Chapter 71

tato daśāhe'tigate kṛtaśauco nṛpātmajaḥ |
dvādaśe'hani saṃprāpte śrāddhakarmāṇyakārayat || 1 ||
[Analyze grammar]

brāhmaṇebhyo dadau ratnaṃ dhanamannaṃ ca puṣkalam |
bāstikaṃ bahuśuklaṃ ca gāścāpi śataśastathā || 2 ||
[Analyze grammar]

dāsīdāsaṃ ca yānaṃ ca veśmāni sumahānti ca |
brāhmaṇebhyo dadau putro rājñastasyaurdhvadaihikam || 3 ||
[Analyze grammar]

tataḥ prabhātasamaye divase'tha trayodaśe |
vilalāpa mahābāhurbharataḥ śokamūrchitaḥ || 4 ||
[Analyze grammar]

śabdāpihitakaṇṭhaśca śodhanārthamupāgataḥ |
citāmūle piturvākyamidamāha suduḥkhitaḥ || 5 ||
[Analyze grammar]

tāta yasminniṣṛṣṭo'haṃ tvayā bhrātari rāghave |
tasmin vanaṃ pravrajite śūnye tyakto'smyahaṃ tvayā || 6 ||
[Analyze grammar]

yathāgatiranāthāyāḥ putraḥ pravrājito vanam |
tāmambāṃ tāta kausalyāṃ tyaktvā tvaṃ kva gato nṛpa || 7 ||
[Analyze grammar]

dṛṣṭvā bhasmāruṇaṃ tacca dagdhāsthisthānamaṇḍalam |
pituḥ śarīra nirvāṇaṃ niṣṭanan viṣasāda ha || 8 ||
[Analyze grammar]

sa tu dṛṣṭvā rudandīnaḥ papāta dharaṇītale |
utthāpyamānaḥ śakrasya yantra dhvaja iva cyutaḥ || 9 ||
[Analyze grammar]

abhipetustataḥ sarve tasyāmātyāḥ śucivratam |
antakāle nipatitaṃ yayātimṛṣayo yathā || 10 ||
[Analyze grammar]

śatrughnaścāpi bharataṃ dṛṣṭvā śokapariplutam |
visaṃjño nyapatadbhūmau bhūmipālamanusmaran || 11 ||
[Analyze grammar]

unmatta iva niścetā vilalāpa suduḥkhitaḥ |
smṛtvā piturguṇāṅgāni tāni tāni tadā tadā || 12 ||
[Analyze grammar]

mantharā prabhavastīvraḥ kaikeyīgrāhasaṃkulaḥ |
varadānamayo'kṣobhyo'majjayacchokasāgaraḥ || 13 ||
[Analyze grammar]

sukumāraṃ ca bālaṃ ca satataṃ lālitaṃ tvayā |
kva tāta bharataṃ hitvā vilapantaṃ gato bhavān || 14 ||
[Analyze grammar]

nanu bhojyeṣu pāneṣu vastreṣvābharaṇeṣu ca |
pravārayasi naḥ sarvāṃstannaḥ ko'dya kariṣyati || 15 ||
[Analyze grammar]

avadāraṇa kāle tu pṛthivī nāvadīryate |
vihīnā yā tvayā rājñā dharmajñena mahātmanā || 16 ||
[Analyze grammar]

pitari svargamāpanne rāme cāraṇyamāśrite |
kiṃ me jīvita sāmarthyaṃ pravekṣyāmi hutāśanam || 17 ||
[Analyze grammar]

hīno bhrātrā ca pitrā ca śūnyāmikṣvākupālitām |
ayodhyāṃ na pravekṣyāmi pravekṣyāmi tapovanam || 18 ||
[Analyze grammar]

tayorvilapitaṃ śrutvā vyasanaṃ cānvavekṣya tat |
bhṛśamārtatarā bhūyaḥ sarva evānugāminaḥ || 19 ||
[Analyze grammar]

tato viṣaṇṇau śrāntau ca śatrughnabharatāv ubhau |
dharaṇyāṃ saṃvyaceṣṭetāṃ bhagnaśṛṅgāvivarṣabhau || 20 ||
[Analyze grammar]

tataḥ prakṛtimān vaidyaḥ pitureṣāṃ purohitaḥ |
vasiṣṭho bharataṃ vākyamutthāpya tamuvāca ha || 21 ||
[Analyze grammar]

trīṇi dvandvāni bhūteṣu pravṛttānyaviśeṣataḥ |
teṣu cāparihāryeṣu naivaṃ bhavitumarhati || 22 ||
[Analyze grammar]

sumantraścāpi śatrughnamutthāpyābhiprasādya ca |
śrāvayāmāsa tattvajñaḥ sarvabhūtabhavābhavau || 23 ||
[Analyze grammar]

utthitau tau naravyāghrau prakāśete yaśasvinau |
varṣātapapariklinnau pṛthagindradhvajāviva || 24 ||
[Analyze grammar]

aśrūṇi parimṛdnantau raktākṣau dīnabhāṣiṇau |
amātyāstvarayanti sma tanayau cāparāḥ kriyāḥ || 25 ||
[Analyze grammar]