Chapter 55

vanaṃ gate dharmapare rāme ramayatāṃ vare |
kausalyā rudatī svārtā bhartāramidamabravīt || 1 ||
[Analyze grammar]

yadyapitriṣu lokeṣu prathitaṃ te mayad yaśaḥ |
sānukrośo vadānyaśca priyavādī ca rāghavaḥ || 2 ||
[Analyze grammar]

kathaṃ naravaraśreṣṭha putrau tau saha sītayā |
duḥkhitau sukhasaṃvṛddhau vane duḥkhaṃ sahiṣyataḥ || 3 ||
[Analyze grammar]

sā nūnaṃ taruṇī śyāmā sukumārī sukhocitā |
kathamuṣṇaṃ ca śītaṃ ca maithilī prasahiṣyate || 4 ||
[Analyze grammar]

bhuktvāśanaṃ viśālākṣī sūpadaṃśānvitaṃ śubham |
vanyaṃ naivāramāhāraṃ kathaṃ sītopabhokṣyate || 5 ||
[Analyze grammar]

gītavāditranirghoṣaṃ śrutvā śubhamaninditā |
kathaṃ kravyādasiṃhānāṃ śabdaṃ śroṣyatyaśobhanam || 6 ||
[Analyze grammar]

mahendradhvajasaṃkāśaḥ kva nu śete mahābhujaḥ |
bhujaṃ parighasaṃkāśamupadhāya mahābalaḥ || 7 ||
[Analyze grammar]

padmavarṇaṃ sukeśāntaṃ padmaniḥśvāsamuttamam |
kadā drakṣyāmi rāmasya vadanaṃ puṣkarekṣaṇam || 8 ||
[Analyze grammar]

vajrasāramayaṃ nūnaṃ hṛdayaṃ me na saṃśayaḥ |
apaśyantyā na taṃ yadvai phalatīdaṃ sahasradhā || 9 ||
[Analyze grammar]

yadi pañcadaśe varṣe rāghavaḥ punareṣyati |
jahyād rājyaṃ ca kośaṃ ca bharatenopabhokṣyate || 10 ||
[Analyze grammar]

evaṃ kanīyasā bhrātrā bhuktaṃ rājyaṃ viśāṃ pate |
bhrātā jyeṣṭhā variṣṭhāśca kimarthaṃ nāvamaṃsyate || 11 ||
[Analyze grammar]

na pareṇāhṛtaṃ bhakṣyaṃ vyāghraḥ khāditumicchati |
evameva naravyāghraḥ paralīḍhaṃ na maṃsyate || 12 ||
[Analyze grammar]

havirājyaṃ puroḍāśāḥ kuśā yūpāśca khādirāḥ |
naitāni yātayāmāni kurvanti punaradhvare || 13 ||
[Analyze grammar]

tathā hyāttamidaṃ rājyaṃ hṛtasārāṃ surāmiva |
nābhimantumalaṃ rāmo naṣṭasomamivādhvaram || 14 ||
[Analyze grammar]

naivaṃvidhamasatkāraṃ rāghavo marṣayiṣyati |
balavāniva śārdūlo bāladherabhimarśanam || 15 ||
[Analyze grammar]

sa tādṛśaḥ siṃhabalo vṛṣabhākṣo nararṣabhaḥ |
svayameva hataḥ pitrā jalajenātmajo yathā || 16 ||
[Analyze grammar]

dvijāti carito dharmaḥ śāstradṛṣṭaḥ sanātanaḥ |
yadi te dharmanirate tvayā putre vivāsite || 17 ||
[Analyze grammar]

gatirevāk patirnāryā dvitīyā gatirātmajaḥ |
tṛtīyā jñātayo rājaṃścaturthī neha vidyate || 18 ||
[Analyze grammar]

tatra tvaṃ caiva me nāsti rāmaśca vanamāśritaḥ |
na vanaṃ gantumicchāmi sarvathā hi hatā tvayā || 19 ||
[Analyze grammar]

hataṃ tvayā rājyamidaṃ sarāṣṭraṃ hatastathātmā saha mantribhiśca |
hatā saputrāsmi hatāśca paurāḥ sutaśca bhāryā ca tava prahṛṣṭau || 20 ||
[Analyze grammar]

imāṃ giraṃ dāruṇaśabdasaṃśritāṃ niśamya rājāpi mumoha duḥkhitaḥ |
tataḥ sa śokaṃ praviveśa pārthivaḥ svaduṣkṛtaṃ cāpi punastadāsmarat || 21 ||
[Analyze grammar]