Chapter 75

śrutvā tajjāmadagnyasya vākyaṃ dāśarathistadā |
gauravād yantritakathaḥ pitū rāmamathābravīt || 1 ||
[Analyze grammar]

śrutavānasmi yat karma kṛtavānasi bhārgava |
anurundhyāmahe brahmanpiturānṛṇyamāsthitaḥ || 2 ||
[Analyze grammar]

vīryahīnamivāśaktaṃ kṣatradharmeṇa bhārgava |
avajānāmi me tejaḥ paśya me'dya parākramam || 3 ||
[Analyze grammar]

ityuktvā rāghavaḥ kruddho bhārgavasya varāyudham |
śaraṃ ca pratisaṃgṛhya hastāl laghuparākramaḥ || 4 ||
[Analyze grammar]

āropya sa dhanū rāmaḥ śaraṃ sajyaṃ cakāra ha |
jāmadagnyaṃ tato rāmaṃ rāmaḥ kruddho'bravīdvacaḥ || 5 ||
[Analyze grammar]

brāhmaṇo'sīti pūjyo me viśvāmitrakṛtena ca |
tasmācchakto na te rāma moktuṃ prāṇaharaṃ śaram || 6 ||
[Analyze grammar]

imāṃ vā tvadgatiṃ rāma tapobalasamārjitān |
lokānapratimān vāpi haniṣyāmi yadicchasi || 7 ||
[Analyze grammar]

na hyayaṃ vaiṣṇavo divyaḥ śaraḥ parapuraṃjayaḥ |
moghaḥ patati vīryeṇa baladarpavināśanaḥ || 8 ||
[Analyze grammar]

varāyudhadharaṃ rāma draṣṭuṃ sarṣigaṇāḥ surāḥ |
pitāmahaṃ puraskṛtya sametāstatra saṃghaśaḥ || 9 ||
[Analyze grammar]

gandharvāpsarasaścaiva siddhacāraṇakiṃnarāḥ |
yakṣarākṣasanāgāśca taddraṣṭuṃ mahadadbhutam || 10 ||
[Analyze grammar]

jaḍīkṛte tadā loke rāme varadhanurdhare |
nirvīryo jāmadagnyo'sau ramo rāmamudaikṣata || 11 ||
[Analyze grammar]

tejobhirhatavīryatvājjāmadagnyo jaḍīkṛtaḥ |
rāmaṃ kamala patrākṣaṃ mandaṃ mandamuvāca ha || 12 ||
[Analyze grammar]

kāśyapāya mayā dattā yadā pūrvaṃ vasuṃdharā |
viṣaye me na vastavyamiti māṃ kāśyapo'bravīt || 13 ||
[Analyze grammar]

so'haṃ guruvacaḥ kurvanpṛthivyāṃ na vase niśām |
iti pratijñā kākutstha kṛtā vai kāśyapasya ha || 14 ||
[Analyze grammar]

tadimāṃ tvaṃ gatiṃ vīra hantuṃ nārhasi rāghava |
manojavaṃ gamiṣyāmi mahendraṃ parvatottamam || 15 ||
[Analyze grammar]

lokāstvapratimā rāma nirjitāstapasā mayā |
jahi tāñ śaramukhyena mā bhūt kālasya paryayaḥ || 16 ||
[Analyze grammar]

akṣayyaṃ madhuhantāraṃ jānāmi tvāṃ sureśvaram |
dhanuṣo'sya parāmarśāt svasti te'stu paraṃtapa || 17 ||
[Analyze grammar]

ete suragaṇāḥ sarve nirīkṣante samāgatāḥ |
tvāmapratimakarmāṇamapratidvandvamāhave || 18 ||
[Analyze grammar]

na ceyaṃ mama kākutstha vrīḍā bhavitumarhati |
tvayā trailokyanāthena yadahaṃ vimukhīkṛtaḥ || 19 ||
[Analyze grammar]

śaramapratimaṃ rāma moktumarhasi suvrata |
śaramokṣe gamiṣyāmi mahendraṃ parvatottamam || 20 ||
[Analyze grammar]

tathā bruvati rāme tu jāmadagnye pratāpavān |
rāmo dāśarathiḥ śrīmāṃścikṣepa śaramuttamam || 21 ||
[Analyze grammar]

tato vitimirāḥ sarvā diśā copadiśastathā |
surāḥ sarṣigaṇā rāmaṃ praśaśaṃsurudāyudham || 22 ||
[Analyze grammar]

rāmaṃ dāśarathiṃ rāmo jāmadagnyaḥ praśasya ca |
tataḥ pradakṣiṇīkṛtya jagāmātmagatiṃ prabhuḥ || 23 ||
[Analyze grammar]