Chapter 73

atha rātryāṃ vyatītāyāṃ viśvāmitro mahāmuniḥ |
āpṛcchya tau ca rājānau jagāmottaraparvatam || 1 ||
[Analyze grammar]

viśvāmitro gate rājā vaidehaṃ mithilādhipam |
āpṛcchyātha jagāmāśu rājā daśarathaḥ purīm || 2 ||
[Analyze grammar]

atha rājā videhānāṃ dadau kanyādhanaṃ bahu |
gavāṃ śatasahasrāṇi bahūni mithileśvaraḥ || 3 ||
[Analyze grammar]

kambalānāṃ ca mukhyānāṃ kṣaumakoṭyambarāṇi ca |
hastyaśvarathapādātaṃ divyarūpaṃ svalaṃkṛtam || 4 ||
[Analyze grammar]

dadau kanyā pitā tāsāṃ dāsīdāsamanuttamam |
hiraṇyasya suvarṇasya muktānāṃ vidrumasya ca || 5 ||
[Analyze grammar]

dadau paramasaṃhṛṣṭaḥ kanyādhanamanuttamam |
dattvā bahudhanaṃ rājā samanujñāpya pārthivam || 6 ||
[Analyze grammar]

praviveśa svanilayaṃ mithilāṃ mithileśvaraḥ |
rājāpyayodhyādhipatiḥ saha putrairmahātmabhiḥ || 7 ||
[Analyze grammar]

ṛṣīn sarvānpuraskṛtya jagāma sabalānugaḥ |
gacchantaṃ tu naravyāghraṃ sarṣisaṃghaṃ sarāghavam || 8 ||
[Analyze grammar]

ghorāḥ sma pakṣiṇo vāco vyāharanti tatastataḥ |
bhaumāścaiva mṛgāḥ sarve gacchanti sma pradakṣiṇam || 9 ||
[Analyze grammar]

tāndṛṣṭvā rājaśārdūlo vasiṣṭhaṃ paryapṛcchata |
asaumyāḥ pakṣiṇo ghorā mṛgāścāpi pradakṣiṇāḥ |
kimidaṃ hṛdayotkampi mano mama viṣīdati || 10 ||
[Analyze grammar]

rājño daśarathasyaitacchrutvā vākyaṃ mahānṛṣiḥ |
uvāca madhurāṃ vāṇīṃ śrūyatāmasya yat phalam || 11 ||
[Analyze grammar]

upasthitaṃ bhayaṃ ghoraṃ divyaṃ pakṣimukhāccyutam |
mṛgāḥ praśamayantyete saṃtāpastyajyatāmayam || 12 ||
[Analyze grammar]

teṣāṃ saṃvadatāṃ tatra vāyuḥ prādurbabhūva ha |
kampayanmedinīṃ sarvāṃ pātayaṃśca drumāñ śubhān || 13 ||
[Analyze grammar]

tamasā saṃvṛtaḥ sūryaḥ sarvā na prababhurdiśaḥ |
bhasmanā cāvṛtaṃ sarvaṃ saṃmūḍhamiva tadbalam || 14 ||
[Analyze grammar]

vasiṣṭha ṛṣayaścānye rājā ca sasutastadā |
sasaṃjñā iva tatrāsan sarvamanyadvicetanam || 15 ||
[Analyze grammar]

tasmiṃstamasi ghore tu bhasmacchanneva sā camūḥ |
dadarśa bhīmasaṃkāśaṃ jaṭāmaṇḍaladhāriṇam || 16 ||
[Analyze grammar]

kailāsamiva durdharṣaṃ kālāgnimiva duḥsaham |
jvalantamiva tejobhirdurnirīkṣyaṃ pṛthagjanaiḥ || 17 ||
[Analyze grammar]

skandhe cāsajya paraśuṃ dhanurvidyudgaṇopamam |
pragṛhya śaramukhyaṃ ca tripuraghnaṃ yathā haram || 18 ||
[Analyze grammar]

taṃ dṛṣṭvā bhīmasaṃkāśaṃ jvalantamiva pāvakam |
vasiṣṭhapramukhā viprā japahomaparāyaṇāḥ |
saṃgatā munayaḥ sarve saṃjajalpuratho mithaḥ || 19 ||
[Analyze grammar]

kaccit pitṛvadhāmarṣī kṣatraṃ notsādayiṣyati |
pūrvaṃ kṣatravadhaṃ kṛtvā gatamanyurgatajvaraḥ |
kṣatrasyotsādanaṃ bhūyo na khalvasya cikīrṣitam || 20 ||
[Analyze grammar]

evamuktvārghyamādāya bhārgavaṃ bhīmadarśanam |
ṛṣayo rāma rāmeti madhurāṃ vācamabruvan || 21 ||
[Analyze grammar]

pratigṛhya tu tāṃ pūjāmṛṣidattāṃ pratāpavān |
rāmaṃ dāśarathiṃ rāmo jāmadagnyo'bhyabhāṣata || 22 ||
[Analyze grammar]