Chapter 2

tataḥ pariṣadaṃ sarvāmāmantrya vasudhādhipaḥ |
hitamuddharṣaṇaṃ cedamuvācāpratimaṃ vacaḥ || 1 ||
[Analyze grammar]

dundubhisvanakalpena gambhīreṇānunādinā |
svareṇa mahatā rājā jīgmūta iva nādayan || 2 ||
[Analyze grammar]

so'hamikṣvākubhiḥ pūrvairnarendraiḥ paripālitam |
śreyasā yoktukāmo'smi sukhārhamakhilaṃ jagat || 3 ||
[Analyze grammar]

mayāpyācaritaṃ pūrvaiḥ panthānamanugacchatā |
prajā nityamatandreṇa yathāśaktyabhirakṣatā || 4 ||
[Analyze grammar]

idaṃ śarīraṃ kṛtsnasya lokasya caratā hitam |
pāṇḍurasyātapatrasyacchāyāyāṃ jaritaṃ mayā || 5 ||
[Analyze grammar]

prāpya varṣasahasrāṇi bahūnyāyūṃṣi jīvitaḥ |
jīrṇasyāsya śarīrasya viśrāntimabhirocaye || 6 ||
[Analyze grammar]

rājaprabhāvajuṣṭāṃ hi durvahāmajitendriyaiḥ |
pariśrānto'smi lokasya gurvīṃ dharmadhuraṃ vahan || 7 ||
[Analyze grammar]

so'haṃ viśramamicchāmi putraṃ kṛtvā prajāhite |
saṃnikṛṣṭānimān sarvānanumānya dvijarṣabhān || 8 ||
[Analyze grammar]

anujāto hi me sarvairguṇairjyeṣṭho mamātmajaḥ |
puraṃdarasamo vīrye rāmaḥ parapuraṃjayaḥ || 9 ||
[Analyze grammar]

taṃ candramiva puṣyeṇa yuktaṃ dharmabhṛtāṃ varam |
yauvarājyena yoktāsmi prītaḥ puruṣapuṃgavam || 10 ||
[Analyze grammar]

anurūpaḥ sa vo nātho lakṣmīvāṃl lakṣmaṇāgrajaḥ |
trailokyamapi nāthena yena syānnāthavattaram || 11 ||
[Analyze grammar]

anena śreyasā sadyaḥ saṃyojyāhamimāṃ mahīm |
gatakleśo bhaviṣyāmi sute tasminniveśya vai || 12 ||
[Analyze grammar]

iti bruvantaṃ muditāḥ pratyanandannṛpā nṛpam |
vṛṣṭimantaṃ mahāmeghaṃ nardantamiva barhiṇaḥ || 13 ||
[Analyze grammar]

tasya dharmārthaviduṣo bhāvamājñāya sarvaśaḥ |
ūcuśca manasā jñātvā vṛddhaṃ daśarathaṃ nṛpam || 14 ||
[Analyze grammar]

anekavarṣasāhasro vṛddhastvamasi pārthiva |
sa rāmaṃ yuvarājānamabhiṣiñcasva pārthivam || 15 ||
[Analyze grammar]

iti tadvacanaṃ śrutvā rājā teṣāṃ manaḥpriyam |
ajānanniva jijñāsuridaṃ vacanamabravīt || 16 ||
[Analyze grammar]

kathaṃ nu mayi dharmeṇa pṛthivīmanuśāsati |
bhavanto draṣṭumicchanti yuvarājaṃ mamātmajam || 17 ||
[Analyze grammar]

te tamūcurmahātmānaṃ paurajānapadaiḥ saha |
bahavo nṛpa kalyāṇā guṇāḥ putrasya santi te || 18 ||
[Analyze grammar]

divyairguṇaiḥ śakrasamo rāmaḥ satyaparākramaḥ |
ikṣvākubhyo hi sarvebhyo'pyatirakto viśāmpate || 19 ||
[Analyze grammar]

rāmaḥ satpuruṣo loke satyadharmaparāyaṇaḥ |
dharmajñaḥ satyasaṃdhaśca śīlavānanasūyakaḥ || 20 ||
[Analyze grammar]

kṣāntaḥ sāntvayitā ślakṣṇaḥ kṛtajño vijitendriyaḥ |
mṛduśca sthiracittaśca sadā bhavyo'nasūyakaḥ || 21 ||
[Analyze grammar]

priyavādī ca bhūtānāṃ satyavādī ca rāghavaḥ |
bahuśrutānāṃ vṛddhānāṃ brāhmaṇānāmupāsitā || 22 ||
[Analyze grammar]

tenāsyehātulā kīrtiryaśastejaśca vardhate |
devāsuramanuṣyāṇāṃ sarvāstreṣu viśāradaḥ || 23 ||
[Analyze grammar]

yadā vrajati saṃgrāmaṃ grāmārthe nagarasya vā |
gatvā saumitrisahito nāvijitya nivartate || 24 ||
[Analyze grammar]

saṃgrāmāt punarāgamya kuñjareṇa rathena vā |
paurān svajanavannityaṃ kuśalaṃ paripṛcchati || 25 ||
[Analyze grammar]

putreṣvagniṣu dāreṣu preṣyaśiṣyagaṇeṣu ca |
nikhilenānupūrvyā ca pitā putrānivaurasān || 26 ||
[Analyze grammar]

śuśrūṣante ca vaḥ śiṣyāḥ kaccit karmasu daṃśitāḥ |
iti naḥ puruṣavyāghraḥ sadā rāmo'bhibhāṣate || 27 ||
[Analyze grammar]

vyasaneṣu manuṣyāṇāṃ bhṛśaṃ bhavati duḥkhitaḥ |
utsaveṣu ca sarveṣu piteva parituṣyati || 28 ||
[Analyze grammar]

satyavādī maheṣvāso vṛddhasevī jitendriyaḥ |
vatsaḥ śreyasi jātaste diṣṭyāsau tava rāghavaḥ |
diṣṭyā putraguṇairyukto mārīca iva kaśyapaḥ || 29 ||
[Analyze grammar]

balamārogyamāyuśca rāmasya viditātmanaḥ |
āśaṃsate janaḥ sarvo rāṣṭre puravare tathā || 30 ||
[Analyze grammar]

abhyantaraśca bāhyaśca paurajānapado janaḥ |
striyo vṛddhāstaruṇyaśca sāyaṃprātaḥ samāhitāḥ || 31 ||
[Analyze grammar]

sarvāndevānnamasyanti rāmasyārthe yaśasvinaḥ |
teṣāmāyācitaṃ deva tvatprasādāt samṛdhyatām || 32 ||
[Analyze grammar]

rāmamindīvaraśyāmaṃ sarvaśatrunibarhaṇam |
paśyāmo yauvarājyasthaṃ tava rājottamātmajam || 33 ||
[Analyze grammar]

taṃ devadevopamamātmajaṃ te sarvasya lokasya hite niviṣṭam |
hitāya naḥ kṣipramudārajuṣṭaṃ mudābhiṣektuṃ varada tvamarhasi || 34 ||
[Analyze grammar]