Chapter 101

jābālestu vacaḥ śrutvā rāmaḥ satyātmanāṃ varaḥ |
uvāca parayā yuktyā svabuddhyā cāvipannayā || 1 ||
[Analyze grammar]

bhavānme priyakāmārthaṃ vacanaṃ yadihoktavān |
akāryaṃ kāryasaṃkāśamapathyaṃ pathyasaṃmitam || 2 ||
[Analyze grammar]

nirmaryādastu puruṣaḥ pāpācārasamanvitaḥ |
mānaṃ na labhate satsu bhinnacāritradarśanaḥ || 3 ||
[Analyze grammar]

kulīnamakulīnaṃ vā vīraṃ puruṣamāninam |
cāritrameva vyākhyāti śuciṃ vā yadi vāśucim || 4 ||
[Analyze grammar]

anāryastvāryasaṃkāśaḥ śaucāddhīnastathā śuciḥ |
lakṣaṇyavadalakṣaṇyo duḥśīlaḥ śīlavāniva || 5 ||
[Analyze grammar]

adharmaṃ dharmaveṣeṇa yadīmaṃ lokasaṃkaram |
abhipatsye śubhaṃ hitvā kriyāvidhivivarjitam || 6 ||
[Analyze grammar]

kaścetayānaḥ puruṣaḥ kāryākāryavicakṣaṇaḥ |
bahu maṃsyati māṃ loke durvṛttaṃ lokadūṣaṇam || 7 ||
[Analyze grammar]

kasya yāsyāmyahaṃ vṛttaṃ kena vā svargamāpnuyām |
anayā vartamāno'haṃ vṛttyā hīnapratijñayā || 8 ||
[Analyze grammar]

kāmavṛttastvayaṃ lokaḥ kṛtsnaḥ samupavartate |
yadvṛttāḥ santi rājānastadvṛttāḥ santi hi prajāḥ || 9 ||
[Analyze grammar]

satyamevānṛśaṃsyaṃ ca rājavṛttaṃ sanātanam |
tasmāt satyātmakaṃ rājyaṃ satye lokaḥ pratiṣṭhitaḥ || 10 ||
[Analyze grammar]

ṛṣayaścaiva devāśca satyameva hi menire |
satyavādī hi loke'sminparamaṃ gacchati kṣayam || 11 ||
[Analyze grammar]

udvijante yathā sarpānnarādanṛtavādinaḥ |
dharmaḥ satyaṃ paro loke mūlaṃ svargasya cocyate || 12 ||
[Analyze grammar]

satyameveśvaro loke satyaṃ padmā samāśritā |
satyamūlāni sarvāṇi satyānnāsti paraṃ padam || 13 ||
[Analyze grammar]

dattamiṣṭaṃ hutaṃ caiva taptāni ca tapāṃsi ca |
vedāḥ satyapratiṣṭhānāstasmāt satyaparo bhavet || 14 ||
[Analyze grammar]

ekaḥ pālayate lokamekaḥ pālayate kulam |
majjatyeko hi niraya ekaḥ svarge mahīyate || 15 ||
[Analyze grammar]

so'haṃ piturnideśaṃ tu kimarthaṃ nānupālaye |
satyapratiśravaḥ satyaṃ satyena samayīkṛtaḥ || 16 ||
[Analyze grammar]

naiva lobhānna mohādvā na cājñānāttamo'nvitaḥ |
setuṃ satyasya bhetsyāmi guroḥ satyapratiśravaḥ || 17 ||
[Analyze grammar]

asatyasaṃdhasya sataścalasyāsthiracetasaḥ |
naiva devā na pitaraḥ pratīcchantīti naḥ śrutam || 18 ||
[Analyze grammar]

pratyagātmamimaṃ dharmaṃ satyaṃ paśyāmyahaṃ svayam |
bhāraḥ satpuruṣācīrṇastadarthamabhinandyate || 19 ||
[Analyze grammar]

kṣātraṃ dharmamahaṃ tyakṣye hyadharmaṃ dharmasaṃhitam |
kṣudraurnṛśaṃsairlubdhaiśca sevitaṃ pāpakarmabhiḥ || 20 ||
[Analyze grammar]

kāyena kurute pāpaṃ manasā saṃpradhārya ca |
anṛtaṃ jihvayā cāha trividhaṃ karma pātakam || 21 ||
[Analyze grammar]

bhūmiḥ kīrtiryaśo lakṣmīḥ puruṣaṃ prārthayanti hi |
svargasthaṃ cānubadhnanti satyameva bhajeta tat || 22 ||
[Analyze grammar]

śreṣṭhaṃ hyanāryameva syād yadbhavānavadhārya mām |
āha yuktikarairvākyairidaṃ bhadraṃ kuruṣva ha || 23 ||
[Analyze grammar]

kathaṃ hyahaṃ pratijñāya vanavāsamimaṃ guroḥ |
bharatasya kariṣyāmi vaco hitvā gurorvacaḥ || 24 ||
[Analyze grammar]

sthirā mayā pratijñātā pratijñā gurusaṃnidhau |
prahṛṣṭamānasā devī kaikeyī cābhavattadā || 25 ||
[Analyze grammar]

vanavāsaṃ vasannevaṃ śucirniyatabhojanaḥ |
mūlaiḥ puṣpaiḥ phalaiḥ puṇyaiḥ pitṝndevāṃśca tarpayan || 26 ||
[Analyze grammar]

saṃtuṣṭapañcavargo'haṃ lokayātrāṃ pravartaye |
akuhaḥ śraddadhānaḥ san kāryākāryavicakṣaṇaḥ || 27 ||
[Analyze grammar]

karmabhūmimimāṃ prāpya kartavyaṃ karma yacchubham |
agnirvāyuśca somaśca karmaṇāṃ phalabhāginaḥ || 28 ||
[Analyze grammar]

śataṃ kratūnāmāhṛtya devarāṭ tridivaṃ gataḥ |
tapāṃsyugrāṇi cāsthāya divaṃ yātā maharṣayaḥ || 29 ||
[Analyze grammar]

satyaṃ ca dharmaṃ ca parākramaṃ ca bhūtānukampāṃ priyavāditāṃ ca |
dvijātidevātithipūjanaṃ ca panthānamāhustridivasya santaḥ || 30 ||
[Analyze grammar]

dharme ratāḥ satpuruṣaiḥ sametāstejasvino dānaguṇapradhānāḥ |
ahiṃsakā vītamalāśca loke bhavanti pūjyā munayaḥ pradhānāḥ || 31 ||
[Analyze grammar]