi tvavaśyaṃ vastavyaṃ kartavyaṃ ca piturvacaḥ |
ahameva nivatsyāmi caturdaśa vane samāḥ || 26 ||
[Analyze grammar]

dharmātmā tasya tathyena bhrāturvākyena vismitaḥ |
uvāca rāmaḥ saṃprekṣya paurajānapadaṃ janam || 27 ||
[Analyze grammar]

vikrītamāhitaṃ krītaṃ yat pitrā jīvatā mama |
na tal lopayituṃ śakyaṃ mayā vā bharatena vā || 28 ||
[Analyze grammar]

upadhirna mayā kāryo vanavāse jugupsitaḥ |
yuktamuktaṃ ca kaikeyyā pitrā me sukṛtaṃ kṛtam || 29 ||
[Analyze grammar]

jānāmi bharataṃ kṣāntaṃ gurusatkārakāriṇam |
sarvamevātra kalyāṇaṃ satyasaṃdhe mahātmani || 30 ||
[Analyze grammar]

anena dharmaśīlena vanāt pratyāgataḥ punaḥ |
bhrātrā saha bhaviṣyāmi pṛthivyāḥ patiruttamaḥ || 31 ||
[Analyze grammar]

vṛto rājā hi kaikeyyā mayā tadvacanaṃ kṛtam |
anṛtānmocayānena pitaraṃ taṃ mahīpatim || 32 ||
[Analyze grammar]