Chapter 70

tamevaṃ śokasaṃtaptaṃ bharataṃ kekayīsutam |
uvāca vadatāṃ śreṣṭho vasiṣṭhaḥ śreṣṭhavāgṛṣiḥ || 1 ||
[Analyze grammar]

alaṃ śokena bhadraṃ te rājaputra mahāyaśaḥ |
prāptakālaṃ narapateḥ kuru saṃyānamuttaram || 2 ||
[Analyze grammar]

vasiṣṭhasya vacaḥ śrutvā bharato dhāraṇāṃ gataḥ |
pretakāryāṇi sarvāṇi kārayāmāsa dharmavit || 3 ||
[Analyze grammar]

uddhṛtaṃ tailasaṃkledāt sa tu bhūmau niveśitam |
āpītavarṇavadanaṃ prasuptamiva bhūmipam || 4 ||
[Analyze grammar]

niveśya śayane cāgrye nānāratnapariṣkṛte |
tato daśarathaṃ putro vilalāpa suduḥkhitaḥ || 5 ||
[Analyze grammar]

kiṃ te vyavasitaṃ rājanproṣite mayyanāgate |
vivāsya rāmaṃ dharmajñaṃ lakṣmaṇaṃ ca mahābalam || 6 ||
[Analyze grammar]

kva yāsyasi mahārāja hitvemaṃ duḥkhitaṃ janam |
hīnaṃ puruṣasiṃhena rāmeṇākliṣṭakarmaṇā || 7 ||
[Analyze grammar]

yogakṣemaṃ tu te rājan ko'smin kalpayitā pure |
tvayi prayāte svastāta rāme ca vanamāśrite || 8 ||
[Analyze grammar]

vidhavā pṛthivī rājaṃstvayā hīnā na rājate |
hīnacandreva rajanī nagarī pratibhāti mām || 9 ||
[Analyze grammar]

evaṃ vilapamānaṃ taṃ bharataṃ dīnamānasaṃ |
abravīdvacanaṃ bhūyo vasiṣṭhastu mahānṛṣiḥ || 10 ||
[Analyze grammar]

pretakāryāṇi yānyasya kartavyāni viśāmpateḥ |
tānyavyagraṃ mahābāho kriyatāmavicāritam || 11 ||
[Analyze grammar]

tatheti bharato vākyaṃ vasiṣṭhasyābhipūjya tat |
ṛtvikpurohitācāryāṃstvarayāmāsa sarvaśaḥ || 12 ||
[Analyze grammar]

ye tvagrato narendrasya agnyagārādbahiṣkṛtāḥ |
ṛtvigbhiryājakaiścaiva te hriyante yathāvidhi || 13 ||
[Analyze grammar]

śibilāyāmathāropya rājānaṃ gatacetanam |
bāṣpakaṇṭhā vimanasastamūhuḥ paricārakāḥ || 14 ||
[Analyze grammar]

hiraṇyaṃ ca suvarṇaṃ ca vāsāṃsi vividhāni ca |
prakiranto janā mārgaṃ nṛpateragrato yayuḥ || 15 ||
[Analyze grammar]

candanāguruniryāsān saralaṃ padmakaṃ tathā |
devadārūṇi cāhṛtya citāṃ cakrustathāpare || 16 ||
[Analyze grammar]

gandhānuccāvacāṃścānyāṃstatra dattvātha bhūmipam |
tataḥ saṃveśayāmāsuścitāmadhye tamṛtvijaḥ || 17 ||
[Analyze grammar]

tathā hutāśanaṃ hutvā jepustasya tadartvijaḥ |
jaguśca te yathāśāstraṃ tatra sāmāni sāmagāḥ || 18 ||
[Analyze grammar]

śibikābhiśca yānaiśca yathārhaṃ tasya yoṣitaḥ |
nagarānniryayustatra vṛddhaiḥ parivṛtāstadā || 19 ||
[Analyze grammar]

prasavyaṃ cāpi taṃ cakrurṛtvijo'gnicitaṃ nṛpam |
striyaśca śokasaṃtaptāḥ kausalyā pramukhāstadā || 20 ||
[Analyze grammar]

krauñcīnāmiva nārīṇāṃ ninādastatra śuśruve |
ārtānāṃ karuṇaṃ kāle krośantīnāṃ sahasraśaḥ || 21 ||
[Analyze grammar]

tato rudantyo vivaśā vilapya ca punaḥ punaḥ |
yānebhyaḥ sarayūtīramavaterurvarāṅganāḥ || 22 ||
[Analyze grammar]

kṛtodakaṃ te bharatena sārdhaṃ nṛpāṅganā mantripurohitāśca |
puraṃ praviśyāśruparītanetrā bhūmau daśāhaṃ vyanayanta duḥkham || 23 ||
[Analyze grammar]